LAIPELI Taua Le‘o ‘I HE ‘INITANETÍ

LAIPELI Taua Le‘o ‘I HE ‘INITANETÍ

LAIPELI ‘I HE ‘INITANETÍ

Selemaia 49:7

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 7 Ko e folofola eni ʻa Sihova ʻo e ngaahi kau tau ki ʻĪtomí:
  
  “ʻOku ʻikai ke toe ʻi ai ha poto ia ʻi Tīmani?+
  
  Kuo mole ʻa e faleʻi leleí ia mei he faʻahinga ʻoku nau maʻu ʻa e mahinó?
  
  Kuo ʻosi atu honau potó?

Tangilāulau 4:22

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 22 Ko e tautea ki hoʻo faihalá, ʻe ʻofefine ʻo Saione, kuo aʻu ki hono ngataʻangá.
  
  Heʻikai te ne toe ʻave fakamālohi koe.+
  
  Ka te ne fai ha tokanga ki hoʻo faihalá, ʻe ʻofefine ʻo ʻĪtomi.
  
  Te ne fakaeʻa ʻa hoʻo ngaahi angahalá.+

ʻIsikeli 25:12

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 12 “Ko e meʻa eni ʻoku folofolaʻaki ʻe he ʻEiki Hau ko Sihová: ‘Kuo fai ʻe ʻĪtomi ha sāuni ki he fale ʻo Siutá pea kuó ne fakatupunga ai haʻane halaia lahi ʻi heʻene fai ha sāuni kiate kinautolú;+

ʻOpataia 10-13

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 10 Koeʻuhi ko e fakamālohi kuó ke fai ki ho tokoua ko Sēkopé,+
  Te ke mātuʻaki mā,+
  Pea te ke ʻauha ʻo taʻengata.+
  
  11 ʻI he ʻaho naʻá ke tuʻu ai pē ʻo sió,
  ʻI he ʻaho naʻe ʻave pōpula+ ai ʻe ha kau sola ʻa ʻene kau taú,
  ʻI he taimi naʻe hū atu ai ha kau muli ʻi hono matapā koló pea fai ha lulu+ ki Selusalemá,
  Naʻá ke fai ha tōʻonga ʻo hangē ko ha taha ʻo kinautolú.
  
  12 ʻOku ʻikai totonu ke ke hākahaka ʻi he meʻa ʻoku hoko ki ho tokouá ʻi he ʻaho ʻo ʻene tuʻutāmakí,+
  ʻOku ʻikai totonu ke ke fiefia ʻi he ʻaho ʻo e ʻauha ʻa e kakai ʻo Siutá,+
  Pea ʻoku ʻikai totonu ke ke lea mātuʻaki hīkisia ʻi he ʻaho ʻo ʻenau faingataʻaʻiá.
  
  13 ʻOku ʻikai totonu ke ke hū ki he kolo* ʻo hoku kakaí ʻi he ʻaho ʻo ʻenau tuʻutāmakí,+
  ʻOku ʻikai totonu ke ke hākahaka ʻi heʻene faingataʻaʻia ʻi he ʻaho ʻo ʻene tuʻutāmakí,
  Pea ʻoku ʻikai totonu ke ala ho nimá ki heʻene koloá ʻi he ʻaho ʻo ʻene tuʻutāmakí.+