Saame

84 He ʻofa lahi* ē ko au ki ho tāpanekale fisifisimuʻá,+

ʻE Sihova ʻo e ngaahi kau tau!

 2 ʻOku holi ʻa ʻeku moʻuí,

ʻIo, ʻoku ou pongia ʻi he fakaʻamu,

Ki he ongo lotoʻā ʻo Sihová.+

 3 Naʻa mo e manupuná ʻokú ne maʻu ha nofoʻanga ʻi ai

Pea mo e pekepeká ha pununga ʻi ai,

ʻA ia ʻokú ne tokangaʻi ai hono ʻuhikí

ʻO ofi ki ho ʻōlita maʻongoʻongá, ʻe Sihova ʻo e ngaahi kau tau,

Ko hoku Tuʻi mo hoku ʻOtua!

 5 Fiefia ē ka ko e kau tangata ʻoku nau maʻu honau mālohí meiate koé,+

ʻOku holi honau lotó ke nau ʻi he ngaahi hala ki ho falé.

 6 ʻI heʻenau fou atu ʻi he Teleʻa Pakahá,*

ʻOku nau ngaohi ia ko ha feituʻu ʻo e ngaahi matavai;

Pea ko e ʻuha tokamuʻá ʻokú ne fakakofuʻaki ia* ʻa e ngaahi tāpuaki.

 7 Te nau laka atu ʻi he mālohi ki he mālohi;+

ʻOku hā ʻa e tokotaha taki taha ʻi he ʻao ʻo e ʻOtuá ʻi Saione.

 8 ʻE Sihova ko e ʻOtua ʻo e ngaahi kau tau, fanongo mai ki heʻeku lotú;

Fanongo mai, ʻe ʻOtua ʻo Sēkope. (Sila)

 9 Vakai mai, ʻa homau pā+ mo homau ʻOtua,*

Vakai hifo ki he fofonga ʻo hoʻo tokotaha paní.+

ʻOku ou fili ke u tuʻu ʻi he hūʻanga ʻo e fale ʻo hoku ʻOtuá

ʻI haʻaku nofo ʻi he ngaahi tēniti ʻo e fulikivanú.

11 He ko Sihova ko e ʻOtuá ko ha laʻā+ mo ha pā;+

ʻOkú ne foaki ʻa e hōifua mo e lāngilangi.

ʻE ʻikai ke taʻofi ʻe Sihova ha meʻa lelei ʻe taha

Mei he faʻahinga ʻoku ʻaʻeva ʻi he anga-tonú.+

12 ʻE Sihova ʻo e ngaahi kau tau,

Fiefia ē ko e tangata ʻoku falala kiate koé.+