Ko e Meʻa Mahuʻinga Taha ʻi he Hisitōliá

KO E pekia ia ʻa Sīsū Kalaisí. Ko e hā naʻe fuʻu mahuʻinga ai iá? Ki ha ngaahi ʻuhinga lahi.

Naʻe fakamoʻoniʻi ʻe he loto-tōnunga ʻa Sīsū ʻo aʻu ki he pekiá ʻe malava ʻa e tangatá ke tauhi maʻu ʻa e anga-tonu ki he ʻOtuá.

Naʻe tokonaki ʻe he pekia ʻa Kalaisí ha faingamālie ki ha niʻihi ke hoko ko e kaungāpule mo ia ʻi hēvani. Naʻe toe fakaava ai ʻa e hala ki he tokolahi ange ke nau fiefia ʻi he moʻui taʻengata ʻi ha palataisi fakamāmani.

ʻI he efiafi ki muʻa peá ne pekiá, naʻe ngāueʻaki ai ʻe Sīsū ha mā taʻelēvani mo ha uaine kulokula ko ha fakaʻilonga ʻo ʻene feilaulau fakaetangata anga-ʻofá. Pea naʻá ne tala ki heʻene kau ākongá: “Mou fai ʻeni mōku fakamanatu.” (Luke 22:19) Te ke manatuʻi ʻa e meʻa mahuʻinga ko ʻení?

ʻOku fakaafeʻi loto-māfana koe ʻe he Kau Fakamoʻoni ʻa Sihová ke ke kau fakataha mo kinautolu ʻi hono kātoangaʻi ʻa e Fakamanatu ʻo e pekia ʻa Sīsuú. ʻI he taʻú ni ko e ʻaho ki he kātoanga ko ʻení ko e Tuʻapulelulu, Maʻasi 28, hili e tō ʻa e laʻaá. ʻE lava ke ke ʻalu nai ki he Fale Fakatahaʻanga ofi taha ki ho ʻapí. Kātaki ʻo vakaiʻi ki he Kau Fakamoʻoni ʻa Sihova fakalotofonuá ki he taimí mo e feituʻu totonú.