Woho wa nkamba la bɛnyɛlɔ di’asawo

Anangɛso kambaka olimu wa wolo dia nɔngɔsɔla bɛnyɛlɔ di’asawo ndo apandjudi efula wambɛna dia bɛnyɛlɔ sɔ mongaka l’etombelo w’amɛna efula lo bɛtshi diawɔ dia nkɛtɛ. Lam’ele awui wekɔ lo tatshikitana l’andja, apandjudi mbeyaka nkamba la mbɔtwɛlɔ yotshikitanyi l’olimu awɔ w’esambishelo kana nkɛtshanya l’onto ɔtɛ a dui ɔmɔtshi wotshikitanyi wayɔngɛnyangɛnya anto wa l’ɛtshi kawɔ ka nkɛtɛ. Ɔnkɔnɛ, sho tshɛ pombaka ndjela atɔndɔ tshɛ washama wendana la esambishelo ka laande. Oyango aso ele wa nkotsha didjango dia Yeso dia nsambisha lokumu l’ɔlɔlɔ la Diolelo.​—Mat 24:14.

Etena kasalawɔ ɛkɛndɛ w’ambeki, apandjudi pombaka nkɛtshanya dui diele lo etenyi ka bɛnyɛlɔ di’asawo diatanema lo Dikatshi dia losanganya la lɔsɛnɔ ndo olimu aso. Koko, naka diewoyelo dimɔtshi hadiongi, vɔ koka nsɔna dimbola, divɛsa, dimbola dia mbala kayaye kana lokongɛ layonga l’etombelo w’amɛna l’ɛtshi kawɔ ka nkɛtɛ. Otshikitanu ɔnɛ wambɔhɛna ɛlɔmbwɛlɔ katanema lo dikatshi dia losanganya dia Ngɔndɔ ka samalo 2020 lɛkɛ 8.