ʻOkú Ke ʻIlo?
(Ko e tali ki he fehuʻi ko ení ʻoku malava ke maʻu ia ʻi he ngaahi fakamatala Tohitapu ʻoku ʻoatú, pea ko e fakahokohoko kakato ʻo e talí ʻoku paaki ia ʻi he peesi 27. Ki ha fakamatala lahi ange, vakai ki he tohi “Insight on the Scriptures,” ko e pulusi ʻe he Watchtower Bible and Tract Society of New York, Inc.)
1. Ko e hā ʻa e ui ʻo e fakamaauʻanga māʻolunga faka-Siú? (Ngāue 5:27)
2. Hangē ko ia naʻe lave ki ai ʻa e ʻapositolo ko Sioné, ʻi he lolotonga ʻo e vahaʻa taimi fē naʻe ʻomai ai ʻe Sīsū ʻa e ngaahi meʻa pau felāveʻi mo e taumuʻa ʻa e ʻOtuá ki ha aofangatuku lavameʻá? (Fakahā 1:10)
3. Ko e hā ʻa e meʻatau ʻe tolu naʻe maʻu ʻe Kolaiate ʻi heʻene haʻu ke fepaki mo Tēvitá? (1 Samiuela 17:45, NW)
4. Ko hai ʻa e uaifi ʻo Hōseá? (Hosea 1:3)
5. Ko hai naʻa nau ʻiloʻi ne hola ʻa e kau Sīlia naʻa nau ʻākoloʻi ʻa Samēliá? (2 Tuʻi 7:3-5, PM)
6. Ko e hā naʻe foaki ʻe he tuʻi Pēsia ko ʻEhasiveló ʻi hono tofiʻá kotoa ʻi he taimi ʻo e fakanofo ʻo ʻĒseta ko ʻene kuiní? (Eseta 2:18, NW)
7. Hili hono fakatupu ʻo ʻĀtamá, ko e hā naʻe folofola ʻe Sihova ʻoku ʻikai lelei kiate iá? (Senesi 2:18)
8. Ko e hā naʻe fekau ʻe Sihova kia Siosiua ke fai fekauʻaki mo e fanga hoosi ʻo e ngaahi fili ʻo ʻIsilelí, ʻo fakalototoʻaʻi ai ʻa ʻIsileli ke falala kia Sihova ki ha maluʻí? (Siosiua 11:6)
9. Ko e hā ʻoku malava ke ne tekeʻi ʻa e ʻitá? (Palovepi 15:1)
10. Ko e hā naʻe hiki ai ʻi muʻa ʻi he ngaahi saame lahi ʻa e ngaahi fakamatala ʻi ʻolungá? (Sāme 3-9)
11. Ko e hā ʻa e fakamatala ʻoku hā mahino naʻe ngāueʻaki ʻe Siope ke fakahaaʻi naʻe mālō pē ʻa ʻene haó? (Siope 19:20, PM)
12. Ko e ʻapi ʻo hai naʻe ʻi ai ʻa Sīsū ʻi he taimi naʻe talatalaakiʻi ai ia ʻe he kau sikalaipé mo e kau Fālesí ki heʻene kai mo inu fakataha mo e kau tānaki tukuhaú pea mo e kau angahalá? (Luke 5:29, 30)
13. Ko e konga fē naʻe tapui ʻe he Lao ʻa Mōsesé ke kai ʻi he monumanu naʻe faiʻaki ʻa e feilaulaú? (Livitiko 7:23-25)
Ngaahi Tali ki he Fehuʻí
1. Ko e Sanetalimí
2. “ʻAho ʻo e ʻEiki”
3. Ko e heletā, ko ha tao mo ha kiʻi tao siʻisiʻi
4. Kōmela
5. Ko e kau kilia ʻe toko fā
6. Ko ha fakatauʻatāina
7. “Ke toko taha”
8. Ke hele uoua ʻa e fanga hōsí pea tutu ʻa e ngaahi salioté
9. Ko ha tali malū
10. Ke ʻilo ai ʻa e tokotaha-tohí, tokonaki mai ha ngaahi fakahinohino fakamūsika pea ʻomai ha fakamatala ki he ʻātakai pe ko e taumuʻa ʻo e sāmé
11. “Kili o hoku kau nifo”
12. ʻI he ʻapi ʻo Līvaí, pe Mātiú
13. Ko e ngakó