Ko ha ʻAho ke Manatua

ʻI HE efiafi ki muʻa ke ne pekiá, naʻe paasi atu ai ʻe Sīsū Kalaisi ha foʻi mā taʻelēvani mo ha ipu uaine kulokula ki heʻene kau ʻapositoló pea fakahinohino ke nau kai mo inu ia. Naʻá ne toe tala ange kia kinautolu: “Mou fai ʻeni mōku fakamanatu.”—Luke 22:19.

ʻI he taʻú ni ʻoku tō ai ʻa e fakamanatu ʻo e meʻa ko eni naʻe hokó ʻi he Sāpate, ʻaho 4 ʻo ʻEpelelí, hili e tō ʻa e laʻaá. Ko e Kau Fakamoʻoni ʻa Sihova takatakai ʻi he māmaní te nau fakatahataha ʻi he pō ko ení ke kātoangaʻi ʻa e kātoanga Fakamanatu ko ení ʻi he founga naʻe tuʻutuʻuni ʻe Sīsuú. ʻOku mātuʻaki talitali lelei loto-māfana koe ke ke kau fakataha mo kinautolu. Kātaki ʻo vakaiʻi mei he Kau Fakamoʻoni ʻa Sihova ʻi ho feituʻú ʻa e taimi pau mo e feituʻu ki he fakataha makehe ko ení.