ʻE lāulea ʻa e kupu ko ení ki he ngaahi ʻuhinga ʻe niʻihi ʻoku pehē ai ʻe he kakai tokolahi ko e Kau Fakamoʻoni ʻa Sihová ʻoku nau maʻu ʻa e moʻoní mo e ʻuhinga ʻoku tuipau ai ʻa e Kau Fakamoʻoní tonu kuo nau maʻu ʻa e moʻoní.

▪ Tauhi Mateaki ki he ʻOtuá Neongo ʻa e “Ngaahi Mamahi Lahi”

Ko kitautolu kotoa ʻoku tau hokosia ʻa e ngaahi mamahi lahi koeʻuhí ʻoku tau moʻui ʻi he māmani ʻo Sētané. Ko e ngaahi ʻahiʻahi ʻe niʻihi ko e ngaahi ʻohofi fakahangatonu ʻetau tuí. Ko e ngaahi ʻahiʻahi ʻe niʻihi ʻoku taʻefakahangatonu. ʻE tokoniʻi kitautolu ʻe he kupu ko ení ke ʻiloʻi ʻa e founga ʻoku feinga ai ʻa Sētane ke fakavaivaiʻi ʻetau tuí mo e founga ʻe lava ke tau teuteu ai ki heʻene ʻohó.

▪ Ngaahi Mātuʻa—Tokangaʻi Hoʻomou Fānaú

ʻOku maʻu ʻe he ngaahi mātuʻá ʻa e fatongia ke ʻohake ʻenau fānaú ʻi he moʻoní. (ʻEf. 6:4) ʻOku fakamatalaʻi ʻe he kupu ko ení ʻa e founga ʻe tolu ʻe lava ai ʻe he ngaahi mātuʻá ke tokangaʻi ʻenau fānaú pea tokoniʻi kinautolu ke ʻofa kia Sihová.

▪ Ko e Fili Fakaʻosí, ʻa e Maté, ʻe Toʻo ʻOsi Atu Ia

Ko e maté mo e meʻa kotoa ʻoku taki atu ki aí ʻoku fakatupunga ai ʻa e faingataʻaʻia lahi. Ko e hā ʻoku mate ai ʻa e kakaí? ʻE anga-fēfē hono ‘toʻo ʻosi atu ʻa e fili fakaʻosí, ʻa e maté’? (1 Kol. 15:26) Sio ki he anga hono fakamamafaʻi mai ʻe he talí ʻa e fakamaau totonu ʻa Sihová, ko ʻene potó pea tautefito ki heʻene ʻofá.

▪ Manatuʻi ʻa e Faʻahinga ʻi he Ngāue Taimi-Kakató

Fakatouʻosi ʻi he kuohilí mo e ʻahó ni, ko e kau lotu tokolahi ʻa Sihova kuo nau ngāue mālohi ʻi he ngāue taimi-kakató. Ko e hā ʻe lava ke tau fai ke manatuʻi ai ʻenau “ngāue faitōnungá” mo ʻenau “fakaongosia ʻofá”?—1 Tes. 1:3.

ʻI HE ʻĪSIU KO ʻENÍ FOKI

3 ʻOkú Ke “Kakapa Atu”?

22 Fehuʻi mei he Kau Lautohí

TAKAFI: Ko ha ongo tokoua ʻokú na vahevahe ʻa e pōpoaki Fakatohitapú mo ha tangata toutai ʻi Negombo ʻi he matāfanga fakahihifo ʻo Suli Langikaá

SULI LANGIKĀ

TOKOLAHI

20,860,000

KAU MALANGA

5,600

TĀIMUʻA TUʻUMAʻU

641