Dipesalema

 2 Ba tla swaba ka bonako jaaka bojang+

E bile ba tla omelela jaaka bojang jo bosha jo botala.

 3 Ikanye Jehofa mme o dire se se molemo;+

Aga mo lefatsheng,* mme o dire ka boikanyegi.+

 4 Jehofa o tla go tlisetsa boitumelo jo bogolo,

E bile o tla go naya dilo tse o di eletsang.

 5 Itsise Jehofa tsela ya gago;*+

Mo ikanye, mme o tla go thusa.+

 6 O tla dira gore tshiamo ya gago e phatsime jaaka letsatsi fa le tlhaba,

Le tshiamiso ya gago gore e nne jaaka letsatsi go le sethoboloko.

 7 Leta Jehofa o le pelotelele+

Mo letele mme o bone gore o tla dira eng.

O se ka wa galefisiwa ke motho

Yo o kgonang go diragatsa maano a gagwe.+

 8 Tlogela bogale mme o lese go shakgala;+

O se ka wa tenega o bo o dira bosula.*

 9 Gonne batho ba ba bosula ba tla fedisiwa,+

Mme ba ba solofetseng mo go Jehofa ba tla rua lefatshe.+

10 Go ise go ye kae, batho ba ba bosula ba tla bo ba sa tlhole ba le teng;+

O tla sekaseka kwa ba neng ba le gone,

Mme ba tla bo ba seyo.+

11 Le fa go ntse jalo, ba ba pelonolo ba tla rua lefatshe,+

Mme ba tla tshela ka boitumelo go rena kagiso.+

12 Modirabosula o logela mosiami leano;+

O a galefa* fa a mmona.

13 Mme Jehofa o tla mo tshega,

Gonne o a itse gore letsatsi la gagwe le tla tla.+

14 Batho ba ba bosula ba somola tšhaka e bile mongwe le mongwe wa bone o gagamatsa bora jwa gagwe

Gore a dige ba ba bogisiwang le bahumanegi,

Gore a bolaye ba ba dirang se se siameng.

15 Le fa go ntse jalo, tšhaka ya bone e tla phunyeletsa pelo ya bone;+

Bora jwa mongwe le mongwe wa bone bo tla robagana.

16 Bonnye jo mosiami a nang le jone bo botoka

Go gaisa letlotlo la batho ba bantsi ba ba bosula.+

17 Gonne maatla a batho ba ba bosula a tla tsewa,

Mme Jehofa o tla tshegetsa basiami.

18 Jehofa o lemoga se se diragalelang ba ba se nang molato,*

Mme boswa jwa bone bo tla nnela ruri.+

19 Ga ba kitla ba tlhabiwa ke ditlhong ka nako ya masetlapelo;

Ka nako ya leuba ba tla nna le mo gontsi.

20 Le fa go ntse jalo, batho ba ba bosula ba tla fedisiwa;+

Baba ba ga Jehofa ba tla nyelela jaaka mafulo a mantle;

Ba tla nyelela jaaka mosi.

21 Motho yo o bosula o a adima mme ga a duele,

Mme mosiami o pelotshweu* e bile o a aba.+

22 Ba Modimo a ba segofatsang ba tla nna mo lefatsheng,

Mme ba a ba hutsang ba tla fedisiwa.+

23 Jehofa o kaela* dikgato tsa motho+

Fa a itumelela tsela ya motho yoo.+

24 Le fa a ka kgopiwa, ga a kitla a pirigana fa fatshe,+

Gonne Jehofa o mo tshegetsa ka seatla.*+

25 Nkile ka bo ke le monnye mme jaanong ke tsofetse,

Le fa go ntse jalo, ga ke ise ke bone ope yo o siameng a latlhilwe,+

Kgotsa bana ba gagwe ba tlhoka dijo.*+

26 Ka metlha o adima ba bangwe ka bopelotshweu,+

Mme bana ba gagwe ba tla segofadiwa.

27 Tlogela bosula mme o dire se se molemo,+

Mme o tla nna ka bosakhutleng.

28 Gonne Jehofa o rata tshiamiso,

Mme ga a kitla a latlha batho ba gagwe ba ba ikanyegang.+

Ba tla nna ba disitswe ka metlha;+

Mme ditlogolwana tsa batho ba ba bosula di tla fedisiwa.+

29 Basiami ba tla rua lefatshe,+

Mme ba tla nna mo go lone ka bosakhutleng.+

30 Molomo wa mosiami o ntsha botlhale,*

Mme loleme lwa gagwe lo bua ka tshiamiso.+

31 Molao wa Modimo wa gagwe o mo pelong ya gagwe;+

Dikgato tsa gagwe ga di na go reketla.+

32 Modirabosula o nna a lebile mosiami,

A batla go mmolaya.

33 Le fa go ntse jalo, Jehofa ga a kitla a mo tsenya mo seatleng sa ene yoo+

Kgotsa a mmona molato fa a atlholwa.+

34 Solofela mo go Jehofa mme o latele tsela ya gagwe,

Mme o tla go godisa gore o rue lefatshe.

35 Ke bone motho yo o setlhogo, yo o bosula

A anama jaaka setlhare se segolo se se mo mmung o o nonneng.+

36 Le fa go ntse jalo, ka tshoganyetso fela o ne a nyelela a bo a sa tlhole a le teng;+

Ke ne ka nna ka mmatla, mme ka se ka ka mmona.+

37 Ela tlhoko motho yo o se nang molato,*

Mme o nne o lebile motho yo o siameng,+

Gonne motho yoo o tla tshela ka kagiso mo nakong e e tlang.+

38 Mme batho botlhe ba ba tlolang molao wa Modimo ba tla senngwa;

Batho ba ba bosula ba tla fedisiwa.+

39 Jehofa ke ene a bolokang basiami;+

Ke kago ya bone ya phemelo mo motlheng wa matshwenyego.+

O tla ba golola mo bathong ba ba bosula a bo a ba boloka,

Ka gonne ba tshabetse mo go ene.+