Dipesalema
148 Bakang Jah!*
Bakang Jehofa lona ba ba kwa magodimong;+
Mmakeng lona ba ba kwa godimodimo.
2 Mmakeng, lona baengele ba gagwe botlhe.+
Mmakeng, lona masomosomo a gagwe otlhe.+
3 Mmakeng, lona letsatsi le ngwedi.
Mmakeng, lona lotlhe dinaledi tse di phatsimang.+
4 Mmakeng, lona magodimo a a kwa godimo thata,*
Le lona metsi a a kwa godimo ga magodimo.
5 A tsotlhe di bake leina la ga Jehofa,
Gonne o ne a laela, mme di ne tsa bopiwa.+
6 O dira gore di nne di tlhomame ka bosakhutleng le go ya go ile;+
O ntshitse molao o o tla nnelang ruri.+
7 Bakang Jehofa lona ba ba mo lefatsheng,
Lona ditshedi tse ditona thata tsa lewatle le lona lotlhe metsi a a boteng,
8 Lona dikgadima le sefako, kapoko le maru a mantshontsho,
Wena setsuatsue, yo o diragatsang lefoko la gagwe,+
9 Lona dithaba le lona dithota tsotlhe,+
Lona ditlhare tsa maungo le lona masedara otlhe,+
10 Lona diphologolo tsa naga+ le lona diruiwa tsotlhe,
Lona digagabi le lona dinonyane,
11 Lona dikgosi tsa lefatshe le lona ditšhaba tsotlhe,
Lona dikgosana le lona baatlhodi botlhe ba lefatshe,+
12 Lona makawana le lona makgarebe,*
Bannabagolo mmogo le ba bannye.*
13 A ba bake leina la ga Jehofa,
Gonne leina la gagwe ke lone fela le le kwa godimo thata mo le ka se kang la fitlhelelwa.+
Bogolo jwa gagwe bo kwa godimo ga lefatshe le legodimo.+
14 O tla oketsa nonofo* ya batho ba gagwe,
Gore batho ba gagwe botlhe ba ba ikanyegang ba bakwe,
Bomorwa Iseraele, e leng batho ba ba atamalaneng le ene.
Bakang Jah!*