MAKASINE O O ITHUTIWANG

Jehofa o dirisa Bogosi jo bo eteletsweng pele ke Mesia go diragatsa boikaelelo jwa gagwe ka lefatshe le batho. Fa re ntse re tlotla kafa dikgolagano di le mmalwa tse go builweng ka tsone mo Baebeleng di amanang ka gone le puso eo ya kwa legodimong, bona lebaka la go bo re ka nna le tumelo e e sa reketleng mo Bogosing joo.

Setlhogo seno se tla tlotla ka dikai tsa batho ba bogologolo le ba motlha wa gompieno ba ba direlang Jehofa. Se tla dira gore re anaanele le go feta tshiamelo e re nang le yone ya go dira le Modimo.

Mo metlheng eno ya bofelo, go na le dilo di le dintsi tse di lekang tumelo ya rona. Re ka ithuta eng mo banneng ba ba ikanyegang ba bogologolo ba ba ileng ba lebana le dikgwetlho tse di tshwanang le tsa rona, ba ba jaaka Aborahame le Moshe? Setlhogo seno se tla re thusa go itshoka ka go re kgothaletsa go boloka megopolo ya rona e tsepame mo go Jehofa Modimo le mo Bogosing jwa gagwe.