Etombelo wa kɔlɔ w’oma lo ata

Gary, ladjasɛ la Grande-Bretagne mbutaka ate: “Wɛ mɛnaka wonya tshɛ woho wadiakema anto ndo wahomɔwɔ wolo. Wɛ hayaoke l’ekokelo kaanga yema.”

Wilmar, ladjasɛ la Colombie mbutaka ate: “Lakahomɔ asashi l’ɔkɔngɔ ndo l’elungi ndo lakɛnyi anto efula wakadiakema mbidja ndo akɛnda l’epalanga. Ta koka nkonya onto di’aha ndeka ndjakiyanya dikambo di’asui ndo dia nyɔi.”

Zafirah, ladjasɛ l’États-Unis mbutaka ate: “Etena kakandawɔ onto ɔmɔtshi lo washo ayɛ, dui sɔ tshikalaka lo yimba pondjo. Wɛ mbohɔka lo yimba woho wakasowe onto ɔsɔ. Wɛ hohɛki onto ɔsɔ pondjo.”

Oleksandra, ladjasɛ l’Ukraine mbutaka ate: “Dimi mbokaka oko hamongaki l’ɔngɛnɔngɛnɔ nto pondjo. Wɛ mbokaka wɔma ɔnɛ wɛ, ase nkumbo kayɛ kana angɛnyi ayɛ wayodiakema.”

Daler, ladjasɛ la Tadjikistan mbutaka ate: “Takokaka wɔma memala l’ɔnɔngɔ dia nkonga mbo ya ndɛ oma l’eshidi ehende wa pindju polo eshidi dikumi l’ɔtɔi w’otsho aha la mbeya dia kana disashi diayotonda.”

Marie, ladjasɛ la Rwanda mbutaka ate: “Ta diakatshike etshike. Lakatshikala dimɛ ndo ndooko onto lakakoke sambami kana kokɛmi.”