Pulusinga Ako

TAUMUʻA ʻO E KUPU AKÓ

KUPU AKO 1, 2 PEESI 7-16

ʻOku fiemaʻu ʻe Sihova ʻa e kotoa ʻene ngaahi meʻa fakatupu potó ke nau maʻu ʻa e tuʻunga tauʻatāina lahi taha ʻe malavá. ʻI he ongo kupu ko ení, sio ai ki he founga ʻokú ne akoʻi kitautolu ke hoko ko ha kakai tauʻatāiná. Sio ai foki ki he founga ʻoku feinga ai ʻa Sētane ke kaihaʻasia meia kitautolu ʻetau tauʻatāiná ʻi hono fakataueleʻi kitautolu ʻaki ʻa e ngaahi tauʻatāina lau pē ʻa e māmaní.

KUPU AKO 3 PEESI 22-26

Ko e hā ʻoku tau tutui loto-toʻa atu ai ʻi heʻetau ngāue fakamalangá neongo e ngaahi tuʻunga fakafepaki mo fakaʻaʻau ke kovi ange fakaʻekonōmiká? Ko e lahi ʻo e ngaahi ʻuhingá ʻoku fakamamafaʻi ia ʻi he Saame hono 27, ʻa ia ko e makatuʻunga ia ki he kupu ko ení.

KUPU AKO 4 PEESI 27-31

Ko e fokotuʻutuʻu ʻa e ngaahi meʻa ʻa e ʻOtuá ʻoku ngāue he ʻahó ni. Ko hono sivisiviʻi ʻa e ngaahi konga ʻo e tohi ʻa Paula ki he kau ʻEfesoó te ne tokoniʻi kitautolu ke mahinoʻi ʻa e taumuʻa ʻo e fokotuʻutuʻu ʻa e ngaahi meʻá pea ngāue ʻo fehoanaki mo ia.