Konga 6
Fehokotaki Fakasinó mo e ʻUlungāangá
ʻOku ʻikai ha veiveiua ko e kau talavou tokolahi te nau ʻuluaki huke ki he konga ko eni ʻo e tohí. Ko e hā hono ʻuhingá? Koeʻuhi he ʻoku ʻikai ha kaveinga te ne fakatupunga ha ngaahi fehuʻi lahi pea mo ha fekīhiaki lahi—mo ha puputuʻu—ʻo hangē ko e fehokotaki fakasinó mo e ʻulungāangá. Kae kehe, ko e tuʻunga fakaeʻulungāangá ʻoku kātoi ai ʻa e meʻa lahi ange ʻi he tōʻonga fakaefehokotaki fakasinó pē. Ko e fakatātaá, ʻe lava ke ke ui ha talavou ʻoku loi mo kākā ʻoku taau hono ʻulungāangá? Pe ʻoku ʻi ai nai ha ngaahi tuʻunga ʻa ia ʻoku sai pē ai ʻa e taʻefaitotonú? Ko e meʻa fakafiefiá he ʻoku ʻomai ʻe he Tohi Tapú ʻa e ngaahi tataki fakahangatonu mo ʻaonga ʻi he ngaahi meʻa ko eni fekauʻaki mo e ʻulungāangá.