Kamba la ‘woshasha ayɛ wa lo nyuma’

Sho tshɛ ngɛnangɛnaka l’ekeketshelo kalongolaso oma le anangɛso l’akadiyɛso w’Akristo. Koko ekeketshelo kɛsɔ hakomɛ tsho lo monga kaamɛ. Bible mbelɛka akoka aso wa keketshana lo mbetawɔ ɔnɛ ‘woshasha wa lo nyuma.’ (Rɔmɔ 1:​11, 12) Ngande wakokaso nkamba la woshasha ɔsɔ lo yoho yakoka?

Keketsha anto akina oma lo kɛnɛ katayɛ. Ɛnyɛlɔ, lo nsanganya sho koka mbisha kɔmatɛrɛ yakotola yambalo aha le so shoamɛ, koko le Jehowa, l’Ɔtɛkɛta ande ndo le ekambi ande. Etena kasawolaso l’asekaso ambetawudi, sho koka nsɔna dia ntɛkɛta awui amɔtshi wakeketsha.

Keketsha anto akina oma lo tɛdikɔ ndo etsha ayɛ. Ɛnyɛlɔ, anto amɔtshi sɔnaka dia nkamba olimu wa lo tena tshɛ kaanga etena kahomanawɔ l’ekakatanu. Anto akina sukɛka losanganya la l’atei wa lomingu kaanga mbewɔ l’okakatanu lo ekongelo kawɔ k’olimu ndo kaanga mbadiɛnɛwɔ la hemɔ kaha nkɔnɔ.

Onde wɛ keketshaka anangɛyɛ l’akadiyɛyɛ oma lo kɛnɛ katayɛ ndo kasalayɛ? Onde wɛ mɛnaka kɛnɛ kata ndo kasala anangɛso l’akadiyɛso dia kokeketsha?