ʻŪ Ongoongo Fakateokalati

ʻAlipēnia: Mei Tīsema 1991 ki Tīsema 1992, naʻe tupu hake ʻa e tokolahi ʻo e kau malangá mei he toko 24 ki he toko 107. ʻI he vahaʻa taimi tatau pē naʻe ʻalu hake ʻa e ngaahi ako Tohitapú mei he 4 ki he 221.

Lepupelika ʻAfilika Lotoloto: ʻI Sānuali 20, 1993 naʻe pulusi ai ʻe he puleʻangá ʻa e fanongonongo ke fakangofua ke toe hoko atu ʻa e ngaahi ngāue kotoa ʻa e Kau Fakamoʻoni ʻa Sihová. ʻOku fiefia ʻa e ngaahi tokouá ʻi heʻenau toe lava he taimi ni ke ngāueʻaki honau ngaahi Kingdom Hall pea toe lava foki ke fai fakahāhā ʻa e Fakataha Fakavahe ko e “Kau Tapua atu ʻo e Maama.” Ko e fakakātoa ʻo e kau maʻu fakataha ʻo e ngaahi fakataha ʻe ono naʻe faí ko e toko 4,739, pea ko e toko 121 naʻe papitaiso.