ʻAisea
12 ʻI he ʻaho ko iá ko e moʻoni te ke pehē:
“ʻOku ou fakamālō atu, ʻe Sihova,
He neongo ʻa hoʻo houhau kiate aú,
Naʻe faai atu pē ʻo lolou hoʻo houhaú, peá ke fakafiemālieʻi au.+
2 Vakai, ko e ʻOtuá ʻa hoku fakamoʻuí.+
Te u falala kiate ia pea ʻikai te u ongoʻi manavahē;+
He ko Iā* Sihova ʻa hoku mālohí mo hoku ungaʻangá,
Pea kuó ne hoko ko hoku fakamoʻui.”+
3 Te mou ʻutu vai ʻi he fiefia
Mei he ngaahi matavai ʻo e fakamoʻuí.+
4 Pea ʻi he ʻaho ko iá te mou pehē:
“Fakamālō kia Sihova, ui ki hono huafá,
ʻAi ke ʻiloa ʻa ʻene ngaahi ngāué ʻi he lotolotonga ʻo e ngaahi kakaí!+
Mou talaki kuo hakeakiʻi ʻa hono huafá.+
5 Hiva fakahīkihiki* kia Sihova,+ he kuó ne fai ʻa e ngaahi meʻa fisifisimuʻa.+
ʻAi ke ʻiloa ʻa e meʻá ni ʻi he kotoa ʻo e māmaní.
6 Kalanga mo kaila ʻi he fiefia, ʻa koe ʻoku nofo* ʻi Saioné,
He ko e Tokotaha Māʻoniʻoni ʻo ʻIsilelí ʻoku lahi ʻi ho lotolotongá.”