Apandjudi wekɔ lo tasambisha suke la Monrovia, Libéria

Bɛnyɛlɔ di’asawo

●○○ WENDELO WA NTONDO

Dimbola: Onde Bible kekekɔ ohomba ɛlɔ kɛnɛ?

Divɛsa: 2Ti 3:16

Mbala kayaye: Losango lakɔna lele lo Bible?

●○○ WENDELO W’OYOYO WA NTONDO

Dimbola: Losango lakɔna lele lo Bible?

Divɛsa: Mat 6:10

Mbala kayaye: Kakɔna kayosala Diolelo diaki Nzambi?

●○○ WENDELO W’OYOYO WA HENDE

Dimbola: Kakɔna kayosala Diolelo diaki Nzambi?

Divɛsa: Dan 2:44

Mbala kayaye: Shɛngiya yakɔna yayonga la dikambo nɛ la nkɛtɛ?

Ntatɛ oma lo ngɔndɔ kɛnɛ, losanganya la l’atei wa lomingu honga nto la bɛnyɛlɔ sato dia mbɔtwɛlɔ. Koko, Dikatshi dia losanganya la Lɔsɛnɔ ndo olimu aso diayongaka la bɛnyɛlɔ di’asawo diayongaka la dimbola dia mbɔtwɛlɔ, divɛsa ndo dimbola dia mbala kayaye diakimanyiya dia ndjosala wendelo w’oyoyo. Paka vidɛo tshɔi ya ɛnyɛlɔ ka sawo kayɛnyamaka lomingu tshɛ. Opandjudi tshɛ kokaka nsɔna okanda ɔmɔtshi w’oma lo ɛngɔ kombaso dihomɔ dia mbetsha dia nkamba la wɔ ndo etena kakokande mbowɔtshiya, oyadi lo wendelo wa ntondo kana lo wendelo w’oyoyo. Laadiko dia laasɔ, dikatshi dia losanganya diayongaka la tokanyi tendana l’asawo ahende wayoyɔkɛtshanyema mbala kayaye. Dui nɛ diayotokimanyiya dia ndeka mbidja yimba l’oyango aso wa mbetsha “wanɛ tshɛ [wele] suke dia mbetawɔ akambo wa mɛtɛ wakonya lo lɔsɛnɔ la pondjo.”—Ets 13:48.

Asawo w’ambeki: Naka diewoyelo keema, kete ambeki pombaka nkamba la bɛnyɛlɔ di’asawo.