Maʻá e Toʻutupú
Founga ke Maʻu Ai ha Ngaahi Kaumeʻa Mateakí
Fakahinohino: Fai ʻa e lautohí ni ʻi ha ngaahi feituʻu lōngonoa. ʻI hoʻo lau ʻa e ngaahi konga Tohi Tapú, sioloto atu ʻokú ke kau ʻi he meʻa ʻoku hokó. Sioloto atu ki he meʻa ʻoku hokó. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻo e faʻahinga ʻoku hā ʻi he talanoá. ʻAi e fakamatalá ke hangē pē ha meʻa moʻoní.
Faʻahinga tefito: Sionatane, Tēvita, mo Saula
Fakanounou: Hili hono tāmateʻi ʻe Tēvita ʻa Kolaiaté, ʻoku hoko ʻa Sionatane ko e kaumeʻa lelei taha ia ʻo Tēvitá.
1 ʻANALAISO ʻA E TUʻUNGÁ.—LAU ʻA E 1 SAMIUELA 17:57–18:11; 19:1; 20:1-17, 41, 42.
Fakamatalaʻi ʻa e fōtunga ʻo Saulá ʻi hoʻo sioloto atu ki aí. (Tokoni: Sio ki he 1 Samiuela 10:20-23.)
․․․․․
ʻI he taimi naʻá ne fetaulaki ai mo Sionatané, ngalingali ko Tēvitá naʻe taʻu hongofulu tupu. ʻOku anga-fēfē hoʻo sioloto atu ki hono fōtungá? (Tokoni: Sio ki he 1 Samiuela 16:12, 13.)
․․․․․
Ko e hā ʻa e ngaahi ongoʻi ʻokú ke maʻu mei he leʻo ʻo Tēvita mo Sionatané ʻi he taimi naʻá na māvae ai ʻi he ngataʻanga ʻo e 1 Samiuela vahe 20?
․․․․․
2 FEKUMI LAHI ANGE.
ʻOku pehē ʻe he fakamatalá naʻe “pikitai ʻa e loto ʻo Sionatane ki he loto ʻo Tevita”—pe hangē ko ia ko hono fakalea ʻi he Contemporary English Version, “naʻe hoko ʻa Tēvita mo Sionatane ʻo na kaumeʻa fafale.” (1 Samiuela 18:1) Ko e hā ʻa e ngaahi ʻulungaanga naʻe maʻu ʻe Tēvita naʻe tohoakiʻi ai ʻa Sionatane kiate iá? (Tokoni: Sio ki he 1 Samiuela 17:45, 46.)
․․․․․
Ko Tēvita mo Sionatané ʻoku fakafuofua naʻá na faikehekeheʻaki ʻa e taʻu ʻe 30. Ko e hā ʻa e ngaahi meʻa ʻokú ke fakakaukau naʻá ne tokoniʻi kinaua ke na hoko ai ʻo “kaumeʻa fafalé” neongo ʻa e kehekehe hona taʻú?
․․․․․
Ko e hā ʻa e niʻihi ʻo e ngaahi angaʻitangata ʻo ha kaumeʻa moʻoni, hangē ko ia ʻoku hā ʻi he fakamatala fakatoʻoaloto ko ení? (Tokoni: Sio ki he Palovepi 17:17; 18:24.)
․․․․․
Ko e hā naʻe ʻai ai ʻe Sionatane ʻene mateaki kia Tēvitá ʻo lahi ange ia ʻi heʻene mateaki ki heʻene tamaí tonu?
․․․․․
3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .
Kaungāmeʻa.
․․․․․
Mateaki.
․․․․․
Kaungāmeʻa mo e faʻahinga taʻumotuʻá.
․․․․․
ʻE lava fēfē ke ke tohoakiʻi mai ʻa e faʻahinga kaumeʻa lelei tahá?
․․․․․
4 KO E HĀ ʻA E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?
․․․․․
LAU ʻA E FAKAMATALA LAHI ANGE MAKATUʻUNGA HE TOHI TAPÚ HE ʻINITANETÍ ʻI HE www.watchtower.org