Ko e Kumi ki ha Meʻa Lahi Ange

“Kapau ʻoku ʻikai ala fakatōliʻa ʻetau ngaahi fiemaʻú, ʻe ʻikai pē ha meʻa ia ʻe feʻunga.”​—Ko ha līpooti ʻa e Akoʻanga Vakaiʻi ʻa e Māmaní.

“KO E hā ʻoku tau fiemaʻú? Ko e meʻa kotoa pē. Ko fē taimi ʻoku tau fiemaʻu ai iá? Ko e taimí ni.” Ko e moto ko ení naʻe manakoa ia ʻi he haʻohaʻonga ʻo e kau ako kolisi ʻe niʻihi lolotonga ʻa e 1960 tupú. ʻI he ʻahó ni, ʻoku ʻikai nai ke fanongoa ʻa e ngaahi lea tonu ko ení, ka ko e fakakaukau tefitó ʻoku kei ʻi ai pē. Ko e moʻoni, ko e kumi ki he meʻa lahi angé ʻoku hā ngali ko ha tōʻonga makehe ia ʻi hotau kuongá.

Ki he tokolahi, ko e maʻu ʻo e tuʻumālié mo e koloá kuo hoko ia ko ha meʻa muʻomuʻa. Naʻe pehē ʻi he taimi ʻe taha ʻe he palesiteni U.S. ki muʻa ko Jimmy Carter: “ʻOku ʻikai kei ʻiloʻi ʻa e tokotahá ʻi he meʻa ʻoku fai ʻe he tokotaha ko iá ka ʻi he meʻa ʻoku maʻu ʻe he tokotaha ko iá.” ʻOku ʻi ai ha ngaahi meʻa ʻe toe mahuʻinga lahi ange ʻi he koloá? Kapau ko ia, ko e hā ʻa e ngaahi meʻa ko iá pea ko e hā ʻa e ngaahi ʻaonga te nau ʻomaí?