Kɛnɛ kakoka kokimanyiya dia mbadiaka Bible lushi la lushi

Lam’ele tekɔ l’awui efula wa nsala, shi ondo lo tena dimɔtshi mongaka wolo le yɛ dia ntetemala mbadia Bible lushi la lushi? (Jas. 1:8) Naka ngasɔ, hemba nkamba la tokanyi tayela tɔnɛ:

• Dja alarmɛ. Mbidja alarmɛ l’aparɛyi ayɛ ayokokimanyiyaka dia mbohɔ etena kayɛ ka mbadia Bible.

• Kitsha Bible kayɛ lo dihole diakokayɛ kiɛnaka. Naka Bible ka l’akatshi mbadiayɛ, kete kitshatɔ lo dihole diakokayɛ kiɛnaka lushi tshɛ.—Eoh. 11:18.

• Hokamɛka Bible kakadjama l’eshinga. Hokamɛ Bible kakadjama l’eshinga etena kasalayɛ olimu ayɛ wa lushi la lushi. Kadiyɛso Tara lele ombatshi mboka ndo mama ka nkumbo kakamba l’otsho mbutaka ate: “Pokamɛ Bible kakadjama l’eshinga kimanyiyakami dia nɛmiya ekongelo kami ka wadielo wa Bible wa lushi la lushi.”

• Tohekɔke. Naka dui dimɔtshi diambotomba la shashimoya ndo wɛ aya bu l’akoka wa nɛmiya ekongelo kayɛ ka wadielo wa Bible, kete adia kaanga avɛsa angana la ntondo ka wɛ ndala. Kaanga naka avɛsa angana ato mbadiayɛ lushi tshɛ, kete wɛ ayotetemala nkondja wahɔ.—1 Pe. 2:2.