Pulusinga Ako

TAUMUʻA ʻO E KUPU AKÓ

KUPU AKO 1, 2 PEESI 10-19

Kuo fakamohemoheʻi ʻe he ngaahi akonaki fakalotu loí ʻa e laui miliona ke nau tulemohe pe mohe fakalaumālie. ʻOku lāulea ʻa e ongo kupu ko ení ki he founga ke fakaʻaaki ai ʻa e kakaí mo e ʻuhinga ʻoku fakavavevave ai ke tau fai peheé. ʻIkai ko ia pē, ʻe lava fēfē ke tau tauhi maʻu ha ongoʻi ʻo e fakavavevavé, pea ko e hā ʻa e ʻuhinga ʻo e malanga fakataha mo e fakavavevavé?

KUPU AKO 3 PEESI 20-24

Naʻe tohi ʻa e ʻapositolo ko Pitá ʻo pehē ko e kau Kalisitiane paní ʻoku nau maʻu ha “ʻamanaki ʻoku moʻui.” (1 Pita 1:3) ʻOku anga-fēfē ʻa e moʻoni iá, pea ʻoku anga-fēfē ʻene felāveʻi ia mo e “fanga sipi kehe”? (Sione 10:16) Ko e kupu ko ení te ne tokoniʻi koe ke sio atu ki he ʻuhinga ke ke fiefia ai ʻi hoʻo ʻamanakí pea fakatuʻotuʻa atu ki he hoko iá.

KUPU AKO 4 PEESI 25-29

Naʻe fakatokanga ʻa Sīsū: “Manatuʻi ʻa e uaifi ʻo Loté.” (Luke 17:32) Ko e hā naʻe ʻuhinga ki ai ʻa e fakatokanga ko eni ʻa Sīsuú? Ko e kupu ko ení te ne tokoniʻi kitautolu ke tau ʻilo ʻa e tafaʻaki ʻe tolu ʻa ia ʻe fiemaʻu nai ai kiate kitautolu ke tau ngāueʻaki ʻa e fakatokanga ko iá. Sio angé kapau ko hoʻo moʻuí ʻoku fiemaʻu ai ke fai ha tokanga ki ha taha ʻo e ngaahi tafaʻaki ko ení pe lahi ange.