Osambo 124
Nyâlongole dimɛna
Okanda wa l'akatshi
1. Jehowa nongolak’anto dimɛna.
Nde kema la shɔnɔdi kânga yema.
Jehowa ndɔshɛka
anto tshɛ tshɛ mvula;
Dia mbasha mbo ya ndɛ efula.
Mbala tshɛ sho kanɛka ase wola,
Nɛ dia tekɔ ana waki Jehowa.
Shɛso ayotosha lɔsɛnɔ woshasha
Naka sho mɛtɛ nongɔnaka.
2. Sho hateye wahɔ wakondja anto
Oma l’ekimanyiyelo kakiso.
Tolongolak’anto
tshɛ l’ohetoheto
Woho wa sho mbakimanyiya.
Oko Ludiya, towaele ‘lakaso’
Woho wa vɔ ndjokondja diomuyelo.
Jehowa mbeyaka lo yoho ya shikaa
Ekambi wande wawokoya.
(Enda ndo lo Etsha 16:14, 15; Romo 12:13; 1 Tim. 3:2; Heb. 13:2; 1 Pet. 4:9.)