Ngaahi Fakataha Ngāue ki Mē

Uike Kamata Mē 3

Hiva 135

10 min: Ngaahi fanongonongo fakalotofonua mo e Ngaahi Fanongonongo filifili mei he Ko ʻEtau Ngāue Fakafaifekau ʻo e Puleʻanga.

20 min: “Kau Ke Lavameʻa ʻi Heʻetau Ngāue Fakafaifekau Fakahaofi Moʻuí.” Malanga mo e ngaahi fakahāhā. ʻI he ʻosi ha lea kamata nounou, fakafeʻiloaki ha ngaahi fakahāhā ʻe tolu ʻe fakatuʻunga ʻi he palakalafi 2-5. ʻI he ʻosi ʻa e fakahāhā taki taha, ʻeke ki he kau fanongó pe ʻe lava fēfē ke liliu ʻa e meʻa ko ia kuo fakahaá ke feʻunga mo e ngaahi tuʻunga ʻo e feituʻu ʻoku fai ai ʻa e malangá. Fakaʻosi ʻaki hano fakalototoʻaʻi ke kau kakato ʻi he ngāue fakamalanga ʻi he ngataʻanga ʻo e uiké.

15 min: Ko e Mahuʻinga ʻo e Tuʻunga Fakalaumālie ʻo e Fāmilí. Malanga ʻe fai ʻe ha mātuʻa. Lāulea ki he fiemaʻu ki he fāmilí ke sio ki he potutohi fakaʻahó, ʻo fakahāhā ʻa e founga ke ngāueʻaki ʻi he ngaahi tuʻunga kehekehe mo e taimi-tēpile ʻa e fāmilí. Toe fakamamafaʻi ʻa e fiemaʻu ki he fāmilí ke nau lotu fakataha ʻo ʻikai siʻi hifo ʻi he tuʻo taha ʻi he ʻaho. ʻE malava ke fai ʻeni ʻi he taimi mohé. Ko e tefitoʻi moʻoni tatau ʻe lava ke ngāueʻaki ʻiate kinautolu ʻoku nofo ʻi he fāmili mavahevahé, ko kinautolu ʻa e ngaahi mātuʻa ʻoku ʻikai ke ʻi ai ha hoa malí, mo e ngaahi fāmili ʻoku ʻikai ke ʻi ai ha fānaú. Ko e mateuteu ʻa e fāmilí ʻoku toe ʻi ai ʻene kaunga ki hono maʻu ʻa e lelei taha mei he ngaahi fakataha ʻa e fakatahaʻangá ʻi he uike taki taha mo malava ke ʻai ke mālohi ange ʻa e tui ʻa e niʻihi kehé foki.​—Hep. 10:​23-25.

Hiva 113 mo e lotu tuku.

Uike Kamata Mē 10

Hiva 27

10 min: Ngaahi fanongonongo fakalotofonua. Ngaahi meʻa naʻe toki hokosia ʻi he ngāue makasiní mo e ngaahi polosiuá. Ne tokolahi ha kau malanga ne nau maʻu ha faʻahinga ne mahuʻingaʻia ʻo feʻunga ai ke nau tukuhau ki he makasiní? (ʻOku totonu ke fokotuʻutuʻu ʻeni ki muʻa ʻaki ha tokoni mei ha tokoua ʻokú ne hanga ʻo fai ʻa e ngāue ki he ngaahi tukuhau ʻi he fakatahaʻangá.)

15 min: “Ko Hono Lavaʻi ʻa e Pole ʻo e Ngāue Fakamalanga Fale-ki-he-Falé.” Fehuʻi mo e tali. Lau mo fakahā ʻa e kaunga ʻa e ngaahi konga Tohitapu ʻoku fakahā.

20 min: ʻE Malava Fēfē ke Tau Lavaʻi ʻEtau ʻItá? Fehuʻi mo e tali ke fai ʻe ha taha ʻo e kau mātuʻá. Fakahā ʻa e kaunga ʻo e ngaahi konga Tohitapu ʻoku fakahaá. Fakaʻosiʻaki ʻa e toe lave ʻo fakamanatu ʻa e ngaahi meʻa ʻe tokoni kiate kitautolu ke mapuleʻi ʻetau ʻitá.

Hiva 42 mo e lotu tuku.

Uike Kamata Mē 17

Hiva 98

10 min: Ngaahi fanongonongo fakalotofonua, kau ki ai mo e fakamatala paʻanga mo e ngaahi fakamālō ki he ngaahi tokoni. Fakaongoongoleleiʻi ʻa e fakatahaʻangá ki he tokoni fakapaʻanga ki he ngaahi meʻa ʻa e fakatahaʻanga fakalotofonuá pea pehē ki he ngāue ʻa e Sōsaietí ʻi māmani lahí.

20 min: “Fiefia ʻi he Toe Foki ke Tokoni ki he Kau Mahuʻingaʻiá.” Fetalanoaʻaki mo e kau fanongó pea mo e ngaahi fakahāhā. Fakamamafaʻi ʻa e fiemaʻu ke tauhi ha lekooti lelei ʻo kinautolu naʻe mahuʻingaʻiá. Fokotuʻutuʻu ha ongo fakahāhā ʻe ua mei he meʻa ko ia ʻoku hā ʻi he palakalafi 3-6. ʻOku totonu ke fakahā atu ai ʻa e ngaahi tuʻunga fakalotofonuá pea liliu ki he meʻa ko ia ʻoku fiemaʻú.

15 min: Ngaahi fiemaʻu fakalotofonua pe fetalanoaʻaki ʻi he mahuʻinga ʻo e fakalahi ki he School Guidebook ʻi he Ko ʻEtau Ngāue Fakafaifekau ʻo e Puleʻanga. Fakalototoʻaʻi ʻa e ngaahi tokouá ke tauhi ʻa e ngaahi fakalahí ni pea fakahā ʻa e founga ʻo hono ngāueʻaki ia ki he teuteu ʻenau fika kuo vaheʻí.

Hiva 212 mo e lotu tuku.

Uike Kamata Mē 24

Hiva 222

10 min: Ngaahi fanongonongo fakalotofonua. ʻŪ Ongoongo Fakateokalati.

20 min: “Kau Talavou​—Mou Poto ʻi Hono Tataki Hoʻomou Laká.” Fehuʻi mo e tali. ʻI he ʻosi ʻo e palakalafi 3, fai ha fakahāhā nounou mo ha tokotaha-malanga kei siʻi ʻo ne kole ki ha taha taʻumotuʻa ke na ngāue fakataha ʻi he ngāue fakamalangá. ʻOku fiefia ʻa e tokotaha-malanga taʻumotuʻá ke tali ʻa e kolé peá ne fokotuʻu ke na toe fakamanatu ki he anga ʻo e malanga ʻe faí ki muʻa ia peá na toki ngāue fakataha.

15 min: Ngaahi fiemaʻu fakalotofonua. Pe malanga ʻe fai ʻe ha taha ʻo e kau mātuʻá ʻi he kupu “Why Is It So Easy to Lie?” ʻi he ʻīsiu ʻo e Ko e Taua Leʻo (English) Tīsema 15, 1992, peesi 21-23.

Hiva 123 mo e lotu tuku.

Uike Kamata Mē 31

Hiva 207

10 min: Ngaahi fanongonongo fakalotofonua. Ko hono fokotuʻu atu ha ngaahi poini fakatupunga-talanoa mei he tohi ko e Greatest Man ʻe lava ke ngāueʻaki ʻi Sune. Fakalototoʻaʻi ʻa e kau malangá ke fakamanatu ki he ngaahi fokotuʻutuʻu ki he ngāue fakamalangá ʻi he peesi fakamuimui ʻo e Ko ʻEtau Ngāue Fakafaifekau ʻo e Puleʻanga ʻo Sune 1993.

15 min: “Fakahā ʻa e Houngaʻia ki he Ngaahi Tohí.” Fehuʻi mo e tali. Fakakau ki ai mo ha fakahāhā ʻo ha tokotaha-malanga ʻi he ngāue makasiní. ʻOku fakahā ʻe he tokotaha-ʻapí ʻa e mahuʻingaʻia ʻi he fakamatala faka-Tohitapu mo e ngaahi fakamatala ʻoku hā ʻi he makasiní, ʻo ne fakahā te ne lau ia. Pea toki lea atu leva ʻa e tokotaha-malangá: “ʻOku ou tui pē ʻe ʻaonga kiate koe ʻa e ngaahi makasiní ʻo hangē ko ia ko ʻene ʻaonga ki he niʻihi kehé. Ko e ngaahi makasiní ni ʻoku tufaki ia ʻi māmani lahi, Ko e Taua Leʻo ʻa ia ʻoku malava ke maʻu ia ʻi he lea kehekehe ʻe 112. Ko e ngāue ko ʻení ʻoku tokoniʻi ia ʻe he ngaahi tokoni loto-fiefoaki. Te mau talitali lelei ha kiʻi tokoni siʻisiʻi meiate kinautolu ʻoku nau fiemaʻu ke poupouʻi ʻa e ngāué ni.”

10 min: Te Ke Taaimuʻa Fakataimi? Fakaʻekeʻeke ha faʻahinga naʻa nau taaimuʻa fakataimi lolotonga ʻa e ngaahi taʻu kuo ʻosí. Fakalototoʻaʻi ʻa e kau talavoú mo e niʻihi kehe ʻa ia ko honau ngaahi tuʻungá te nau malava ai ke fakakaukau ke ngāueʻaongaʻaki honau vahaʻa taimi ʻataá. Ko ha faʻahinga te nau malava nai ke tokoni ki he ngāue ʻi ha ngaahi feituʻu mamaʻo pe tātātaha hono ngāueʻí. Fakalototoʻaʻi ʻa kinautolu ʻe ʻosi ʻenau akó ke nau taaimuʻa tuʻumaʻu pe ngāue fakataumuʻa ki he kolo ko iá.​—2 Kol. 9:6e.

10 min: ʻOku Fakamolemoleʻi ʻe he ʻOtuá ʻEtau Ngaahi Angahalá? Ko e mātuʻa ʻe toko ua ʻokú na teuteu ke fai ha ʻaʻahi fakatauhisipi. ʻOkú na fetalanoaʻaki pe ʻe fēfē haʻana tokoni ki ha tokoua ʻoku kei faingataʻaʻia ʻo kau ki heʻene ngaahi angahala he kuo hilí peá ne fifili nai pe kuo fakamolemoleʻi ia ʻe he ʻOtuá. ʻOku fakamanatu ʻe he toko ua ko eni ʻo e kau mātuʻá ʻa e kupu ʻi he tohi Reasoning, peesi 81-84, pea mo ia foki ʻoku ʻasi ʻi he tohi Insight Voliume I, peesi 861-862. ʻOkú na lave ki he fiemaʻu ke na anga-ʻofa ʻi he feangainga mo e tokoua ko ʻení pea ke na fakamamafaʻi ʻa e ʻofa ʻa Sihova mo ʻene loto ke fakamolemolé. ʻOkú na fokotuʻutuʻu ke fakamamafaʻi ʻa e fiemaʻu ki ha feinga fakafoʻituitui ʻa e tokouá; he ʻoku ʻikai ke feʻunga pē ʻa ʻene vete ʻene faihalá. ʻE fakahā ʻe he toko ua ʻo e kau mātuʻá te na toe foki atu ke vakaiʻi ʻa e tokouá ʻi ha ngaahi taimi he kahaʻú, ʻo hokohoko atu ke fai ha tokoni fakalaumālie.

Hiva 84 mo e lotu tuku.