Ko e Hā ʻa e ʻAmanaki ki he Kau Maté?

Ko e taha ʻi he kau faisaienisi naʻe lave ki ai ki muʻá ʻokú ne puke ha laʻi tā ʻo e ongo mātuʻa ʻi he kupu ʻi he kamatá

ʻOku uesia ʻe he maté ʻa e tokotaha kotoa ʻo kitautolu. Ka ko e ngataʻangá pē ia? ʻE ngalo ai pē ʻa e kau maté ʻo taʻengata? ʻOku ʻi ai ha ʻamanaki ki he kau maté?

FAKAKAUKAU KI HE MEʻA ʻOKU LEAʻAKI ʻE HE TOHI TAPÚ:

ʻOKU ʻIKAI NGALO ʻA E KAU MATÉ

“Ko e faʻahinga kotoa ʻi he ngaahi fonualoto fakamanatú te nau . . . hū mai ki tuʻa.”—Sione 5:28, 29.

ʻOku manatua ʻe he ʻOtuá ʻa e maté; ko e faʻahinga ʻi heʻene manatú ʻe toetuʻu mai.

ʻE ʻI AI ʻA E TOETUʻU ʻI HE MĀMANÍ

“ʻE ʻi ai ʻa e toetuʻu fakatouʻosi ʻa e māʻoniʻoní mo e taʻemāʻoniʻoní.”—Ngāue 24:15.

ʻE toe fakafoki mai ʻa e laui piliona ki he moʻuí fakataha mo e ʻamanaki ke moʻui taʻengata ʻi he melino lahi.

KO E ʻAMANAKI ʻO E TOETUʻÚ ʻOKU ʻIKAI KO HA MISI PĒ

“[Ko e ʻOtuá] ʻokú ne lau ʻa e lahi ʻo e ngaahi fetuʻú; ʻokú ne ui kinautolu kotoa ʻaki honau hingoa.”—Saame 147:4.

Ko e malava ko ia ke fakahingoa ʻa e ngaahi fetuʻú ʻoku malava ngofua pē ki he ʻOtuá ke manatua ʻa e kakai te ne fokotuʻu haké.