Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la ngɔndɔ ka nɛi

“Batismu ekɔ dui dimɔ diasalema le Akristo efula. Kakɔna kafɔnyayɛ? Onde ekɔ ohomba di’onto batizama? [Tshikande akadimole.] Sawo nɛ mɛnyaka akambo amɔ w’ohomba efula wendana la batismu.” Oma lâsɔ, sha ompokami ayɛ Tshoto y’Etangelo ya ngɔndɔ ka Nɛi 1 ndo nyɔsɛdingole kâmɛ awui wele l’ɔtɛ a dui wa ntondo wele lo lɛkɛ 16 ndo nyadia divɛsa dimɔ. Shande periodikɛ ndo nyokane lushi layoyokalola dia nyu ndjɔkɛtshanya dimbola dikina.

Tshoto y’Etangelo ngɔndɔ ka nɛi 1

“Anto wekɔ la tokanyi totshikitanyi lo dikambo dia Yeso. Amɔ mbɔsaka ɔnɛ nde mbaki Mɛsiya wakalakema. Akina mbutaka dia nde aki ntsho onto ɔlɔlɔ. Koko akina hawetawɔ ɔnɛ nde aki la lɔsɛnɔ. Akanayɛ lo dikambo sɔ? [Tshikande akadimole.] Lo ndjela Bible ekɔ ohomba dia sho mbeya kɛnɛ kele mɛtɛ lo dikambo diande. [Adia Joani 17:3.] Periodikɛ kɛnɛ mbishaka ekadimwelo lo ambola amɔ wayaoka anto lo dikambo dia Yeso.”

Réveillez-vous ! Ngɔndɔ ka nɛi

“Sho kambaka olimu wa lo sɛkɛ dikambo dia nkumbo. Onde wɛ mbetawɔka dia nkumbo yekɔ lo diɛnɛ l’ekakatanu ɛlɔ kɛnɛ? [Tshikande akadimole.] Lembetɛ oma lɛnɛ akakondja nkumbo efula alako w’eshika. [Adia Osambu 119:105.] Periodikɛ kɛnɛ mɛnyaka wanya amɔ wakakimanyiya nkumbo efula dia vɔ tondoya ekakatanu waki lawɔ lo nkitanyiya atɔndɔ wa lo Bible.”