Makasine o o Ithutiwang

BOIKAELELO JWA DITLHOGO TSA THUTO

DITLHOGO TSA THUTO 1, 2 TSEBE 3-12

Ditlhogo tseno di tlotla ka mabaka a a utlwalang a go bo re tshwanetse go dirisa kgakololo ya ga Jehofa mo lenyalong. Di tla oketsa tsela e re anaanelang mpho ya Modimo ya lenyalo ka yone. Mo godimo ga moo, di bontsha gore ke ka ntlha yang fa go le botlhokwa go nna le maikutlo a a siameng ka lenyalo le le leng mo mathateng gape di bontsha ka fa go dirisa kgakololo ya Dikwalo go ka dirang gore lenyalo le itumele ka gone.

SETLHOGO SA THUTO 3 TSEBE 17-21

Setlhogo seno se sekaseka ditsela tse ka tsone Jehofa e leng Mmolokanako yo Mogolo. Go se sekaseka go tla nonotsha tumelo ya rona mo go ene le mo Lefokong la gagwe e leng Baebele. Gape se tla nonotsha maikemisetso a rona a go dirisa nako ka botlhale fa re ntse re letile ka tsholofelo gore Jehofa a re boloke.

SETLHOGO SA THUTO 4 TSEBE 23-27

Le fa gone re rata Modimo, ga re a itekanela. Le fa go ntse jalo, re eletsa go bonatsa kgalalelo ya ga Jehofa. Setlhogo seo se tlhalosa kafa re ka dirang seo ka gone. Se bontsha se re tshwanetseng go se dira e le gore re etse Modimo re bo re mo itumedise. (Baef. 5:1) Gape se tlhalosa kafa re ka nnang re mo galaletsa ka gone.