Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)
Woho wa ntatɛ mbeka l’anto Bible Lushi la samalo la ntondo la Ngɔndɔ ka hende
“Anto efula fɔnyaka dia Diabolo mbele lo kiɔkɔ ya dui tshɛ dia kɔlɔ diasalema l’andja ɔnɛ. Ɔnkɔnɛ, vɔ ndjambolaka ɔnɛ: ‘Oma lende akaye Diabolo? Onde Nzambi mbakotonge?’ Naa kanyi yayɛ lo dikamb sɔ? [Tshikande akadimole.] Tende kɛnɛ kadiaso lanɛ.” Ɛnyande sawo diele lo lɛkɛ l’ekomelo la Tshoto y’Etangelo ya Ngɔndɔ ka hende 1 ndo nyɔsɛdingole odingɔ wa ntondo ndo divɛsa dioshilami. Shande periodikɛ yakɔ hiende ndo nyookane lushi lahombayɛ nkalola dia nyu ndjɔkɛtshanya dimbola diayela.
Tshoto y’Etangelo Ngɔndɔ ka hende 1
“Tekɔ lo nanga nkondja kanyi yayɛ lo kɛnɛ kendana l’onto ɔmɔtshi lalɛmiyama efula oma le Akristo, ase Juda ndo waa Mizilima. Onto ɔsɔ ko Mɔsɛ. Naa dui dia ntondo diakoyɛ lo yimba lam’okayɛ lokombo lande? [Tshikande akadimole.] Kaanga mbakandasale munga mɔtshi, tende kɛnɛ kata Bible lo dikambo diande. [Adia Euhwelu k’Elembe 34:10-12.] Periodikɛ kɛnɛ tɛkɛtaka dikambo dia waonga ande asato w’ɛlɔlɔ ndo woho wakokaso mbookoya.”
Réveillez-vous ! Ngɔndɔ ka hende
“Nshi nyɛ anto waya la mbekelo ka ntshɔ otsha lo wedja ekina dia toyanga lɔsɛnɔ loleki dimɛna. Onde wɛ fɔnyaka dia vɔ totanaka lɔsɛnɔ lakɔ loleki dimɛna lo wedja watshɔwɔ? [Tshikande akadimole.] Otshwelo w’otsha lo wedja ekina bu dui di’oyoyo. Tende ɛnyɛlɔ kɛnɛ oma lo dibuku dia ntondo dia lo Bible. [Etatelu 46:5, 6.] Periodikɛ kɛnɛ sɛdingolaka ambola ango.” Ɛnya ompokami ayɛ ambola wele l’ekomelo ka lɛkɛ 6.