Pulusinga Ako

TAUMUʻA ʻO E KUPU AKÓ

KUPU AKO 1, 2 PEESI 3-12

ʻOku vavé ni ke fakahoko ʻa e ngaahi meʻa mahuʻinga. ʻOku fakamamafaʻi ʻe he ongo kupu ko ení ʻa e ngaahi meʻa ʻe hongofulu ʻa ia ʻoku fiemaʻu ke tau manatuʻí. Ko e nima ʻoku felāveʻi ia mo e fakaʻauha ʻo e māmani ʻo Sētané mo e nima ki hono fokotuʻu ʻo e māmani foʻoú.

KUPU AKO 3 PEESI 18-22

ʻOku tau ʻunaloto kotoa atu ki he ngata ʻa e fokotuʻutuʻu fulikivanu ʻo e ngaahi meʻa ko ia ʻe fakahoko mai ai ʻa e Palataisi ne tomuʻa talá. Tatau ai pē pe kuó ke tatali ʻi ha laui māhina pe laui taʻu, ko e hā ʻoku mahuʻinga ai ʻa e kātakí? Ko e kupu ko ení te ne tokoniʻi kitautolu ke tau fakatupulekina ʻa e kātaki ʻoku fiemaʻú.

KUPU AKO 4 PEESI 23-27

Ko e kotoa ʻo e kakai ʻa e ʻOtuá ʻoku nau vēkeveke ke ngata ʻa e fokotuʻutuʻu fulikivanu ko ení. ʻE fakahā ʻi he kupu ko ení ʻoku ʻi ai ʻa e ngaahi ʻaonga ki hono ʻikai ʻiloʻi ʻa e ʻaho pe houa tofu ko ia ʻe aʻu mai ai ʻa e ngataʻangá.

KUPU AKO 5 PEESI 28-32

Kuo hoko fuoloa mai ʻa e ngaahi fakataha-lahí ko ha konga mahuʻinga ʻo e lotu maʻá. ʻOku sivisiviʻi ʻe he kupu ko ení ʻa e niʻihi ʻo e ngaahi meʻa mahuʻinga fakalaumālie ʻo e meʻa pehē ʻi he ngaahi taimi ʻo e Tohi Tapú mo onopooni pea tokanga lahi ki he ngaahi ʻaonga ʻoku tau maʻu mei hono maʻu ʻa e ngaahi fakataha-lahí.