Onde wɛ kambaka dimɛna la Bible kakadjama l’eshinga?

Bible kakadjama l’eshinga kɛdikɛdi na? Bible kakadjama l’eshinga ekɔ Bible kalohokamɛ ka Ekadimwelo k’andja w’oyoyo kambovusɔma. Tɔ kekɔ lo tatondjama yema yema l’ɛtɛkɛta efula. Dui dimɔtshi dia laande diele la Bible kalohokamɛ kɛsɔ ele, tɔ kekɔ l’atɛkɛtshi wotshikitanyi lo dihole di’onto tshɛ lɔtɛkɛtshiwɔ lo Bible. Tɔtɛkɛta tɔtɔmiyamaka lo wadielo la nsaki dia ntondja losango la lo Bible lo yoho ya mɛtɛ.

Ngande wakondja anto amɔtshi wahɔ oma lo Bible kakadjama l’eshinga? Anto efula wahokamɛ Bible kakadjama l’eshinga kɛsɔ mbala la mbala, ngɛnangɛnaka woho waakonya wadielo ɔsɔ dia nshikikɛ dia Bible kekɔ mɛtɛ. Etena kahokamɛwɔ ambadi wotshikitanyi lo dihole di’onto tshɛ lɔtɛkɛtshiwɔ lo Bible, vɔ koka ndeka monga oko anto wɛna awui wɔtɛkɛtami lo Bible ndo ndeka monga la eokelo ka dimɛna ka kɛnɛ kofundami. (Tok 4:5) Anto akina efula wamboshihodia ɔnɛ, mpokamɛ Bible kakadjama l’eshinga mbasambaka etena kewɔ l’ekiyanu.​—Os 94:19.

Mpokamɛ Ɔtɛkɛta wa Nzambi wadiema la dui dia wolo kokaka monga la shɛngiya ya wolo lo nsɛnɔ yaso. (2Ɛk 34:19-21) Naka Bible kakadjama l’eshinga tanemaka la tshondo kana etenyi l’ɔtɛkɛta wokayɛ, onde wɛ hakoke nsala di’ohokamelo atɔ wa mbala la mbala monga etenyi kɛmɔtshi ka mbekelo yayɛ ya lo nyuma?

NYENDE VIDƐO YELE L’ƆTƐ A DUI ƆNƐ: WOHO WAKATONDJAMA BIBLE KAKADJAMA L’ESHINGA​—ETENYI NDO OMA LAASƆ, NYOKADIMOLE LO DIMBOLA DIAYELA NƐ:

Kakɔna kakambiya lo woho wakatondjama Bible kakadjama l’eshinga?