Eka l’oyango wa nkahana l’anto kɛnɛ kekayɛ

Sho ndjaokaka dimɛna etena kekaso awui wendana la Bible koko sho nyomolekaka ndjaoka dimɛna etena katɛso anto akina akambo wakateke wakatokimanyiya dia ndjasukanya la Jehowa. Tokedi 11:25 mbutaka ɔnɛ: “Ɔnɛ lashana ashi wa nnɔ wayowosha ndo nde lawɔ.”

Etena kakahanaso l’anto kɛnɛ kekaso, koka monga wɔdu le so dia mbohɔ awui akɔ ndo mfudia eokelo kaso. Ndo lam’ele awui akɔ koka monga la wahɔ le anto amɔtshi, kɛsɔ toshaka ɔngɛnɔngɛnɔ wa nkahana la wɔ diangɔ di’oshinga wolo diakɔ.—Ets. 20:35.

Hemba nsala nganɛ: Lo lomingu layela, hemba nyanga diaaso dia nkahana awui wakayeke l’onto ɔmɔtshi. Wɛ koka nkahana awui asɔ l’ose nkumbo kayɛ, l’onto ɔmɔtshi la l’etshumanelo kayɛ, l’osekayɛ la l’olimu, l’osekayɛ lala kalasa, l’osukanyi ayɛ kana l’onto ɔmɔtshi lakokayɛ mpomana la nde l’olimu w’esambishelo. Hemba dia mbolembetshiya l’ɛtɛkɛta ayɛ hita lo yoho ya wɔdu ndo yokɛma hwe.

Ohɔka ɔnɛ: Nkahana kɛnɛ kakayeke ekɔ dia nkeketsha anto akina koko aha dia mbawambiya.—1 Kɔr. 8:1.