Ngaahi Fakataha Ngāue ki Sune
Uike Kamata Sune 7
Hiva 162
10 min: Ngaahi fanongonongo fakalotofonua. Fakahanga ʻa e tokangá pea mo fai ha fakamatala nounou ki he “Fakamanatu ki he Kau Mālōlō ʻEveʻevá.” Fakahāhā ʻa e mahuʻinga ke toʻo maʻu pē ʻa e ngaahi makasini ke ngāueʻaki ʻi he fakamoʻoni ʻikai ʻi he founga anga-mahení.
15 min: “Tokoni ki he Niʻihi Kehé ke Nau Ako ʻo Kau ki he Moʻungaʻi Tangata.” Fehuʻi mo e tali. Fakatatau ki he taimí, maʻu ha ngaahi poupou mei he kau fanongó pe ʻoku fēfē ʻenau ongoʻi ʻi hono lau ʻa e tohí ni pea mo ha lavameʻa ne nau aʻusia ʻi hono tuʻuaki ʻa e tohí ki ha niʻihi kehe. Fakamanatu ki he ngaahi tokouá te nau lava ke tuʻuaki foki mo e ongo kiʻi tohi ko e “Ongoongo Lelei” mo e “Nofo ʻAmanaki ki he Maama Foʻou Maʻoniʻoni” kiate kinautolu ʻoku ʻikai ke lea faka-Pilitāniá.
20 min: “Ngāueʻaki ʻa e Ngaahi Tulekí ʻo Taki Atu ki he Ngaahi Tohi Iikí.” Fetalanoaʻaki mo e kau fanongó. Fai ha fakahāhā ʻe ua. Ko e fakahāhā ʻuluakí ʻoku totonu ke ngāueʻaki ʻa e fokotuʻu ʻoku hā ʻi he palakalafi 2. ʻI he ʻosi hono fakahā ʻa e tulekí, ʻoku fakatokangaʻi ʻe he tokotaha malangá ʻoku siʻisiʻi pē ʻa e mahuʻingaʻia ʻa e tokotaha-ʻapí peá ne fakakaukau ke tuʻuaki ha makasini ʻe ua kae ʻikai ko e ongo kiʻi tohí. Ko e fakahāhā hono uá ʻoku totonu ke ngāueʻaki ʻa e fokotuʻu tatau pē ko ia ʻi he palakalafi 2, ka ʻoku fakahā ʻe he tokotaha-ʻapí ʻokú ne mahuʻingaʻia. Pea hoko atu leva ʻa e tokotaha malangá ke tuʻuaki ʻa e ongo kiʻi tohí ʻi he ʻosi ha fakamatala nounou ʻi he ngaahi meʻa ʻoku ʻi he tulekí, peá ne toe fakamatala nounou foki ki he fokotuʻutuʻu ko e meʻaʻofa maʻataʻatā. Fakamanatu ki he kau malangá ke tuʻuaki ʻa e ngaahi makasini ʻoku lolotonga maʻú ʻo kapau ko e mahuʻingaʻia ʻoku hā mei he tokotaha-ʻapí ʻoku ʻikai feʻunga ke tuʻuaki ʻa e ongo tohi iikí pe ʻoku ʻikai te ne tali ʻa e ongo tohi iikí.
Hiva 204 mo e lotu tuku.
Uike Kamata Sune 14
Hiva 220
10 min: Ngaahi fanongonongo fakalotofonua mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻangá. Fokotuʻu ha ngaahi poini fakatupunga talanoa ʻi he ngaahi makasini ʻoku lolotonga maʻú ke ngāueʻaki ʻi he ngāue fakamalanga ʻi he uike ko ʻení.
15 min: Puha Fehuʻi. Malanga fai ʻe ha taha ʻo e kau mātuʻá. Fakamamafaʻi hotau fatongia ke taau ʻetau ʻulungaangaʻaki ʻi heʻetau ʻalu ki he papitaisó. Ngāueʻaki ʻa e ngaahi poini ʻoku fekauʻaki mo ia mei he Puha Fehuʻi ʻo e Ko ʻEtau Ngāue Fakafaifekau ʻo e Puleʻanga, Tīsema 1991.
20 min: “Ko e ʻUhinga ʻOku Mātuʻaki Mahuʻinga Ai ʻa e Ngaahi Tulekí ʻi Heʻetau Ngāue Fakamalanga he ʻAho Ní.” Fehuʻi mo e tali. ʻI he ʻosi ʻa e palakalafi fakaʻosí, fai ha fakahāhā nounou ke fakahā hono faingofua ke ngāueʻaki ʻa e tulekí ʻi he fakamoʻoni ʻikai ʻi he founga anga-mahení.
Hiva 133 mo e lotu tuku.
Uike Kamata Sune 21
Hiva 149
10 min: Ngaahi fanongonongo fakalotofonua. Fakahā ʻa e ngaahi meʻa tuʻu-ki-muʻa ʻo e Lipooti Ngāue Fakamalanga ʻi Māʻasí. Fakakau ki ai ʻa e ngāue naʻe fai ʻe he fakatahaʻangá ʻi he ngāue fakamalangá ʻi he lipooti ki he māhina ko iá. Fakakau ki ai mo e fakamatala paʻangá pea lau atu ha tohi fakamālō ki he foaki maʻataʻatā naʻe faí. Fakahā ʻa e houngaʻia ki he poupou fakapaʻanga ʻa e fakatahaʻanga fakalotofonuá pea pehē ki he ngāue ʻa e Sōsaietí ʻi māmani lahi.
15 min: “Kamata ha Ngaahi Ako Tohitapu ʻi he Ongo Kiʻi Tohi “Ko e Ongoongo Lelei” mo e “Nofo ʻAmanaki.” Fehuʻi mo e tali. ʻI he ʻosi ʻa e palakalafi 2, fakahāhā ʻa e founga hono kamata ha ako Tohitapu ʻi he kiʻi tohi ko e Ongoongo Lelei. ʻE kamata ʻe he tokotaha malangá ʻaki ʻene ʻuluaki lau ʻa e palakalafi 31 mo e 32 ʻi he peesi 20 ʻo e kiʻi tohí pea hoko atu leva ki he meʻa ʻoku fokotuʻu mai ʻi he palakalafi 2 ʻo e kupu ko ení.
20 min: Malanga fekauʻaki mo e Fakatupú, fakatuʻunga ʻi he tohi Reasoning, peesi 84-88. ʻOku totonu ke filifili ʻe he tokotaha te ne fai ʻa e malangá ke ngāueʻaki pē ʻa e ngaahi poini ʻe lava ke fai ha fakamatala feʻunga ki ai ʻi he taimi kuo vaheʻí.
Hiva 157 mo e lotu tuku.
Uike Kamata Sune 28
Hiva 130
10 min: Ngaahi fanongonongo fakalotofonua. ʻŪ Ongoongo Fakateokalati. Fakahanga ʻa e tokangá ki ha ngaahi poini fakatupunga talanoa ʻi he ngaahi makasini ʻoku lolotonga maʻú ʻe malava ke ngāueʻaki ʻi he ngāue fakamalanga fale-ki-he-falé pe ko e fakamoʻoni ʻikai ʻi he founga anga-mahení.
20 min: “ʻAi ke Kau Maʻu Pē ʻi he Ngāue Fakamalangá.” Malanga ke fai ʻe he ʻovasia ngāué pe ko ha tokoua taau ʻe taha. Fakamanatu ʻa e fakamatala ʻi he Organized to Accomplish Our Ministry, peesi 106-110, fakatatau ki he taimí. Fakamamafaʻi ʻa e fiemaʻu ke kau maʻu pē ʻa kitautolu kotoa ʻi he ngāue fakamalangá pea ʻomai ʻa e lipooti ngāue fakamalangá ʻi he taimi totonu ʻi he ngataʻanga ʻo e māhiná.
15 min: Ngaahi fiemaʻu fakalotofonua. ʻE lava ke fai ha fakamanatu ki he ngaahi poini ʻo e ngaahi fiemaʻu ʻa e fakatahaʻangá ʻo hangē ko ia naʻe lave ki ai ʻa e ʻovasia fakafeituʻú lolotonga ʻene ʻaʻahí.
Hiva 168 mo e lotu tuku.