ʻULUAKI KALONIKALI

5 Ko e ngaahi foha ʻo Sēfetí ko Kōmela, Mēkoki, Matai, Savani, Tūpale,+ Mēseke,+ pea mo Tilasa.+

6 Ko e ngaahi foha ʻo Kōmelá ko ʻAsikinasa, Lifata, pea mo Tokaama.+

7 Ko e ngaahi foha ʻo Savaní ko ʻElisa, Tāsisi, Kītimi, pea mo Lotanimi.*

8 Ko e ngaahi foha ʻo Hamí ko Kusa,+ Misilemi, Puti, pea mo Kēnani.+

9 Ko e ngaahi foha ʻo Kusá ko Sapa,+ Havila, Sāpeta, Laʻama,+ pea mo Sapeteka.

Ko e ongo foha ʻo Laʻamá ko Sipa mo Titani.+

10 Naʻe hoko ʻa Kusa ko e tamai ia ʻa Nimiloté.+ Ko ia ʻa e fuofua tokotaha naʻe hoko ko ha toʻa ʻi he māmaní.

11 Naʻe hoko ʻa Misilemi ko e tamai ia ʻa Luti,+ ʻAnamemi, Lehapimi, Nafituhemi,+ 12 Patelusi,+ Kaseluhi (ʻa ia naʻe tupu mei ai ʻa e kau Filisitiá),+ pea mo Kafitoli.+

13 Naʻe hoko ʻa Kēnani ko e tamai ia ʻa Saitoní,+ ko hono ʻuluaki fohá ia, pea mo Heti,+ 14 pea pehē ki he kau Siepusí,+ ko e kau ʻĀmolí,+ ko e kau Keakasá,+ 15 ko e kau Heví,+ ko e kau ʻAlaká, ko e kau Sinaí, 16 ko e kau ʻĀvatí,+ ko e kau Simalí, pea mo e kau Hēmatí.

18 Naʻe hoko ʻa ʻAfakisate ko e tamai ia ʻa Silá,+ pea naʻe hoko ʻa Sila ko e tamai ia ʻa ʻEpa.

19 Naʻe fanauʻi ʻa e ongo foha ʻe toko ua kia ʻEpa. Ko e hingoa ʻo e toko taha ko Pēleki,*+ koeʻuhí ʻi he lolotonga ʻene moʻuí naʻe māvahevahe ai ʻa e māmaní.* Ko e hingoa ʻo hono tokouá ko Siokitani.

20 Naʻe hoko ʻa Siokitani ko e tamai ia ʻa ʻAlimotate, Salefi, Hesamevete, Seala,+ 21 Hatolami, ʻUsali, Tikela, 22 ʻŌpale, ʻApimaeli, Sipa, 23 ʻŌfeli,+ Havila,+ pea mo Siopapí; ko e ngaahi foha kotoa eni ʻo Siokitaní.

28 Ko e ongo foha ʻo ʻĒpalahamé ko ʻAisake+ pea mo ʻIsimeʻeli.+

29 Ko e ngaahi tupuʻanga eni ʻo hona fāmilí: Ko e ʻuluaki foha ʻo ʻIsimeʻelí ko Nēpaiote,+ pea hoko ai ʻa Keta,+ ʻAtapeʻeli, Mipisami,+ 30 Mīsima, Tuma, Masā, Hētati, Teima, 31 Situa, Nāfisi, pea mo Kētema. Ko e ngaahi foha eni ʻo ʻIsimeʻelí.

32 Ko e fānau naʻe fanauʻi ʻe Kētula,+ ko e sinifu ʻa ʻĒpalahamé ko Similani, Siokasane, Mētani, Mitiani,+ ʻIsipaka, pea mo Suaʻa.+

Ko e ongo foha ʻo Siokasané ko Sipa mo Titani.+

33 Ko e ngaahi foha ʻo Mitianí ko ʻEfa,+ ʻĒfeli, Hēnoke, ʻApaita, pea mo ʻElitaʻa.

Ko e faʻahingá ni kotoa ko e fānau ia ʻa Kētulá.

34 Naʻe hoko ʻa ʻĒpalahame ko e tamai ia ʻa ʻAisaké.+ Ko e ongo foha ʻo ʻAisaké ko ʻĪsoa+ mo ʻIsileli.+

35 Ko e ngaahi foha ʻo ʻĪsoá ko ʻElifasi, Liueli, Seusi, Sialame, pea mo Kola.+

36 Ko e ngaahi foha ʻo ʻElifasí ko Tīmani,+ ʻOma, Sefo, Katami, Kēnasi, pea naʻe fanauʻi ʻe he fefine ko Tīminá ʻa ʻAmaleki.+

37 Ko e ngaahi foha ʻo Liuelí ko Nahati, Sala, Sama, pea mo Misa.+

38 Ko e ngaahi foha ʻo Seiá+ ko Lōtani, Sōpale, Sipione, Ana, Tīsoni, ʻĒseli, pea mo Tīsani.+

39 Ko e ongo foha ʻo Lōtaní ko Holi mo Homami.* Ko e tuofefine ʻo Lōtaní ko Tīmina.+

40 Ko e ngaahi foha ʻo Sōpalé ko ʻAlivani, Manahate, ʻĪpale, Sifo, pea mo ʻŌnama.

Ko e ongo foha ʻo Sipioné ko ʻAia mo Ana.+

41 Ko e foha* ʻo Aná ko Tīsoni.

Ko e ngaahi foha ʻo Tīsoní ko Hemitani, ʻEsipani, ʻItilani, pea mo Kēlani.+

42 Ko e ngaahi foha ʻo ʻĒselí+ ko Pilani, Sāvani, pea mo ʻĒkani.

Ko e ongo foha ʻo Tīsaní ko ʻŪsai mo ʻĀlani.+

43 Ko e ngaahi tuʻi eni naʻa nau pule ʻi he fonua ko ʻĪtomí+ ki muʻa ke pule ha tuʻi ki he kau ʻIsilelí:*+ Ko Pela ko e foha ʻo Pioa; ko e hingoa ʻo hono koló ko Tinapa. 44 ʻI he mate ʻa Pelá, naʻe kamata ke pule ʻa Siopapi ko e foha ʻo Sala mei Pōsilá+ ʻo fetongi ia. 45 ʻI he mate ʻa Siopapí, naʻe kamata ke pule ʻa Hūsami mei he fonua ʻo e kau Tīmaní ʻo fetongi ia. 46 ʻI he mate ʻa Hūsamí, naʻe kamata ke pule ʻa Hētati ko e foha ʻo Pētatí, ʻa ia naʻá ne ikunaʻi ʻa Mitiani ʻi he vahefonua* ʻo Mōapé, ʻo fetongi ia. Ko e hingoa ʻo hono koló ko ʻAviti. 47 ʻI he mate ʻa Hētatí, naʻe kamata ke pule ʻa Samila mei Masileká ʻo fetongi ia. 48 ʻI he mate ʻa Samilá, naʻe kamata ke pule ʻa Saulo mei Leopote ʻa ia ʻoku ʻi he veʻe Vaitafé ʻo fetongi ia. 49 ʻI he mate ʻa Sauló, naʻe kamata ke pule ʻa Pēali-henani ko e foha ʻo ʻAkepoá ʻo fetongi ia. 50 ʻI he mate ʻa Pēali-henaní, naʻe kamata ke pule ʻa Hētati* ʻo fetongi ia; pea ko e hingoa ʻo hono koló ko Pau, pea ko e hingoa ʻo hono uaifí ko Mehetapeli, ko e tama ʻa Mateleti, ko e ʻofefine ʻo Mesahapi. 51 Pea naʻe mate ʻa Hētati.

Ko e ngaahi ʻeiki* ʻo ʻĪtomí ko ʻEiki Tīmina, ʻEiki ʻĀliva, ʻEiki Siteti,+ 52 ʻEiki ʻAholipama, ʻEiki ʻEla, ʻEiki Pinoni, 53 ʻEiki Kēnasi, ʻEiki Tīmani, ʻEiki Mipisali, 54 ʻEiki Makiteli, pea mo ʻEiki ʻIlami. Ko e ngaahi ʻeiki eni ʻo ʻĪtomí.

2 Ko e ngaahi foha eni ʻo ʻIsilelí:+ Ko Lūpeni,+ Simione,+ Līvai,+ Siuta,+ ʻĪsaka,+ Sepuloni,+ 2 Tani,+ Siosifa,+ Penisimani,+ Nafitalai,+ Kata,+ pea mo ʻĀseli.+

3 Ko e ngaahi foha ʻo Siutá ko ʻEa, ʻŌnani, pea mo Sila. Ko e toko tolú ni naʻe fanauʻi kiate ia ʻe he fefine Kēnani,+ ko e ʻofefine ʻo Sua. Ka ko ʻEa, ʻa e ʻuluaki foha ʻo Siutá, naʻá ne taʻefakahōifua kia Sihova, ko ia naʻá Ne tāmateʻi ia.+ 4 Ko Tema,+ ʻa e ʻofefine-ʻi-he-fono ʻo Siutá, naʻá ne fanauʻi kiate ia ʻa Pēlesi+ mo Sala. Naʻe maʻu ʻe Siuta ʻa e foha fakakātoa ʻe toko nima.

5 Ko e ongo foha ʻo Pēlesí ko Hesiloni mo Hamuli.+

6 Ko e ngaahi foha ʻo Salá ko Similai, ʻĒtani, Hēmani, Kalikoli, pea mo Tala. Naʻa nau toko nima fakakātoa.

7 Ko e foha* ʻo Kalimí ko ʻĀkali,* ʻa ia naʻá ne ʻomi ʻa e fakatamaki ki* ʻIsileli,+ ʻa ia naʻá ne taʻefaitōnunga ʻi he fekauʻaki mo e meʻa naʻe tuku atu ki he fakaʻauhá.+

8 Ko e foha* ʻo ʻĒtaní ko ʻAsalaia.

9 Ko e ngaahi foha ʻo Hesiloni naʻe fanauʻi kiate iá ko Selamili,+ Lame,+ pea mo Kelupai.*

10 Naʻe hoko ʻa Lame ko e tamai ia ʻa ʻAminatape.+ Naʻe hoko ʻa ʻAminatape ko e tamai ia ʻa Naʻasoni+ ko e ʻeiki ʻo e hako ʻo Siutá. 11 Naʻe hoko ʻa Naʻasoni ko e tamai ia ʻa Salemá.+ Naʻe hoko ʻa Salema ko e tamai ia ʻa Pōasí.+ 12 Naʻe hoko ʻa Pōasi ko e tamai ia ʻa ʻŌpetí. Naʻe hoko ʻa ʻŌpeti ko e tamai ia ʻa Sesé.+ 13 Naʻe hoko ʻa Sese ko e tamai ia ʻa hono ʻuluaki foha ko ʻEliapí, ko ʻApinatapi+ ʻa e fika uá, ko Simea ʻa e fika tolú,+ 14 ko Netanili ʻa e fika faá, ko Latai ʻa e fika nimá, 15 ko ʻŌsemi ʻa e fika onó, pea ko Tēvita+ ʻa e fika fitú. 16 Ko honau ongo tuofefiné ko Seluvaia mo ʻApikale.+ Ko e fānau ʻa Seluvaiá ko ʻApisai,+ Sioape,+ pea mo ʻAsaeli,+ ko e toko tolu. 17 Naʻe fanauʻi ʻe ʻApikale ʻa ʻĀmasa,+ pea ko e tamai ʻa ʻĀmasá ko Sēteli ko e hako ʻo ʻIsimeʻeli.

18 Ko Kēlepi* ko e foha ʻo Hesiloní naʻá ne hoko ko e tamai ia ʻa e ngaahi foha naʻe fanauʻi ʻe hono uaifí ko ʻĀsupa pea mo Siliote; pea ko e fānau eni ʻa ʻĀsupá: Ko Seseli, Sōpapi, pea mo ʻĀtoni. 19 ʻI he mate ʻa ʻĀsupá, naʻe mali ʻa Kēlepi mo ʻEfalata,+ pea naʻá ne fanauʻi kiate ia ʻa Hua.+ 20 Naʻe hoko ʻa Hua ko e tamai ia ʻa ʻUlí. Naʻe hoko ʻa ʻUli ko e tamai ia ʻa Pesalilí.+

21 ʻI he hili iá, naʻe mohe* ʻa Hesiloni mo e ʻofefine ʻo Mākili+ ko e tamai ʻa Kiliatí.+ Naʻá ne mali mo ia ʻi heʻene taʻu 60, pea naʻá ne fanauʻi kiate ia ʻa Sekupi. 22 Naʻe hoko ʻa Sekupi ko e tamai ia ʻa Sailí,+ ʻa ia naʻe ʻi ai ʻa hono ngaahi kolo ʻe 23 ʻi he fonua ko Kiliatí.+ 23 Ki mui ai, naʻe toʻo ʻe Kēsuli+ mo Sīlia+ ʻa Havoti-saili+ meiate kinautolu, fakataha mo Kēnati+ mo hono ngaahi kolo takatakaí,* ko e ngaahi kolo ʻe 60. Ko e hako kotoa eni ʻo Mākili ko e tamai ʻa Kiliatí.

24 ʻI he hili ʻa e mate ʻa Hesiloni+ ʻi Kēlepi-ʻefalatá, naʻe fanauʻi ʻe ʻĀpaia ko e uaifi ʻo Hesiloní kiate ia ʻa ʻAsihua+ ko e tamai* ʻa Tēkoá.+

25 Ko e ngaahi foha ʻo Selamili ʻa ia ko e ʻuluaki foha ʻo Hesiloní ko Lame ko e ʻuluaki fohá ia, Puna, ʻŌleni, ʻŌsemi, pea mo ʻĀhisa. 26 Naʻe maʻu ʻe Selamili ha toe uaifi, ʻa ia ko hono hingoá ko ʻAtala. Ko e faʻē ia ʻa ʻŌnamá. 27 Ko e ngaahi foha ʻo Lame ko e ʻuluaki foha ʻo Selamilí ko Maʻasi, Siamini, pea mo ʻĒkeli. 28 Ko e ongo foha ʻo ʻŌnamá ko Samai mo Sata. Ko e ongo foha ʻo Samaí ko Nātapi mo ʻApisuli. 29 Ko e hingoa ʻo e uaifi ʻo ʻApisulí ko ʻApihaili, ʻa ia naʻá ne fanauʻi kiate ia ʻa ʻĀpani mo Mōlita. 30 Ko e ongo foha ʻo Nātapí ko Sāleti mo ʻApaimi. Ka naʻe mate ʻa Sāleti ʻo ʻikai hano ngaahi foha. 31 Ko e foha* ʻo ʻApaimí ko ʻIsi. Pea ko e foha* ʻo ʻIsí ko Sesani, pea ko e foha* ʻo Sesaní ko ʻAlai. 32 Ko e ongo foha ʻo Sata ko e tokoua ʻo Samaí ko Sēteli mo Sionatane. Ka naʻe mate ʻa Sēteli ʻo ʻikai hano ngaahi foha. 33 Ko e ongo foha ʻo Sionatané ko Pēlati mo Sasa. Ko e hako eni ʻo Selamilí.

34 Naʻe ʻikai ha ngaahi foha ʻo Sesani, ko e ngaahi ʻofefine pē. Pea naʻe maʻu ʻe Sesani ha sevāniti ʻIsipite ʻa ia ko hono hingoá ko Salia. 35 Naʻe ʻoange ʻe Sesani ʻa hono ʻofefiné ke hoko ko e uaifi ʻo ʻene sevāniti ko Saliá, pea naʻá ne fanauʻi kiate ia ʻa ʻĒtai. 36 Naʻe hoko ʻa ʻĒtai ko e tamai ia ʻa Nētané. Naʻe hoko ʻa Nētane ko e tamai ia ʻa Sapatí. 37 Naʻe hoko ʻa Sapati ko e tamai ia ʻa ʻEfilalí. Naʻe hoko ʻa ʻEfilali ko e tamai ia ʻa ʻŌpetí. 38 Naʻe hoko ʻa ʻŌpeti ko e tamai ia ʻa Sehú. Naʻe hoko ʻa Sehu ko e tamai ia ʻa ʻAsalaiá. 39 Naʻe hoko ʻa ʻAsalaia ko e tamai ia ʻa Helesí. Naʻe hoko ʻa Helesi ko e tamai ia ʻa ʻElasá. 40 Naʻe hoko ʻa ʻElasa ko e tamai ia ʻa Sisimaí. Naʻe hoko ʻa Sisimai ko e tamai ia ʻa Salumí. 41 Naʻe hoko ʻa Salumi ko e tamai ia ʻa Sikamaiá. Naʻe hoko ʻa Sikamaia ko e tamai ia ʻa ʻElisamá.

42 Ko e ngaahi foha ʻo Kēlepi*+ ko e tokoua ʻo Selamilí ko Mesa ʻa hono ʻuluaki fohá, ʻa ia ko e tamai ia ʻa Sifia, mo e ngaahi foha ʻo Mālesa ko e tamai ʻa Hepeloní. 43 Ko e ngaahi foha ʻo Hepeloní ko Kola, Tapua, Lēkemi, pea mo Semā. 44 Naʻe hoko ʻa Semā ko e tamai ia ʻa Lahami ko e tamai ia ʻa Siokeamí. Naʻe hoko ʻa Lēkemi ko e tamai ia ʻa Samaí. 45 Ko e foha ʻo Samaí ko Māoni. Ko Māoní ko e tamai ia ʻa Pete-suá.+ 46 Ko e sinifu ʻa Kēlepi ko ʻEfá naʻá ne fanauʻi ʻa Hālani, Mosa, pea mo Kasesa. Naʻe hoko ʻa Hālani ko e tamai ia ʻa Kasesá. 47 Ko e ngaahi foha ʻo Sateí ko Lekemi, Siotame, Kēsani, Pēleti, ʻEfa, pea mo Saafi. 48 Ko e sinifu ʻa Kēlepi ko Māká naʻá ne fanauʻi ʻa Sepeli mo Tilana. 49 Naʻe faai atu pē ʻo ne fanauʻi ʻa Saafi ko e tamai ia ʻa Matimaná+ mo Seva ko e tamai ia ʻa Makapena, mo Kīpiá.+ Ko e ʻofefine ʻo Kēlepí+ ko ʻĀkesa.+ 50 Ko e hako eni ʻo Kēlepí.

Ko e ngaahi foha ʻo Hua+ ko e ʻuluaki tama ʻa ʻEfalatá+ ko Sōpale ko e tamai ia ʻa Kiliate-sialimi,+ 51 ko Salema ko e tamai ia ʻa Pētelihema,+ mo Halefa ko e tamai ia ʻa Pete-katelí. 52 Ko Sōpale ʻa e tamai ʻa Kiliate-sialimí naʻe ʻi ai hono ngaahi foha: Ko Haloe, mo e vaeua ʻo e kau Menuhá. 53 Ko e ngaahi fāmili ʻo Kiliate-sialimí ko e kau ʻItilití,+ ko e kau Puhaité, ko e kau Sumahá, pea mo e kau Misilá. Ko kinautolu eni naʻe tupu mei ai ʻa e kau Solatí+ mo e kau ʻEsitaolí.+ 54 Ko e ngaahi foha ʻo Salemá ko Pētelihema,+ ko e kau Netofá, ko e kau ʻAtaloti-pete-sioapé, ko e vaeua ʻo e kau Manahaté, pea mo e kau Solá. 55 Ko e ngaahi fāmili ʻo e kau sikalaipe naʻe nofo ʻi Sēpesí ko e kau Tilatí, ko e kau Simiatí, pea mo e kau Sukatí. Ko e kau Kēnai+ eni naʻa nau tupu meia Hamati ko e tamai ʻa e fale ʻo Lēkapí.+

3 Ko e ngaahi foha eni ʻo Tēvita naʻe fanauʻi kiate ia ʻi Hepeloní:+ Ko e ʻuluaki fohá ko ʻAmanoni,+ ʻa ia ko ʻene faʻeé ko ʻAhinoami+ mei Sisililí; ko e fika uá ko Taniela, ʻa ia ko ʻene faʻeé ko ʻApikale+ ko e fefine Kāmelí; 2 ko e fika tolú ko ʻApisalome+ ko e tama ʻa Maaka ko e ʻofefine ʻo Talimai ko e tuʻi ʻo Kēsulí; ko e fika faá ko ʻAtunaisa+ ko e tama ʻa Hakití; 3 ko e fika nimá ko Sefataia, ʻa ia ko ʻene faʻeé ko ʻApitalí; ko e fika onó ko ʻItilami, ʻa ia ko ʻene faʻeé ko ʻĒkela ko e uaifi ʻo Tēvitá. 4 Ko e toko ono ko ení naʻe fanauʻi kiate ia ʻi Hepeloni; naʻá ne pule ʻi ai ʻi he taʻu ʻe 7 mo e māhina ʻe 6, pea naʻá ne pule ʻi Selusalema ʻi he taʻu ʻe 33.+

5 Ko e faʻahinga eni naʻe fanauʻi kiate ia ʻi Selusalemá:+ Ko Simea, Sōpapi, Nētane,+ pea mo Solomone;+ ko e faʻē ʻa e toko fā ko ení ko Pati-sepa+ ko e ʻofefine ʻo ʻAmielí. 6 Pea mo e ngaahi foha kehe ʻe toko hiva ko ʻIpihale, ʻElisama, ʻElifeleti, 7 Noka, Nēfeki, Safia, 8 ʻElisama, ʻIliata, pea mo ʻElifeleti. 9 Ko e ngaahi foha kotoa eni ʻo Tēvitá, tuku kehe ʻa e fānau ʻa e kau sinifú, pea ko Tema+ ʻa honau tuofefiné.

10 Ko e foha ʻo Solomoné ko Lehopoame;+ ko hono fohá ʻa ʻĀpaia,+ ʻa ia ko hono fohá ʻa ʻAsa,+ ʻa ia ko hono fohá ʻa Sihosafate,+ 11 ʻa ia ko hono fohá ʻa Siholame,+ ʻa ia ko hono fohá ʻa ʻAhasaia,+ ʻa ia ko hono fohá ʻa Sihoasi,+ 12 ʻa ia ko hono fohá ʻa ʻAmasaia,+ ʻa ia ko hono fohá ʻa ʻAsalaia,+ ʻa ia ko hono fohá ʻa Siotame,+ 13 ʻa ia ko hono fohá ʻa ʻĀhasi,+ ʻa ia ko hono fohá ʻa Hesekaia,+ ʻa ia ko hono fohá ʻa Manase,+ 14 ʻa ia ko hono fohá ʻa ʻĀmone,+ ʻa ia ko hono fohá ʻa Siosaia.+ 15 Ko e ngaahi foha ʻo Siosaiá, ko Siohānani ʻa e ʻuluaki fohá, ko e fika uá ko Sihoiakimi,+ ko e fika tolú ko Setekaia,+ ko e fika faá ko Salumi. 16 Ko e foha* ʻo Sihoiakimí ko Sēkonaia+ ʻa ia ko hono fohá ʻa Setekaia. 17 Ko e ngaahi foha ʻo Sēkonaia ko e pōpulá ko Saletili, 18 Malikilami, Petaia, Senasala, Sikamaia, Hōsama, pea mo Netapaia. 19 Ko e ongo foha ʻo Petaiá ko Seluipēpeli+ mo Simi; pea ko e ngaahi foha ʻo Seluipēpelí ko Mēsuilame mo Henania (pea ko Selomiti ʻa honau tuofefiné); 20 pea mo e ngaahi foha kehe ʻe toko nima ko Hasupa, ʻŌheli, Pelekaia, Hasataia, pea mo Sūsapi-heseti. 21 Pea ko e ongo foha ʻo Henaniá ko Pelataia mo Sisaia; ko e foha* ʻo Sisaiá ko Lefaia; ko e foha* ʻo Lefaiá ko ʻAlanani; ko e foha* ʻo ʻAlananí ko ʻOpataia; ko e foha* ʻo ʻOpataiá ko Sikania; 22 pea ko e hako ʻo Sikaniá ko Semaia, pea ko e ngaahi foha ʻo Semaiá: Ko Hatusi, ʻĪkali, Palaia, Nealia, pea mo Safati—ko e toko ono fakakātoa. 23 Pea ko e ngaahi foha ʻo Nealiá ko ʻElioenai, Hisikaia, pea mo ʻAselikami, ko e toko tolu. 24 Pea ko e ngaahi foha ʻo ʻElioenaí ko Hotevia, ʻEliasipi, Pēlaia, ʻĀkupi, Siohānani, Telaia, pea mo ʻĒnani, ko e toko fitu.

4 Ko e ngaahi foha ʻo Siutá ko Pēlesi,+ Hesiloni,+ Kalimi, Hua,+ mo Sōpale.+ 2 Ko Laia foha ʻo Sōpalé naʻe hoko ia ko e tamai ʻa Seatí; naʻe hoko ʻa Seati ko e tamai ia ʻa ʻAhumai mo Lahatí. Ko e ngaahi fāmili eni ʻo e kau Solatí.+ 3 Ko e ngaahi foha eni ʻo e tamai* ʻa ʻEitamí:+ Ko Sisilili, ʻĪsima, mo ʻItipasi (pea ko e hingoa ʻo honau tuofefiné ko Hasiliponi), 4 pea ko Penueli ko e tamai ia ʻa Ketoá, pea ko ʻĒseli ko e tamai ia ʻa Husá. Ko e ngaahi foha eni ʻo Huá,+ ko e ʻuluaki tama ʻa ʻEfalatá pea ko e tamai ia ʻa Pētelihemá.+ 5 Ko ʻAsihua+ ko e tamai ʻa Tēkoá+ naʻe ʻi ai hono ongo uaifi ko Hela mo Nala. 6 Naʻe fanauʻi ʻe Nala kiate ia ʻa ʻAhusami, Hēfeli, Teimeni, mo Hahasitali. Ko e fānau eni ʻa Nalá. 7 Pea ko e fānau ʻa Helá ko Sileti, ʻIsaʻā, mo ʻĒtani. 8 Naʻe hoko ʻa Kosi ko e tamai ia ʻa ʻĀnupi, Sōpepa, pea mo e ngaahi fāmili ʻo ʻAhaleli ko e foha ʻo Halumí.

9 Ko Sēpesí naʻe fakaʻapaʻapaʻi lahi ange ia ʻi hono fanga tokouá; pea naʻe fakahingoa ia ʻe heʻene faʻeé ko Sēpesi,* ʻi heʻene pehē: “Naʻá ku fāʻeleʻi ia ʻi he mamahi.” 10 Naʻe tautapa ʻa Sēpesi ki he ʻOtua ʻo ʻIsilelí, ʻi heʻene pehē: “Fakatauange ke ke tāpuakiʻi au mo fakalahi hoku feituʻú pea ke ʻiate au ho nimá ʻo fakahaofi au mei he faingataʻá, koeʻuhí ke ʻoua ʻe hoko mai ai ha kovi kiate au!” Ko ia naʻe fakahoko ʻe he ʻOtuá ʻa e meʻa naʻá ne kolé.

11 Ko Kēlupi ʻa e tokoua ʻo Suhá naʻe hoko ia ko e tamai ʻa Mēhili, ʻa ia ko e tamai ʻa ʻEsitoní. 12 Naʻe hoko ʻa ʻEsitoni ko e tamai ia ʻa Pete-lafa, Pasea, mo Tehina, ko e tamai ʻa ʻIli-nahasí. Ko e kau tangata eni ʻo Lekahá. 13 Pea ko e ongo foha ʻo Kēnasí ko ʻOtenili+ mo Sēlaia, pea ko e foha* ʻo ʻOtenilí ko Hatati. 14 Naʻe hoko ʻa Monatai ko e tamai ia ʻa ʻŌfilá. Naʻe hoko ʻa Sēlaia ko e tamai ia ʻa Sioape ko e tamai ʻa Ki-halasimí,* ko e ʻuhinga hono ui peheé he ko e kau nima-meaʻa kinautolu.

15 Ko e ngaahi foha ʻo Kēlepi+ ko e foha ʻo Sīfuné ko ʻIlu, ʻEla, mo Neami; pea ko e foha* ʻo ʻElá ko Kēnasi. 16 Ko e ngaahi foha ʻo Sihalelilí ko Sifia, Sifa, Tilia, mo ʻAsaleli. 17 Ko e ngaahi foha ʻo ʻEselaá ko Sēteli, Meleti, ʻĒfeli, mo Sialoni; naʻá ne* feitama ʻo ne fanauʻi ʻa Meliame, Samai, mo ʻIsipā ko e tamai ʻa ʻEsitimoá. 18 (Pea ko hono uaifi Siú naʻá ne fāʻeleʻi ʻa Sīleti ko e tamai ʻa Ketoá, mo Hepa ko e tamai ʻa Sokó, mo Sikutieli ko e tamai ʻa Sanohá.) Ko e fānau eni ʻa Pitia, ko e ʻofefine ʻo Feló, ʻa ia naʻe mali mo Meletí.

19 Ko e fānau ʻa e uaifi ʻo Hotaia, ko e tuofefine ʻo Nahamí, ko e ngaahi tamai ia ʻa Kiʻila ko e Kamaí mo ʻEsitimoa ko e tangata Māká. 20 Pea ko e ngaahi foha ʻo Sīmoní ko ʻAmanoni, Lina, Peni-hanani, mo Tīloni. Pea ko e ongo foha ʻo ʻIsí ko Soheti mo Peni-soheti.

21 Ko e hako ʻo Sila+ ko e foha ʻo Siutá, ko ʻEa ko e tamai ʻa Leká, mo Lata ko e tamai ʻa Mālesá, pea mo e ngaahi fāmili ʻo e kau ngaohi tupenu lelei ʻo e fale ʻo ʻAsipeá, 22 mo Siokimi, mo e kau tangata ʻo Kōsepá, Sōasi, mo Salafa, ʻa ia naʻa nau hoko ko e ngaahi husepāniti ʻo e kau fefine Mōapé, pea mo Siasupi-lehemi. Ko e ngaahi lēkooti motuʻa eni.* 23 Ko e kau tufunga-ʻumea kinautolu naʻa nau nofo ʻi Netaimi mo Ketela. Naʻa nau nofo ai ʻo ngāue ki he tuʻí.

24 Ko e ngaahi foha ʻo Simioné+ ko Nemueli, Siamini, Sialipi, Sala, pea mo Saulo.+ 25 Ko hono foha ʻa Salumi, ʻa ia ko hono fohá ʻa Mipisami, ʻa ia ko hono fohá ʻa Mīsima. 26 Pea ko e ngaahi foha* ʻo Mīsimá: Ko hono foha ʻa Hamueli, ko e foha ʻo Hamuelí ko Sakuli, ko e foha ʻo Sakulí ko Simi. 27 Pea ko Simí naʻe toko 16 hono ngaahi fohá pea toko 6 hono ngaahi ʻofefiné; ka ko hono fanga tokouá naʻe ʻikai ke tokolahi honau ngaahi fohá, pea naʻe ʻikai ha taha ʻo honau ngaahi fāmilí naʻe tokolahi hono kau tangatá ʻo hangē ko e kau tangata ʻa Siutá.+ 28 Naʻa nau nofo ʻi Pea-sipa,+ Molata,+ Hasa-suali,+ 29 Pilā, ʻEsemi,+ Tōlati, 30 Petueli,+ Hoama,+ Sikilaki,+ 31 Pete-makapoti, Hasa-susimi,+ Pete-pili, pea mo Sālaimi. Ko honau ngaahi koló eni ʻo aʻu ki he pule ʻa Tēvitá.

32 Ko honau ngaahi nofoʻangá ko ʻEitami, ʻEni, Līmoni, Tokeni, mo ʻAsani,+ ko e ngaahi kolo ʻe nima, 33 fakataha mo honau ngaahi nofoʻanga ʻa ia naʻe tuʻu takatakai ʻi he ngaahi kolo ko ení ʻo aʻu ki Pēali. Ko honau ngaahi tohi hohokó eni mo e ngaahi feituʻu naʻa nau nofo aí. 34 Pea ko e ngaahi hako kehe ʻo Simioné ko Mesopapi, Samileki, mo Siosa ko e foha ʻo ʻAmasaiá, 35 Sioeli, Sehu ko e foha ʻo Siosipia ko e foha ʻo Sēlaia ko e foha ʻo ʻAsielí, 36 mo ʻElioenai, Siakopa, Sisohaia, ʻAsaia, ʻAtieli, Sesimieli, Penaia, 37 mo Sīsā ko e foha ʻo Sifi ko e foha ʻo ʻĀloni ko e foha ʻo Sitaia ko e foha ʻo Simeli ko e foha ʻo Semaiá; 38 ko e ngaahi hingoa ko eni ʻoku lave ki aí ko e ngaahi ʻeiki kinautolu ʻi he lotolotonga ʻo honau ngaahi fāmilí, pea ko e fale ʻo ʻenau fanga kuí naʻe fakautuutu honau tokolahí. 39 Pea naʻa nau ʻalu ki he hūʻanga ʻo Ketoá, ki he tafaʻaki fakahahake ʻo e teleʻá, ke fakasio ha ngaahi kaikaiʻanga ki heʻenau ngaahi tākangá. 40 Naʻe faifai pē ʻo nau maʻu ha ngaahi kaikaiʻanga mahu mo lelei, pea naʻe ʻataʻatā ʻa e fonuá, lōngonoa, mo nonga. Ko e faʻahinga naʻe muʻaki nofo aí ko e hako ʻo Hamí.+ 41 Ko e faʻahinga ko eni ʻoku lisi atu honau hingoá naʻa nau omi lolotonga ʻa e ngaahi ʻaho ʻo Tuʻi Hesekaia+ ʻo Siutá ʻo nau taaʻi ʻa e ngaahi tēniti ʻo e hako ʻo Hamí pea mo e kau Meuni naʻa nau nofo aí. Naʻa nau tuku atu kinautolu ki he fakaʻauha ʻo aʻu mai ki he ʻahó ni; pea naʻa nau nofo ʻi honau feituʻú koeʻuhí he naʻe ʻi ai ʻa e ngaahi kaikaiʻanga ai ki heʻenau ngaahi tākangá.

42 Ko e niʻihi ʻo e kau Simioné, ko e kau tangata ʻe toko 500, naʻa nau ʻalu hake ki Moʻunga Seia+ pea naʻe taki kinautolu ʻe he ngaahi foha ʻo ʻIsí, ʻa Pelataia, Nealia, Lefaia, mo ʻOsieli. 43 Pea naʻa nau taaʻi ʻa e toenga ʻo e kau ʻAmaleki+ naʻe holá, pea kuo nau nofo ai ʻo aʻu mai ki he ʻahó ni.

5 Ko e ngaahi foha eni ʻo Lūpeni,+ ko e ʻuluaki foha ʻo ʻIsilelí. Ko e ʻuluaki fohá ia, ka koeʻuhí ko ʻene ʻuliʻi* ʻa e mohenga ʻo ʻene tamaí,+ naʻe ʻoange ai ʻa ʻene totonu ki he ʻuluaki fohá ki he ongo foha ʻo Siosifa+ ko e foha ʻo ʻIsilelí, ko ia naʻe ʻikai ke fakakau ia ʻi he tohi hohoko ki he totonu ʻo e ʻuluaki fohá. 2 Neongo ko Siutá+ naʻe māʻolunga ange ia ʻi hono fanga tokouá pea naʻe haʻu meiate ia ʻa e tokotaha ʻe hoko ko e takí,+ ko e totonu ki he ʻuluaki fohá naʻe ʻa Siosifa ia. 3 Ko e ngaahi foha ʻo Lūpeni ko e ʻuluaki foha ʻo ʻIsilelí ko Hēnoke, Palu, Hesiloni, pea mo Kalimi.+ 4 Ko e hako ʻo Sioelí ko Semaia ko hono fohá, ʻa ia ko hono fohá ʻa Koki, ʻa ia ko hono fohá ʻa Simi, 5 ʻa ia ko hono fohá ʻa Maika, ʻa ia ko hono fohá ʻa Laia, ʻa ia ko hono fohá ʻa Pēali, 6 ʻa ia ko hono fohá ʻa Piela, ʻa ia naʻe ʻave fakamālohi ʻe Tuʻi Tilikati-pilinesa+ ʻo ʻAsīliá; ko ha ʻeiki ia ʻo e haʻa Lūpení. 7 Ko hono fanga tokouá ʻo fakatatau ki he tohi hohoko ʻa honau ngaahi fāmilí, ko Sieli ʻa e ʻulú, ko Sākalaia, 8 mo Pela ko e foha ʻo ʻĀsasi ko e foha ʻo Semā ko e foha ʻo Sioelí, ʻa ia naʻa nau nofo ʻi ʻAloeli+ ʻo aʻu ki Nipo mo Pēali-meoni.+ 9 Ki he hahaké naʻá ne nofo ʻo aʻu ki he kamataʻanga ʻo e toafa ʻi he Vaitafe ʻIufaletesí,+ he ko ʻenau fanga manú naʻe hoko ʻo tokolahi ʻaupito ʻi he fonua ko Kiliatí.+ 10 ʻI he ngaahi ʻaho ʻo Saulá, naʻa nau faitau mo e haʻa Hekaʻaá pea nau ikunaʻi kinautolu, ko ia naʻa nau nofo ai ʻi honau ngaahi tēnití ʻi he kotoa ʻo e feituʻu fakahahake ʻo Kiliatí.

11 Pea naʻe nofo ʻa e hako ʻo Katá ʻo hoko atu kiate kinautolu ʻi he fonua ko Pēsaní ʻo aʻu ki Salika.+ 12 Ko Sioeli ʻa e ʻulú, hoko ai ʻa Safami, pea mo Sanei mo Safati ʻi Pēsani. 13 Pea ko honau fanga tokoua naʻe kau ki he fale ʻo ʻenau ngaahi tamaí ko Maikeli, Mēsuilame, Sipa, Siolai, Sakani, Sie, mo ʻEpa, ko e toko fitu fakakātoa. 14 Ko e ngaahi foha eni ʻo ʻApihaili ko e foha ʻo Huli ko e foha ʻo Sialoa ko e foha ʻo Kiliati ko e foha ʻo Maikeli ko e foha ʻo Sesisai ko e foha ʻo Sato ko e foha ʻo Pusá. 15 Ko Ahi ko e foha ʻo ʻApitieli ko e foha ʻo Kuní ko e ʻulumotuʻa ia ʻi he fale ʻo ʻenau ngaahi tamaí. 16 Naʻa nau nofo ʻi Kiliati,+ pea ʻi Pēsani+ mo hona ngaahi kolo takatakaí,* pea ʻi he ngaahi kaikaiʻanga kotoa ʻo Sāloní ʻo aʻu ki honau ngaahi ngataʻangá. 17 Naʻe fakakau kotoa kinautolu ʻi he tohi hohokó ʻi he ngaahi ʻaho ʻo Tuʻi Siotame+ ʻo Siutá pea ʻi he ngaahi ʻaho ʻo Tuʻi Selopoame*+ ʻo ʻIsilelí.

18 Ko e haʻa Lūpení, mo e haʻa Katá, pea mo e vaeua ʻo e matakali ʻo Manasé naʻe toko 44,760 ʻa e kau tangata toʻa ʻi heʻenau kau taú ʻa ia naʻa nau toʻo pā mo e heletā mo e ngaahi kaufana,* pea naʻe akoʻi kinautolu ʻi he taú. 19 Naʻa nau faitau mo e haʻa Hekaʻaá,+ mo e hako ʻo Situá, mo e hako ʻo Nāfisí,+ pea mo e hako ʻo Nōtapí. 20 Pea naʻe faitokonia kinautolu ʻi heʻenau faitau mo kinautolú, ko ia naʻe tuku atu ai ʻa e haʻa Hekaʻaá mo e faʻahinga kotoa naʻe kau mo kinautolú ki honau nimá, he naʻa nau ui tokoni ki he ʻOtuá ʻi he taú, pea naʻá ne tali ʻenau kōlengá koeʻuhí he naʻa nau falala kiate ia.+ 21 Naʻa nau puke ʻenau fanga manú—ko e fanga kāmeli ʻe 50,000, fanga sipi ʻe 250,000 mo e fanga ʻasi ʻe 2,000—pea pehē ki he kakai ʻe toko 100,000. 22 Naʻe tō ʻo mate ʻa e tokolahi, koeʻuhí he ko e ʻOtua moʻoní+ ia naʻe faitaú. Pea naʻa nau nofo ʻi honau feituʻú ʻo aʻu ki he taimi ʻo e ʻave fakamālohí.+

23 Ko e hako ʻo e vaeua ʻo e matakali ʻo Manasé+ naʻa nau nofo ʻi he fonuá mei Pēsani ki Pēali-heamoni mo Senili pea mo Moʻunga Heamoni.+ Naʻa nau tokolahi ʻaupito. 24 Ko e ngaahi ʻulumotuʻa eni ʻo e ngaahi fale ʻo ʻenau ngaahi tamaí: Ko ʻĒfeli, ʻIsi, ʻEliela, ʻAsilili, Selemaia, Hotevia, pea mo Satieli; ko e kau tangata toʻa ʻi he taú, pea ko e kau tangata ongoongoa, pea ko e ngaahi ʻulumotuʻa kinautolu ʻo e ngaahi fale ʻo ʻenau ngaahi tamaí. 25 Ka naʻa nau taʻefaitōnunga ki he ʻOtua ʻo ʻenau fanga kuí pea nau faifeʻauaki ki he ngaahi ʻotua ʻo e ngaahi kakai ʻo e fonuá,+ ʻa ia naʻe fakaʻauha ʻosi ʻe he ʻOtuá mei honau lotolotongá. 26 Ko ia ko e ʻOtua ʻo ʻIsilelí naʻá ne ʻai ʻa e fakakaukau ki he loto* ʻo Tuʻi Puli ʻo ʻAsīliá+ (ʻa ia, ko Tuʻi Tilikati-pilinesa+ ʻo ʻAsīliá) peá ne ʻave fakamālohi ai ʻa e faʻahinga ʻo e haʻa Lūpení, mo e haʻa Katá, pea mo e vaeua ʻo e matakali ʻo Manasé pea ʻomi kinautolu ki Hala, Hapoa, Halā, pea mo e vaitafe Kōsaní,+ ʻa ia ʻoku nau ʻi ai ʻo aʻu mai ki he ʻahó ni.

6 Ko e ngaahi foha ʻo Līvaí+ ko Kēsoni, Kōhate,+ pea mo Mēlali.+ 2 Ko e ngaahi foha ʻo Kōhaté ko ʻAmilami, ʻIsaʻā,+ Hepeloni, pea mo ʻOsieli.+ 3 Ko e fānau ʻa* ʻAmilamí+ ko ʻĒlone,+ Mōsese,+ pea pehē kia Meliame.+ Pea ko e ngaahi foha ʻo ʻĒloné ko Nātapi, ʻĀpiu,+ ʻEliesa,+ pea mo ʻĪtama.+ 4 Naʻe hoko ʻa ʻEliesa ko e tamai ia ʻa Fineasí;+ naʻe hoko ʻa Fineasi ko e tamai ia ʻa ʻApisuá. 5 Naʻe hoko ʻa ʻApisua ko e tamai ia ʻa Pukí; naʻe hoko ʻa Puki ko e tamai ia ʻa ʻOsí. 6 Naʻe hoko ʻa ʻOsi ko e tamai ia ʻa Silaiá; naʻe hoko ʻa Silaia ko e tamai ia ʻa Melaiotí. 7 Naʻe hoko ʻa Melaioti ko e tamai ia ʻa ʻAmalaiá; naʻe hoko ʻa ʻAmalaia ko e tamai ia ʻa ʻAhitupí.+ 8 Naʻe hoko ʻa ʻAhitupi ko e tamai ia ʻa Sātokí;+ naʻe hoko ʻa Sātoki ko e tamai ia ʻa ʻAhimāsí.+ 9 Naʻe hoko ʻa ʻAhimaasi ko e tamai ia ʻa ʻAsalaiá; naʻe hoko ʻa ʻAsalaia ko e tamai ia ʻa Siohānaní. 10 Naʻe hoko ʻa Siohānani ko e tamai ia ʻa ʻAsalaiá. Naʻá ne ngāue ko e taulaʻeiki ʻi he fale naʻe langa ʻe Solomone ʻi Selusalemá.

11 Naʻe hoko ʻa ʻAsalaia ko e tamai ia ʻa ʻAmalaiá; naʻe hoko ʻa ʻAmalaia ko e tamai ia ʻa ʻAhitupí. 12 Naʻe hoko ʻa ʻAhitupi ko e tamai ia ʻa Sātokí;+ naʻe hoko ʻa Sātoki ko e tamai ia ʻa Salumí. 13 Naʻe hoko ʻa Salumi ko e tamai ia ʻa Hilikaiá;+ naʻe hoko ʻa Hilikaia ko e tamai ia ʻa ʻAsalaiá. 14 Naʻe hoko ʻa ʻAsalaia ko e tamai ia ʻa Sēlaiá;+ naʻe hoko ʻa Sēlaia ko e tamai ia ʻa Sihosatakí.+ 15 Pea naʻe ʻave fakamālohi ʻa Sihosataki ʻi he taimi naʻe ʻave fakamālohi ai ʻe Sihova ʻa Siuta mo Selusalema ʻi he nima ʻo Nepukanesá.

16 Ko e ngaahi foha ʻo Līvaí ko Kēsomi,* Kōhate, pea mo Mēlali. 17 Ko e hingoa eni ʻo e ongo foha ʻo Kēsomí: Ko Lipini mo Simi.+ 18 Ko e ngaahi foha ʻo Kōhaté ko ʻAmilami, ʻIsaʻā, Hepeloni, pea mo ʻOsieli.+ 19 Ko e ongo foha ʻo Mēlalí ko Mahali mo Musi.

Ko e ngaahi fāmili eni ʻo e kau Līvaí ʻo fakatatau ki he hingoa ʻo ʻenau fanga kuí:+ 20 ʻIa Kēsomí,+ ko hono foha ʻa Lipini, ʻa ia ko hono fohá ʻa Seati, ʻa ia ko hono fohá ʻa Sima, 21 ʻa ia ko hono fohá ʻa Sioa, ʻa ia ko hono fohá ʻa ʻIto, ʻa ia ko hono fohá ʻa Sala, ʻa ia ko hono fohá ʻa Satelai. 22 Ko e hako ʻo Kōhaté ko hono foha ko ʻAminatape, ʻa ia ko hono fohá ʻa Kola,+ ʻa ia ko hono fohá ʻa ʻAsili, 23 ʻa ia ko hono fohá ʻa ʻElikena, ʻa ia ko hono fohá ʻa ʻEpiesafe,+ ʻa ia ko hono fohá ʻa ʻAsili, 24 ʻa ia ko hono fohá ʻa Tahati, ʻa ia ko hono fohá ʻa ʻUlieli, ʻa ia ko hono fohá ʻa ʻŪsaia, ʻa ia ko hono fohá ʻa Saulo. 25 Ko e ongo foha ʻo ʻElikená ko ʻAmasai mo ʻAhimoti. 26 Ko e hako ʻo ʻElikená ko hono foha ko Sofei, ʻa ia ko hono fohá ʻa Nahati, 27 ʻa ia ko hono fohá ʻa ʻEliapi, ʻa ia ko hono fohá ʻa Seloami, ʻa ia ko hono fohá ʻa ʻElikena.+ 28 Ko e ongo foha ʻo Sāmiuelá+ ko Sioeli ʻa e ʻuluaki fohá pea ko ʻĀpaia ʻa e fika uá.+ 29 Ko e hako ʻo Mēlalí ko Mahali,+ ʻa ia ko hono fohá ʻa Lipini, ʻa ia ko hono fohá ʻa Simi, ʻa ia ko hono fohá ʻa ʻUsa, 30 ʻa ia ko hono fohá ʻa Simea, ʻa ia ko hono fohá ʻa Hakaia, pea ko hono fohá ʻa ʻAsaia.

31 Ko e faʻahinga eni naʻe fakanofo ʻe Tēvita ke nau tataki ʻa e hivá ʻi he fale ʻo Sihová ʻi he hili ʻa hono tuku ai+ ʻa e ʻAʻaké. 32 Naʻe ʻonautolu ʻa e fatongia ki he hiva ʻi he tāpanekalé, ʻa e tēniti feʻiloakiʻangá ʻo aʻu ki hono langa ʻe Solomone ʻa e fale ʻo Sihová ʻi Selusalemá,+ pea naʻa nau fakahoko ʻenau ngāue naʻe vaheʻi ange kiate kinautolú.+ 33 Ko e kau tangata eni naʻa nau ngāue mo honau ngaahi fohá: ʻI he haʻa Kōhaté, ko Hēmani+ ʻa e tokotaha hivá, ko e foha ʻo Sioeli+ ko e foha ʻo Sāmiuela 34 ko e foha ʻo ʻElikena+ ko e foha ʻo Seloami ko e foha ʻo ʻEliela ko e foha ʻo Toa 35 ko e foha ʻo Sufi ko e foha ʻo ʻElikena ko e foha ʻo Mahati ko e foha ʻo ʻAmasai 36 ko e foha ʻo ʻElikena ko e foha ʻo Sioeli ko e foha ʻo ʻAsalaia ko e foha ʻo Sēfanaia 37 ko e foha ʻo Tahati ko e foha ʻo ʻAsili ko e foha ʻo ʻEpiesafe ko e foha ʻo Kola 38 ko e foha ʻo ʻIsaʻā ko e foha ʻo Kōhate ko e foha ʻo Līvai ko e foha ʻo ʻIsileli.

39 Ko hono tokoua ko ʻĒsafé+ naʻe tuʻu ʻi hono toʻomataʻú; ko ʻĒsafé ko e foha ia ʻo Pelekaia ko e foha ʻo Simea 40 ko e foha ʻo Maikeli ko e foha ʻo Pāseia ko e foha ʻo Malakaia 41 ko e foha ʻo ʻĒtini ko e foha ʻo Sala ko e foha ʻo ʻAtaia 42 ko e foha ʻo ʻĒtani ko e foha ʻo Sima ko e foha ʻo Simi 43 ko e foha ʻo Seati ko e foha ʻo Kēsomi ko e foha ʻo Līvai.

44 Ko e hako ʻo Mēlalí+ ʻa ia ko honau fanga tokouá naʻa nau ʻi he toʻohemá; naʻe ʻi ai ʻa ʻĒtani+ ko e foha ʻo Kisei, ko e foha ʻo ʻĀpeti, ko e foha ʻo Maluki, 45 ko e foha ʻo Hasapaia, ko e foha ʻo ʻAmasaia, ko e foha ʻo Hilikaia, 46 ko e foha ʻo ʻĀmisi, ko e foha ʻo Pani, ko e foha ʻo Semeli, 47 ko e foha ʻo Mahali, ko e foha ʻo Musi, ko e foha ʻo Mēlali, ko e foha ʻo Līvai.

48 Ko honau fanga tokoua ʻa ia ko e kau Līvaí naʻe fakanofo* kinautolu ki he ngāue kotoa ʻo e tāpanekalé, ʻa e fale ʻo e ʻOtua moʻoní.+ 49 Ko ʻĒlone mo hono ngaahi fohá+ naʻa nau tutu ke kohu ʻa e ngaahi feilaulaú ʻi he ʻōlita ʻo e feilaulau tutú+ mo e ʻinisēnisí ʻi he ʻōlita ʻo e ʻinisēnisí,+ ʻi hono fakahoko ʻa e ngaahi fatongia fekauʻaki mo e ngaahi meʻa mātuʻaki toputapú, ke fai ha ʻufiʻufi angahala maʻa ʻIsileli,+ ʻo fakatatau ki he meʻa kotoa naʻe fekauʻi ʻe Mōsese ko e sevāniti ʻa e ʻOtua moʻoní. 50 Ko e hako eni ʻo ʻĒloné:+ Ko hono fohá ʻa ʻEliesa,+ ʻa ia ko hono fohá ʻa Fineasi, ʻa ia ko hono fohá ʻa ʻApisua, 51 ʻa ia ko hono fohá ʻa Puki, ʻa ia ko hono fohá ʻa ʻOsi, ʻa ia ko hono fohá ʻa Silaia, 52 ʻa ia ko hono fohá ʻa Melaioti, ʻa ia ko hono fohá ʻa ʻAmalaia, ʻa ia ko hono fohá ʻa ʻAhitupi,+ 53 ʻa ia ko hono fohá ʻa Sātoki,+ ʻa ia ko hono fohá ʻa ʻAhimaasi.

54 Ko honau ngaahi nofoʻangá eni ʻo fakatatau ki honau ngaahi ʻapitanga* ʻi honau feituʻú: Ki he hako ʻo ʻĒloné ʻa ia ʻoku nau kau ki he fāmili ʻo e haʻa Kōhaté, ʻi he tō ʻa e ʻuluaki lulú kiate kinautolú, 55 naʻa nau foaki kiate kinautolu ʻa Hepeloni+ ʻi he fonua ko Siutá, mo hono ngaahi kaikaiʻanga takatakaí. 56 Ka ko e kelekele ʻo e koló mo hono ngaahi nofoʻangá naʻa nau foaki ia kia Kēlepi+ ko e foha ʻo Sīfuné. 57 Pea naʻa nau foaki ki he hako ʻo ʻĒloné ʻa e ngaahi kolo* hūfangá,+ ʻa Hepeloni,+ pehē foki ki Līpina+ mo hono ngaahi kaikaiʻangá, Satili,+ ʻEsitimoa mo hono ngaahi kaikaiʻangá,+ 58 ko Hīleni mo hono ngaahi kaikaiʻangá, Tepili+ mo hono ngaahi kaikaiʻangá, 59 ʻAsani+ mo hono ngaahi kaikaiʻangá, mo Pete-semesi+ mo hono ngaahi kaikaiʻangá; 60 pea mei he matakali ʻo Penisimaní, ko Kepā+ mo hono ngaahi kaikaiʻangá, ʻAlemeti mo hono ngaahi kaikaiʻangá, mo ʻAnatoti+ mo hono ngaahi kaikaiʻangá. Ko e kotoa ʻo e kolo ki honau ngaahi fāmilí ko e kolo ʻe 13.+

61 Naʻe vahe* ki he toenga ʻo e haʻa Kōhaté ʻa e kolo ʻe hongofulu, mei he fāmili ʻo ha matakali ʻe taha, mei he vaeua ʻo e matakalí, ʻa e vaeua ʻo Manasé.+

62 Naʻa nau vaheʻi ki he haʻa Kēsomí ʻo fakatatau ki honau ngaahi fāmilí ʻa e kolo ʻe 13 mei he matakali ʻo ʻĪsaká, mo e matakali ʻo ʻĀselí, mo e matakali ʻo Nafitalaí, pea mo e matakali ʻo Manase ʻi Pēsaní.+

63 Naʻa nau vaheʻi ki he haʻa Mēlalí ʻo fakatatau ki honau ngaahi fāmilí ʻo fakafou ʻi ha lulu ʻa e kolo ʻe 12 mei he matakali ʻo Lūpení, mo e matakali ʻo Katá, pea mo e matakali ʻo Sepuloní.+

64 Ko ia naʻe foaki ʻe he kau ʻIsilelí ki he kau Līvaí ʻa e ngaahi koló ni mo honau ngaahi kaikaiʻangá.+ 65 ʻIkai ko ia pē, naʻa nau vaheʻi fakafou ʻi ha lulu ʻa e ngaahi kolo ko ení mei he matakali ʻo Siutá, mo e matakali ʻo Simioné, pea mo e matakali ʻo Penisimaní, ʻa ia ko honau ngaahi hingoá ē ʻoku fakahaaʻi atú.

66 Naʻe maʻu ʻe he niʻihi ʻo e ngaahi fāmili ʻo e haʻa Kōhaté ʻa e ngaahi kolo mei he matakali ʻo ʻIfalemí ko honau vahefonua.+ 67 Naʻa nau foaki kiate kinautolu ʻa e ngaahi kolo* hūfangá, ʻa Sīkemi+ mo hono ngaahi kaikaiʻanga ʻi he feituʻu moʻungaʻia ʻo ʻIfalemí, Kēseli+ mo hono ngaahi kaikaiʻangá, 68 Siokemami mo hono ngaahi kaikaiʻangá, Pete-holoni+ mo hono ngaahi kaikaiʻangá, 69 ʻAsaloni+ mo hono ngaahi kaikaiʻangá, pea mo Kati-limoni+ mo hono ngaahi kaikaiʻangá; 70 pea ko e toenga ʻo e ngaahi fāmili ʻo e haʻa Kōhaté naʻa nau maʻu ʻa ʻĀneli mo hono ngaahi kaikaiʻangá mo Piliami mo hono ngaahi kaikaiʻangá mei he vaeua ʻo e matakali ʻo Manasé.

71 Naʻa nau vaheʻi mei he fāmili ʻo e vaeua ʻo e matakali ʻo Manasé ki he haʻa Kēsomí ʻa Kōlani+ ʻi Pēsaní mo hono ngaahi kaikaiʻangá mo ʻAsiteloti mo hono ngaahi kaikaiʻangá;+ 72 pea mei he matakali ʻo ʻĪsaká, ʻa Kētesi mo hono ngaahi kaikaiʻangá, Tapelati+ mo hono ngaahi kaikaiʻangá,+ 73 Lēmoti mo hono ngaahi kaikaiʻangá, mo ʻĀnemi mo hono ngaahi kaikaiʻangá; 74 pea mei he matakali ʻo ʻĀselí, ko Masali mo hono ngaahi kaikaiʻangá, ʻApitoni mo hono ngaahi kaikaiʻangá,+ 75 Hūkoke mo hono ngaahi kaikaiʻangá, mo Lehopi+ mo hono ngaahi kaikaiʻangá; 76 pea mei he matakali ʻo Nafitalaí, ko Kētesi+ ʻi Kālelí+ mo hono ngaahi kaikaiʻangá, Hāmoni mo hono ngaahi kaikaiʻangá, mo Kiliataimi mo hono ngaahi kaikaiʻangá.

77 Naʻa nau vaheʻi mei he matakali ʻo Sepuloní+ ki he toenga ʻo e haʻa Mēlalí ʻa Līmono mo hono ngaahi kaikaiʻangá, Tēpoa mo hono ngaahi kaikaiʻangá; 78 pea ʻi he feituʻu ʻo Sioatani ʻi Sielikoó, ki he hahake ʻo Sioataní, mei he matakali ʻo Lūpení, naʻe ʻoange kiate kinautolu ʻa Pēseli ʻi he toafá mo hono ngaahi kaikaiʻangá, Siahasa+ mo hono ngaahi kaikaiʻangá, 79 Ketemoti+ mo hono ngaahi kaikaiʻangá, mo Mefati mo hono ngaahi kaikaiʻangá; 80 pea mei he matakali ʻo Katá ko Lēmoti ʻi Kiliatí mo hono ngaahi kaikaiʻangá, Mehanemi+ mo hono ngaahi kaikaiʻangá, 81 Hesiponi+ mo hono ngaahi kaikaiʻangá, pea mo Siasea+ mo hono ngaahi kaikaiʻangá.

7 Pea ko e ngaahi foha ʻo ʻĪsaká ko Tola, Pua, Siasupi, pea mo Similoni+—ko e toko fā. 2 Pea ko e ngaahi foha ʻo Tolá ko ʻOsi, Lefaia, Silieli, Samei, ʻIpisami, pea mo Semueli, ko e ngaahi ʻulumotuʻa ʻo e ngaahi fale ʻo ʻenau ngaahi tamaí. Naʻe tupu meia Tola ʻa e kau tangata toʻa ʻi he taú, ʻa ia ko honau tokolahí ʻi he ngaahi ʻaho ʻo Tēvitá ko e toko 22,600. 3 Pea ko e hako* ʻo ʻOsí ko ʻIsilaia pea ko e ngaahi foha ʻo ʻIsilaiá: Ko Maikeli, ʻOpataia, Sioeli, pea mo ʻĪsia—ko kinautolu fakakātoa ʻa e toko nimá ko e ngaahi ʻeiki.* 4 Pea naʻe ʻiate kinautolu ʻo fakatatau ki honau hakó mo e ngaahi fale ʻo ʻenau ngaahi tamaí, ʻa e kau sōtia ʻe toko 36,000 ʻi heʻenau kau taú naʻe faingamālie ki he taú, he naʻa nau maʻu ha ngaahi uaifi mo e ngaahi foha tokolahi. 5 Pea ko honau fanga tokoua ʻi he ngaahi fāmili kotoa ʻo ʻĪsaká ko e kau tangata toʻa ʻi he taú, ko e toko 87,000 ʻi hono hiki kinautolu ʻi he tohi hohokó.+

6 Ko e ngaahi foha ʻo Penisimaní+ ko Pela,+ Pēkeli,+ pea mo Sitieli+—ko e toko tolu. 7 Pea ko e ngaahi foha ʻo Pelá ko ʻEsiponi, ʻOsi, ʻOsieli, Selimoti, pea mo ʻEili—ko e toko nima—ko e ngaahi ʻulumotuʻa ʻo e ngaahi fale ʻo ʻenau ngaahi tamaí, ko e kau tangata toʻa ʻi he taú, pea ko e toko 22,034 naʻe hiki ʻi heʻenau tohi hohokó.+ 8 Pea ko e ngaahi foha ʻo Pēkelí ko Simila, Sōasi, ʻEliese, ʻElioenai, ʻOmilai, Selemoti, ʻĀpaia, ʻAnatoti, pea mo ʻAlemeti—ko kinautolú ni kotoa ko e ngaahi foha ʻo Pēkeli. 9 Ko hono hiki kinautolu ʻi he tohi hohokó ʻo fakatatau ki honau hakó ʻi he fekauʻaki mo e ngaahi ʻulumotuʻa ʻo e ngaahi fale ʻo ʻenau ngaahi tamaí ko e kau tangata toʻa ʻi he taú ʻe toko 20,200. 10 Pea ko e hako ʻo Sitielí+ ko Pilani pea ko e ngaahi foha ʻo Pilaní: Ko Seusi, Penisimani, ʻĒhuti, Kenaʻana, Sitani, Tāsisi, pea mo ʻAhisahali. 11 Ko e faʻahingá ni kotoa ko e hako kinautolu ʻo Sitieli, ʻo fakatatau ki he ngaahi ʻulumotuʻa ʻo ʻenau fanga kuí, ko e kau tangata toʻa ʻi he taú ʻe toko 17,200 naʻa nau mateuteu ke ʻalu atu ʻi he taú.

12 Ko Sūpimi mo Hūpimi ko e ongo foha kinaua ʻo ʻIli;+ ko e kau Hūsimí ko e hako kinautolu ʻo ʻĀhila.

13 Ko e ngaahi foha ʻo Nafitalaí+ ko Sasieli, Kuni, Siseli, pea mo Salumi—ko e hako* kinautolu ʻo Pilaá.+

14 Ko e ngaahi foha ʻo Manasé:+ Ko ʻAselieli, ʻa ia naʻe fanauʻi kiate ia ʻe heʻene sinifu Sīliá. (Naʻe fanauʻi ʻe he sinifú ʻa Mākili+ ko e tamai ʻa Kiliatí. 15 Naʻe maʻu ʻe Mākili ha uaifi moʻo Hūpimi mo Sūpimi, pea ko e hingoa ʻo hono tuofefiné ko Maaka.) Ko e hingoa ʻo hono uá ko Silofehati,+ ka naʻe maʻu ʻe Silofehati ha ngaahi ʻofefine.+ 16 Naʻe fanauʻi ʻe Maaka ko e uaifi ʻo Mākilí ha tamasiʻi pea fakahingoa ia ko Pelesi; pea ko e hingoa ʻo hono tokouá ko Sēlesi; pea ko hono ongo fohá ko ʻUlami pea mo Lēkemi. 17 Pea ko e foha* ʻo ʻUlamí ko Pitani. Ko e kau tangata kotoa ko ení ko e hako kinautolu ʻo Kiliati ko e foha ʻo Mākili ko e foha ʻo Manasé. 18 Pea ko e tuofefine ʻo Kiliatí ko Hamoleketi. Naʻá ne fanauʻi ʻa ʻIsihoti, ʻApiesa, pea mo Mahala. 19 Pea ko e ngaahi foha ʻo Semitá ko ʻAhiani, Sīkemi, Liki, pea mo ʻAniami.

20 Ko e ngaahi foha ʻo ʻIfalemí+ ko Sutela,+ ʻa ia ko hono fohá ʻa Peleti, ʻa ia ko hono fohá ʻa Tahati, ʻa ia ko hono fohá ʻa ʻEliata, ʻa ia ko hono fohá ʻa Tahati, 21 naʻe tupu ʻia Tahati ʻa Sapati, naʻe tupu ʻia Sapati ʻa Sutela. Naʻe toe tupu ʻia ʻIfalemi ʻa ʻĒseli pea mo ʻĒlati. Naʻe tāmateʻi ʻa ʻĒseli mo ʻĒlati ʻe he kau tangata Kati+ naʻe fanauʻi ʻi he fonuá koeʻuhí naʻa nau* ʻalu hifo ke ʻave ʻena fanga manú. 22 Naʻe tengihia kinaua ʻe ʻIfalemi ko ʻena tamaí ʻi he ngaahi ʻaho lahi, pea naʻe toutou haʻu hono fanga tokouá ke fakafiemālie kiate ia. 23 ʻI he hili iá, naʻá ne mohe* mo hono uaifí, pea naʻá ne feitama peá ne fāʻeleʻi ha tamasiʻi. Ka naʻe fakahingoa ia ʻe ʻIfalemi ko Peliʻa* koeʻuhí naʻá ne fāʻele ʻi he taimi naʻe tō ai ha mala ʻi hono falé. 24 Pea ko hono ʻofefiné ko Seʻela, ko ia naʻá ne langa ʻa Pete-holoni ki ʻolunga+ mo laló+ pea mo ʻŪseni-selá. 25 Pea naʻe ʻi ai ha foha ʻo ʻIfalemi* ko Lefahi, mo Lesefi, ʻa ia ko hono fohá ʻa Telaha, ʻa ia ko hono fohá ʻa Tehani, 26 ʻa ia ko hono fohá ʻa Latana, ʻa ia ko hono fohá ʻa ʻAmihuti, ʻa ia ko hono fohá ʻa ʻElisama, 27 ʻa ia ko hono fohá ʻa Nuni, ʻa ia ko hono fohá ʻa Siosiua.*+

28 Ko honau tofiʻá mo honau ngaahi nofoʻangá ko Pēteli+ mo hono ngaahi kolo takatakaí,* pea ki he hahaké ki Nālani, pea ki he hihifó ki Kēseli mo hono ngaahi kolo takatakaí, mo Sīkemi mo hono ngaahi kolo takatakaí, ʻo aʻu ki ʻĀia* mo hono ngaahi kolo takatakaí; 29 pea hoko atu ki he ngaahi hako ʻo Manasé, ko Pete-seani+ mo hono ngaahi kolo takatakaí, ko Tanaka+ mo hono ngaahi kolo takatakaí, ko Mekito+ mo hono ngaahi kolo takatakaí, pea mo Toʻa+ mo hono ngaahi kolo takatakaí. Naʻe nofo heni ʻa e hako ʻo Siosifa ko e foha ʻo ʻIsilelí.

30 Ko e ngaahi foha ʻo ʻĀselí ko ʻIminā, ʻĪsiva, ʻĪsivi, pea mo Peliʻa,+ pea ko honau tuofefiné ko Selā.+ 31 Ko e ongo foha ʻo Peliʻá ko Hepa mo Malakieli, ʻa ia ko e tamai ia ʻa Pilisaití. 32 Naʻe hoko ʻa Hepa ko e tamai ia ʻa Safileti, Sōmeli, mo Hōtame, pea mo Sua ko honau tuofefiné. 33 Ko e ngaahi foha ʻo Safiletí ko Pasaki, Pimali, pea mo ʻAsivati. Ko e ngaahi foha eni ʻo Safiletí. 34 Ko e ngaahi foha ʻo Semelí* ko Ahi, Louka, Sihupa, pea mo ʻĒlami. 35 Ko e ngaahi foha ʻo hono tokoua ko Helemí* ko Sofa, ʻĪmina, Selesi, pea mo ʻĀmali. 36 Ko e ngaahi foha ʻo Sofá ko Suā, Hanefeli, Suali, Peli, ʻImilā, 37 Pēseli, Hoti, Sema, Silisa, ʻItilani, pea mo Peila. 38 Ko e ngaahi foha ʻo Sētelí ko Sīfune, Pisipa, pea mo ʻAla. 39 Ko e ngaahi foha ʻo ʻUlá ko ʻAlaʻa, Hanieli, pea mo Laisia. 40 Ko e faʻahingá ni kotoa ko e ngaahi foha ʻo ʻĀseli, ko e ngaahi ʻulumotuʻa kinautolu ʻo e ngaahi fale ʻo ʻenau ngaahi tamaí, ko e kau tangata toʻa ʻi he taú naʻe fili, ko e kau taki mahuʻinga tahá kinautolu; pea ko honau tokolahí ʻi he tohi hohoko+ naʻe hikí ko e kau tangata tau ʻe toko 26,000+ naʻe faingamālie ki he taú.

8 Pea naʻe hoko ʻa Penisimani+ ko e tamai ia ʻa Pelá+ ko hono ʻuluaki fohá, ko ʻAsipeli+ ʻa e fika uá, ko ʻĀhala ʻa e fika tolú, 2 ko Noha ʻa e fika faá, pea ko Lafa ʻa e fika nimá. 3 Ko e ngaahi foha ʻo Pelá ko ʻAtali, Kela,+ ʻApihuti, 4 ʻApisua, Neamani, ʻĀhoa, 5 Kela, Sefufani, pea mo Hulami. 6 Ko e ngaahi foha eni ʻo ʻĒhutí, ko e ngaahi ʻulumotuʻa ʻo e ngaahi fale ʻo e ngaahi tamai ʻa e kakai ʻo Kepaá,+ ʻa ia naʻe ʻave fakamālohi ki Manahaté: 7 Ko Neamani, ʻĀhisa, mo Kela—ko e tokotaha ia naʻá ne ʻave fakamālohi kinautolú pea naʻá ne hoko ko e tamai ia ʻa Usa mo ʻAhiutí. 8 Naʻe hoko ʻa Sahalaimi ko e tamai ia ʻa ha fānau ʻi he feituʻu* ʻo Mōapé ʻi he hili ʻene tuku ange kinautolú. Ko Hūsimi mo Peala ʻa hono ongo uaifí.* 9 Pea ʻi hono uaifi ko Hotesí, naʻá ne hoko ai ko e tamai ʻa Siopapi, Sipaia, Mesa, Malekami, 10 Seuse, Sakaia, pea mo Milima. Ko hono ngaahi fohá eni, ko e ngaahi ʻulumotuʻa ʻo e ngaahi fale ʻo ʻenau ngaahi tamaí.

11 ʻIa Hūsimi naʻá ne hoko ai ko e tamai ʻa ʻApitupi mo ʻElipeali. 12 Pea ko e ngaahi foha ʻo ʻElipealí ko ʻEpa, Mīsami, Semeti, (ʻa ia naʻá ne langa ʻa Ono+ mo Loti+ pea mo hona ngaahi kolo takatakaí*), 13 Peliʻa, pea mo Semā. Ko e ngaahi ʻulumotuʻa eni ʻo e ngaahi fale ʻo e ngaahi tamai ʻa e kakai ʻo ʻAsaloní.+ Ko e faʻahinga eni naʻa nau kapusi ʻa e kakai ʻo Katí. 14 Pea ko ʻAhio, Sasaki, Selemoti, 15 Sepataia, ʻĀlati, ʻEta, 16 Maikeli, ʻĪsipa, Soha, ko e hako kinautolu ʻo Peliʻa; 17 pea ko Sepataia, Mēsuilame, Hisiki, Hepa, 18 ʻIsimelai, ʻIsilia, Siopapi, ko e hako kinautolu ʻo ʻElipeali; 19 pea ko Siakimi, Sikeli, Sapiti, 20 ʻElienai, Silitai, ʻEliela, 21 ʻAtaia, Pelaia, Similati, ko e hako kinautolu ʻo Simi; 22 pea ko ʻIsipani, ʻEpa, ʻEliela, 23 ʻApitoni, Sikeli, Hānani, 24 Henania, ʻĪlami, ʻAnitotisa, 25 ʻIfitaia, Penueli, ko e hako kinautolu ʻo Sasaki; 26 pea ko Sameiselai, Sehalaia, ʻAtalaia, 27 Salesia, ʻIlaisiā, Sikeli, ko e hako kinautolu ʻo Seloami. 28 Ko e ngaahi ʻulumotuʻa kinautolu ʻo e ngaahi fale ʻo ʻenau ngaahi tamaí ʻo fakatatau ki honau hakó. Naʻe nofo ʻa e kau tangata taki ko ení ʻi Selusalema.

29 Ko e tamai ʻa Kipioné ko Sieli, naʻe nofo ʻi Kipione.+ Ko e hingoa ʻo hono uaifí ko Maaka.+ 30 Pea ko hono ʻuluaki fohá ko ʻApitoni, hoko mai ai ʻa Siuli, Kisi, Pēali, Nātapi, 31 Ketoa, ʻAhio, pea mo Sakeli. 32 Naʻe hoko ʻa Mikeloti ko e tamai ia ʻa Simiá. Pea naʻa nau nofo kotoa ʻo ofi ki honau fanga tokoua ʻi Selusalemá, fakataha mo honau fanga tokoua kehé.

33 Naʻe hoko ʻa Nā+ ko e tamai ia ʻa Kisí; naʻe hoko ʻa Kisi ko e tamai ia ʻa Saulá;+ naʻe hoko ʻa Saula ko e tamai ia ʻa Sionatane,+ Maliki-sua,+ ʻApinatapi,+ pea mo ʻEsipealí.*+ 34 Pea ko e foha ʻo Sionatané ko Melipi-peali.*+ Naʻe hoko ʻa Melipi-peali ko e tamai ia ʻa Maiká.+ 35 Pea ko e ngaahi foha ʻo Maiká ko Pitoni, Meleki, Talia, pea mo ʻĀhasi. 36 Naʻe hoko ʻa ʻĀhasi ko e tamai ia ʻa Sihoatá; naʻe hoko ʻa Sihoata ko e tamai ia ʻa ʻAlemeti, ʻAsimaveti, pea mo Similaí. Naʻe hoko ʻa Similai ko e tamai ia ʻa Mosá. 37 Naʻe hoko ʻa Mosa ko e tamai ia ʻa Piná, ʻa ia ko hono fohá ʻa Lefa, ʻa ia ko hono fohá ʻa ʻElasa, ʻa ia ko hono fohá ʻa ʻĀsili. 38 Naʻe ʻi ai ha foha ʻe toko ono ʻo ʻĀsili, pea ko honau hingoá ko ʻAselikami, Pokelu, ʻIsimeʻeli, Salaia, ʻOpataia, pea mo Hānani. Ko e ngaahi foha kotoa kinautolu ʻo ʻĀsilí. 39 Pea ko e ngaahi foha ʻo hono tokoua ko ʻĒsekí ko ʻUlami ʻa hono ʻuluaki fohá, ko Seusi ʻa e fika uá, pea ko ʻElifeleti ʻa e fika tolú. 40 Pea ko e ngaahi foha ʻo ʻUlamí ko e kau tangata toʻa ʻi he taú ʻa ia naʻa nau malava ke ngāueʻaki* ʻa e kaufaná, pea naʻe tokolahi honau ngaahi fohá mo e fanga makapuná, ko honau tokolahí ko e toko 150. Ko e hako kotoa kinautolu ʻo Penisimani.

9 Naʻe fakakau kotoa ʻa e kau ʻIsilelí ʻi he tohi hohokó, pea kuo hiki kinautolu ʻi he Tohi ʻo e Ngaahi Tuʻi ʻo ʻIsilelí. Pea naʻe ʻave fakamālohi ʻa Siuta ki Pāpilone ʻi heʻene taʻefaitōnungá.+ 2 Ko e ʻuluaki kakai naʻa nau foki ki honau tofiʻa ʻi honau ngaahi koló ko e niʻihi ʻo e kau ʻIsilelí, ko e kau taulaʻeikí, mo e kau Līvaí, pea mo e kau sevāniti ʻi he temipalé.*+ 3 Pea ko e niʻihi ʻi he hako ʻo Siuta,+ Penisimani,+ ʻIfalemi, pea mo Manasé naʻa nau nofo ʻi Selusalema: 4 Ko ʻUtai ko e foha ʻo ʻAmihuti ko e foha ʻo ʻOmilai ko e foha ʻo ʻImilai ko e foha ʻo Pani mei he hako ʻo Pēlesi+ ko e foha ʻo Siutá. 5 Pea mei he kau Sailó, ko ʻAsaia ko e ʻuluaki fohá pea mo hono ngaahi fohá. 6 Pea mei he ngaahi foha ʻo Salá,+ ko Siueli mo e toko 690 ʻo honau fanga tokouá.

7 Pea mei he hako ʻo Penisimaní, ko Salu ko e foha ʻo Mēsuilame ko e foha ʻo Hotevia ko e foha ʻo Hasenua, 8 ko ʻIpenaia ko e foha ʻo Seloami, ko ʻEla ko e foha ʻo ʻOsi ko e foha ʻo Mikeli, pea mo Mēsuilame ko e foha ʻo Sefataia ko e foha ʻo Liueli ko e foha ʻo ʻIpinaisa. 9 Pea ko honau fanga tokouá ʻo fakatatau ki he laine hohokó ko e toko 956. Ko e kau tangata kotoa ko ení ko e ngaahi ʻulumotuʻa ʻo e ngaahi fale ʻo ʻenau ngaahi tamaí.*

10 Pea mei he kau taulaʻeikí, naʻe kau ki ai ʻa Sitaia, Sihoialipi, Siakini,+ 11 ko ʻAsalaia ko e foha ʻo Hilikaia ko e foha ʻo Mēsuilame ko e foha ʻo Sātoki ko e foha ʻo Melaioti ko e foha ʻo ʻAhitupi, ko ha taki ʻo e fale* ʻo e ʻOtua moʻoní, 12 ko ʻAtaia ko e foha ʻo Seloami ko e foha ʻo Pasua ko e foha ʻo Malakaia, ko Māsai ko e foha ʻo ʻAtieli ko e foha ʻo Siasala ko e foha ʻo Mēsuilame ko e foha ʻo Mesilemiti ko e foha ʻo ʻĪmeli, 13 pea mo honau fanga tokouá, ko e ngaahi ʻulumotuʻa ʻo e ngaahi fale ʻo ʻenau ngaahi tamaí, ko e kau tangata toʻa mo lavameʻa ʻe toko 1,760, naʻa nau faingamālie ki he ngāue ʻi he fale ʻo e ʻOtua moʻoní.

14 Pea mei he kau Līvaí, naʻe kau ki ai ʻa Semaia+ ko e foha ʻo Hasupi ko e foha ʻo ʻAselikami ko e foha ʻo Hasapaia mei he hako ʻo Mēlalí; 15 pea mo Pakipaka, Hēlesi, Kalali, Matanaia ko e foha ʻo Mika ko e foha ʻo Sikeli ko e foha ʻo ʻĒsafe, 16 ko ʻOpataia ko e foha ʻo Semaia ko e foha ʻo Kalali ko e foha ʻo Situtuni, pea mo Pelekaia ko e foha ʻo ʻAsa ko e foha ʻo ʻElikena, ʻa ia naʻe nofo ʻi he ngaahi nofoʻanga ʻo e kau Netofá.+

17 Ko e kau leʻo matapaá+ ko Salumi, ʻĀkupi, Talemoni, ʻAhimani, pea ko honau tokoua ko Salumí ʻa e takí, 18 pea ʻi he aʻu mai ki he taimi ko iá naʻá ne ʻi he matapā ʻo e tuʻí ki he hahaké.+ Ko e kau leʻo matapā eni ʻo e ngaahi ʻapitanga ʻo e kau Līvaí. 19 Pea ko Salumi ko e foha ʻo Kole ko e foha ʻo ʻEpiesafe ko e foha ʻo Kola, mo hono fanga tokoua ʻi he ngaahi fale ʻo ʻene ngaahi tamaí, ʻa e haʻa Kolá, naʻa nau tokangaʻi ʻa e ngaahi ngafa ʻo e ngāué, mo e kau leʻo matapā ʻo e tēnití, pea ko ʻenau ngaahi tamaí naʻa nau tokangaʻi ʻa e ʻapitanga ʻa Sihová ʻi he hoko ko e kau leʻo ʻo e matapā hūʻangá. 20 Ko Fineasi+ ko e foha ʻo ʻEliesá+ ʻa ia naʻe hoko ko honau taki ʻi he kuohilí; naʻe kau ʻa Sihova mo ia. 21 Ko Sākalaia+ ko e foha ʻo Meselemaiá ʻa e leʻo matapā ʻo e hūʻanga ʻo e tēniti feʻiloakiʻangá.

22 Ko e faʻahinga kotoa naʻe fili ke nau hoko ko e kau leʻo matapā ʻi he ngaahi hūʻangá ko honau tokolahí ko e toko 212. Naʻa nau ʻi honau ngaahi nofoʻangá ʻo fakatatau ki hono hiki kinautolu ʻi he tohi hohokó.+ Ko Tēvita mo Sāmiuela ko e matalōloá+ naʻá na fakanofo ʻa e faʻahingá ni ki honau lakanga falalaʻangá. 23 Ko kinautolu mo honau ngaahi fohá naʻa nau tokangaʻi ʻa e ngāue ʻa e kau kaʻate ʻi he ngaahi matapā ʻo e fale ʻo Sihová,+ ʻa e fale ʻo e tēnití. 24 Ko e kau leʻo matapaá naʻa nau ʻi he tafaʻaki ʻe faá—ʻi he hahaké, hihifó, tokelaú, pea mo e tongá.+ 25 ʻI he taimi ki he taimi, naʻe pau ke haʻu ai ʻa honau fanga tokouá mei honau ngaahi nofoʻangá ʻi he ʻaho ʻe fitu ke ngāue fakataha mo kinautolu. 26 Naʻe ʻi ai ʻa e kau pule* leʻo matapā ʻe toko fā ʻi he lakanga falalaʻangá. Ko e kau Līvai kinautolu, pea naʻa nau tokangaʻi ʻa e ngaahi loki* ʻo e ngaahi tukuʻanga koloa ʻo e fale ʻo e ʻOtua moʻoní.+ 27 Naʻa nau tuʻu ʻo leʻo ʻi he poó kotoa ʻi honau ngaahi tuʻuʻangá ʻo takatakai ʻi he fale ʻo e ʻOtua moʻoní, he naʻa nau tokangaʻi ʻa e ngāue ʻa e kau kaʻaté pea naʻa nau tokangaʻi ʻa e kií pea naʻa nau fakaava ʻa e matapaá ʻi he pongipongi ki he pongipongi.

28 Ko e niʻihi ʻo kinautolu naʻa nau tokangaʻi ʻa e ngaahi naunau+ ki he ngāué; naʻa nau lau ia ʻi heʻenau fakahū ki lotó pea lau ia ʻi heʻenau toʻo ki tuʻá. 29 Ko e niʻihi ʻo kinautolu naʻe fakanofo ke nau tokangaʻi ʻa e ngaahi naunaú, ʻo tokangaʻi ʻa e kotoa ʻo e ngaahi naunau toputapú,+ pea ki he mahoaʻa leleí,+ ko e uainé,+ ko e loló,+ ko e ʻinisēnisi hinehiná,+ pea mo e lolo paʻamé.*+ 30 Ko e niʻihi ʻo e ngaahi foha ʻo e kau taulaʻeikí naʻa nau ngaohi ʻa e meʻa namu-kakala ki he lolo paʻamé. 31 Pea ko Matitaia mei he kau Līvaí ʻa ia ko e ʻuluaki foha ʻo Salumi mei he haʻa Kolá, naʻá ne ʻi he lakanga falalaʻangá ʻo tokangaʻi ʻa e ngaahi meʻa naʻe taʻó.+ 32 Ko e niʻihi ʻo honau fanga tokoua ʻi he haʻa Kōhaté naʻa nau tokangaʻi ʻa e fokotuʻunga maá,*+ ke teuteu ia ʻi he Sāpate*+ kotoa pē.

33 Ko e kau hivá eni, ko e ngaahi ʻulumotuʻa ʻo e ngaahi fale ʻo e ngaahi tamai ʻa e kau Līvaí ʻi he ngaahi lokí,* ʻa e faʻahinga ko ia naʻe fakaʻataʻatā mei he ngaahi ngafa kehé; he ʻi he ʻahó pea ʻi he poʻulí ko honau fatongiá ia ke nau ngāue. 34 Ko e ngaahi ʻulumotuʻa eni ʻo e ngaahi fale ʻo e ngaahi tamai ʻa e kau Līvaí ʻo fakatatau ki honau laine hohokó, ko e kau tangata taki. Naʻe nofo ʻa e faʻahingá ni ʻi Selusalema.

35 Ko e tamai ʻa Kipioné ko Sieli, naʻe nofo ʻi Kipione.+ Ko e hingoa ʻo hono uaifí ko Maaka. 36 Pea ko hono ʻuluaki fohá ko ʻApitoni, hoko mai ai ʻa Siuli, Kisi, Pēali, Nā, Nātapi, 37 Ketoa, ʻAhio, Sākalaia, pea mo Mikeloti. 38 Naʻe hoko ʻa Mikeloti ko e tamai ia ʻa Simiami. Pea naʻa nau nofo kotoa ʻo ofi ki honau fanga tokoua ʻi Selusalemá, fakataha mo honau fanga tokoua kehé. 39 Naʻe hoko ʻa Nā+ ko e tamai ia ʻa Kisí; naʻe hoko ʻa Kisi ko e tamai ia ʻa Saulá;+ naʻe hoko ʻa Saula ko e tamai ia ʻa Sionatane,+ Maliki-sua,+ ʻApinatapi,+ pea mo ʻEsipealí. 40 Pea ko e foha ʻo Sionatané ko Melipi-peali.+ Naʻe hoko ʻa Melipi-peali ko e tamai ia ʻa Maiká.+ 41 Pea ko e ngaahi foha ʻo Maiká ko Pitoni, Meleki, Talea, pea mo ʻĀhasi. 42 Naʻe hoko ʻa ʻĀhasi ko e tamai ia ʻa Sialá; naʻe hoko ʻa Siala ko e tamai ia ʻa ʻAlemeti, ʻAsimaveti, pea mo Similaí. Naʻe hoko ʻa Similai ko e tamai ia ʻa Mosá. 43 Naʻe hoko ʻa Mosa ko e tamai ia ʻa Pina pea ko hono fohá ʻa Lefaia, ʻa ia ko hono fohá ʻa ʻElasa, ʻa ia ko hono fohá ʻa ʻĀsili. 44 Naʻe ʻi ai ha foha ʻe toko ono ʻo ʻĀsili, pea ko honau hingoá ko ʻAselikami, Pokelu, ʻIsimeʻeli, Salaia, ʻOpataia, pea mo Hānani. Ko e ngaahi foha kinautolu ʻo ʻĀsilí.

10 Pea naʻe tauʻi ʻe he kau Filisitiá ʻa ʻIsileli. Pea naʻe hola ʻa e kau tangata ʻo ʻIsilelí mei he ʻao ʻo e kau Filisitiá, pea naʻe tō ʻa e tokolahi ʻi hono tāmateʻi ʻi Moʻunga Kilipoa.+ 2 Naʻe tuli ofi atu ʻa e kau Filisitiá kia Saula mo hono ngaahi fohá, pea naʻe taaʻi ʻe he kau Filisitiá ʻa Sionatane, ʻApinatapi, pea mo Maliki-sua,+ ko e ngaahi foha ʻo Saulá. 3 Naʻe fakaʻaʻau ʻo mālohi ange ʻa e taú kia Saula, pea naʻe maʻu ia ʻe he kau fana ngahaú, pea naʻe fakalaveaʻi ia ʻe he kau fana ngahaú.+ 4 Naʻe pehē leva ʻe Saula ki heʻene tangata toʻo meʻataú: “Unuhi hoʻo heletaá ʻo hokaʻi ʻaki au, ke ʻoua naʻa omi ʻa e kau tangata taʻekamú ni ʻo fakamamahiʻi*+ au.” Ka naʻe ʻikai ke loto ki ai ʻa ʻene tangata toʻo meʻataú, he naʻá ne ilifia lahi ʻaupito. Ko ia naʻe toʻo ai ʻe Saula ʻa e heletaá ʻo ne tō hifo ki ai.+ 5 ʻI he sio ʻa ʻene tangata toʻo meʻataú kuo mate ʻa Saulá, naʻá ne tō hifo mo ia ki heʻene heletā ʻaʻaná ʻo ne mate. 6 Ko ia naʻe mate ai ʻa Saula mo hono foha ʻe toko tolú, pea ko kinautolu kotoa ko ia ʻi hono falé naʻa nau mate fakataha.+ 7 ʻI he sio ʻa e kakai kotoa ʻo ʻIsileli ʻi he teleʻá* kuo hola ʻa e tokotaha kotoa pea kuo mate ʻa Saula mo hono ngaahi fohá, naʻe kamata ke nau liʻaki honau ngaahi koló pea nau hola; naʻe omi leva ʻa e kau Filisitiá ʻo nofo ai.

8 ʻI he ʻaho hono hokó, ʻi he omi ʻa e kau Filisitiá ke huʻi ʻa e ngaʻotoʻotá mei he faʻahinga kuo tāmateʻí, naʻa nau ʻilo ʻa Saula mo hono ngaahi fohá kuo nau tō tau ʻi Moʻunga Kilipoa.+ 9 Ko ia naʻa nau huʻi ʻa hono teungá pea tuʻusi ʻa hono ʻulú ʻo ʻave fakataha mo ʻene meʻataú, pea ʻoatu ha tala ki he kotoa ʻo e fonua ʻo e kau Filisitiá ke fakamafola ʻa e ongoongó ni ki he fale ʻo honau ngaahi ʻaitolí+ pea mo e kakaí. 10 Pea naʻa nau tuku ʻa ʻene meʻataú ʻi he fale* ʻo honau ʻotuá pea fakamaʻu ʻa hono ngeʻesi-ʻulú ki he fale ʻo Tākoní.+

11 ʻI he fanongo ʻa e faʻahinga kotoa ʻi Siepesi+ ʻi Kiliatí ki he meʻa kotoa naʻe fai ʻe he kau Filisitiá kia Saulá,+ 12 naʻe tuʻu hake ʻa e kau taú kotoa ʻo nau ʻave ʻa e ʻangaʻanga ʻo Saulá pea mo e ʻangaʻanga ʻo hono ngaahi fohá. Naʻa nau ʻave kinautolu ki Siepesi ʻo tanu ʻa honau ngaahi huí ʻi he fuʻu lalo ʻakau ʻi Siepesi,+ pea naʻa nau ʻaukai ʻi he ʻaho ʻe fitu.

13 Ko ia naʻe mate ʻa Saula ʻi he taʻefaitōnunga naʻá ne fakahāhā kia Sihová koeʻuhí naʻe ʻikai te ne talangofua ki he folofola ʻa Sihová,+ pehē foki ki heʻene kumi faleʻi ki ha taula faʻahikehe+ 14 kae ʻikai fehuʻi kia Sihová. Ko ia naʻá Ne tāmateʻi ia pea ʻoange ʻa e tuʻunga-tuʻí kia Tēvita ko e foha ʻo Sesé.+

11 ʻI he hili atu ha taimi naʻe fakatahataha mai ai ʻa e kau ʻIsilelí kotoa kia Tēvita ki Hepeloni+ pea nau pehē: “Vakai! Ko kimautolú ko ho hui mo ho kakano tonu.*+ 2 ʻI he kuohilí lolotonga ʻa e tuʻi ʻa Saulá, ko koe ʻa e tokotaha naʻá ke taki ʻa ʻIsileli ʻi heʻene ngaahi feingataú.*+ Pea naʻe folofola ʻa Sihova ko ho ʻOtuá kiate koe: ‘Te ke tauhi ʻa ʻIsileli ko hoku kakaí, pea te ke hoko ko e taki ki ʻIsileli ko hoku kakaí.’”+ 3 Ko ia naʻe haʻu ʻa e kau mātuʻa kotoa ʻo ʻIsilelí ki he tuʻí ki Hepeloni, pea naʻe fai ʻe Tēvita ha fuakava mo kinautolu ʻi Hepeloni ʻi he ʻao ʻo Sihová. Pea naʻa nau pani ʻa Tēvita ke hoko ko e tuʻi ki ʻIsileli,+ ʻo fakatatau ki he folofola ʻa Sihova fakafou ʻia Sāmiuelá.+

4 Ki mui ai, naʻe ʻalu atu ʻa Tēvita mo ʻIsileli kotoa ki Selusalema, ʻa ia, ko Siepusi+ ia, ʻa ia ko e kau Siepusí+ naʻa nau nofoʻi ʻa e fonuá. 5 Ko e kakai ʻo Siepusí naʻa nau manuki kia Tēvita: “Heʻikai ʻaupito te ke haʻu ki heni!”+ Kae kehe, naʻe hamu ʻe Tēvita ʻa e kolo malu ko Saioné,+ ʻa ia ʻoku hoko ʻi he taimí ni ko e Kolo-ʻo-Tēvitá.+ 6 Ko ia naʻe pehē ai ʻe Tēvita: “ʻIlonga ʻa ia te ne ʻuluaki taaʻi ʻa e kau Siepusí te ne hoko ko e ʻeiki* mo e taki.” Pea ko Sioape+ ko e tama ʻa Seluvaiá naʻá ne ʻuluaki ʻalu haké, pea naʻá ne hoko ko e ʻeikí. 7 Naʻe nofo leva ʻa Tēvita ʻi he kolo malú. Ko e ʻuhinga ia naʻa nau ui ai ia ko e Kolo-ʻo-Tēvitá. 8 Naʻe kamata ke ne langa ʻa e koló takatakai, mei he foʻi māʻolungá* ki he ngaahi feituʻu takatakai aí, pea naʻe toe langa ʻe Sioape ʻa e toenga ʻo e koló. 9 Ko ia naʻe fakautuutu ai pē ʻa e lahi ʻo Tēvitá,+ pea naʻe kau mo ia ʻa Sihova ʻo e ngaahi kau taú.

10 Pea ko kinautolu eni ʻa e ngaahi ʻulu ʻo e kau tangata toʻa ʻi he taú ʻa Tēvitá, ʻa ia naʻa nau poupou mālohi kiate ia ʻi hono tuʻunga-tuʻí fakataha mo ʻIsileli kotoa ke fakanofo ia ko e tuʻi ʻo fakatatau ki he folofola ʻa Sihova ʻo fekauʻaki mo ʻIsilelí.+ 11 Ko e fakahokohoko eni ʻo e kau tangata ʻa Tēvita naʻe toʻa ʻi he taú: Ko Sasopiami+ ko e foha ʻo ha tangata mei he haʻa Hakamoní, ko e taki ia ʻi he toko tolú.+ Naʻá ne veloʻi atu ʻene taó ʻo ne tāmateʻi ha toko 300 ʻi ha taimi ʻe taha.+ 12 Naʻe hoko atu ʻiate ia ʻa ʻEliesa+ ko e foha ʻo Toto ko e hako ʻo ʻĀhoí.+ Naʻá ne kau ʻi he kau toʻa ʻi he taú ʻe toko tolú. 13 Naʻá ne ʻia Tēvita ʻi Pasi-tamemi,+ ʻa ia naʻe fakatahataha ai ʻa e kau Filisitiá ki he taú. Pea naʻe ʻi ai ha konga kelekele naʻe lahi ai ʻa e paʻalé, pea naʻe hola ʻa e kakaí koeʻuhí ko e kau Filisitiá. 14 Ka naʻá ne tuʻu hake ʻi he loto ngoué ʻo ne maluʻi ia peá ne hanganaki taaʻi ʻa e kau Filisitiá, ko ia naʻe ʻomi ai ʻe Sihova ha fuʻu ikuna.*+

15 Ko e toko tolu ʻi he kau tangata taki ʻe toko 30, naʻa nau ʻalu hifo ki he fuʻu maká, kia Tēvita ki he ʻana ʻi ʻAtulamí,+ lolotonga ia naʻe ʻapitanga ha kau tau Filisitia ʻi he Teleʻa* ʻo Lifaimí.+ 16 Naʻe ʻi he toitoiʻangá ʻa Tēvita ʻi he taimi ko iá, pea naʻe ʻi ai ha nofoʻanga fakakautau ʻo e kau Filisitiá ʻi Pētelihema. 17 Pea naʻe fakahaaʻi ʻe Tēvita ʻa ʻene fakaʻamu: “Pehē ange mai ke u inu ha vai mei he lepa ʻoku ʻi he veʻe matapā ʻo e kolo ko Pētelihemá!”+ 18 Ko ia naʻe hū fakamālohi atu ai ʻa e toko tolú ki he ʻapitanga ʻo e kau Filisitiá pea nau ohu mai ha vai mei he lepa ʻi he veʻe matapā ʻo e kolo ko Pētelihemá pea nau ʻomi ia kia Tēvita; ka naʻe fakafisi ʻa Tēvita ke inu ia peá ne lilingi atu ia kia Sihova. 19 Naʻá ne pehē: “Mole ke mamaʻo haʻaku fakakaukau ke u fai ʻa e meʻá ni ʻi he vakai ʻa hoku ʻOtuá! Te u inu koā ʻa e toto ʻo e kau tangatá ni ʻa ia naʻa nau tuku atu ki he tuʻunga fakatuʻutāmaki ʻa ʻenau moʻuí?+ He naʻe ʻi he tuʻunga fakatuʻutāmaki ʻenau moʻuí ʻi heʻenau ʻomi iá.” Ko ia naʻá ne fakafisi ke inu ia. Ko e ngaahi meʻa eni naʻe fai ʻe heʻene kau toʻa ʻi he taú ʻe toko tolú.

20 Ko ʻApisai+ ko e tokoua ʻo Sioapé+ naʻá ne hoko ko e taki ʻo ha toe toko tolu kehe; naʻá ne veloʻi atu ʻene taó ʻo ne tāmateʻi ʻa e toko 300, pea naʻá ne ongoongoa ʻo hangē ko e toko tolú.+ 21 ʻI he toko tolu kehe ko ení, naʻá ne tuʻu-ki-muʻa ange ʻi he toko ua ʻo kinautolú, pea ko ia ʻa honau ʻeikí; ka naʻe ʻikai ke aʻu hono tuʻungá ki he ʻuluaki toko tolú.

22 Ko Penaia+ ko e foha ʻo Sihoiatá ko ha tangata loto-lahi* ʻa ia naʻá ne fakahoko ha ngaahi ngāue loto-toʻa lahi ʻi Kapesili.+ Naʻá ne taaʻi ʻa e ongo foha ʻo ʻAlieli ʻo Mōapé, pea naʻá ne ʻalu hifo ki ha lepa ʻi ha ʻaho sinou ʻo ne tāmateʻi ha laione.+ 23 Naʻá ne taaʻi foki ha tangata ʻIsipite naʻe lahi anga-kehe—ko e kiupite ʻe nima* ʻa hono māʻolungá.+ Neongo naʻe ʻi ai ha tao ʻa e tangata ʻIsipité ʻi hono nimá ʻo hangē ko e vaʻakau ʻa e kau lalangá,+ naʻá ne ʻalu atu kiate ia mo ha tokotoko ʻo ne hamusi ʻa e taó mei he nima ʻo e tangata ʻIsipité peá ne tāmateʻi ia ʻaki pē ʻene taó.+ 24 Ko e ngaahi meʻa eni naʻe fai ʻe Penaia ko e foha ʻo Sihoiatá, pea naʻá ne ongoongoa ʻo hangē ko e toko tolu naʻe toʻa ʻi he taú. 25 Neongo naʻe toe hulu atu ʻene tuʻu-ki-muʻá ʻi he toko tolungofulú, naʻe ʻikai ke ne aʻu ki he tuʻunga ʻo e toko tolú.+ Kae kehe, naʻe fakanofo ia ʻe Tēvita ke ne pule ki heʻene kau kaʻate ʻaʻaná.

26 Ko e kau tangata toʻa ʻi he taú ʻo e ngaahi kongakaú ko ʻAsaeli+ ko e tokoua ʻo Sioapé, ko ʻElanani ko e foha ʻo Toto ʻo Pētelihemá,+ 27 ko Samoti ko e tangata Hēlotí, ko Helesi ko e tangata Pēloní, 28 ko ʻIla+ ko e foha ʻo ʻĪkesi ko e tangata Tēkoá, ko ʻApiesa+ ko e tangata ʻAnatotí, 29 ko Sipekai+ ko e tangata Husá, ko ʻĒlai ko e hako ʻo ʻĀhoí, 30 ko Mahalai+ ko e tangata Netofá, ko Hēleti+ ko e foha ʻo Peana ko e tangata Netofá, 31 ko ʻĪtei ko e foha ʻo Lipai ʻo Kīpea ʻo e haʻa Penisimaní,+ ko Penaia ko e tangata Pilatoní, 32 ko Hulai mei he ngaahi teleʻa* ʻo Kāsí,+ ko ʻApieli ko e tangata ʻAlapá, 33 ko ʻAsimaveti ko e tangata Pahulimí, ko ʻEliapa ko e tangata Salapimí, 34 ko e ngaahi foha ʻo Hasemi ko e tangata Kīsoné, ko Sionatane ko e foha ʻo Saki mei Hālalí, 35 ko ʻAhiami ko e foha ʻo Sakali mei Hālalí, ko ʻElifala ko e foha ʻo ʻUá, 36 ko Hēfeli ko e tangata Mekelá, ko ʻĀhisa ko e tangata Pēloní, 37 ko Heselō ko e tangata Kāmelí, ko Nealai ko e foha ʻo ʻEsipaí, 38 ko Sioeli ko e tokoua ʻo Nētané, ko Mipehali ko e foha ʻo Hakelí, 39 ko Seleki ko e tangata ʻĀmoní, ko Nahalai ko e tangata Pielotí, ʻa e tangata toʻo meʻatau ʻa Sioape ko e tama ʻa Seluvaiá; 40 ko ʻIla ʻo e haʻa ʻItilití, ko Kālepi ʻo e haʻa ʻItilití, 41 ko ʻŪlaia+ ko e Hetí, ko Sapati ko e foha ʻo ʻAlaí, 42 ko ʻĀtina ko e foha ʻo Seisa ʻo e haʻa Lūpení, ko ha taki ʻo e haʻa Lūpení, pea naʻe ʻiate ia ʻa e toko 30; 43 ko Hānani ko e foha ʻo Māká, ko Siosafate ko e tangata Metení, 44 ko ʻŪsea ko e tangata ʻAsitelotí, ko Sāmā mo Sieli, ko e ongo foha ʻo Hōtame ko e tangata ʻAloelí; 45 ko Sitieli ko e foha ʻo Simelí, mo Soha ko hono tokoua ko e tangata Tisí; 46 ko ʻEliela ko e Mahaví, ko Selipei mo Siosavaia ko e ongo foha ʻo ʻElinaʻamí, pea mo ʻĪtema ko e tangata Mōapé; 47 ko ʻEliela, ʻŌpeti, pea mo Sesieli ko e tangata Mesopá.

12 Ko e kau tangata eni naʻa nau haʻu kia Tēvita ki Sikilaki+ lolotonga ia naʻe ʻikai lava ke ne ʻalu tauʻatāina holo koeʻuhí ko Saula+ ko e foha ʻo Kisí, pea naʻa nau kau ʻi he kau tangata toʻa ʻi he taú ʻa ia naʻa nau poupou kiate ia ʻi he taú.+ 2 Naʻa nau toʻo kaufana, pea naʻe lava ke nau makatā ʻaki+ honau nima toʻomataʻú mo honau nima toʻohemá+ fakatouʻosi pe fana ngahau ʻaki ʻa e kaufaná. Naʻa nau kau ki he fanga tokoua ʻo Saulá, mei he matakali ʻo Penisimaní.+ 3 Ko ʻAhiesa naʻe ʻulu ʻiate kinautolú fakataha mo Sōasi, ko e ongo foha fakatouʻosi ia ʻo Simā ko e tangata Kīpea;+ ko Sisieli mo Pēleti ko e ongo foha ʻo ʻAsimaveti,+ mo Pelaka, mo Sehu ko e tangata ʻAnatoti, 4 ʻIsimaia ko e tangata Kipione,+ ko ha tangata toʻa ʻi he taú naʻe kau ʻi he toko tolungofulú+ pea naʻe pule ki he toko tolungofulú; pehē foki kia Selemaia, Sehesili, Siohānani, Siosapati ko e tangata Ketela, 5 ʻElusai, Selimoti, Pealia, Semalaia, Sefataia ko e tangata Halifi, 6 ʻElikena, ʻĪsia, ʻAsalili, Sioesa, pea mo Sasopiami ko e kau tangata mei he haʻa Kolá;+ 7 mo Sioela pea mo Sepataia ko e ongo foha ʻo Seloami ʻo Ketoá.

8 Ko e niʻihi ʻo e haʻa Katá naʻa nau ʻalu ki he faʻahi ʻa Tēvitá ʻi he toitoiʻanga ʻi he toafá;+ ko e kau tangata toʻa kinautolu ʻi he taú, ko e kau sōtia kuo akoʻi ki he taú, naʻa nau tuʻu mateuteu mo e ngaahi fuʻu pā pea mo e tao, pea ko honau matá naʻe hangē ko e mata ʻo e fanga laioné pea naʻa nau veʻe-vave ʻo hangē ko e fanga kāseli ʻi he ngaahi moʻungá. 9 Ko ʻĒseli ʻa e ʻulú, ko ʻOpataia ʻa e fika uá, ko ʻEliapi ʻa e fika tolú, 10 ko Misimana ʻa e fika faá, ko Selemaia ʻa e fika nimá, 11 ko ʻĒtai ʻa e fika onó, ko ʻEliela ʻa e fika fitú, 12 ko Siohānani ʻa e fika valú, ko ʻElisapati ʻa e fika hivá, 13 ko Selemaia ʻa e fika hongofulú, ko Makapanai ʻa e fika hongofulu mā tahá. 14 Ko kinautolu eni naʻe kau ki he haʻa Katá,+ ko e ngaahi ʻulu ʻo e kau taú. Ko e tokotaha vaivai tahá naʻe tatau ia mo e toko 100, pea ko e tokotaha mālohi tahá naʻe tatau ia mo e toko 1,000.+ 15 Ko e kau tangata eni naʻa nau kolosi ʻi Sioatani ʻi he ʻuluaki māhiná ʻi he taimi naʻe fonu hake ai ʻa e vaitafé, pea naʻa nau tuli ʻa e faʻahinga kotoa ko ia naʻe nofo ʻi he ngaahi talaló ki he hahaké pea ki he hihifó.

16 Ko e niʻihi ʻo e kau tangata ʻo Penisimani mo Siutá naʻa nau haʻu foki kia Tēvita ki hono toitoiʻangá.+ 17 Naʻe hū mai leva ki tuʻa ʻa Tēvita ki honau ʻaó ʻo ne pehē kiate kinautolu: “Kapau kuo mou haʻu kiate au ʻi he melino ke tokoniʻi au, ʻe taha hoku lotó mo kimoutolu. Ka ʻo kapau ko hoʻomou haʻú ke lavakiʻi au ki hoku ngaahi filí lolotonga ia kuo ʻikai fai ʻe hoku ongo nimá ha hala, tuku ke vakai ki ai ʻa e ʻOtua ʻo ʻetau fanga kuí peá ne fakamāuʻi.”+ 18 Pea naʻe hoko mai ʻa e laumālié kia* ʻAmasai,+ ko e ʻulu ʻo e toko tolungofulú pea naʻá ne pehē:

“ʻOku ʻaʻau ʻa kimautolu, ʻe Tēvita, pea ʻoku mau kau mo koe, ʻa e foha ʻo Sesé.+

Ko ia naʻe tali ai kinautolu ʻe Tēvita peá ne fakanofo kinautolu ke nau kau ʻi he ngaahi ʻulu ʻo e ngaahi kongakaú.

19 Naʻe toe mavahe foki ʻa e niʻihi mei he matakali ʻo Manasé ʻo kau mo Tēvita ʻi he taimi naʻá ne haʻu ai mo e kau Filisitiá ke tauʻi ʻa Saulá; ka naʻe ʻikai te ne tokoniʻi ʻa e kau Filisitiá, he ʻi he hili ʻene kumi faleʻí, naʻe fekauʻi ia ʻe he ngaahi ʻeiki ʻo e kau Filisitiá+ ke ne mavahe, ʻi heʻenau pehē: “Te ne mavahe ki hono ʻeiki ko Saulá, pea ʻe fakatuʻutāmaki ia ki heʻetau moʻuí.”+ 20 ʻI heʻene ʻalu ki Sikilakí,+ ko e faʻahinga eni naʻe mavahe mai kiate ia mei he matakali ʻo Manasé: Ko ʻAtenā, Siosapati, Sitieli, Maikeli, Siosapati, ʻIlaiū, pea mo Silitai, ko e ngaahi ʻulu ʻo e ngaahi toko afe ʻo e matakali ʻo Manasé.+ 21 Naʻa nau tokoniʻi ʻa Tēvita ke tauʻi ʻa e kau kaihaʻa fakamālohí, koeʻuhí ko kinautolú kotoa ko e kau tangata toʻa mo loto-lahi,+ pea naʻa nau hoko ko e ngaahi ʻeikitau. 22 ʻI he ʻaho ki he ʻaho naʻe hanganaki haʻu ai ʻa e kakaí kia Tēvita+ ke tokoniʻi ia kae ʻoua kuo nau hoko ko ha ʻapitanga naʻe hangē honau tokolahí ko e ʻapitanga ʻa e ʻOtuá.+

23 Ko e tokolahi eni ʻo e ngaahi ʻulu ʻo e faʻahinga naʻe toʻo meʻatau ʻa ia naʻa nau haʻu kia Tēvita ki Hepeloni+ ke foaki kiate ia ʻa e tuʻunga-tuʻi ʻo Saulá ʻo fakatatau ki he tuʻutuʻuni ʻa Sihová.+ 24 Ko e kau tangata Siuta naʻa nau toʻo ʻa e ngaahi fuʻu pā pea mo e taó ko e toko 6,800, naʻa nau mateuteu ki he taú. 25 Mei he kau Simioné, ko e kau tangata toʻa mo loto-lahi ʻi he kau taú naʻe toko 7,100.

26 Mei he kau Līvaí, ko e toko 4,600. 27 Ko Sihoiata+ naʻe taki ʻi he ngaahi foha ʻo ʻĒloné,+ pea naʻe ʻiate ia ʻa e toko 3,700, 28 pea pehē kia Sātoki,+ ko ha talavou toʻa mo loto-lahi, fakataha mo e ngaahi ʻeiki ʻe toko 22 mei he fale ʻo ʻene ngaahi tamaí.

29 Mei he haʻa Penisimaní, ʻa e fanga tokoua ʻo Saulá,+ naʻe ʻi ai ʻa e toko 3,000, ʻa ia ko e tokolahi taha ʻo kinautolú naʻa nau leʻohi ki muʻa ʻa e ngaahi meʻa ʻi he fale ʻo Saulá. 30 Mei he haʻa ʻIfalemí, naʻe ʻi ai ʻa e kau tangata toʻa, loto-lahi pea mo ongoongoa ʻe toko 20,800 naʻe kau ki he ngaahi fale ʻo ʻenau ngaahi tamaí.

31 Mei he vaeua ʻo e matakali ʻo Manasé, naʻe ʻi ai ʻa e toko 18,000 ʻa ia kuo fakahaaʻi honau hingoá ke nau haʻu ʻo fakanofo ʻa Tēvita ko e tuʻi. 32 Mei he matakali ʻo ʻĪsaká, ʻa ia naʻa nau mahinoʻi ʻa e taimí pea nau ʻiloʻi ʻa e meʻa ʻoku totonu ke fai ʻe ʻIsilelí, ko honau kau tangata takí naʻe toko 200, pea ko honau fanga tokouá kotoa naʻa nau ʻi he malumalu ʻo ʻenau tuʻutuʻuní. 33 Meia Sepuloní, ko e toko 50,000 ʻa ia naʻe lava ke nau kau ʻi he kau taú, ʻo nau fakatē tau fakataha mo e meʻataú kotoa, naʻa nau kau kotoa mo Tēvita fakataha mo e mateaki kakato.* 34 Meia Nafitalaí, ko e ʻeiki ʻe toko 1,000, pea naʻe kau mo kinautolu ha toko 37,000 naʻa nau toʻo ʻa e fuʻu pā pea mo e tao. 35 Mei he haʻa Taní, ko kinautolu naʻe fakatē taú ko e toko 28,600. 36 Pea meia ʻĀselí, ko e faʻahinga naʻe lava ke nau kau ʻi he kau taú ʻo fakatē taú ko e toko 40,000.

37 Mei he tafaʻaki ʻe taha ʻo Sioataní,+ mei he haʻa Lūpení, haʻa Katá, pea mo e vaeua ʻo e matakali ʻo Manasé, ko ʻenau kau sōtia ʻe toko 120,000 naʻa nau toʻo ʻa e meʻatau kehekehe kotoa pē. 38 Ko e faʻahingá ni kotoa ko e kau tangata tau, naʻa nau kau fakataha ʻi he kau taú; naʻa nau haʻu mo e loto kakato ki Hepeloni ke fakanofo ke tuʻi ʻa Tēvita ki he kotoa ʻo ʻIsilelí, pea naʻe pehē foki mo e toenga kotoa ʻo ʻIsilelí naʻa nau fāʻūtaha ʻi he loto* ke fakanofo ʻa Tēvita ko e tuʻí.+ 39 Pea naʻa nau nofo ai mo Tēvita ʻi he ʻaho ʻe tolu, ʻo kai mo inu, he kuo fai ha teuteu ʻe honau fanga tokouá maʻa kinautolu. 40 Pehē foki ki he faʻahinga naʻe ofi maí, pea naʻa mo e faʻahinga naʻe mamaʻo ʻo aʻu ki ʻĪsaka, Sepuloni, pea mo Nafitalaí, naʻa nau ʻomai ha meʻakai ʻi he fanga ʻasi, fanga kāmeli, fanga miuli, pea mo e fanga pulu—ko e tokonaki mahoaʻa, ngaahi takaonga fiki,* mo e takaonga fuamelie,* uaine, lolo, pea mo e fanga pulu mo e sipi lahi ʻaupito, he naʻe ʻi ai ha fiefia ʻi ʻIsileli.

13 Naʻe talatalanoa ʻa Tēvita mo e ngaahi ʻeiki ʻo e ngaahi toko afé pea mo e ngaahi toko teaú pea mo e taki kotoa pē.+ 2 Pea naʻe pehē leva ʻe Tēvita ki he fakatahaʻanga ʻo ʻIsilelí kotoa: “Kapau ʻe hā lelei kiate kimoutolu pea fakahōifua kia Sihova ko hotau ʻOtuá, tuku ke tau ʻoatu ha fekau ki he toenga ʻo hotau fanga tokoua ʻi he ngaahi vahefonua kotoa ʻo ʻIsilelí pea pehē ki he kau taulaʻeiki mo e kau Līvai ʻi honau ngaahi koló+ mo honau ngaahi kaikaiʻangá ke nau haʻu ʻo kau fakataha mo kitautolu. 3 Pea ke tau fakafoki mai ʻa e ʻAʻake+ ʻa hotau ʻOtuá.” He naʻe ʻikai te nau tokangaʻi ia ʻi he ngaahi ʻaho ʻo Saulá.+ 4 Naʻe loto-taha ʻa e fakatahaʻangá kotoa ke fai ʻa e meʻa ko iá, he naʻe hā totonu ia ki he kakaí kotoa. 5 Ko ia naʻe fakatahatahaʻi mai ʻe Tēvita ʻa ʻIsileli kotoa, mei he vaitafe* ʻo ʻIsipité ʻo aʻu ki Lipo-hēmati,*+ ke ʻomai ʻa e ʻAʻake ʻa e ʻOtua moʻoní mei Kiliate-sialimi.+

6 Naʻe ʻalu hake ʻa Tēvita mo ʻIsileli kotoa ki Paʻala,+ ki Kiliate-sialimi, ʻa ia ʻoku kau ki Siutá, ke ʻohake mei ai ʻa e ʻAʻake ʻa e ʻOtua moʻoní, ʻa Sihova, ʻa e tokotaha ʻokú ne ʻafio ʻi he taloni ʻi ʻolunga ʻi he* ongo selupimí,+ ʻa ia ʻoku fai ai ʻa e ui ki hono huafá. 7 Kae kehe, naʻa nau fakaheka ʻa e ʻAʻake ʻa e ʻOtua moʻoní ki ha saliote foʻou+ pea ʻomi ia mei he fale ʻo ʻApinatapí, pea ko ʻUsa mo ʻAhio naʻá na takimuʻa mai ʻi he salioté.+ 8 Ko Tēvita mo ʻIsileli kotoa naʻa nau fakafiefia ʻi he ʻao ʻo e ʻOtua moʻoní ʻaki honau mālohí kotoa, ʻo fai ʻaki ʻa e ngaahi hiva, mo e ngaahi haʻape, mo e ngaahi meʻalea filo kehe, mo e ngaahi nafa,+ mo e ngaahi simipale,+ pea mo e ngaahi talupite.+ 9 Ka ʻi heʻenau aʻu ki he ʻauʻauʻanga uite ko Kitoní, naʻe ala atu ʻa e nima ʻo ʻUsá ʻo ne puke ʻa e ʻAʻaké, he naʻe meimei tō ia ʻi he ngāue ʻa e ongo pulú. 10 Ko ia naʻe hoko hifo ʻa e houhau kakaha ʻa Sihová kia ʻUsa, pea naʻá Ne taaʻi ia koeʻuhí ko ʻene ala atu ki he ʻAʻaké,+ pea naʻá ne mate ai ʻi he ʻao ʻo e ʻOtuá.+ 11 Ka naʻe ʻita* ʻa Tēvita koeʻuhí ko e hoko hifo ʻa e houhau ʻa Sihová kia ʻUsá; pea kuo ui ʻa e feituʻu ko iá ko Pelesi-usa* ʻo aʻu mai ki he ʻahó ni.

12 Ko ia naʻe manavahē ʻa Tēvita ki he ʻOtua moʻoní ʻi he ʻaho ko iá peá ne pehē: “ʻE lava fēfē ke u ʻomai kiate au ʻa e ʻAʻake ʻa e ʻOtua moʻoní?”+ 13 Naʻe ʻikai ke ʻomi ʻe Tēvita ʻa e ʻAʻaké ki he feituʻu naʻá ne ʻi aí ʻi he Kolo-ʻo-Tēvitá, ka naʻá ne ʻai ke ʻave ia ki he fale ʻo ʻŌpeti-ʻītomi ko e tangata Katí. 14 Ko e ʻAʻake ʻa e ʻOtua moʻoní naʻe ʻi he fāmili ia ʻo ʻŌpeti-ʻītomí, ʻo ʻi ai ʻi hono falé ʻi he māhina ʻe tolu, pea naʻe faitāpuekina ai pē ʻe Sihova ʻa e fāmili ʻo ʻŌpeti-ʻītomí mo e meʻa kotoa naʻá ne maʻú.+

14 Naʻe tuku atu ʻe Tuʻi Hailame+ ʻo Tāiá ha kau talafekau kia Tēvita, fakataha mo e papa sita, mo e kau tufunga maka,* pea mo e kau tufunga ke nau langa ha fale* moʻona.+ 2 Pea naʻe ʻilo ʻe Tēvita kuo fokotuʻu maʻu ia ʻe Sihova ko e tuʻi ki ʻIsileli,+ he ko hono tuʻunga-tuʻí naʻe hakeakiʻi ia ʻo māʻolunga koeʻuhí ko ʻIsileli ko ʻEne kakaí.+

3 Naʻe maʻu ʻe Tēvita ha ngaahi uaifi+ tokolahi ange ʻi Selusalema, pea naʻe hoko ʻa Tēvita ko e tamai ia ki ha ngaahi foha mo e ngaahi ʻofefine tokolahi ange.+ 4 Ko e hingoa eni ʻo e fānau naʻe fanauʻi kiate ia ʻi Selusalemá:+ Ko Samua, Sōpapi, Nētane,+ Solomone,+ 5 ʻIpihale, ʻElisua, ʻElipeleti, 6 Noka, Nēfeki, Safia, 7 ʻElisama, Peliata, pea mo ʻElifeleti.

8 ʻI he fanongo ʻa e kau Filisitiá kuo pani ʻa Tēvita ko e tuʻi ki ʻIsilelí kotoa,+ naʻe ʻalu hake kotoa ʻa e kau Filisitiá ke kumi kia Tēvita.+ ʻI he fanongo ai ʻa Tēvitá, naʻá ne ʻalu atu kiate kinautolu. 9 Naʻe haʻu leva ʻa e kau Filisitiá ʻo hanganaki fai ha ngaahi ʻohofi ʻi he Teleʻa* ʻo Lifaimí.+ 10 Naʻe fehuʻi ʻa Tēvita ki he ʻOtuá, ʻo ne pehē: “Te u ʻalu hake ʻo tauʻi ʻa e kau Filisitiá? Te ke tuku mai kinautolu ki hoku nimá?” ʻI he meʻá ni naʻe folofola ange ʻa Sihova kiate ia: “ʻAlu hake, pea te u tuku moʻoni atu kinautolu ki ho nimá.”+ 11 Ko ia naʻe ʻalu hake ʻa Tēvita ki Pēali-pilasimi,+ pea naʻá ne taaʻi ai kinautolu. Ko ia naʻe pehē ai ʻe Tēvita: “Kuo ʻohofi ʻe he ʻOtua moʻoní ʻa hoku ngaahi filí ʻaki hoku nimá, ʻo hangē ko ha luo kuo keli ʻe he vaí.” Ko e ʻuhinga ia naʻa nau fakahingoa ai ʻa e feituʻu ko iá ko Pēali-pilasimí.* 12 Naʻe liʻaki ʻi ai ʻe he kau Filisitiá honau ngaahi ʻotuá, pea ʻi hono ʻoange ʻe Tēvita ʻa e tuʻutuʻuní, naʻe tutu ʻa e ngaahi meʻá ni ʻi he afí.+

13 Ki mui ai, naʻe toe fai ʻe he kau Filisitiá ha ʻohofi ʻi he teleʻá.*+ 14 Naʻe toe fai ʻe Tēvita ha fehuʻi ki he ʻOtuá, ka naʻe folofola ange ʻa e ʻOtua moʻoní kiate ia: “ʻOua naʻá ke ʻalu hangatonu atu kiate kinautolu. Ka te ke takai atu mei mui ʻiate kinautolu, peá ke ʻalu atu ʻo tauʻi kinautolu ʻi muʻa ʻi he vao pakahá.*+ 15 Pea ʻi hoʻo fanongo ki he ongo mai ʻa e ngahaha mei ʻolunga ʻi he vao pakahá, kamata leva hoʻo ʻohofí, he ʻe hāʻele muʻomuʻa atu ʻa e ʻOtua moʻoní ʻiate koe ke taaʻi ʻa e kau tau ʻa e kau Filisitiá.”+ 16 Ko ia naʻe fai ʻe Tēvita ʻa e meʻa tofu pē naʻe tuʻutuʻuni ʻe he ʻOtua moʻoní kiate iá,+ pea naʻa nau taaʻi ʻa e kau tau Filisitiá mei Kipione ki Kēseli.+ 17 Pea naʻe mafola atu ʻa e ongoongo ʻo Tēvitá ki he ngaahi fonuá kotoa, pea naʻe ʻai ʻe Sihova ke ilifia ʻiate ia ʻa e ngaahi puleʻangá kotoa.+

15 Pea naʻe hokohoko atu ʻene langa ʻa e ngaahi fale maʻana ʻi he Kolo-ʻo-Tēvitá, pea naʻá ne teuteu ha feituʻu maʻá e ʻAʻake ʻa e ʻOtua moʻoní pea fokotuʻu ha tēniti ki ai.+ 2 Ko e taimi ia naʻe pehē ai ʻe Tēvita: “ʻE ʻikai ke fua ʻe ha taha ʻa e ʻAʻake ʻa e ʻOtua moʻoní tuku kehe pē ʻa e kau Līvaí, he kuo fili kinautolu ʻe Sihova ke nau fua ʻa e ʻAʻake ʻa Sihová pea ke nau fakahoko fatongia kiate ia maʻu ai pē.”+ 3 Naʻe fakatahatahaʻi leva ʻe Tēvita ʻa ʻIsileli kotoa ki Selusalema ke ʻohake ʻa e ʻAʻake ʻa Sihová ki he feituʻu naʻá ne teuteu ki aí.+

4 Naʻe fakatahatahaʻi mai ʻe Tēvita ʻa e hako ʻo ʻĒloné+ pea mo e kau Līvaí:+ 5 Mei he haʻa Kōhaté, ko e ʻeiki ko ʻUlielí mo hono fanga tokoua ʻe toko 120; 6 mei he haʻa Mēlalí, ko e ʻeiki ko ʻAsaiá+ mo hono fanga tokoua ʻe toko 220; 7 mei he haʻa Kēsomí, ko e ʻeiki ko Sioelí+ mo hono fanga tokoua ʻe toko 130; 8 mei he hako ʻo ʻElisafaní,+ ko e ʻeiki ko Semaiá mo hono fanga tokoua ʻe toko 200; 9 mei he hako ʻo Hepeloní, ko e ʻeiki ko ʻElielá mo hono fanga tokoua ʻe toko 80; 10 mei he hako ʻo ʻOsielí,+ ko e ʻeiki ko ʻAminatapé mo hono fanga tokoua ʻe toko 112. 11 ʻIkai ko ia pē, naʻe ui mai ʻe Tēvita ʻa e ongo taulaʻeikí ʻa Sātoki+ mo ʻĀpaiata+ pea mo e kau Līvaí ʻa ʻUlieli, ʻAsaia, Sioeli, Semaia, ʻEliela, pea mo ʻAminatape, 12 pea naʻá ne pehē ange kiate kinautolu: “Ko kimoutolu ʻa e ngaahi ʻulumotuʻa ʻo e ngaahi fale ʻo e ngaahi tamai ʻa e kau Līvaí. Fakamāʻoniʻoniʻi kimoutolu, ʻa kimoutolu mo homou fanga tokouá, pea ʻohake ʻa e ʻAʻake ʻa Sihova ko e ʻOtua ʻo ʻIsilelí ki he feituʻu kuó u teuteu ki aí. 13 Koeʻuhi naʻe ʻikai te mou fua ia ʻi he ʻuluaki taimí,+ naʻe hoko mai ai ʻa e houhau ʻa Sihova ko hotau ʻOtuá kiate kitautolu,+ koeʻuhí naʻe ʻikai te tau kumi ki he founga totonú.”+ 14 Ko ia naʻe fakamāʻoniʻoniʻi ai ʻe he kau taulaʻeikí mo e kau Līvaí kinautolu ke nau ʻohake ʻa e ʻAʻake ʻa Sihova ko e ʻOtua ʻo ʻIsilelí.

15 Pea naʻe fua ʻe he kau Līvaí ʻa e ʻAʻake ʻa e ʻOtua moʻoní ʻi honau umá ʻaki ʻa e ongo vaʻakau haʻamó,+ ʻo hangē tofu pē ko e meʻa naʻe tuʻutuʻuni ʻe Mōsese ʻi he folofola ʻa Sihová. 16 Pea naʻe tala ange leva ʻe Tēvita ki he ngaahi ʻeiki ʻo e kau Līvaí ke vaheʻi ʻa honau fanga tokoua ʻa ia ko e kau hivá ke nau hiva fiefia, pea tā mo e ngaahi meʻaleá, ko e ngaahi meʻalea filo, ngaahi haʻape,+ pea mo e ngaahi simipale.+

17 Ko ia naʻe vaheʻi ʻe he kau Līvaí ʻa Hēmani+ ko e foha ʻo Sioelí, pea mei hono fanga tokouá, ko ʻĒsafe+ ko e foha ʻo Pelekaiá, pea mei he haʻa Mēlalí ʻa ia ko honau fanga tokouá, ko ʻĒtani+ ko e foha ʻo Kusaiá. 18 Naʻe kau fakataha mo kinautolu ʻa honau fanga tokoua ʻi he vāhenga hono uá,+ ʻa Sākalaia, Peni, Siasieli, Semilamoti, Siheli, ʻUni, ʻEliapi, Penaia, Māseia, Matitaia, ʻElifelehu, mo Mikineia, pea mo ʻŌpeti-ʻītomi mo Sieli ko e ongo leʻo matapaá. 19 Ko Hēmani,+ ʻĒsafe,+ pea mo ʻĒtani ʻa e kau hiva te nau tā ʻa e ngaahi simipale kopá;+ 20 pea ko Sākalaia, ʻEsieli, Semilamoti, Siheli, ʻUni, ʻEliapi, Māseia, pea mo Penaia naʻa nau tā ʻa e ngaahi meʻalea filo naʻe fakatonutonu ki he kī ʻAlamotí;*+ 21 pea ko Matitaia,+ ʻElifelehu, Mikineia, ʻŌpeti-ʻītomi, Sieli, pea mo ʻAsasia naʻa nau tā ʻa e ngaahi haʻape naʻe fakatonutonu ki he kī Seminití,*+ pea ke nau tataki ʻa e hivá. 22 Ko Kenanaia+ ko e ʻeiki ʻo e kau Līvaí naʻá ne tokangaʻi ʻa hono fua ʻo e ʻAʻaké, he naʻá ne pōtoʻi ai, 23 pea ko Pelekaia mo ʻElikena ʻa e ongo leʻo matapā naʻá na ngāue ʻi he tafaʻaki ʻo e ʻAʻaké. 24 Ko Sepanaia, Siosafate, Netanili, ʻAmasai, Sākalaia, Penaia, pea mo ʻEliese ʻa e kau taulaʻeiki naʻa nau ifiʻi leʻo-lahi ʻa e ngaahi talupité ʻi muʻa ʻi he ʻAʻake ʻa e ʻOtua moʻoní,+ pea ko ʻŌpeti-ʻītomi pea mo Sihia foki ʻa e ongo leʻo matapā naʻá na ngāue ʻi he tafaʻaki ʻo e ʻAʻaké.

25 Pea ko Tēvita mo e kau mātuʻa ʻo ʻIsilelí pea mo e ngaahi ʻeiki ʻo e ngaahi toko afé naʻa nau ʻalu atu ke ʻohake ʻa e ʻaʻake ʻo e fuakava ʻa Sihová mei he fale ʻo ʻŌpeti-ʻītomí+ ʻi he fiefia.+ 26 ʻI hono tokoniʻi ʻe he ʻOtua moʻoní ʻa e kau Līvai naʻa nau fua ʻa e ʻaʻake ʻo e fuakava ʻa Sihová, naʻa nau feilaulauʻi ai ʻa e kiʻi pulu tangata ʻe fitu mo e sipi tangata ʻe fitu.+ 27 Naʻe tui ʻe Tēvita ha kofu taʻenima tupenu lelei, pea pehē ki he kau Līvai kotoa naʻa nau fua ʻa e ʻAʻaké, mo e kau hivá, pea mo Kenanaia naʻá ne tokangaʻi ʻa e kau hiva ʻoku nau fua ʻa e ʻaʻaké; naʻe tui foki ʻe Tēvita ha ʻēfoti līneni.+ 28 Ko e kakai ʻIsilelí kotoa naʻa nau ʻohake ʻa e ʻaʻake ʻo e fuakava ʻa Sihová fakataha mo e kaikaila fiefia,+ pea mo e leʻo ʻo e meʻaifi, mo e ngaahi talupite,+ mo e ngaahi simipale, ʻo nau tā leʻo-lahi ʻa e ngaahi meʻalea filo mo e ngaahi haʻape.+

29 Ka ʻi he taimi naʻe aʻu atu ai ʻa e ʻaʻake ʻo e fuakava ʻa Sihová ki he Kolo-ʻo-Tēvitá,+ naʻe sio hifo ʻa e ʻofefine ʻo Saula ko Maikalé+ ʻi he matapā-teké ʻo ne sio ki he meʻe holo ʻa Tuʻi Tēvita mo kau ʻi he fakafiefiá; pea naʻe kamata ke ne taʻetokaʻi ia ʻi hono lotó.+

16 Ko ia naʻa nau fakahū mai ʻa e ʻAʻake ʻa e ʻOtua moʻoní pea tuku ia ki he loto tēniti naʻe ʻosi fokotuʻu ʻe Tēvita ke tuku aí;+ pea naʻa nau ʻoatu ha ngaahi feilaulau tutu mo ha ngaahi feilaulau feʻinasiʻaki ʻi he ʻao ʻo e ʻOtua moʻoní.+ 2 ʻI he hili hono ʻoatu ʻe Tēvita ʻa e ngaahi feilaulau tutú+ mo e ngaahi feilaulau feʻinasiʻakí,+ naʻá ne tāpuakiʻi ʻa e kakaí ʻi he huafa ʻo Sihová. 3 ʻIkai ngata aí, naʻá ne tufa atu ki he kakai ʻIsilelí kotoa, ki he tangata mo e fefine taki taha, ha foʻi mā fuopotopoto, ko ha takaonga teiti,* pea mo ha takaonga fuamelie.* 4 Naʻá ne fakanofo leva ha niʻihi ʻo e kau Līvaí ke nau faifatongia ʻi he ʻao ʻo e ʻAʻake ʻa Sihová,+ ke fakalāngilangiʻi,* fakamālōʻia, pea mo fakahīkihikiʻi ʻa Sihova ko e ʻOtua ʻo ʻIsilelí. 5 Ko ʻĒsafe+ ʻa e ʻulú, pea fika ua atu kiate ia ʻa Sākalaia; pea ko Sieli, Semilamoti, Siheli, Matitaia, ʻEliapi, Penaia, ʻŌpeti-ʻītomi, pea mo Sieli+ naʻa nau tā ʻa e ngaahi meʻalea filó mo e ngaahi haʻapé;+ pea ko ʻĒsafe naʻá ne tā ʻa e ngaahi simipalé,+ 6 pea ko Penaia mo Sehesili ʻa e ongo taulaʻeiki naʻá na ifi maʻu pē ʻa e talupité ʻi he ʻao ʻo e ʻaʻake ʻo e fuakava ʻa e ʻOtua moʻoní.

7 Ko e ʻaho ko iá naʻe ʻuluaki faʻu ai ʻe Tēvita ha hiva ʻo e fakamālō kia Sihova pea fakahinohino kia ʻĒsafe+ mo hono fanga tokouá ke nau hivaʻi ia, ʻo pehē:

10 Pōlepole ʻi hono huafa māʻoniʻoní.+

Tuku ke fiefia ʻa e loto ʻo e faʻahinga ʻoku kumi kia Sihová.+

11 Kumi kia Sihova+ mo hono mālohí.

Kumi ki hono fofongá* maʻu ai pē.+

14 Ko Sihova ia ko hotau ʻOtuá.+

Ko ʻene ngaahi fakamāú ʻoku ʻi he māmaní kotoa.+

23 Hiva kia Sihova, ʻa māmani kotoa!

Fanongonongo ʻene fakamoʻuí ʻi he ʻaho ki he ʻaho!+

25 He ko Sihová ʻoku lahi mo taau lahi taha ke fakahīkihikiʻí.

ʻOkú ne fakamanavahē lahi ange ʻi he ngaahi ʻotua kehe kotoa pē.+

Punou hifo* kia Sihova ʻi he teunga toputapu.*+

30 Ke tetetete ʻi hono ʻaó, ʻa e kotoa ʻo māmaní!

Ko e māmaní* kuo fokotuʻu maʻu; heʻikai malava ke toe ueʻi.*+

Pea ko e kakaí kotoa naʻa nau pehē, “ʻĒmeni!”* pea nau fakahīkihikiʻi ʻa Sihova.

37 Pea naʻe tuku ai ʻe Tēvita ʻa ʻĒsafe+ mo hono fanga tokouá ʻi he ʻao ʻo e ʻaʻake ʻo e fuakava ʻa Sihová ke hokohoko atu ʻenau faifatongia ʻi he ʻao ʻo e ʻAʻaké,+ ʻo fakatatau ki he founga tuʻumaʻu fakaʻahó.+ 38 Ko ʻŌpeti-ʻītomi mo hono fanga tokouá, ko e toko 68, pea mo ʻŌpeti-ʻītomi ko e foha ʻo Situtuní, pea mo Hosa, ko kinautolu ʻa e kau leʻo matapaá; 39 pea ko Sātoki+ ko e taulaʻeikí mo hono ngaahi kaungā-taulaʻeikí naʻa nau ʻi he ʻao ʻo e tāpanekale ʻo Sihová ʻi he potu māʻolunga ʻi Kipioné+ 40 ke nau fai maʻu pē ʻa e ngaahi feilaulau tutu kia Sihova ʻi he ʻōlita ʻo e feilaulau tutú, ʻi he pongipongi mo e efiafi, pea ke fai ʻa e meʻa kotoa pē ʻoku hiki ʻi he Lao ʻa Sihová ʻa ia naʻá ne fekauʻi ki ʻIsilelí.+ 41 Naʻe kau fakataha mo kinautolu ʻa Hēmani mo Situtuni+ pea mo e toenga ʻo e kau tangata naʻe fili ʻa ia naʻe vaheʻi ʻi honau ngaahi hingoá ke nau fai ʻa e fakamālō kia Sihova,+ koeʻuhi “ko ʻene ʻofa mateakí ʻoku tolonga ʻo taʻengata”;+ 42 pea naʻe kau fakataha mo kinautolu ʻa Hēmani+ mo Situtuni ke fakaongo atu ʻa e ngaahi talupité, ngaahi simipalé, pea mo e ngaahi meʻalea naʻe ngāueʻaki ke fakahīkihikiʻi* ʻa e ʻOtua moʻoní; pea ko e ngaahi foha ʻo Situtuní+ naʻa nau tokangaʻi ʻa e matapaá. 43 Pea naʻe ʻalu ʻa e kakaí kotoa ki honau ngaahi ʻapí, pea ʻalu ʻa Tēvita ke tāpuakiʻi ʻa hono fale ʻoʻoná.

17 ʻI he taimi pē naʻe nofo ai ʻa Tēvita ʻi hono fale* ʻoʻoná, naʻá ne pehē ange kia Nētane+ ko e palōfitá: “Ko au eni ʻoku ou nofo ʻi ha fale sita+ lolotonga ia ko e ʻaʻake ʻo e fuakava ʻa Sihová ʻoku ʻi ha tēniti.”+ 2 Naʻe tali ange ʻe Nētane kia Tēvita: “Fai ha meʻa pē ʻoku ʻi ho lotó, he ʻoku kau ʻa e ʻOtua moʻoní mo koe.”

3 ʻI he pō pē ko iá, naʻe hoko ai ʻa e folofola ʻa e ʻOtuá kia Nētane, ʻo pehē: 4 “ʻAlu peá ke pehē ki heʻeku sevāniti ko Tēvitá, ‘Ko e meʻa eni ʻoku leaʻaki ʻe Sihová: “ʻOku ʻikai ko koe ʻa e tokotaha te ke langa ʻa e fale moʻoku ke u nofo aí.+ 5 He kuo teʻeki ai ke u nofo ʻi ha fale talu mei he ʻaho naʻá ku ʻomai ai ʻa ʻIsilelí ʻo aʻu mai ki he ʻahó ni, ka naʻe hokohoko atu ʻeku ʻalu mei he tēniti ki he tēniti pea mei he tāpanekale ʻe taha ki he taha.*+ 6 ʻI he lolotonga ʻa e taimi kotoa naʻá ku ʻalu ai mo e kotoa ʻo ʻIsilelí, naʻe faifai ange peá u leaʻaki ha foʻi lea ʻe taha ki ha taha ʻo e kau fakamaau ʻo ʻIsileli ʻa ia naʻá ku fakanofo ke nau tauhi ʻa hoku kakaí, ʻo pehē, ‘Ko e hā naʻe ʻikai te mou langa ai moʻoku ha fale sitá?’”’

7 “Ko ia ke ke leaʻaki eni ki heʻeku sevāniti ko Tēvitá, ‘Ko e meʻa eni ʻoku leaʻaki ʻe Sihova ʻo e ngaahi kau taú: “Naʻá ku toʻo mai koe mei he ngaahi kaikaiʻangá, mei he muimui ʻi he tākangá, ke ke hoko ko ha taki ki hoku kakai ko ʻIsilelí.+ 8 Pea te u ʻiate koe ʻi ha feituʻu pē te ke ʻalu ki ai,+ pea te u fakaʻauha* ʻa e kotoa ʻo ho ngaahi filí mei ho ʻaó;+ pea te u ʻai ke ongoongoa ho hingoá ʻo hangē ko e hingoa ʻo e kau tangata ongoongoa ʻo e māmaní.+ 9 Te u vaheʻi ha feituʻu maʻa hoku kakai ko ʻIsilelí pea fakanofonofo kinautolu, pea te nau nofo ai ʻo ʻikai ke toe fakahohaʻasi; pea ʻe ʻikai ke toe fakafeʻātungiaʻi kinautolu* ʻe ha kau tangata fulikivanu ʻo hangē ko ia naʻa nau fai ʻi he kuohilí,+ 10 talu mei he ʻaho naʻá ku fakanofo ai ʻa e kau fakamaau ki hoku kakai ko ʻIsilelí.+ Pea te u fakavaivaiʻi ho ngaahi filí kotoa.+ ʻIkai ngata aí, ʻoku ou tala atu, ‘ʻE langa ʻe Sihova ha fale* moʻou.’

11 “‘“ʻI he taimi ʻe ngata ai ho ngaahi ʻahó peá ke ʻalu ke fakataha mo hoʻo fanga kuí, te u fokotuʻu ho hakó ʻi he hili koé, ʻa e taha ʻo ho ngaahi fohá,+ pea te u fokotuʻu maʻu ʻa hono tuʻunga-tuʻí.+ 12 Ko e tokotaha ia te ne langa ha fale moʻoku,+ pea te u fokotuʻu maʻu ʻa hono taloní ʻo taʻengata.+ 13 Te u hoko ko ʻene tamai, pea te ne hoko ko hoku foha.+ ʻE ʻikai te u toʻo ʻa ʻeku ʻofa mateakí meiate ia+ ʻo hangē ko ʻeku toʻo ia mei he tokotaha naʻe ʻi muʻa ʻiate koé.+ 14 Te u ʻai ia ke ne tuʻu ʻi hoku falé pea ʻi hoku tuʻunga-tuʻí ʻo taʻengata,+ pea ko hono taloní ʻe tolonga ʻo taʻengata.”’”+

15 Naʻe fakahā ʻe Nētane kia Tēvita ʻa e ngaahi leá ni kotoa pea mo e vīsone ko ení kotoa.

16 Ko ia naʻe haʻu ai ʻa Tuʻi Tēvita ʻo tangutu hifo ʻi he ʻao ʻo Sihová peá ne pehē: “Ko hai au, ʻe Sihova ko e ʻOtua? Pea ko e hā ai hoku falé kuó ke ʻomi ai au ʻo aʻu mai ki he tuʻungá ni?+ 17 He hangē kuo ʻikai feʻunga ʻa e meʻá ni, ʻe ʻOtua, kuó ke toe folofola ai fekauʻaki mo e fale ʻo hoʻo sevānití ʻo aʻu atu ki he kahaʻu mamaʻó,+ pea kuó ke hanga mai kiate au ʻo hangē ko ha tangata au ke hakeakiʻi lahi angé,* ʻe Sihova ko e ʻOtuá. 18 Ko e hā ha toe meʻa ʻe lava ke leaʻaki ʻe hoʻo sevāniti ko Tēvitá ki he ʻAfiona ʻo fekauʻaki mo e lāngilangi kuó ke ʻomai kiate aú he ʻokú ke ʻafioʻi lelei ʻa hoʻo sevānití?+ 19 ʻE Sihova, koeʻuhi ko hoʻo sevānití pea ʻi he fehoanaki mo ho lotó* kuó ke fai ai ʻa e ngaahi fuʻu meʻa kotoa ko ení ʻaki hono fakahaaʻi ho fuʻu lahí.+ 20 ʻE Sihova, ʻoku ʻikai ha taha ʻe hangē ko e ʻAfioná,+ pea ʻoku ʻikai ha ʻOtua tuku kehe pē ʻa e ʻAfiona;+ ko e meʻa kotoa pē kuo ongona ʻe homau telingá ʻoku fakapapauʻi ai ʻa e meʻá ni. 21 Pea ko e hā ha toe puleʻanga ʻi he māmaní ʻoku hangē ko ho kakai ko ʻIsilelí?+ Naʻe hāʻele atu ʻa e ʻOtua moʻoní ʻo ne huhuʻi kinautolu ke hoko ko hono kakai.+ Naʻá ke ʻai ai ke ongoongoa ho hingoá ʻaki hoʻo ngaahi fuʻu ngāue lahi mo fakamanavaheé,+ ʻi hono kapusi ʻa e ngaahi puleʻangá mei he ʻao ʻo ho kakaí,+ ʻa ia naʻá ke huhuʻi mei ʻIsipité. 22 Naʻá ke ʻai ho kakai ko ʻIsilelí ke hoko ko ho kakai tonu ʻo taʻengata;+ pea ko koe, ʻe Sihova, kuó ke hoko ko honau ʻOtua.+ 23 Pea ko eni, ʻe Sihova, fakatauange ke hoko ʻo falalaʻanga ʻa e talaʻofa kuó ke fai ʻo fekauʻaki mo hoʻo sevānití pea mo hono falé ʻo taʻengata, pea fakatauange ke ke fai ʻo hangē tofu pē ko ia kuó ke talaʻofaʻakí.+ 24 Fakatauange ke tuʻuloa* mo hakeakiʻi+ ho huafá ʻo taʻengata, koeʻuhí ke pehē ai ʻe he kakaí, ‘Ko Sihova ʻo e ngaahi kau taú, ʻa e ʻOtua ʻo ʻIsilelí, ko e ʻOtuá ia ki ʻIsileli,’ pea fakatauange ke fokotuʻu maʻu ʻi ho ʻaó ʻa e fale ʻo hoʻo sevāniti ko Tēvitá.+ 25 He ko koe, ʻe hoku ʻOtua, kuó ke fakahā ki hoʻo sevānití ʻa hoʻo taumuʻa ke langa moʻona ha fale.* Ko e ʻuhinga ia kuo falala pau ai ʻa hoʻo sevānití ke fai ʻa e lotú ni kiate koé. 26 Pea ko eni, ʻe Sihova, ko koe ʻa e ʻOtua moʻoní, pea kuó ke talaʻofaʻaki ʻa e ngaahi meʻa leleí ni ʻo fekauʻaki mo hoʻo sevānití. 27 Ko ia fakatauange ke ke hōifua ʻo tāpuakiʻi ʻa e fale ʻo hoʻo sevānití, pea fakatauange ke tuʻu ia ʻo taʻengata ʻi ho ʻaó, he ko koe, ʻe Sihova, kuó ke tāpuakiʻí, pea ʻe faitāpuekina ia ʻo taʻengata.”

18 ʻI ha taimi ki mui ai, naʻe ikunaʻi ʻe Tēvita ʻa e kau Filisitiá ʻo ne fakavaivaiʻi kinautolu pea faʻao ʻa Kati+ mo hono ngaahi kolo takatakaí* mei he nima ʻo e kau Filisitiá.+ 2 Pea naʻá ne ikunaʻi ʻa Mōape,+ pea naʻe hoko ʻa e kau Mōapé ko e kau sevāniti ʻa Tēvita pea nau ʻomi tukuhau.+

3 Naʻe ikunaʻi ʻe Tēvita ʻa Tuʻi Hetatesa+ ʻo Sopá+ ofi ki Hēmati+ ʻi he fononga atu ʻa Hetatesa ke fokotuʻu maʻu hono mafaí ʻi he Vaitafe ʻIufaletesí.+ 4 Naʻe hamu ʻe Tēvita ʻa e saliote ʻe 1,000, kau tangata heka hoosi ʻe toko 7,000, pea mo e kau sōtia ʻalu lalo ʻe toko 20,000 meiate ia.+ Hili iá, naʻe tuʻusi ʻe Tēvita ʻa e uoua ʻo e vaʻe ʻo e fanga hoosi toho salioté kotoa tuku kehe pē ʻa e fanga hoosi toho saliote+ ʻe 100. 5 ʻI he haʻu ʻa e kau Sīlia ʻo Tāmasikusí ke tokoni kia Tuʻi Hetatesa ʻo Sopá, naʻe taaʻi ai ʻe Tēvita ʻa e toko 22,000 ʻo e kau Sīliá.+ 6 Naʻe fokotuʻu leva ʻe Tēvita ha ngaahi nofoʻanga fakakautau ʻi Sīlia ʻo Tāmasikusí, pea naʻe hoko ʻa e kau Sīliá ko e kau sevāniti ʻa Tēvita ʻo nau ʻomi tukuhau. Naʻe foaki ʻe Sihova kia Tēvita ha ikuna* ʻi ha feituʻu pē naʻá ne ʻalu ki ai.+ 7 ʻIkai ngata aí, naʻe toʻo ʻe Tēvita ʻa e ngaahi pā fuopotopoto koulá mei he kau sevāniti ʻa Hetatesá peá ne ʻomi ia ki Selusalema. 8 Naʻe ʻave ʻe Tēvita ha kopa lahi ʻaupito mei Tipati mo Kuna, ʻa e ongo kolo ʻo Hetatesá. Naʻe ngaohiʻaki ia ʻe Solomone ʻa e fuʻu ʻaiʻanga vai kopá,+ ongo fuʻu poú, pea mo e ngaahi naunau kopá.+

9 ʻI he fanongo ʻa Tou ko e tuʻi ʻo Hēmatí kuo ikunaʻi ʻe Tēvita ʻa e kau tau kotoa ʻa Tuʻi Hetatesa+ ʻo Sopá,+ 10 naʻá ne fekauʻi atu leva ʻa hono foha ko Hatolamí kia Tuʻi Tēvita ke ʻeke pe ʻokú ne fēfē pea ke talamonū kiate ia koeʻuhi ko ʻene tauʻi ʻo ikunaʻi ʻa Hetatesá (he naʻe faʻa tauʻi ʻe Hetatesa ʻa Tou), pea naʻá ne ʻalu mo ha ngaahi meʻa kehekehe naʻe ngaohi mei he koula, siliva, pea mo e kopa. 11 Naʻe fakatoputapuʻi ʻe Tuʻi Tēvita ʻa e ngaahi meʻá ni maʻa Sihova,+ fakataha mo e siliva pea mo e koula kuó ne ʻave mei he kotoa ʻo e ngaahi puleʻangá: Mei ʻĪtomi mo Mōape, mei he kau ʻĀmoní,+ ko e kau Filisitiá,+ pea mo e kau ʻAmalekí.+

12 Naʻe taaʻi ʻe ʻApisai+ ko e tama ʻa Seluvaiá+ ʻa e kau ʻĪtomi ʻe toko 18,000 ʻi he Teleʻa Māsimá.+ 13 Naʻá ne fokotuʻu ha ngaahi nofoʻanga fakakautau ʻi ʻĪtomi, pea naʻe hoko ʻa e kau ʻĪtomí kotoa ko e kau sevāniti ʻa Tēvita.+ Naʻe foaki ʻe Sihova kia Tēvita ha ikuna* ʻi ha feituʻu pē naʻá ne ʻalu ki ai.+ 14 Naʻe pule ai pē ʻa Tēvita ki ʻIsileli kotoa,+ pea naʻá ne faifakamaau ʻi he totonu mo e māʻoniʻoni ki hono kakaí kotoa.+ 15 Ko Sioape ko e tama ʻa Seluvaiá naʻe pule ia ki he kau taú,+ pea ko Sihosafate+ ko e foha ʻo ʻAhilutí ʻa e tokotaha hiki fakamatalá, 16 ko Sātoki ko e foha ʻo ʻAhitupí mo ʻAhimeleki ko e foha ʻo ʻĀpaiatá naʻá na taulaʻeikí, pea ko Savisa naʻe sekelitalí. 17 Ko Penaia ko e foha ʻo Sihoiatá naʻe pule ki he kau Kēletí+ mo e kau Pēlití.+ Pea ko e ngaahi foha ʻo Tēvitá naʻa nau fika ʻuluaki ʻi he tuʻunga naʻe hoko hake ki he tuʻí.

19 Ki mui ai, naʻe mate ʻa Naasi ko e tuʻi ʻo e kau ʻĀmoní, pea naʻe hoko ʻa hono fohá ko e tuʻi ʻo fetongi ia.+ 2 Ko ia naʻe pehē ai ʻe Tēvita: “Te u fakahaaʻi ʻa e ʻofa mateaki+ kia Hanuni ko e foha ʻo Nāsí, koeʻuhí he naʻe fakahaaʻi mai ʻe heʻene tamaí ʻa e ʻofa mateaki kiate au.” Ko ia naʻe fekauʻi atu ʻe Tēvita ha kau talafekau ke nau fai ha fakafiemālie kiate ia ʻi he mole atu ʻene tamaí. Ka ʻi he taimi naʻe aʻu atu ai ʻa e kau sevāniti ʻa Tēvitá ki he fonua ʻo e kau ʻĀmoní+ ke fakafiemālieʻi ʻa Hanuní, 3 naʻe pehē ʻe he houʻeiki ʻo e kau ʻĀmoní kia Hanuni: “ʻOkú ke fakakaukau ʻoku fakalāngilangiʻi ʻe Tēvita ʻa hoʻo tamaí ʻi heʻene fekauʻi mai kiate koe ha kau fakafiemālié? ʻIkai kuo haʻu ʻa ʻene kau sevānití kiate koé koeʻuhí ke nau fai ha fakatotolo fakaʻāuliliki pea ke liua koe pea ke asiasi ʻa e fonuá?” 4 Ko ia naʻe puke ʻe Hanuni ʻa e kau sevāniti ʻa Tēvitá ʻo tele honau kavá+ pea tuʻusi vaeua honau ngaahi kofú ʻi lalo hifo ʻi honau kongalotó pea fekau ke nau ʻalu. 5 ʻI hono fakahā kia Tēvita ʻa e meʻa fekauʻaki mo e kau tangatá, naʻá ne fekauʻi atu leva ha niʻihi ke fakafetaulaki kiate kinautolu, koeʻuhí naʻe mātuʻaki fakamaaʻi ʻa e kau tangatá; pea naʻe tala ʻe he tuʻí kiate kinautolu: “Mou nofo ʻi Sielikō+ kae ʻoua kuo tupu homou kavá, pea mou toki foki mai leva.”

6 ʻI he faai mai ʻa e taimí naʻe sio ʻa e kau ʻĀmoní kuo nau hoko ʻo namukū kia Tēvita, ko ia naʻe ʻoatu ʻe Hanuni mo e kau ʻĀmoní ha talēniti* siliva ʻe 1,000 ke totongi mai ʻaki ha ngaahi saliote mo ha kau tangata heka hoosi mei Mesopotēmia,* ʻĒlama-maaka, pea mo Sopa.+ 7 Ko ia naʻa nau totongi mai ai ha saliote ʻe 32,000, fakataha mo e tuʻi ʻo Māká mo hono kakaí. Pea naʻa nau omi ʻo ʻapitanga ʻi muʻa ʻi Metepa.+ Naʻe fakatahataha mai ʻa e kau ʻĀmoní mei honau ngaahi koló pea nau ʻalu atu ki he taú.

8 ʻI he fanongo ʻa Tēvita ʻo fekauʻaki mo iá, naʻá ne fekauʻi atu ʻa Sioape+ pea mo e kau taú fakakātoa, ʻo kau ai ʻene kau tangata tau mālohi tahá.+ 9 Pea naʻe ʻalu atu ʻa e kau ʻĀmoní ʻo fakatē tau ʻi he hūʻanga ʻo e koló lolotonga ia ko e ngaahi tuʻi ʻa ia naʻe omí, ko kinautolu pē naʻe ʻi he loto ʻataʻataá.

10 ʻI he sio ʻa Sioape kuo ʻoho mai kiate ia mei muʻa mo mui ʻa e kau taú, naʻá ne fili ʻa e niʻihi ʻo e kau tau lelei taha ʻi ʻIsilelí ʻo nau fakatē tau atu ke fetaulaki mo e kau Sīliá.+ 11 Naʻá ne tuku ʻa e toenga ʻo e kau tangatá ke nau ʻi he malumalu ʻo e tuʻutuʻuni ʻa* hono tokoua ko ʻApisaí,+ koeʻuhí ke nau fakatē tau atu ke fetaulaki mo e kau ʻĀmoní. 12 Naʻá ne pehē ange leva: “Kapau ʻe hoko ʻo fuʻu mālohi kiate au ʻa e kau Sīliá,+ kuo pau leva ke ke haʻu ʻo fakahaofi au; ka ʻo kapau ʻe hoko ʻo fuʻu mālohi kiate koe ʻa e kau ʻĀmoní, te u fakahaofi koe. 13 Kuo pau ke tau mālohi mo loto-toʻa+ maʻa hotau kakaí mo e ngaahi kolo ʻa hotau ʻOtuá, pea ʻe fai ʻe Sihova ʻa e meʻa ʻoku lelei ʻi heʻene vakaí.”

14 Naʻe laka atu leva ʻa Sioape mo ʻene kau tangatá ke fetaulaki mo e kau Sīliá ʻi he taú, pea naʻa nau hola mei hono ʻaó.+ 15 ʻI he sio ʻa e kau ʻĀmoní kuo hola ʻa e kau Sīliá, naʻa nau hola mo kinautolu foki mei hono tokoua ko ʻApisaí ʻo nau hū ki he koló. ʻI he hili iá, naʻe ʻalu ʻa Sioape ki Selusalema.

16 ʻI he sio ʻa e kau Sīliá kuo ikunaʻi kinautolu ʻe ʻIsilelí, naʻa nau tuku atu ha kau talafekau ke ui mai ʻa e kau Sīlia ʻi he feituʻu ʻo e Vaitafé,*+ pea ko Sōfaki ko e ʻeikitau ʻa Hetatesá naʻá ne taki kinautolú.+

17 ʻI hono fakahaaʻi atu kia Tēvita ʻa e ongoongó, naʻá ne fakatahatahaʻi ʻi he taimi pē ko iá ʻa ʻIsileli kotoa pea nau kolosi ʻi Sioatani ʻo ʻalu atu kiate kinautolu ʻo nau fakatē tau ke tauʻi kinautolu. Naʻe fakatē tau ʻa Tēvita ke fakafetaulaki ki he kau Sīliá, pea naʻa nau tauʻi ia.+ 18 Ka naʻe hola ʻa e kau Sīliá mei ʻIsileli; pea naʻe tāmateʻi ʻe Tēvita ʻa e kau heka saliote ʻe toko 7,000 mo e kau sōtia ʻalu lalo ʻa e kau Sīliá ʻe toko 40,000, pea naʻá ne tāmateʻi ʻa Sōfaki ko e ʻeikitaú. 19 ʻI he sio ʻa e kau sevāniti ʻa Hetatesá kuo ikunaʻi kinautolu ʻe ʻIsilelí,+ naʻa nau fakamelino leva mo Tēvita pea nau hoko ko ʻene kau sevāniti;+ pea naʻe ʻikai loto ʻa Sīlia ke toe tokoniʻi ʻa e kau ʻĀmoní.

20 ʻI he kamataʻanga ʻo e taʻú,* ʻi he taimi ʻa ia ʻoku ʻalu ai ʻa e ngaahi tuʻí ʻi he ngaahi feingataú, naʻe taki atu ai ʻe Sioape+ ha kau tau ʻo nau fakaʻauha ʻa e fonua ʻo e kau ʻĀmoní; naʻá ne ʻalu atu ʻo ʻākoloʻi ʻa Lapa,+ lolotonga ia naʻe nofo pē ʻa Tēvita ia ʻi Selusalema.+ Naʻe ʻohofi ʻe Sioape ʻa Lapa ʻo ne holoki hifo ia.+ 2 Naʻe toʻo leva ʻe Tēvita ʻa e kalauni ʻo Malekamí mei hono ʻulú, pea ʻiloʻi ai ko hono mamafá ko ha talēniti* koula, pea naʻe ʻi ai ʻa e ngaahi maka mahuʻinga; pea naʻe fokotuʻu ia ʻi he ʻulu ʻo Tēvitá. Naʻá ne ʻave foki mei he koló+ ha fuʻu koloa vete* lahi ʻaupito. 3 Pea naʻá ne ʻomi ki tuʻa ʻa e kakai naʻe ʻi loto aí pea ʻai kinautolu ke nau ngāue+ ʻi hono tā ʻa e maká pea ʻi hono ngāueʻaki ʻa e ngaahi meʻangāue ukamea māsilá mo e ngaahi tokí. Ko e meʻa ia naʻe fai ʻe Tēvita ki he ngaahi kolo kotoa ʻo e kau ʻĀmoní. Faai atu pē naʻe foki ʻa Tēvita mo e kau taú kotoa ki Selusalema.

4 ʻI he hili ení, naʻe fai ha tau mo e kau Filisitiá ʻi Kēseli. ʻI he taimi ko iá ko Sipekai+ ko e tangata Husá naʻá ne taaʻi ʻa Sipai, ʻa ia ko ha hako ʻo e kau Lifaimí,+ pea naʻe fakavaivaiʻi kinautolu.

5 Pea naʻe toe fai ha tau mo e kau Filisitiá, pea ko ʻElanani ko e foha ʻo Sailí naʻá ne taaʻi ʻa Laami ko e tokoua ʻo Kolaiate+ ko e tangata Katí, ʻa ia ko ʻene taó naʻe hangē ʻa hono kaú ko e vaʻakau ʻa e kau lalangá.+

6 Naʻe toe fai ha tau ʻi Kati,+ ʻa ia naʻe ʻi ai ha fuʻu tangata lahi anga-kehe,+ naʻe louhiʻinima ʻe 6 ʻa hono nima taki taha pea louhiʻivaʻe ʻe 6 ʻa e vaʻe taki taha, ʻo 24 fakakātoa; pea ko iá foki ko ha hako ʻo e kau Lifaimí.+ 7 Naʻá ne hanganaki manuki+ ki ʻIsileli. Ko ia ko Sionatane ko e foha ʻo Simeá,+ ʻa e tokoua ʻo Tēvitá, naʻá ne taaʻi ia.

8 Ko e faʻahingá ni ko e hako kinautolu ʻo e kau Lifaimi+ ʻi Katí,+ pea naʻa nau tō ʻi he nima ʻo Tēvitá pea ʻi he nima ʻo ʻene kau sevānití.

21 Pea naʻe fili ʻa Sētane* ke fai ha meʻa ki ʻIsileli peá ne fakaʻaiʻai ʻa Tēvita ke ne lau ʻa ʻIsileli.+ 2 Ko ia naʻe pehē ʻe Tēvita kia Sioape+ mo e ngaahi ʻeiki ʻo e kakaí: “ʻAlu atu ʻo lau ʻa ʻIsileli, mei Pea-sipa ki Tani;+ pea fakahā mai kiate au koeʻuhí ke u ʻilo ʻa honau tokolahí.” 3 Ka naʻe pehē ange ʻe Sioape: “ʻOfa ke fakatokolahi ʻe Sihova ʻa hono kakaí ʻo liunga 100! ʻE hoku ʻeiki ko e tuʻí, ʻikai ko kinautolu kotoa kuo nau ʻosi hoko ko e kau sevāniti ʻa hoku ʻeikí? Ko e hā ʻoku loto ai ʻa hoku ʻeikí ke fai ʻa e meʻá ni? Ko e hā ke ne hoko ai ʻo fakatupunga ha halaia ki ʻIsilelí?”

4 Ka naʻe mālohi ʻa e lea ʻa e tuʻí kia Sioape. Ko ia naʻe ʻalu atu ai ʻa Sioape ʻo ne fāifononga ʻi ʻIsileli kotoa, ʻi he hili iá naʻá ne haʻu ki Selusalema.+ 5 Naʻe ʻoange leva ʻe Sioape kia Tēvita ʻa e tokolahi ʻo e kakai naʻe lēsisitá. Ko ʻIsileli kotoa naʻe feʻunga mo e kau tangata toʻo heletā ʻe toko 1,100,000, pea ko Siuta, ko e kau tangata toʻo heletā+ ʻe toko 470,000. 6 Ka ko Līvai mo Penisimani naʻe ʻikai ke lēsisita kinaua ʻi honau lotolotongá,+ koeʻuhi he naʻe kovi ʻaupito kia Sioape+ ʻa e lea ʻa e tuʻí.

7 Pea naʻe mātuʻaki taʻefakahōifua eni ki he ʻOtua moʻoní, ko ia naʻá ne taaʻi ai ʻa ʻIsileli. 8 Naʻe pehē leva ʻe Tēvita ki he ʻOtua moʻoní: “Kuó u faiangahala+ lahi ʻi heʻeku fai ʻa e meʻá ni. Pea ko eni, ke ke fakamolemoleʻi muʻa ʻa e faihala ʻa hoʻo sevānití,+ he kuó u mātuʻaki fai vale.”+ 9 Naʻe folofola leva ʻa Sihova kia Kata,+ ko e tokotaha-vīsone ʻa Tēvitá, ʻo pehē: 10 “ʻAlu ʻo tala kia Tēvita, ‘Ko e folofola eni ʻa Sihová: “ʻOku ou ʻoatu kiate koe ʻa e meʻa ʻe tolu ke ke fili mei ai. Fili ʻa e taha ko ia te u fakahoko atu kiate koé.”’” 11 Ko ia naʻe hū atu ʻa Kata kia Tēvita ʻo ne pehē kiate ia: “Ko e folofola eni ʻa Sihová, ‘Fai hoʻo filí 12 pe ko e honge+ ʻe hoko ʻi ha taʻu ʻe tolu, pe ko e māhina ʻe tolu ʻo hano ikuʻi koe ʻe ho ngaahi filí lolotonga ia hono maʻu koe ʻe he heletā ʻo ho ngaahi filí,+ pe ko e hoko mai ʻa e heletā ʻa Sihová ʻi he ʻaho ʻe tolu—ko ha mahaki fakaʻauha ʻi he fonuá+—ʻi hono ʻomi ʻe he ʻāngelo ʻa Sihová ʻa e fakaʻauha+ ki he feituʻu kotoa ʻo ʻIsilelí.’ Ko ia fakakaukau pe ko e hā te u tali ʻaki ki he Tokotaha naʻá ne fekau mai aú.” 13 Ko ia naʻe pehē ʻe Tēvita kia Kata: “ʻOku mātuʻaki fakamamahi kiate au. Tuku muʻa ke u tō ki he nima ʻo Sihová, he ʻoku lahi ʻaupito ʻa ʻene mēsí;+ kae ʻoua naʻa tuku ke u tō ki he nima ʻo e tangatá.”+

14 Pea naʻe tuku mai ʻe Sihova ha mahaki fakaʻauha+ ki ʻIsileli, ko ia naʻe tō ai+ mei ʻIsileli ʻa e kakai ʻe toko 70,000. 15 ʻIkai ngata aí, naʻe fekauʻi mai ʻe he ʻOtua moʻoní ha ʻāngelo ki Selusalema ke fakaʻauha ia; ka ʻi he teu ke ne fai iá, naʻe vakai ki ai ʻa Sihova peá ne ongoʻi fakaʻiseʻisa* ʻi he fakatamakí,+ pea naʻá ne folofola ki he ʻāngelo naʻá ne ʻomai ʻa e fakaʻauhá: “Kuo feʻunga!+ Tuku hifo ā ho nimá.” Naʻe tuʻu ʻa e ʻāngelo ʻa Sihová ʻo ofi ki he ʻauʻauʻanga uite ʻa ʻOlanani+ ko e Siepusí.+

16 ʻI he hanga hake ʻa Tēvitá, naʻá ne sio ki he ʻāngelo ʻa Sihová ʻokú ne tuʻu ʻi he vahaʻa ʻo e māmaní mo e langí mo ha heletā kuo unuhi+ ʻi hono nimá ʻo mafao atu ki Selusalema. Ko Tēvita mo e kau mātuʻá, kuo nau ʻai tauangaʻa,+ naʻa nau fakatōmapeʻe he taimi pē ko iá ʻo hanga ki he kelekelé.+ 17 Naʻe pehē ʻe Tēvita ki he ʻOtua moʻoní: “ʻIkai ko au ia naʻá ku pehē ke lau ʻa e kakaí? Ko au ʻa e tokotaha naʻe faiangahalá, pea ko au ʻa e tokotaha naʻe faihalá;+ ka ko e fanga sipí ni—ko e hā ʻa e meʻa kuo nau faí? ʻE Sihova ko hoku ʻOtuá, tuku muʻa ke hoko mai ho nimá kiate au pea mo e fale ʻo ʻeku tamaí; kae ʻoua naʻa ʻomi ʻa e malá ni ki ho kakaí.”+

18 Naʻe tala ange leva ʻe he ʻāngelo ʻa Sihová kia Kata+ ke ne tala kia Tēvita ke ne ʻalu hake ʻo fokotuʻu ha ʻōlita kia Sihova ʻi he ʻauʻauʻanga uite ʻa ʻOlanani ko e Siepusí.+ 19 Ko ia naʻe ʻalu hake ʻa Tēvita ʻo fakatatau ki he lea ʻa Kata ʻa ia naʻá ne leaʻaki ʻi he huafa ʻo Sihová. 20 Lolotonga ení, naʻe hanga hake ʻa ʻOlanani ʻo ne mamata ki he ʻāngeló, pea ko hono foha ʻe toko fā naʻe ʻiate iá naʻa nau toitoi. ʻI he taimi ko ení naʻe fai ʻa e ʻauʻau uite ʻa ʻOlanani. 21 ʻI he ʻalu atu ʻa Tēvita kiate iá, naʻe vakai mai ʻa ʻOlanani ʻo ne sio kia Tēvita, pea naʻá ne hū atu ʻi he taimi pē ko iá mei he ʻauʻauʻanga uité ʻo ne punou kia Tēvita ʻo hanga ki he kelekelé. 22 Naʻe pehē ange ʻe Tēvita kia ʻOlanani: “Fakatau mai* kiate au ʻa e tuʻuʻanga ʻo e ʻauʻauʻanga uité, koeʻuhi ke u fokotuʻu ai ha ʻōlita kia Sihova. Fakatau mai ia kiate au ʻi hono totongi kakató, kae ngata ai ʻa e mala kuo hoko ki he kakaí.”+ 23 Ka naʻe pehē ʻe ʻOlanani kia Tēvita: “Maʻu ia ʻe koe, pea tuku ki hoku ʻeiki ko e tuʻí ke ne fai ha meʻa pē ʻoku hā lelei kiate iá.* Ko eni ʻoku ou ʻoatu ʻa e fanga pulu ki he ngaahi feilaulau tutú pea mo e papa ʻauʻau uité+ ke fefieʻaki pea mo e uite ki he feilaulau meʻakaí.* ʻOku ou foaki kotoa atu ia.”

24 Kae kehe, naʻe pehē ʻe Tuʻi Tēvita kia ʻOlanani: “ʻIkai, kuo pau ke u fakatau ia ʻi hono totongi kakató, koeʻuhi ʻe ʻikai te u toʻo ʻa e meʻa ʻoku ʻaʻaú ʻo foaki ia kia Sihova pe ʻoatu ha ngaahi feilaulau tutu ʻo taʻeʻiai haʻaku fakamole.”+ 25 Ko ia naʻe ʻoange ʻe Tēvita kia ʻOlanani ha sikeli* koula ʻe 600 ʻi hono fua mamafá, ki he tuʻuʻangá. 26 Pea naʻe fokotuʻu ai ʻe Tēvita ha ʻōlita+ kia Sihova peá ne ʻohake ʻa e ngaahi feilaulau tutu mo e ngaahi feilaulau feʻinasiʻaki, pea naʻá ne tautapa kia Sihova, ʻa ia naʻá ne fai mai leva ha tali ʻaki hono ʻomai ha afi+ mei langi ki he ʻōlita ʻo e feilaulau tutú. 27 Naʻe fekau leva ʻe Sihova ʻa e ʻāngeló+ ke fakafoki ʻene heletaá ki hono ʻaiʻangá. 28 ʻI he taimi ko iá, ʻi he vakai ʻa Tēvita kuo fai mai ʻe Sihova ha tali kiate ia ʻi he ʻauʻauʻanga uite ʻa ʻOlanani ko e Siepusí, naʻe hokohoko atu ʻene faifeilaulau ʻi aí. 29 Kae kehe, ko e tāpanekale ʻa Sihova naʻe ngaohi ʻe Mōsese ʻi he toafá pea mo e ʻōlita ʻo e feilaulau tutú, naʻe ʻi he taimi ko iá ʻi he potu māʻolunga ʻi Kipioné.+ 30 Ka naʻe ʻikai ke lava ʻa Tēvita ke ʻalu atu ki ai ʻo tautapa ai ki he ʻOtuá, he naʻá ne ilifia koeʻuhi ko e heletā ʻa e ʻāngelo ʻa Sihová.

22 Pea naʻe pehē ʻe Tēvita: “Ko e fale eni ʻo Sihova ko e ʻOtua moʻoní, pea ko ha ʻōlita eni ki he feilaulau tutú maʻa ʻIsileli.”+

2 Pea naʻe fai ʻe Tēvita ʻa e tuʻutuʻuni ke fakatahatahaʻi mai ʻa e kau nofo muli+ naʻe ʻi he fonua ko ʻIsilelí, pea naʻá ne vaheʻi kinautolu ke nau hoko ko e kau tā maka ke nau tā mo fakafuo ʻa e maká ki hono langa ʻa e fale ʻo e ʻOtua moʻoní.+ 3 Naʻe teuteu foki ʻe Tēvita ʻa e ukamea lahi ʻaupito ke ngaohiʻaki ʻa e faʻo ki he ngaahi laumatapā ʻo e ngaahi hūʻangá pea ki he ngaahi meʻa fakamaʻú, pea mo e kopa lahi ʻaupito ʻa ia naʻe ʻikai lava ke fua ʻa hono mamafá,+ 4 pea pehē foki ki he papa sita+ ʻa ia naʻe ʻikai lava ke lau, he naʻe ʻomi ʻe he kau Saitoní+ mo e kau Tāiá+ ʻa e papa sita lahi ʻaupito kia Tēvita. 5 Pea naʻe pehē ʻe Tēvita: “Ko hoku foha ko Solomoné ʻoku kei siʻi mo taʻetaukei,*+ pea ko e fale ke langa moʻo Sihová ʻe fiemaʻu ke ʻamo atu ʻene fisifisimuʻá,+ ke hoko ʻa hono ongoongó mo hono fakaʻofoʻofá+ ʻo ʻiloa ʻi he ngaahi fonuá kotoa.+ Ko ia ai, te u fai ha teuteu maʻana.” Ko ia naʻe teuteu ʻe Tēvita ʻa e ngaahi naunau lahi ʻaupito ki muʻa heʻene maté.

6 ʻIkai ngata aí, naʻá ne ui ʻa hono foha ko Solomoné ʻo ne fakahinohino kiate ia ke ne langa ha fale moʻo Sihova ko e ʻOtua ʻo ʻIsilelí. 7 Naʻe tala ange ʻe Tēvita ki hono foha ko Solomoné: “Ko e meʻa kiate aú, ko e holi ia ʻa hoku lotó ke langa ha fale maʻá e huafa ʻo Sihova ko hoku ʻOtuá.+ 8 Ka naʻe hoko mai ʻa e folofola ʻa Sihová kiate au ʻo pehē, ‘Kuó ke fai ʻa e lingitoto lahi ʻaupito, pea kuó ke fakahoko ʻa e ngaahi tau lahi. ʻE ʻikai te ke langa ha fale maʻa hoku hingoá,+ he kuó ke fai ha lingitoto lahi ʻaupito ʻi he māmaní ʻi hoku ʻaó. 9 Vakai! ʻE ʻi ai hao foha+ ʻa ia te ne hoko ko ha tangata ʻo e melino,* pea te u foaki kiate ia ha mālōlō mei hono ngaahi fili kotoa ʻoku takatakai kiate iá,+ he ʻe fakahingoa ia ko Solomone*+ pea te u tuku ki ʻIsileli ʻa e melino mo e nonga ʻi hono ngaahi ʻahó.+ 10 Ko ia ʻa e tokotaha te ne langa ha fale maʻa hoku hingoá.+ Te ne hoko ko hoku foha, pea te u hoko ko ʻene tamai.+ Te u fokotuʻu maʻu ʻa e taloni ʻo hono tuʻunga-tuʻi ki ʻIsilelí ʻo taʻengata.’+

11 “Pea ko eni, ʻe hoku foha, ʻofa ke kau mo koe ʻa Sihova, pea ʻofa ke ke hoko ʻo lavameʻa peá ke langa ʻa e fale ʻo Sihova ko ho ʻOtuá, ʻo hangē tofu pē ko ʻene folofola ʻo kau kiate koé.+ 12 Kehe pē ke ʻoatu ʻe Sihova kiate koe ʻa e fakapotopoto mo e mahino+ ʻi heʻene foaki atu kiate koe ʻa e mafai ke pule ki ʻIsilelí, koeʻuhí ke ke tauhi ʻa e lao ʻa Sihova ko ho ʻOtuá.+ 13 Pea te ke toki hoko ʻo lavameʻa ʻo kapau te ke mātuʻaki tauhi ʻa e ngaahi tuʻutuʻuni+ mo e ngaahi fakamaau naʻe fekauʻi ʻe Sihova kia Mōsese ke ʻoange ki ʻIsilelí.+ Ke ke loto-toʻa peá ke tuʻu mālohi. ʻOua ʻe ilifia pe manavahē.+ 14 Ko eni kuó u fai ʻa e fuʻu fakaongosia lahi ke teuteu maʻá e fale ʻo Sihová ha talēniti* koula ʻe 100,000 mo e talēniti siliva ʻe 1,000,000 pea mo e kopa mo e ukamea+ lahi ʻaupito ʻo ʻikai lava ke fua ʻa hona mamafá, pea kuó u teuteu ʻa e papa mo e maka,+ ka te ke fakalahi ia. 15 ʻOku ʻiate koe ha fuʻu kau ngāue tokolahi—ko e kau tā maka, kau tufunga maka,+ kau tufunga, pea mo e kau ngāue pōtoʻi kehekehe.+ 16 Ko e koulá, silivá, kopá, pea mo e ukameá ʻoku taʻefaʻalaua.+ Tuʻu hake pea kamata ʻa e ngāué, pea ʻofa ke kau ʻa Sihova mo koe.”+

17 Naʻe tuʻutuʻuni leva ʻe Tēvita ki he houʻeiki kotoa ʻo ʻIsilelí ke nau tokoni ki hono foha ko Solomoné: 18 “ʻIkai ʻoku kau mo kimoutolu ʻa Sihova ko homou ʻOtuá, pea ʻikai kuó ne foaki kiate kimoutolu ha mālōlō ʻi he feituʻu kotoa pē? He kuó ne tuku mai kiate au ʻa e kakai ʻo e fonuá, pea kuo fakavaivaiʻi ʻa e fonuá ʻi he ʻao ʻo Sihová pea ʻi he ʻao ʻo hono kakaí. 19 Ko ia ke mou fakapapauʻi ʻaki ʻa e kotoa ʻo homou lotó mo hoʻomou moʻuí ke kumi kia Sihova ko homou ʻOtuá,+ pea kamata hono langa ʻa e potu toputapu ʻo Sihova ko e ʻOtua moʻoní,+ koeʻuhí ke ʻomi ʻa e ʻaʻake ʻo e fuakava ʻa Sihová pea mo e ngaahi naunau toputapu ʻa e ʻOtua moʻoní+ ki he fale ʻe langa maʻá e huafa ʻo Sihová.”+

23 ʻI he tupu hake ʻa Tēvita ʻo motuʻa pea ofi ki he ngataʻanga ʻo ʻene moʻuí,* naʻá ne fakanofo hono foha ko Solomoné ke tuʻi ki ʻIsileli.+ 2 Naʻá ne fakatahatahaʻi leva ʻa e kotoa ʻo e houʻeiki ʻo ʻIsilelí, mo e kau taulaʻeikí,+ pea mo e kau Līvaí.+ 3 Ko e kau Līvai ko ia naʻe taʻu 30 ʻo faai ki ʻolungá naʻe lau honau tokolahí;+ ko honau tokolahí, ʻi hono lau fakafoʻiʻulu ʻa e tangata taki taha, naʻe toko 38,000. 4 ʻI he faʻahingá ni, naʻe ngāue ʻa e toko 24,000 ke nau tokangaʻi ʻa e ngāue ʻi he fale ʻo Sihová, pea ko e toko 6,000 ko e kau ʻōfisa mo e kau fakamaau,+ 5 pea naʻe ʻi ai ʻa e toko 4,000 ko e kau leʻo matapā,+ pea ko e toko 4,000 naʻa nau fai ʻa e fakahīkihiki+ kia Sihova ʻaki ʻa e ngaahi meʻalea ʻa ia naʻe pehē ʻe Tēvita, “Naʻá ku ngaohi ia ke fai ʻaki ʻa e fakahīkihikí.”

6 Pea naʻe fokotuʻutuʻu* ʻe Tēvita kinautolu ki he ngaahi vāhenga+ ʻo fakatatau ki he ngaahi foha ʻo Līvaí: Ko Kēsoni, Kōhate, mo Mēlali.+ 7 ʻI he haʻa Kēsoní ko Latana mo Simi. 8 Ko e ngaahi foha ʻo Lataná ko Siheli ko e ʻulú ia, mo Setami, pea mo Sioeli,+ ko e toko tolu. 9 Ko e ngaahi foha ʻo Simí ko Selomoti, mo Hasieli, pea mo Hālani, ko e toko tolu. Ko e ngaahi ʻulumotuʻa eni ʻo e ngaahi fale ʻo e ngaahi tamai kia Lataná. 10 Pea ko e ngaahi foha ʻo Simí ko Seati, Sina, Seusi, mo Peliʻa. Ko e toko fā ko ení ko e ngaahi foha kinautolu ʻo Simi. 11 Ko Seati ʻa e ʻulú pea ko Sisaha ʻa e fika uá. Ka koeʻuhi naʻe ʻikai ke tokolahi ʻa e ngaahi foha ʻo Seusi mo Peliʻá, naʻe lau pē kinaua ko e fale fakaetamai pē ʻe taha fakataha mo ha ngafa pē ʻe taha.

12 Ko e ngaahi foha ʻo Kōhaté ko ʻAmilami, ʻIsaʻā,+ Hepeloni, mo ʻOsieli,+ ko e toko fā. 13 Ko e ongo foha ʻo ʻAmilamí ko ʻĒlone+ mo Mōsese.+ Ka ko ʻĒlone naʻe fakamavaheʻi tuʻumaʻu+ ia ke ne fakatoputapuʻi ʻa e Potu Fungani Toputapú, ʻa ia mo hono ngaahi fohá, ke nau fai ʻa e ngaahi feilaulau ʻi he ʻao ʻo Sihová, ke nau tauhi kiate ia, pea ke nau tāpuakiʻi maʻu pē ʻa e kakaí ʻi hono huafá.+ 14 Ko e meʻa kia Mōsese ko e tangata ʻa e ʻOtua moʻoní, naʻe fakakau ʻa e hingoa ʻo hono ongo fohá ʻi he lotolotonga ʻo e matakali ʻo e kau Līvaí. 15 Ko e ongo foha ʻo Mōsesé ko Kēsomi+ mo ʻEliese.+ 16 ʻI he ngaahi foha ʻo Kēsomí, ko Sepueli+ ʻa e ʻulú. 17 ʻI he hako* ʻo ʻEliesé, ko Lehapaia+ ʻa e ʻulú; naʻe ʻikai ke toe ʻi ai ha ngaahi foha kehe ʻo ʻEliese, ka naʻe tokolahi ʻaupito ʻa e ngaahi foha ia ʻo Lehapaiá. 18 ʻI he ngaahi foha ʻo ʻIsaʻaá,+ ko Selomiti+ ʻa e ʻulú. 19 Ko e ngaahi foha ʻo Hepeloní ko Selaia ʻa e ʻulú, ko ʻAmalaia ʻa e fika uá, ko Sehesili ʻa e fika tolú, pea ko Sikamami+ ʻa e fika faá. 20 Ko e ongo foha ʻo ʻOsielí+ ko Maika ʻa e ʻulú pea ko ʻĪsia ʻa e fika uá.

21 Ko e ongo foha ʻo Mēlalí ko Mahali mo Musi.+ Ko e ongo foha ʻo Mahalí ko ʻEliesa mo Kisi. 22 Naʻe mate ʻa ʻEliesa, ka naʻe ʻikai ke ʻi ai hano ngaahi foha, ko e ngaahi ʻofefine pē. Ko ia ko e ngaahi foha ʻo Kisí, ʻa honau kāingá,* naʻa nau ʻave kinautolu ke hoko ko honau uaifi. 23 Ko e ngaahi foha ʻo Musí ko Mahali, ʻEta, mo Selemoti, ko e toko tolu.

24 Ko e ngaahi foha eni ʻo Līvaí ʻo fakatatau ki he ngaahi fale ʻo ʻenau ngaahi tamaí, ko e ngaahi ʻulumotuʻa ia ʻo e ngaahi fale ʻo e ngaahi tamaí, ʻa e faʻahinga ko ia naʻe lēsisita ʻa ia naʻe lau pea fakahokohoko ʻa honau ngaahi hingoá pea naʻa nau fakahoko fatongia ki he ngāue ʻi he fale ʻo Sihová, mei he taʻu 20 ʻo faai ki ʻolunga. 25 He naʻe pehē ʻe Tēvita: “Ko Sihova ko e ʻOtua ʻo ʻIsilelí kuó ne tuku ha mālōlō ki hono kakaí,+ pea te ne ʻafio ʻi Selusalema ʻo taʻengata.+ 26 Pehē foki ʻe ʻikai fiemaʻu ki he kau Līvaí ke nau fua ʻa e tāpanekalé pe ko ha naunau pē naʻe fai ʻaki ʻa e ngāue aí.”+ 27 He fakatatau ki he ngaahi fakahinohino fakamuimui ʻa Tēvitá, ko e kau Līvai mei he taʻu 20 ʻo faai ki ʻolunga naʻe lau honau tokolahí. 28 Ko honau fatongiá ko e tokoni ki he ngaahi foha ʻo ʻĒloné+ ki he ngāue ʻi he fale ʻo Sihová, ke tokangaʻi ʻa e ongo lotoʻaá,+ ko e ngaahi loki kaí, ko hono fakamaʻa ʻa e meʻa toputapu kotoa pē, pea mo ha faʻahinga ngāue pē naʻe fiemaʻu ki he ngāue ʻi he fale ʻo e ʻOtua moʻoní. 29 Naʻa nau tokoni ʻi he meʻa fekauʻaki mo e fokotuʻunga maá,*+ mo e mahoaʻa lelei ki he feilaulau meʻakaí, pea mo e ngaahi foʻi mā manifinifi taʻelēvaní,+ mo e mā naʻe ngaohi ʻi he lauʻiʻumea taʻoʻanga meʻá, ko e takaonga kuo fio mo e loló,+ pea mo e faʻahinga fua mamafa mo e fua kotoa pē. 30 Naʻe fiemaʻu ke nau tuʻu ʻi he pongipongi ki he pongipongi+ ke fakamālō mo fakahīkihikiʻi ʻa Sihova pea fai pehē pē ʻi he efiafí.+ 31 Naʻa nau tokoni ʻi ha faʻahinga taimi pē naʻe ʻohake ai ʻa e ngaahi feilaulau tutu kia Sihová ʻi he ngaahi Sāpaté,+ ʻi he ngaahi māhina foʻoú,+ pea ʻi he lolotonga ʻa e ngaahi faʻahitaʻu kātoangá,+ ʻo fakatatau ki he lahi naʻe fiemaʻu ʻe he ngaahi tuʻutuʻuni fekauʻaki mo iá, ʻo fai tuʻumaʻu ia ʻi he ʻao ʻo Sihová. 32 Naʻa nau toe tokangaʻi ʻa honau ngaahi fatongia ki he tēniti feʻiloakiʻangá, ki he potu toputapú, pea ki honau fanga tokoua ko e ngaahi foha ʻo ʻĒloné ʻi he ngāue ʻi he fale ʻo Sihová.

24 Ko e ngaahi vāhenga leva eni ʻo e hako ʻo ʻĒloné: Ko e ngaahi foha ʻo ʻĒloné ko Nātapi, ʻĀpiu,+ ʻEliesa, pea mo ʻĪtama.+ 2 Kae kehe, naʻe ʻuluaki mate ʻa Nātapi mo ʻĀpiu ʻi heʻena tamaí,+ pea naʻe ʻikai ke na maʻu ha ngaahi foha; ka ko ʻEliesa+ mo ʻĪtama naʻe hokohoko atu ʻena ngāue ko e ongo taulaʻeikí. 3 Ko Tēvita, fakataha mo Sātoki+ mei he ngaahi foha ʻo ʻEliesá mo ʻAhimeleki mei he ngaahi foha ʻo ʻĪtamá, naʻa nau vahevahe ʻa e hako ʻo ʻĒloné ki honau lakanga fakangāué. 4 Koeʻuhi ko e ngaahi foha ʻo ʻEliesá naʻe tokolahi ange honau kau tangata takí ʻi he ngaahi foha ʻo ʻĪtamá, naʻa nau vahevahe kinautolu ʻo fakatatau ki ai: Ko e ngaahi foha ʻo ʻEliesá naʻe toko 16 ʻa e ʻulumotuʻa ʻo e ngaahi fale ʻo ʻenau ngaahi tamaí, pea ko e ngaahi foha ʻo ʻĪtamá naʻe toko 8 ʻa e ʻulumotuʻa ʻo e ngaahi fale ʻo ʻenau ngaahi tamaí.

5 ʻIkai ngata aí, naʻa nau vahevahe kinautolu ʻaki hano fai ha ngaahi lulu ki ai,+ ʻa e kulupu ʻe taha fakataha mo e kulupu ʻe tahá, he naʻe ʻi ai ha ngaahi ʻeiki ʻo e feituʻu toputapú mo e ngaahi ʻeiki ʻa e ʻOtua moʻoní fakatouʻosi mei he ngaahi foha ʻo ʻEliesá mo e ngaahi foha ʻo ʻĪtamá. 6 Naʻe hiki leva ʻe he foha ʻo Netanili ko Semaiá, ʻa ia ko e sekelitali ʻa e kau Līvaí, honau hingoá ʻi he ʻao ʻo e tuʻí, mo e houʻeikí, mo Sātoki+ ko e taulaʻeikí, mo ʻAhimeleki+ ko e foha ʻo ʻĀpaiatá,+ mo e ngaahi ʻulumotuʻa ʻo e ngaahi fale ʻo e ngaahi tamai ʻa e kau taulaʻeikí mo e kau Līvaí, naʻe fili ʻa e fale fakaetamai ʻe taha meia ʻEliesa pea ko e taha naʻe fili ia meia ʻĪtama.

7 Ko e ʻuluaki lulú naʻe ʻalu ia kia Sihoialipi; ko hono uá kia Sitaia, 8 ko hono tolú kia Halimi, ko hono faá kia Sōlimi, 9 ko hono nimá kia Malakaia, ko hono onó kia Misamini, 10 ko hono fitú kia Hakosi, ko hono valú kia ʻĀpaia,+ 11 ko hono hivá kia Sīsua, ko hono hongofulú kia Sikania, 12 ko hono 11 kia ʻEliasipi, ko hono 12 kia Siakimi, 13 ko hono 13 kia Hupa, ko hono 14 kia Sesepapi, 14 ko hono 15 kia Pileka, ko hono 16 kia ʻĪmeli, 15 ko hono 17 kia Hēsili, ko hono 18 kia Hapisesi, 16 ko hono 19 kia Petahaia, ko hono 20 kia Sihisikeli, 17 ko hono 21 kia Siakini, ko hono 22 kia Kamuli, 18 ko hono 23 kia Telaia, ko hono 24 kia Māsaia.

19 Ko honau ngaahi lakanga fakangāue+ eni ʻi heʻenau hū ki he fale ʻo Sihová ʻo fakatatau ki he founga naʻe fokotuʻu ʻe ʻĒlone ko ʻenau kuí, ʻo hangē ko e fekau kiate ia ʻa Sihova ko e ʻOtua ʻo ʻIsilelí.

20 Pea ʻi he toenga ʻo e kau Līvaí: Mei he ngaahi foha ʻo ʻAmilamí,+ naʻe ʻi ai ʻa Supaeli;+ mei he ngaahi foha ʻo Supaelí, ko Setaia; 21 meia Lehapaia,+ mei he ngaahi foha ʻo Lehapaiá, ko ʻĪsia ʻa e ʻulú; 22 mei he kau ʻIsaʻaá, ko Selomoti;+ mei he ngaahi foha ʻo Selomotí, ko Seati; 23 pea mei he ngaahi foha ʻo Hepeloní, ko Selaia+ ʻa e ʻulú, ko ʻAmalaia ʻa e fika uá, ko Sehesili ʻa e fika tolú, ko Sikamami ʻa e fika faá; 24 mei he ngaahi foha ʻo ʻOsielí, ko Maika; mei he ngaahi foha ʻo Maiká, ko Samili. 25 Ko e tokoua ʻo Maiká ko ʻĪsia; mei he ngaahi foha ʻo ʻĪsiá, ko Sākalaia.

26 Ko e ongo foha ʻo Mēlalí+ ko Mahali mo Musi; mei he ngaahi foha ʻo Saesiá, ko Peno. 27 Ko e ngaahi foha ʻo Mēlalí: Meia Saesiá, ko Peno, Sōhami, Sakuli, mo ʻĪpeli; 28 meia Mahalí, ko ʻEliesa, ʻa ia naʻe ʻikai ke ʻi ai hano ngaahi foha;+ 29 meia Kisí, ʻi he ngaahi foha ʻo Kisí, ko Selamili; 30 pea ko e ngaahi foha ʻo Musí ko Mahali, ʻEta, mo Selimoti.

Ko e ngaahi foha eni ʻo Līvaí ʻo fakatatau ki he ngaahi fale ʻo ʻenau ngaahi tamaí. 31 Pea naʻa nau fai foki ha ngaahi lulu+ ʻo hangē pē ko e meʻa naʻe fai ʻe honau fanga tokoua ko e ngaahi foha ʻo ʻĒloné ʻi he ʻao ʻo Tuʻi Tēvitá, mo Sātoki, mo ʻAhimeleki, pea mo e ngaahi ʻulumotuʻa ʻo e ngaahi fale ʻo e ngaahi tamai ʻa e kau taulaʻeikí pea mo e kau Līvaí. ʻI he fekauʻaki mo e ngaahi fale ʻo e ngaahi tamaí, naʻe fai pē ʻa e meʻa tatau ki he ʻulú pea mo hono tehiná.

25 Pea naʻe fakamavaheʻi foki ʻe Tēvita pea mo e ngaahi ʻeiki ʻo e ngaahi kulupu ki he ngāué ha niʻihi ʻo e ngaahi foha ʻo ʻĒsafe, Hēmani, pea mo Situtuní+ ke nau ngāue ʻi hono fai ʻa e kikite ʻaki ʻa e ngaahi haʻapé, ko e ngaahi meʻalea filó,+ pea mo e ngaahi simipalé.+ Ko e fakahokohoko eni ʻo e kau tangata maʻu lakanga ki he ngāué ni, 2 mei he ngaahi foha ʻo ʻĒsafé: Ko Sakuli, Siosifa, Nētanaia, mo ʻAsalela, ko e ngaahi foha ia ʻo ʻĒsafé naʻa nau ʻi he malumalu ʻo e tataki ʻa ʻĒsafé, ʻa ia naʻá ne kikite ʻi he malumalu ʻo e tataki ʻa e tuʻí. 3 Meia Situtuní,+ ko e ngaahi foha ʻo Situtuní: Ko Ketalaia, Sili, Sisaia, Simi, Hasapaia, mo Matitaia,+ ko e toko ono, naʻa nau ʻi he malumalu ʻo e tataki ʻa ʻenau tamai ko Situtuní, ʻa ia naʻá ne kikite ʻaki ʻa e haʻapé ʻo fakamālōʻia mo fakahīkihikiʻi ʻa Sihova.+ 4 Meia Hēmaní,+ ko e ngaahi foha ʻo Hēmaní: Ko Pukaia, Matanaia, ʻOsieli, Sepueli, Selimoti, Henania, Hēnani, ʻIliati, Kitalati, Lōmati-esa, Siosipekasa, Māloti, Hōtili, mo Mahasioti. 5 Ko kinautolú ni kotoa ko e ngaahi foha ia ʻo Hēmaní, ko ha tokotaha-vīsone ʻa e tuʻí ʻi he ngaahi meʻa fekauʻaki mo e ʻOtua moʻoní ki hono fakahīkihikiʻí;* ko ia naʻe ʻoange ai ʻe he ʻOtua moʻoní kia Hēmani ha foha ʻe toko 14 mo e ʻofefine ʻe toko 3. 6 Ko e faʻahingá ni kotoa naʻa nau ʻi he malumalu ʻo e tataki ʻa ʻenau tamaí ʻi hono fai ʻa e hiva ʻi he fale ʻo Sihová, ʻaki ʻa e ngaahi simipalé, ko e ngaahi meʻalea filó, mo e ngaahi haʻapé+ ʻo nau fakahoko ai ʻa e ngāue ʻi he fale ʻo e ʻOtua moʻoní.

Ko ʻĒsafe, Situtuni, mo Hēmani, naʻa nau ʻi he malumalu ʻo e tataki ʻa e tuʻí.

7 Ko honau tokolahí mo honau fanga tokoua naʻe akoʻi ʻi he hiva kia Sihová, ko e kau taukei kotoa, naʻe toko 288. 8 Ko ia naʻa nau fai ha lulu+ ki honau ngaahi fatongiá, ʻo tatau pē ʻa e siʻi mo e lahi, ʻa e taukei fakataha mo e akoako.

9 Naʻe tō mai ʻa e ʻuluaki lulú ki he foha ʻo ʻĒsafe ko Siosifá,+ pea ko hono uá kia Ketalaia+ (ko ia mo hono fanga tokouá mo hono ngaahi fohá ko e toko 12); 10 ko hono tolú kia Sakuli,+ mo hono ngaahi fohá mo hono fanga tokouá, ko e toko 12; 11 ko hono faá kia ʻIsieli, mo hono ngaahi fohá mo hono fanga tokouá, ko e toko 12; 12 ko hono nimá kia Nētanaia,+ mo hono ngaahi fohá mo hono fanga tokouá, ko e toko 12; 13 ko hono onó kia Pukaia, mo hono ngaahi fohá mo hono fanga tokouá, ko e toko 12; 14 ko hono fitú kia Sisalela, mo hono ngaahi fohá mo hono fanga tokouá, ko e toko 12; 15 ko hono valú kia Sisaia, mo hono ngaahi fohá mo hono fanga tokouá, ko e toko 12; 16 ko hono hivá kia Matanaia, mo hono ngaahi fohá mo hono fanga tokouá, ko e toko 12; 17 ko hono hongofulú kia Simi, mo hono ngaahi fohá mo hono fanga tokouá, ko e toko 12; 18 ko hono 11 kia ʻAsalili, mo hono ngaahi fohá mo hono fanga tokouá, ko e toko 12; 19 ko hono 12 kia Hasapaia, mo hono ngaahi fohá mo hono fanga tokouá, ko e toko 12; 20 ko hono 13 kia Supaeli,+ mo hono ngaahi fohá mo hono fanga tokouá, ko e toko 12; 21 ko hono 14 kia Matitaia, mo hono ngaahi fohá mo hono fanga tokouá, ko e toko 12; 22 ko hono 15 kia Selemoti, mo hono ngaahi fohá mo hono fanga tokouá, ko e toko 12; 23 ko hono 16 kia Henania, mo hono ngaahi fohá mo hono fanga tokouá, ko e toko 12; 24 ko hono 17 kia Siosipekasa, mo hono ngaahi fohá mo hono fanga tokouá, ko e toko 12; 25 ko hono 18 kia Hēnani, mo hono ngaahi fohá mo hono fanga tokouá, ko e toko 12; 26 ko hono 19 kia Māloti, mo hono ngaahi fohá mo hono fanga tokouá, ko e toko 12; 27 ko hono 20 kia ʻIliati, mo hono ngaahi fohá mo hono fanga tokouá, ko e toko 12; 28 ko hono 21 kia Hōtili, mo hono ngaahi fohá mo hono fanga tokouá, ko e toko 12; 29 ko hono 22 kia Kitalati,+ mo hono ngaahi fohá mo hono fanga tokouá, ko e toko 12; 30 ko hono 23 kia Mahasioti,+ mo hono ngaahi fohá mo hono fanga tokouá, ko e toko 12; 31 pea ko hono 24 kia Lōmati-esa,+ mo hono ngaahi fohá mo hono fanga tokouá, ko e toko 12.

26 Naʻe peheni ʻa e vahevahe ʻo e kau leʻo matapaá:+ Mei he haʻa Kolá, ko Meselemaia+ ko e foha ʻo Kole mei he ngaahi foha ʻo ʻĒsafé. 2 Pea naʻe maʻu ʻe Meselemaia ha ngaahi foha: Ko Sākalaia ʻa e ʻuluaki fohá, ko Sitieli ʻa e fika uá, ko Sepataia ʻa e fika tolú, ko Satinieli ʻa e fika faá, 3 ko ʻĪlami ʻa e fika nimá, ko Siohanani ʻa e fika onó, ko ʻElihoi-nai ʻa e fika fitú. 4 Pea naʻe maʻu ʻe ʻŌpeti-ʻītomi ha ngaahi foha: Ko Semaia ʻa e ʻuluaki fohá, ko Sihosapati ʻa e fika uá, ko Sioa ʻa e fika tolú, ko Sakali ʻa e fika faá, ko Netanili ʻa e fika nimá, 5 ko ʻAmieli ʻa e fika onó, ko ʻĪsaka ʻa e fika fitú, pea ko Puletai ʻa e fika valú; he naʻe faitāpuekina ia ʻe he ʻOtuá.

6 Pea ko hono foha ko Semaiá, naʻe fanauʻi kiate ia ha ngaahi foha ʻa ia naʻa nau hoko ko e kau pule ʻo e fale ʻo ʻenau ngaahi tamaí, he ko e kau tangata toʻa mo lavameʻa kinautolu. 7 Ko e ngaahi foha ʻo Semaiá: Ko ʻŌteni, Lafaeli, ʻŌpeti, mo ʻElisapati; pea ko hono ongo tokoua ko ʻIlaiū mo Semakaiá ko ha ongo tangata lavameʻa foki mo kinaua. 8 Ko e faʻahingá ni kotoa ko e hako ia ʻo ʻŌpeti-ʻītomí; ko kinautolu mo honau ngaahi fohá pea mo honau fanga tokouá ko ha kau tangata lavameʻa mo taau ki he ngāué, ko e toko 62 meia ʻŌpeti-ʻītomí. 9 Pea naʻe maʻu ʻe Meselemaia+ ha ngaahi foha mo ha fanga tokoua, ko e kau tangata lavameʻa ʻe toko 18. 10 Pea ko Hosa mei he ngaahi foha ʻo Mēlalí naʻá ne maʻu ha ngaahi foha. Ko Simeli naʻe ʻulú, he neongo naʻe ʻikai ko ia ʻa e ʻuluaki fohá, naʻe fakanofo ia ʻe heʻene tamaí ke ne hoko ko e ʻulu, 11 ko Hilikaia ʻa e fika uá, ko Tepalaia ʻa e fika tolú, ko Sākalaia ʻa e fika faá. Ko e kotoa ʻo e ngaahi foha mo e fanga tokoua ʻo Hosá naʻe toko 13.

12 ʻI he vahevahe ko eni ʻo e kau leʻo matapaá, naʻe maʻu ʻe he kau tangata naʻe ʻulú ʻa e ngaahi fatongia ʻo hangē tofu pē ko ia naʻe maʻu ʻe honau fanga tokouá, ke fakahoko fatongia ʻi he fale ʻo Sihová. 13 Ko ia naʻa nau fai ha lulu,+ ʻo tatau pē ʻa e siʻi mo e lahi ʻo fakatatau ki he ngaahi fale ʻo ʻenau ngaahi tamaí, ki he ngaahi matapā kehekehe. 14 Pea naʻe tō ʻa e lulu ki he hahaké kia Selemia. Naʻa nau fai ʻa e lulu kia Sākalaia ko hono fohá, ko ha tokotaha faleʻi fakapotopoto, pea naʻe tō ʻa e lulu naʻe fai maʻaná ki he tokelaú. 15 Ko ʻŌpeti-ʻītomi ki he tongá, pea naʻe vaheʻi ki hono ngaahi fohá+ ʻa e ngaahi fale tukuʻanga koloá. 16 Ko Sūpimi mo Hosa+ naʻe ʻakinaua ʻa e hihifó, ʻo ofi ki he Matapā Saleketí ʻi he hala lahi ʻoku hake ki ʻolungá, ʻo tuʻu fehāngaaki ʻa e kulupu leʻo mo e kulupu leʻo; 17 ko e kau Līvai ʻe toko ono naʻe ʻi he hahaké; ki he tokelaú, ko e toko fā ʻi he ʻaho taki taha pea ki he tongá, ko e toko fā ʻi he ʻaho taki taha; pea ki he ngaahi fale tukuʻanga koloá,+ naʻe toko ua mei hē pea toko ua mei hē; 18 ki he fale ʻotu pou ki he hihifó, naʻe ʻi ai ʻa e toko fā ʻi he hala lahí+ pea ko e toko ua ʻi he fale ʻotu poú. 19 Ko e ngaahi vahevahe eni ʻo e kau leʻo matapā mei he ngaahi foha ʻo e haʻa Kolá pea mo e haʻa Mēlalí.

20 ʻI he fekauʻaki mo e kau Līvaí, naʻe tokangaʻi ʻe ʻĀhisa ʻa e ngaahi koloa ʻo e fale ʻo e ʻOtua moʻoní pea mo e ngaahi tukuʻanga koloa ʻo e ngaahi meʻa kuo fakatoputapuʻí.*+ 21 Mei he ngaahi foha ʻo Lataná, ʻa ia ko e ngaahi foha ʻo e hako ʻo Kēsoni ʻoku kau kia Lataná, ʻa ia ko e ngaahi ʻulumotuʻa ʻo e ngaahi fale ʻo e ngaahi tamai ʻoku kau ki ai ʻa Latana ko e Kēsoní, naʻe ʻi ai ʻa Sehieli+ 22 mo e ongo foha ʻo Sehielí, ʻa Setami mo hono tokoua ko Sioelí. Naʻa nau tokangaʻi ʻa e ngaahi tukuʻanga koloa ʻo e fale ʻo Sihová.+ 23 Mei he kau ʻAmilamí, kau ʻIsaʻaá, kau Hepeloní, pea mo e kau ʻOsielí,+ 24 ko Sepueli ko e foha ʻo Kēsomi ko e foha ʻo Mōsesé naʻe taki ʻi hono tokangaʻi ʻa e ngaahi fale tukuʻanga koloá. 25 Ko hono fanga tokouá, ʻa ia ko e hako ʻo ʻEliesé,+ ko Lehapaia,+ Sisaia, Siolame, Sikeli, pea mo Selomoti. 26 Ko Selomoti ko ení mo hono fanga tokouá naʻa nau tokangaʻi ʻa e kotoa ʻo e ngaahi tukuʻanga koloa ʻo e ngaahi meʻa naʻe fakatoputapuʻí,+ ʻa ia naʻe hanga ʻe Tuʻi Tēvita,+ mo e ngaahi ʻulumotuʻa ʻo e ngaahi fale ʻo ʻenau ngaahi tamaí,+ mo e ngaahi ʻeiki ʻo e ngaahi toko afé mo e ngaahi toko teaú, pea mo e ngaahi ʻeikitaú ʻo fakatoputapuʻí. 27 Mei he ngaahi taú+ pea mei he ngaahi koloa veté,+ naʻa nau fakatoputapuʻi ai ʻa e ngaahi meʻa ke tokangaʻiʻaki ʻa e fale ʻo Sihová; 28 pehē foki ki he meʻa kotoa naʻe hanga ʻe Sāmiuela ko e matalōloá,+ mo Saula ko e foha ʻo Kisí, mo ʻĀpina+ ko e foha ʻo Naá, pea mo Sioape+ ko e tama ʻa Seluvaiá+ ʻo fakatoputapuʻí. Ko e hā pē ha meʻa naʻe fakatoputapuʻi ʻe ha taha naʻe tuku atu ia ke tokangaʻi ʻe Selomiti* mo hono fanga tokouá.

29 Mei he kau ʻIsaʻaá,+ ko Kenanaia mo hono ngaahi fohá naʻe vaheʻi kiate kinautolu ʻa e ngaahi ngafa fakaepule ki tuʻá ke nau hoko ko e kau ʻōfisa mo e kau fakamaau+ ki ʻIsileli.

30 Mei he kau Hepeloní,+ ko Hasapaia mo hono fanga tokouá, ko e kau tangata lavameʻa ʻe toko 1,700, naʻa nau pule ki hono tokangaʻi ʻo ʻIsileli ʻi he vahefonua hihifo ʻo Sioataní ʻi he kotoa ʻo e ngāue ʻa Sihová pea mo e ngāue ʻa e tuʻí. 31 Mei he kau Hepeloní, ko Sēlisa+ ʻa e ʻulumotuʻa ʻo e kau Hepeloní ʻi he laine hohoko ʻo e fale ʻo ʻenau ngaahi tamaí. ʻI he taʻu hono 40 ʻo e tuʻi ʻa Tēvitá,+ naʻe kumi ai ʻiate kinautolu, pea naʻe maʻu ʻi honau lotolotongá ha kau tangata toʻa mo lavameʻa ʻi Siasea,+ ʻi Kiliati. 32 Pea ko e tokolahi ʻo hono fanga tokouá ko e kau tangata lavameʻa ʻe toko 2,700, ko e ngaahi ʻulumotuʻa ʻo e ngaahi fale ʻo ʻenau ngaahi tamaí. Ko ia naʻe vaheʻi kinautolu ʻe Tuʻi Tēvita ke nau pule ki he haʻa Lūpení, mo e haʻa Katá, pea mo e vaeua ʻo e matakali ʻo e haʻa Manasé, ʻi he meʻa kotoa pē ʻa e ʻOtua moʻoní pea mo e meʻa ʻa e tuʻí.

27 Ko e tokolahi eni ʻo e kau ʻIsilelí, ʻa e ngaahi ʻulumotuʻa ʻo e ngaahi fale ʻo ʻenau ngaahi tamaí, mo e ngaahi ʻeiki ʻo e ngaahi toko afé mo e ngaahi toko teaú,+ pea mo ʻenau kau ʻōfisa naʻe faifatongia ki he tuʻí+ ʻi he meʻa kotoa pē fekauʻaki mo e ngaahi vāhenga naʻe haʻu mo ʻalu atu ʻi he māhina ki he māhina lolotonga ʻa e ngaahi māhina kotoa pē ʻo e taʻú; naʻe ʻi he vāhenga taki taha ʻa e toko 24,000.

2 Ko Sasopiami+ ko e foha ʻo Sapitielí naʻe pule ki he ʻuluaki vāhenga ʻo e ʻuluaki māhiná, pea ko e toko 24,000 naʻe ʻi heʻene vāhengá. 3 Ko ia ʻa e tokotaha mei he ngaahi foha ʻo Pēlesí+ naʻe ʻulu ki he kotoa ʻo e kau pule ʻo e ngaahi kulupu naʻe vaheʻi ke ngāue lolotonga ʻa e ʻuluaki māhiná. 4 Ko Totai+ ko e hako ʻo ʻĀhoí+ naʻe pule ki he vāhenga ʻo e māhina hono uá, pea naʻe taki ai ʻa Mikeloti, pea ko e toko 24,000 naʻe ʻi heʻene vāhengá. 5 Ko e pule ʻo e kulupu hono tolu naʻe vaheʻi ke ngāue lolotonga ʻa e māhina hono tolú ko Penaia+ ko e foha ʻo Sihoiata+ ko e taulaʻeiki lahí, pea ko e toko 24,000 naʻe ʻi heʻene vāhengá. 6 Ko Penaia ko ení ko ha tangata ʻi he toko tolungofulu naʻe toʻa ʻi he taú pea naʻe pule ki he toko tolungofulú, pea naʻe pule ki heʻene vāhengá ʻa hono foha ko ʻAmisapatí. 7 Ko e pule hono faá ki he māhina hono faá ko ʻAsaeli,+ ko e tokoua ʻo Sioapé,+ pea naʻe hoko atu ʻiate ia ʻa hono foha ko Sepataiá, pea ko e toko 24,000 naʻe ʻi heʻene vāhengá. 8 Ko e pule hono nimá ki he māhina hono nimá ko Samahuti mei he haʻa ʻIsilaiá, pea ko e toko 24,000 naʻe ʻi heʻene vāhengá. 9 Ko e pule hono onó ki he māhina hono onó ko ʻIla+ ko e foha ʻo ʻĪkesi ko e tangata Tēkoá,+ pea ko e toko 24,000 naʻe ʻi heʻene vāhengá. 10 Ko e pule hono fitú ki he māhina hono fitú ko Helesi+ ko e tangata Pēloni mei he haʻa ʻIfalemí, pea ko e toko 24,000 naʻe ʻi heʻene vāhengá. 11 Ko e pule hono valú ki he māhina hono valú ko Sipekai+ ko e tangata Husá mei he haʻa Salá,+ pea ko e toko 24,000 naʻe ʻi heʻene vāhengá. 12 Ko e pule hono hivá ki he māhina hono hivá ko ʻApiesa+ ko e tangata ʻAnatotí+ mei he haʻa Penisimaní, pea ko e toko 24,000 naʻe ʻi heʻene vāhengá. 13 Ko e pule hono hongofulú ki he māhina hono hongofulú ko Mahalai+ ko e tangata Netofá mei he haʻa Salá,+ pea ko e toko 24,000 naʻe ʻi heʻene vāhengá. 14 Ko e pule hono 11 ki he māhina hono 11 ko Penaia+ ko e tangata Pilatoní mei he ngaahi foha ʻo ʻIfalemí, pea ko e toko 24,000 naʻe ʻi heʻene vāhengá. 15 Ko e pule hono 12 ki he māhina hono 12 ko Heletai ko e tangata Netofá, ko e hako ʻo ʻOtenili, pea ko e toko 24,000 naʻe ʻi heʻene vāhengá.

16 Ko e kau taki eni ʻo e ngaahi matakali ʻo ʻIsilelí: Mei he haʻa Lūpení, ko ʻEliese ko e foha ʻo Sikelí naʻe takí; mei he haʻa Simioné, ko Sefataia ko e foha ʻo Māká; 17 meia Līvaí, ko Hasapaia ko e foha ʻo Kemiuelí; meia ʻĒloné, ko Sātoki; 18 meia Siutá, ko ʻIlaiū+ ko e taha ʻi he fanga tokoua ʻo Tēvitá; meia ʻĪsaká, ko ʻOmilai ko e foha ʻo Maikelí; 19 meia Sepuloní, ko ʻIsimaia ko e foha ʻo ʻOpataiá; meia Nafitalaí, ko Selimoti ko e foha ʻo ʻAsililí; 20 mei he haʻa ʻIfalemí, ko Hōsia ko e foha ʻo ʻAsasiá; mei he vaeua ʻo e matakali ʻo Manasé, ko Sioeli ko e foha ʻo Petaiá; 21 mei he vaeua ʻo e matakali ʻo Manasé ʻi Kiliatí, ko ʻIto ko e foha ʻo Sākalaiá; meia Penisimaní, ko Sesieli ko e foha ʻo ʻĀpiná;+ 22 meia Taní, ko ʻAsalili ko e foha ʻo Seloamí. Ko e houʻeiki eni ʻo e ngaahi matakali ʻo ʻIsilelí.

23 Naʻe ʻikai ke lau ʻe Tēvita ʻa e faʻahinga naʻe taʻu 20 ʻo faai ki laló, koeʻuhí naʻe talaʻofa ʻe Sihova te ne ʻai ʻa ʻIsileli ke hangē hono tokolahí ko e ngaahi fetuʻu ʻo e langí.+ 24 Naʻe kamata ke fai ʻe Sioape ko e tama ʻa Seluvaiá ʻa e laú, ka naʻe ʻikai ke ʻosi ia; pea naʻe hoko mai ʻa e houhau ʻa e ʻOtuá ki ʻIsileli* koeʻuhí ko e meʻá ni,+ pea naʻe ʻikai fakakau ʻa e fiká ni ʻi he fakamatala ʻo e hisitōlia ʻo e taimi ʻo Tuʻi Tēvitá.

25 Naʻe pule ki he ngaahi tukuʻanga koloa ʻa e tuʻí+ ʻa ʻAsimaveti ko e foha ʻo ʻAtielí. Ko Sionatane ko e foha ʻo ʻŪsaiá naʻe pule ki he ngaahi fale tukuʻanga koloa* naʻe ʻi ʻutá, ʻi he ngaahi kolo lalahí, ʻi he fanga kiʻi kolo īkí, pea ʻi he ngaahi tauá. 26 Naʻe pule ki he kau ngāue ʻi ʻuta ʻa ia naʻa nau ngoueʻi ʻa e kelekelé ʻa ʻĪseli ko e foha ʻo Kēlupí. 27 Ko Simi ko e tangata Lamá naʻe pule ki he ngaahi ngoue kālepí; naʻe pule ki he fua ʻo e ngoue kālepi ki he ngaahi tokonaki uainé ʻa Sapiti mei Sefamí.* 28 Naʻe pule ki he ngaahi ngoue ʻōlive mo e ʻulu sukamino+ ʻi he Sefelaʻá*+ ʻa Pēali-henani ko e tangata Ketelí; naʻe pule ki he tokonaki loló ʻa Sōasi. 29 Naʻe pule ki he fanga pulu naʻe kaikai ʻi Sāloní+ ʻa Sitilai ko e tangata mei Sāloní, pea ko Safati ko e foha ʻo ʻAtilaí naʻe pule ki he fanga pulu ʻi he ngaahi teleʻa lautoká.* 30 Naʻe pule ki he fanga kāmelí ʻa ʻŌpili ko e hako ʻo ʻIsimeʻelí; naʻe pule ki he fanga ʻasí* ʻa Setaia ko e tangata Melonotí. 31 Naʻe pule ki he fanga sipí ʻa Siasisi ko e hako ʻo Hekaʻaá. Ko e faʻahingá ni kotoa ko e kau pule kinautolu ki he koloa ʻa Tuʻi Tēvitá.

32 Ko Sionatane,+ ʻa e foha ʻo e tokoua ʻo Tēvitá, ko ha tokotaha faleʻi ia, ko ha tangata naʻá ne maʻu ʻa e mahino pea ko ha sekelitali, pea ko Siheli ko e foha ʻo Hakamoní naʻá ne tokangaʻi ʻa e ngaahi foha ʻo e tuʻí.+ 33 Ko ʻAhitofeli+ ko ha tokotaha faleʻi ia ʻa e tuʻí, pea ko Hūsai+ ko e tangata mei he haʻa ʻĀlekí ko e kaungāmeʻa* ia ʻo e tuʻí. 34 ʻI he hili ʻa ʻAhitofelí naʻe hoko atu ai ʻa Sihoiata ko e foha ʻo Penaiá+ pea mo ʻĀpaiata;+ pea ko Sioape+ ʻa e ʻeikitau ʻa e tuʻí.

28 Pea naʻe fakatahatahaʻi ʻe Tēvita ʻa e houʻeiki kotoa ʻo ʻIsilelí ki Selusalema, ʻa e ngaahi ʻeiki ʻo e ngaahi matakalí, mo e kau pule ʻo e ngaahi vāhenga+ naʻe faifatongia ki he tuʻí, mo e ngaahi ʻeiki ʻo e ngaahi toko afé mo e ngaahi ʻeiki ʻo e ngaahi toko teaú,+ mo e kau pule ki he kotoa ʻo e koloa mo e fanga manu ʻa e tuʻí+ mo hono ngaahi fohá,+ fakataha mo e kau ʻōfisa ʻi he lotoʻaá pea mo e tangata toʻa mo lavameʻa kotoa pē.+ 2 Naʻe mālanga hake leva ki ʻolunga ʻa Tuʻi Tēvita peá ne pehē:

“Fanongo mai, ʻa hoku fanga tokoua pea mo hoku kakai. Ko e holi ia ʻa hoku lotó ke langa ha fale ke hoko ko e feituʻu mālōlōʻanga ki he ʻaʻake ʻo e fuakava ʻa Sihová pea hoko ko e tuʻunga-vaʻe ʻo hotau ʻOtuá,+ pea naʻá ku fai ha ngaahi teuteu ki he langá.+ 3 Ka naʻe fakahā mai ʻe he ʻOtua moʻoní kiate au, ‘ʻE ʻikai te ke langa ha fale maʻa hoku hingoá,+ he ko ha tangata tau koe, pea kuó ke fai ha lingitoto.’+ 4 Kae kehe, naʻe fili au ʻe Sihova ko e ʻOtua ʻo ʻIsilelí mei he fale kotoa ʻo ʻeku tamaí ke u hoko ko e tuʻi ki ʻIsileli ʻo taʻengata,+ he naʻá ne fili ʻa Siuta ko e taki,+ pea mei he fale ʻo Siutá, ʻa e fale ʻo ʻeku tamaí,+ pea mei he ngaahi foha ʻo ʻeku tamaí, ko au ʻa e tokotaha naʻá ne hōifua ki aí, ke ʻai au ke u hoko ko e tuʻi ki ʻIsileli kotoa.+ 5 Pea mei he kotoa ʻo hoku ngaahi fohá—he kuo foaki mai ʻe Sihova kiate au ha ngaahi foha tokolahi+—naʻá ne fili ʻa hoku foha ko Solomoné+ ke nofo ʻi he taloni ʻo e tuʻunga-tuʻi ʻo Sihova ki ʻIsilelí.+

6 “Naʻá ne folofola mai kiate au, ‘Ko ho foha ko Solomoné ʻa e tokotaha te ne langa ʻa hoku falé mo hoku ongo lotoʻaá, he kuó u fili ia ke hoko ko hoku foha pea te u hoko ko ʻene tamai.+ 7 Te u fokotuʻu maʻu ʻa hono tuʻunga-tuʻí ʻo taʻengata+ ʻo kapau te ne tukupā ke tauhi ʻa ʻeku ngaahi fekaú mo ʻeku ngaahi tuʻutuʻuni fakaefakamāú,+ ʻo hangē ko ia ʻokú ne lolotonga faí.’ 8 Ko ia ʻoku ou pehē ai ʻi he ʻao ʻo ʻIsilelí kotoa, ʻa e fakatahaʻanga ʻa Sihová, pea ʻi he fanongo ki ai ʻa hotau ʻOtuá: Mou mātuʻaki tauhi pea kumi ki he ngaahi fekau kotoa ʻa Sihova ko homou ʻOtuá, koeʻuhí ke mou maʻu ai ʻa e fonua leleí+ pea tuku atu ia ko ha tofiʻa tuʻuloa ki homou ngaahi fohá ʻi he hili kimoutolú.

9 “Pea ko koe Solomone, ʻa hoku foha, ke ke ʻiloʻi ʻa e ʻOtua ʻo hoʻo tamaí pea tauhi kiate ia ʻaki ha loto kakato*+ pea ʻaki ha loto-fiefia,* he ʻoku hakule ʻe Sihova ʻa e ngaahi loto kotoa pē,+ pea ʻokú ne ʻiloʻi ʻa e hehema kotoa pē ʻo e ngaahi fakakaukaú.+ Kapau te ke kumi kiate ia, te ne fakaʻatā atu ke ke ʻiloʻi ia,+ ka ʻo kapau te ke liʻaki ia, te ne siʻaki koe ʻo taʻengata.+ 10 Ke ke tokanga leva, he kuo fili koe ʻe Sihova ke ke langa ha fale ko ha feituʻu toputapu. Ke ke loto-toʻa, pea fai ʻa e ngāué.”

11 Pea naʻe ʻoange ʻe Tēvita ki hono foha ko Solomoné ʻa e palani fakaelanga+ ʻo e fale-hūʻangá+ pea mo e ngaahi lokí, mo hono ngaahi loki tukuʻanga koloá, mo hono ngaahi loki ʻi ʻolungá, mo hono ngaahi loki ʻi lotó, pea mo e fale ʻoku ʻi ai ʻa e tāpuni ʻo e fakatupuhōifuaʻangá.*+ 12 Naʻá ne ʻoange kiate ia ʻa e palani fakaelanga ʻo e meʻa kotoa pē ʻa ia naʻe fakahaaʻi kiate ia fakafou ʻi hano fakamānavaʻi,* ʻo kau ki he ongo lotoʻā+ ʻo e fale ʻo Sihová, ki he ngaahi loki kai kotoa pē naʻe tuʻu takatakai aí, ki he ngaahi tukuʻanga koloa ʻo e fale ʻo e ʻOtua moʻoní, pea ki he ngaahi tukuʻanga koloa ʻo e ngaahi meʻa naʻe fakatoputapuʻí;*+ 13 pehē foki ki he ngaahi vahevahe ʻo e kau taulaʻeikí+ mo e kau Līvaí, pea ki he ngaahi ngafa kotoa pē ʻo e ngāue ʻi he fale ʻo Sihová, pea ki he naunau kotoa pē ʻo e ngāue ʻi he fale ʻo Sihová; 14 pehē foki ki he mamafa ʻo e koulá, ʻa e koula ki he kotoa ʻo e ngaahi naunau ki he ngaahi ngāue kehekehe, mo e mamafa ʻo e ngaahi naunau siliva kotoa pē, ki he kotoa ʻo e ngaahi naunau ki he ngaahi ngāue kehekehe; 15 pehē foki ki he mamafa ʻo e ngaahi tuʻunga-maama koulá+ mo honau ngaahi maama koulá, ko e mamafa ʻo e ngaahi tuʻunga-maama kehekehe mo honau ngaahi māmá, pea mo e mamafa ʻo e ngaahi tuʻunga-maama silivá, ki he tuʻunga-maama taki taha mo hono ngaahi māmá ʻo fakatatau ki hono ngāueʻakí; 16 pehē foki ki he mamafa ʻo e koula ki he ngaahi tēpile ʻo e fokotuʻunga maá,*+ ki he tēpile taki taha, pea pehē foki ki he siliva ki he ngaahi tēpile silivá, 17 mo e ngaahi fuʻu huhú, ko e ngaahi poulú, ko e ngaahi sioki koula haohaoá, pea mo e mamafa ʻo e fanga kiʻi poulu koulá,+ ʻa e kiʻi poulu taki taha, pea mo e mamafa ʻo e fanga kiʻi poulu silivá, ʻa e kiʻi poulu taki taha. 18 Naʻá ne ʻoange foki mo e mamafa ki he koula kuo sivi ki he ʻōlita ʻinisēnisí+ pea ki he meʻa ʻokú ne fakafofongaʻi ʻa e salioté,+ ʻa ia ko e ongo selupimi+ koula naʻe mafola atu hona ongo kapakaú ʻo fakamalumalu ʻa e ʻaʻake ʻo e fuakava ʻa Sihová. 19 Naʻe pehē ʻe Tēvita: “Naʻe ʻiate au ʻa e nima ʻo Sihová, pea naʻá ne ʻomai kiate au ʻa e vavanga fakaefakakaukau ke hiki+ ʻa e ngaahi fakaikiiki kotoa pē ʻo e palani fakaelangá.”+

20 Pea naʻe pehē ange ʻe Tēvita ki hono foha ko Solomoné: “Ke ke loto-toʻa peá ke tuʻu mālohi peá ke fai ʻa e ngāué. ʻOua ʻe ilifia pe manavahē, he ko Sihova ko e ʻOtuá, ʻa hoku ʻOtuá, ʻoku ʻiate koe.+ ʻE ʻikai te ne liʻaki koe pe siʻaki koe,+ ka te ne ʻiate koe kae ʻoua ke ʻosi ʻa e ngāue kotoa pē ki he fale ʻo Sihová. 21 Pea ko e vahevahe eni ʻo e kau taulaʻeikí+ mo e kau Līvaí+ ki he ngāue kotoa pē ʻi he fale ʻo e ʻOtua moʻoní. ʻOku ʻiate koe ha kau ngāue loto-lelei mo pōtoʻi ke nau fakahoko ʻa e ngaahi ngāue kehekehe kotoa pē,+ pea pehē ki he houʻeikí+ mo e kakai kotoa pē ʻa ia te nau fakahoko ʻa hoʻo ngaahi fakahinohinó kotoa.”

29 Naʻe pehē leva ʻe Tuʻi Tēvita ki he kotoa ʻo e fakatahaʻangá: “Ko hoku foha ko Solomoné, ʻa e tokotaha kuo fili ʻe he ʻOtuá,+ ʻoku kei siʻi mo taʻetaukei,*+ pea ko e ngāué ʻoku lahi, he ʻoku ʻikai ko ha temipale* ki ha tangata ka kia Sihova ko e ʻOtuá.+ 2 Pea kuo ʻikai te u toe tuku ha ivi ʻi he teuteu ki he fale ʻo hoku ʻOtuá, ʻi hono tokonaki ʻa e koula ki he meʻa ʻoku ngaohiʻaki ʻa e koulá, ʻa e siliva ki he meʻa ʻoku ngaohiʻaki ʻa e silivá, ʻa e kopa ki he meʻa ʻoku ngaohiʻaki ʻa e kopá, ʻa e ukamea ki he meʻa ʻoku ngaohiʻaki ʻa e ukameá,+ ʻa e papa+ ki he meʻa ʻoku ngaohiʻaki ʻa e papá, ʻa e ngaahi maka ʻōnike, mo e ngaahi maka makehe ʻoku fakamaʻu ʻaki ʻa e sima, mo e fanga kiʻi maka teuteu lanu kehekehe, ʻa e faʻahinga kotoa pē ʻo e ngaahi maka mahuʻingá, pea mo e ngaahi maka ʻalapasita lahi ʻaupito. 3 ʻIkai ngata aí, koeʻuhi ko ʻeku leleiʻia ʻi he fale ʻo hoku ʻOtuá,+ ʻoku toe ʻi ai mo ʻeku koloa pē ʻaʻaku+ ko e koula mo e siliva ʻoku ou foaki atu ki he fale ʻo hoku ʻOtuá, ʻo tānaki atu ki he kotoa ʻo e meʻa kuó u teuteu ki he fale tapú, 4 ʻo kau ai ʻa e talēniti* koula ʻe 3,000 mei ʻŌfeli+ mo e talēniti siliva kuo ʻosi sivi ʻe 7,000, ke ʻaofiʻaki ʻa e ngaahi holisi ʻo e ngaahi falé, 5 ko e koula ki he meʻa ʻoku ngaohiʻaki ʻa e koulá mo e siliva ki he meʻa ʻoku ngaohiʻaki ʻa e silivá, pea ki he ngāue kotoa ʻe fai ʻe he kau tangata nima-meaʻá. Pea ko hai ʻoku pole ke laka mai mo ha meʻaʻofa ʻi hono nimá he ʻahó ni maʻa Sihova?”+

6 Ko ia naʻe laka loto-lelei mai ʻa e ngaahi ʻeiki ʻo e ngaahi fale ʻo ʻenau ngaahi tamaí, mo e ngaahi ʻeiki ʻo e ngaahi matakali ʻo ʻIsilelí, mo e ngaahi ʻeiki ʻo e ngaahi toko afé mo e ngaahi toko teaú,+ pea mo e kau pule ki he ngaahi meʻa ʻa e tuʻí.+ 7 Pea naʻa nau fai ha foaki ki he ngāue ki he fale ʻo e ʻOtua moʻoní, ko e talēniti koula ʻe 5,000, talaiki* ʻe 10,000, talēniti siliva ʻe 10,000, talēniti kopa ʻe 18,000, pea mo e talēniti ukamea ʻe 100,000. 8 ʻIlonga ha taha naʻá ne maʻu ha ngaahi maka mahuʻinga naʻá ne foaki ia ki he tukuʻanga koloa ʻo e fale ʻo Sihová, ʻo tokangaʻi ʻe Siheli+ ko e hako ʻo Kēsoní.+ 9 Naʻe fiefia ʻa e kakaí ʻi hono fai ʻa e ngaahi foaki loto-tauʻatāina ko ení, he naʻa nau fai ʻa e ngaahi foaki loto-tauʻatāina kia Sihová ʻaki ha loto kakato,+ pea naʻe fiefia lahi foki ai mo Tēvita ko e tuʻí.

10 Naʻe fakahīkihikiʻi leva ʻe Tēvita ʻa Sihova ʻi he ʻao ʻo e fakatahaʻangá kotoa. Naʻe pehē ʻe Tēvita: “Fakatauange ke fakahīkihikiʻi ʻa hoʻo ʻAfió, ʻe Sihova ko e ʻOtua ʻo ʻIsileli ko ʻemau tamaí, ʻi he kotoa ʻo ʻitānití.* 11 ʻOku ʻoʻou, ʻe Sihova, ʻa e lahí+ mo e mālohí+ pea mo e fakaʻofoʻofá mo e lāngilangí pea mo e ngeiá,+ he ko e meʻa kotoa pē ʻi hēvani pea ʻi he māmaní ʻoku ʻoʻou ia.+ ʻOku ʻoʻou ʻa e puleʻangá, ʻe Sihova.+ Ko koe ʻa e Tokotaha ʻokú ke hakeakiʻi ʻa koe tonu ke hoko ko e ʻulu ki he meʻa kotoa pē. 12 Ko e koloá mo e lāngilangí ʻoku meiate koe ia,+ pea ʻokú ke pule ki he meʻa kotoa pē,+ pea ʻoku ʻi ho nimá ʻa e mafai+ mo e mālohi,+ pea ʻoku malava ʻe ho nimá ke ʻai ke lahi+ pea ke foaki ivi ki he tokotaha kotoa.+ 13 Pea ko eni, ʻe homau ʻOtua, ʻoku mau fakamālō atu kiate koe mo fakahīkihikiʻi ho huafa fakaʻofoʻofá.

14 “Pea neongo ia, ko hai au pea ko hai hoku kakaí ke mau ʻi ha tuʻunga ai ke fai ʻa e ngaahi foaki loto-tauʻatāina hangē ko ení? He ko e meʻa kotoa pē ʻoku meiate koe ia, pea kuo mau foaki atu pē kiate koe ʻa e meʻa ʻoku haʻu mei ho nima pē ʻoʻoú. 15 He ko kimautolú ko e kau muli pē ʻi ho ʻaó mo e kau nofo hili, ʻo hangē pē ko e kotoa ʻo ʻemau fanga kuí.+ He ko homau ngaahi ʻaho ʻi he māmaní ʻoku hangē ha ʻatá+—ʻo ʻikai ha ʻamanaki. 16 ʻE Sihova ko homau ʻOtua, ko e kotoa ʻo e koloa ko eni kuo mau teuteu ke langaʻaki moʻou ha fale maʻa ho huafa māʻoniʻoní ʻoku mei ho nimá pē, pea ʻoku ʻa e ʻAfioná kotoa pē ia. 17 ʻOku ou ʻilo lelei ʻe hoku ʻOtua, ʻokú ke sivi ʻa e lotó+ pea ʻokú ke leleiʻia ʻi he anga-tonú.*+ ʻI he anga-tonu* ʻo hoku lotó, kuó u foaki loto-tauʻatāina atu ai ʻa e ngaahi meʻá ni kotoa, pea ʻoku ou mātuʻaki fiefia ʻi he sio ki ho kakai ʻoku nau ʻi hení ʻoku nau fai atu ha ngaahi foaki loto-tauʻatāina kiate koé. 18 ʻE Sihova, ko e ʻOtua ʻo ʻĒpalahame, ʻAisake, pea mo ʻIsileli, ko ʻemau fanga kuí, tauhi taʻengata ange muʻa ʻa e ngaahi hehema mo e ngaahi fakakaukau ko ení ʻi he loto ʻo ho kakaí, pea fakahanga honau lotó kiate koe.+ 19 Pea foaki ha loto kakato*+ ki hoku foha ko Solomoné, koeʻuhi ke ne tauhi hoʻo ngaahi fekaú,+ hoʻo ngaahi fakamanatú, pea mo hoʻo ngaahi tuʻutuʻuní pea fai ʻa e ngaahi meʻá ni kotoa pea langa ʻa e temipale* ko ia kuó u fai hono teuteú.”+

20 Pea naʻe pehē ange ʻe Tēvita ki he kotoa ʻo e fakatahaʻangá: “Mou fakahīkihikiʻi leva ʻa Sihova ko homou ʻOtuá.” Pea naʻe fakahīkihikiʻi ʻe he kotoa ʻo e fakatahaʻangá ʻa Sihova ko e ʻOtua ʻo ʻenau fanga kuí pea nau punou mo fakatōmapeʻe atu kinautolu kia Sihova pea ki he tuʻí. 21 Pea naʻa nau hokohoko atu hono fai ʻa e ngaahi feilaulau kia Sihova pea fai mo e ngaahi feilaulau tutu+ kia Sihova ʻi he ʻaho hono hokó, ko e fanga kiʻi pulu tangata ʻe 1,000, fanga sipi tangata ʻe 1,000, fanga lami tangata ʻe 1,000, mo honau ngaahi feilaulau inu;+ naʻa nau fai ʻa e ngaahi feilaulau lahi ʻaupito maʻa ʻIsileli kotoa.+ 22 Naʻa nau hokohoko atu ʻa e kai mo inu ʻi he ʻao ʻo Sihová ʻi he ʻaho ko iá fakataha mo e fuʻu fiefia lahi,+ pea naʻa nau fakanofo ko hono tuʻo uá ia ʻa Solomone ko e foha ʻo Tēvitá ko e tuʻi pea pani ia ʻi he ʻao ʻo Sihová ke hoko ko e taki,+ pea pehē foki kia Sātoki ke hoko ko e taulaʻeiki.+ 23 Pea naʻe nofo ʻa Solomone ʻi he taloni ʻo Sihová+ ko e tuʻi ʻo fetongi ʻa Tēvita ko ʻene tamaí, pea naʻá ne lavameʻa, pea naʻe talangofua kiate ia ʻa e kotoa ʻo e kau ʻIsilelí. 24 Ko e kotoa ʻo e ngaahi ʻeikí,+ mo e kau toʻa ʻi he taú,+ pea pehē ki he kotoa ʻo e ngaahi foha ʻo Tuʻi Tēvitá+ naʻa nau fakamoʻulaloa kinautolu kia Solomone ko e tuʻí. 25 Pea naʻe ʻai ʻe Sihova ʻa Solomone ke ne mātuʻaki lahi ʻi he ʻao ʻo e kotoa ʻo ʻIsilelí pea foaki kiate ia ha ngeia fakatuʻi ʻa ia ne teʻeki ai ʻaupito ke maʻu ʻe ha tuʻi ʻo ʻIsileli ki muʻa.+

26 Naʻe pehē ʻa e pule ʻa Tēvita ko e foha ʻo Sesé ki he kotoa ʻo ʻIsilelí, 27 pea ko e lōloa* ʻo ʻene pule ki ʻIsilelí ko e taʻu ʻe 40. ʻI Hepeloni naʻá ne pule ai ʻi he taʻu ʻe 7,+ pea ʻi Selusalema naʻá ne pule ai ʻi he taʻu ʻe 33.+ 28 Pea naʻá ne mate kuó ne toulekeleka ʻaupito,+ kuó ne fiemālie ʻi he moʻui fuoloa,* koloa, mo e lāngilangi; pea naʻe hoko hono foha ko Solomoné ko e tuʻi ʻo fetongi ia.+ 29 Ko e meʻa ki he hisitōlia ʻo Tuʻi Tēvitá, mei he kamataʻangá ki he ngataʻangá, kuo hiki ia ʻi he ngaahi lea ʻa Sāmiuela ko e matalōloá, Nētane+ ko e palōfitá, pea mo Kata+ ko e tokotaha-vīsoné, 30 fakataha mo e kotoa ʻo hono tuʻunga-tuʻí, mo hono mālohí, pea mo e ngaahi meʻa naʻe hoko ʻi hono taimí mo ʻIsileli pea mo e kotoa ʻo e ngaahi puleʻanga takatakaí.