Ngaahi Fakataha Ngāue ki Māʻasi
Uike Kamata Māʻasi 1
Hiva 14
15 min: Ngaahi fanongonongo fakalotofonua mo e Ngaahi Fanongonongo mei he Ko ʻEtau Ngāue Fakafaifekau ʻo e Puleʻanga. Ngaahi meʻa mahuʻinga mei he ʻŪ Ongoongo Fakateokalati, fakamamafaʻi ʻa e ngaahi tāpuaki ʻa Sihova ki heʻene kau sevānití ʻi he feituʻu kehekehe ʻo e māmaní. Ka ʻoku feʻunga pea fakakau ki ai ʻa e ngaahi meʻa kuo hokosia ʻe he fakatahaʻangá.
15 min: “Hanganaki Pehē: ‘Haʻu’!” Fehuʻi mo e tali. ʻI he lave ki he palakalafi 4, ʻai ha tokotaha malanga ʻosi teuteu lelei ke ne fakaeʻa ha ngaahi poini ʻe niʻihi mei he vahe 42 ʻo e tohi Revelation Climax, palakalafi 6-10, ʻo fekauʻaki mo e Fakahā 21:4-6.
15 min: “Ke Alaisia-alaikolonga ʻi Hoʻo Ngāue Fakamalangá.” Malanga mo fakakau mai ki ai mo e kau fanongo ʻe niʻihi. ʻI he lave ki he palakalafi 3-5 fakakau ki ai mo ha ongo fakahāhā fuonounou. ʻI he fakahāhaaʻi ʻo e poini ʻi he palakalafi 4 mo e 5, fakahā ʻa e malava ke ngāue fakataha ha tokotaha malanga taʻu motuʻa ange mo ha tokotaha taʻu siʻi ange ʻi he ngāue fakamalanga fale-ki-he-falé ʻo hangē ko ia ʻoku fakamatala ki ai ʻi he kupú. Fakamamafaʻi ʻa e fiemaʻu ke fiefia ʻi he ngāue fakamalangá tatau ai pē pe ko e hā ʻa e ngaahi olá.
Hiva 114 mo e lotu tuku.
Uike Kamata Māʻasi 8
Hiva 204
5 min: Ngaahi fanongonongo fakalotofonua. Lave ki he tokolahi ʻo e kau taaimuʻa fakataimi kuo ʻosi tali ke nau ngāue ʻi ʻEpeleli. Fakalototoʻaʻi ʻa kinautolu ʻoku nau palani ke taaimuʻá ke ʻomai leva ʻa ʻenau tohi kolé.
20 min: “ʻE Lava Ke Ke Fakalāngilangiʻi Lahi Ange ʻa Sihova?” Fehuʻi mo e tali ʻi he palakalafi 1-10.
20 min: Tokoniʻi ʻa ʻEtau Kau Ako Tohitapú. Fetalanoaʻaki mo e kau fanongó pea fakamamafaʻi ʻa e fiemaʻu ke fai ha toe tokoni ki he kau ako Tohitapú ʻo ʻikai ko e fai pē ʻo e akó. (1 Tesalonaika 2:8) Vaheʻi ha taimi ke langaʻi ʻa e holi mei he lotó ke haʻu mo kau ki he ngaahi fakatahá. Fakatoka ha houngaʻia ki he kautahá mo e fetokouaʻaki fakavahaʻapuleʻangá ʻaki ha fakamatala ki he ngaahi fakataha fakafeituʻu, ngaahi fakataha ʻaho makehe, mo e ngaahi fakataha fakavahe. ʻE lava nai ke sio fakataha ki he ngaahi vitiō hangē ko e Jehovah’s Witnesses—The Organization Behind the Name, Purple Triangles, mo e The Bible—Accurate History, Reliable Prophecy, pea vakai pē ko e hā kuo ako ʻe he kau akó mei he ngaahi vitiō ko ʻení. Fakahā ʻa e anga ʻo hono ʻoatu ki he niʻihi kehé ʻa e meʻa ʻoku nau akó. Ko e kau ako Tohitapu ʻoku nau aʻusia ʻa e ngaahi fiemaʻu kuo fakahokohoko ʻi he peesi 98 mo e 99 ʻo e tohi ko e Our Ministry pea ʻoku nau loto ke kau ki he ngāue fakamalangá ʻoku totonu ke tokoniʻi ke nau hoko ko e kau malanga taʻe-papitaiso. ʻOku mahuʻinga ke vaheʻi ha taimi ʻi he lolotonga ʻo e akó pea mo ʻene ʻosí ke tokoni ki he kau akó ke fakautuutu ha holi ke fakatapui mo papitaiso. ʻE lava ke fakahā ki he kau akó ʻa e ngaahi ʻata pe ngaahi kupu ʻi he nusipepá ʻo fekauʻaki mo e papitaiso ʻi heʻetau ngaahi fakatahá. Fakahāhā: Tokoni ʻa e tokotaha malangá ki he tokotaha ako Tohitapú ʻo kau ki he malanga ʻikai ʻi he founga anga-mahení. Filifili mei he ngaahi poini mei he tohi Moʻui Taʻengata pea pehē: “ʻE lelei ke ke ʻoatu ʻa e poini ko ení ki ho ngaahi kāingá pe ngaahi kaungāʻapí. Te ke fakahā nai kiate kinautolu kuó ke ako mei he Tohitapú ʻa e meʻa naʻe teʻeki ai ke ke ʻilo ki muʻa.” Fakalototoʻaʻi ʻa e kau malangá ke tokoniʻi ʻa e kau ako Tohitapú, pea fai atu pē ʻa e tokanga ʻofá neongo kuo ʻosi papitaiso ia.
Hiva 123 mo e lotu tuku.
Uike Kamata Māʻasi 15
Hiva 84
10 min: Ngaahi fanongonongo fakalotofonua, kau ki ai mo e fakamatala paʻanga mo e fakamālō ki he ngaahi tokoni kuo ʻosi maʻu. Lave ki he “Pōpoaki Taimi Totonu” ʻi lalo ʻi he kolomu ko ʻení. Fakalototoʻaʻi kotoa ke tohiʻi ʻa e kaveinga ʻo e malanga makehe ʻi Māʻasi 28 pea ke fakaafeʻi ʻa e faʻahinga mahuʻingaʻiá ke nau kau ki ai.
15 min: “Tokoniʻi Kinautolu Kotoa Naʻe Hā Mei Ai ʻa e Mahuʻingaʻiá.” Malanga mo fakakau ki ai mo e kau fanongo ʻe niʻihi. Lave ki he ngaahi konga Tohitapu ʻoku hā aí ʻo fakatatau ki he taimí. Fakahāhaaʻi ʻa e fokotuʻu ʻi he palakalafi 3. Fakaeʻa ʻa e fiemaʻu ke toe foki ki he faʻahinga mahuʻingaʻia ko ʻenau toki ʻuluaki haʻu ia.
20 min: “ʻE Lava Ke Ke Fakalāngilangiʻi Lahi Ange ʻa Sihova?” Fehuʻi mo e tali ʻi he palakalafi 11-22.
Hiva 32 mo e lotu tuku.
Uike Kamata Māʻasi 22
Hiva 129
10 min: Ngaahi fanongonongo fakalotofonua. Puha Fehuʻi. Fakalototoʻaʻi ke palani kotoa ke fakalahi ʻa e kau ki he ngāue fakamalangá ʻi ʻEpeleli.
20 min: Ko e Tokanga ki he Kau Taʻumotuʻá. Fetalanoaʻaki mo ha ngaahi fakaʻekeʻeke ʻo fai ʻe ha ongo tokoua. ʻI he Fakataha Fakavahe “Kau Tapua Atu ʻo e Maama” naʻe toki ʻosí, naʻe fai ha malanga fakakongokonga ʻi he pongipongi Tokonakí ʻi he kaveinga “Ko e Fetokangaʻaki ʻi he ʻApi Kalisitiané.” Ko e konga fakaʻosi ko e “ʻAki ʻa e Tokanga ki he Kau Taʻumotuʻá” naʻe fakamamafaʻi ai ʻa e ʻaonga ʻoku maʻu ʻe he fāmilí mo e fakatahaʻangá mei he faʻahinga taʻumotuʻa angé. (Palōvepi 16:31) Ko e hā ʻa e ngaahi founga ʻe lava ke tau tokoni ai ki he taʻumotuʻá? Ko e fatongia tefito ia ʻo e fāmilí. (1 Tīmote 5:3, 4, 8, 16) ʻOku fiemaʻu ʻa e kātaki mo e kaungāongoʻi. Ko e ngaahi fānau kuo lalahí mo e ngaahi makapuná ʻoku nau maʻu ʻa e faingamālie ke fakahā ʻa e houngaʻia ki he tokonaki ʻofa ʻi he ngaahi taʻu lahi, ngāue, mo e tauhi naʻe fai ʻe he ngaahi mātuʻá mo e ngaahi kuí ʻi he kuo hilí. (w-TO 12/1/87 13-18) ʻOku lava foki ke tokoni ʻa e fakatahaʻangá ki he faʻahinga taʻumotuʻa angé. ʻE fiemaʻu nai ki ha niʻihi ha tokoni ke nau taau ai ki ha ngaahi tokoni ʻa e puleʻangá. Fakahā ʻa e anga-talitali kakai ʻaki hano fakaafeʻi kinautolu ki ha kai mo ha ngaahi feohi. (Loma 12:13) Tokoniʻi kinautolu ʻi he ngāue fakamalangá. ʻAi ha meʻalele ki hono ʻave ki he ngaahi fakatahá. Tokoni ki hono fai ʻo ʻenau fakataú mo hono tokangaʻi ʻo honau ngaahi ʻapí. (w-TO 12/1/87 4-7) Fakahā maʻu ai pē ʻa e ʻapasia ki he faʻahinga taʻumotuʻa angé. (1 Tīmote 5:1, 2) Fakaʻekeʻeke ha tokotaha pe toko ua ʻo e faʻahinga taʻu motuʻa angé ʻoku faʻifaʻitakiʻanga lelei. Fakaeʻa ʻa e ʻaonga ʻokú na maʻu mei he angaʻofa kuo fakahā ʻe hona ngaahi fāmilí pea mo e fakatahaʻangá.
15 min: Fakaʻekeʻeke ʻe ha tokotaha ʻo e kau mātuʻá ha kau malanga ʻe toko tolu pe fā te nau taaimuʻa fakataimi ʻi ʻEpeleli pe kuo nau ʻosi taaimuʻa ki muʻa atu. Ko e hā naʻá ne ueʻi kinautolu ke nau taaimuʻá? Ko e hā ʻa e ngaahi palani kuo nau fai ki ʻEpelelí? Kuo anga-fēfē ʻa e tokoni ʻa e ngāue taaimuʻa fakataimí kiate kinautolu fakafoʻituitui? Fakalototoʻaʻi kotoa kinautolu ʻoku nau palani ke taaimuʻa fakataimi ʻi he māhina kahaʻú ke ʻai leva ʻa e tohi kolé ʻo ʻomai.
Hiva 172 mo e lotu tuku.
Uike Kamata Māʻasi 29
Hiva 133
10 min: Ngaahi fanongonongo fakalotofonua. Fakamanatu ke fakaafeʻi ʻa e faʻahinga mahuʻingaʻiá mo e kau ako Tohitapú ki he Fakamanatú. Ngāueleleiʻaki ʻa e ngaahi tohi fakaafe kuo ʻosi pulusí. Fakalototoʻaʻi ʻa e kau malangá ke tohiʻi fakalelei ʻi he ngaahi tohi fakaafé ʻa e taimi ʻo e Fakamanatú mo e feituʻu ʻe fai aí.
25 min: “Fakamanatu ʻa e Pekia ʻOku Maʻu Ai ʻa e ʻAmanaki ko e Moʻui Taʻengatá.” Fehuʻi mo e tali ke fai ia ʻe he ʻovasia pulé. Kau ki ai mo e fakamatala ʻi he puha “Teuteu ki he Fakamanatú.” ʻI he ʻosi ʻo e lave ki he palakalafi 5 ʻo e kupú ni, ʻai ha fakahāhā ʻa ia ʻoku fakaafeʻi ai ʻe he tokotaha-malangá ʻa e tokotaha ako Tohitapú ki he Fakamanatú. Ke fakamatala ʻe he tokotaha-malangá ʻa e fokotuʻutuʻu ke lau ʻa e ngaahi konga Tohitapu kuo filifili lolotonga ʻa e vahaʻa taimi ʻo ʻEpeleli 1-6 pea fakahā ki ai te ke ʻomai ha meʻa ke ʻalu ange ai.
10 min: Lolotonga ʻo ʻEpelelí fakaeʻa ʻa e Ko e Taua Leʻo. Fakaeʻa ʻa e ngaahi poini mahuʻinga mo e ngaahi kaveinga ʻe lave nai ki ai ʻi he lolotonga ʻo e māhiná. Tokanga ke fakahanga ʻa e tokangá ki he ngaahi poini ʻi he ngaahi makasiní ʻi he taimi kotoa pē.
Hiva 162 mo e lotu tuku.