Ngaahi Fakataha Ngāue ki Siulai
Uike Kamata Siulai 5
Hiva 133
10 min: Ngaahi fanongonongo fakalotofonua mo e Ngaahi Fanongonongo feʻungamālie mei he Ko ʻEtau Ngāue Fakafaifekau ʻo e Puleʻanga. Teuteu ke fakahā ʻe ha kau malanga ʻe toko ua pe toko tolu pe ʻoku fēfē ʻenau ngāueleleiʻaki ʻa e ngaahi ʻīsiu motuʻa ʻo e ngaahi makasiní.
15 min: “Ngāueʻaki ʻa e Ngaahi Polosiuá ke Kumi ʻa Kinautolu ʻOku Mahuʻingaʻiá.” Fehuʻi mo e tali. Ko e ngaahi polosiua ʻoku lave ki ai ʻi he palakalafi 5 ko e: ʻOku Totonu Ke Ke Tui ki he Tolu-tahaʻi-ʻotua?, “Vakai! ʻOku Ou Fakafoʻou ʻa e Meʻa Kotoa Pē,” mo e Ko e Puleʻanga Te ne ʻOmai ʻA e Palataisi. Fakahā ki he fakatahaʻanga ʻo kau ki he lahi ʻo e ngaahi polosiua ʻoku toe ʻi he sitoká, pea ʻeke ki he ngaahi fakamatala pe ko e polosiua fē ʻe mātuʻaki feʻungamālie ki he kauhala fakalotofonuá. Fakalototoʻaʻi loto-māfana ʻa e ngaahi tokouá ke nau kau kakato ʻi hono tuʻuaki ʻo e ngaahi polosiuá lolotonga ʻo Siulaí. Toe fakamahino atu, ʻi he taimi lahi ko e kakai ʻoku nau tali ʻa e polosiuá ʻoku nau toe saiʻia ke maʻu mo ha ngaahi makasiní foki.
20 min: “Ko Hono Ngāue-ola-lelei-ʻaki ʻa e Ngaahi Polosiuá ʻi Siulai.” Fetalanoaʻaki mo e fakatahaʻangá ki ha ngaahi poini, mo fakahāhā hono tuʻuakí ʻa ia ʻoku ʻasi ʻi he palakalafi 3, 5, mo e 7. Fakalototoʻaʻi ke teuteu lelei.
Hiva 27 mo e lotu tuku.
Uike Kamata Siulai 12
Hiva 212
10 min: Ngaahi fanongonongo fakalotofonuá. Lau ʻa e fakamatala paʻangá mo ha fakamālō ki he ngaahi tokoni fakaepaʻangá. Fakamanatuʻi ki he fakatahaʻangá ʻa e fokotuʻutuʻu ki he ngāue fakamalangá pea fai ha lāulea ki he ngaahi poini fakatupunga talanoa kehekehe mei he ngaahi makasiní.
20 min: “Toe ʻAʻahi ke Langaʻi ʻa e Mahuʻingaʻia ʻi he Tohitapú.” ʻI he ʻosi ha fakafeʻiloaki nounou, fakahāhā ha toe ʻaʻahi ki ha taha naʻe fakahā ʻa e mahuʻingaʻiá ka naʻe ʻikai te ne tali ha tohi. Toe fai ha fakahāhā ki he founga ʻe lava ke toe ʻaʻahi ai ki ha taha ʻa ia naʻe fuʻu femoʻuekina ke fai ha talanoa ki ai ka naʻá ne tali ʻa e tuleki ko e Ko Hai ʻOkú Ne Puleʻi Moʻoni ʻa e Māmaní? ʻI he fakahāhā taki taha, fakahā ʻa e founga hono kamata ʻe he tokotaha malangá ʻa e fetalanoaʻakí pea mo langaʻi ʻa e mahuʻingaʻiá.
15 min: Ngaahi fiemaʻu fakalotofonua, pe fakaʻekeʻeke ha kau malanga ʻe toko ua pe toko tolu pe naʻe fēfē ʻenau ako ʻo ʻilo ʻa e moʻoní. ʻOku totonu ke filifili ʻa e ngaahi meʻa naʻe hokosia peheé ki muʻa pea ʻoku totonu ke fakahā ai ʻa e ola lelei ʻo e ngāue fakamalangá.
Hiva 195 mo e lotu tuku.
Uike Kamata Siulai 19
Hiva 129
15 min: Ngaahi fanongonongo fakalotofonua. ʻŪ Ongoongo Fakateokalati. Toe fai ha fetalanoaʻaki mo e kau fanongó ki he “Ko e Polokalama Foʻou ki he Fakataha Fakafeituʻú.”
15 min: “Te Ke Malava ʻo Fai Ia?” Fetalanoaʻaki mo e kau fanongo. Fakaʻekeʻeke ha toko taha pe toko ua ʻo e kau taaimuʻa tuʻumaʻú pe toko taha pe toko ua ʻo e kau malanga ʻoku nau kau ki he ngāue taaimuʻa fakataimí ʻi he taimi ʻe niʻihi. ʻAi ke nau fakahā pe naʻe fēfē ʻenau fai ʻa e fili ke fakalahi ange ʻenau kau ki he ngāue fakamalangá pea mo e anga-fēfē ʻenau fokotuʻutuʻu ke maau ʻenau ngaahi ngāué.
15 min: Malanga ke fai ʻe ha taha ʻo e kau mātuʻá ʻo kau ki he maʻa fakafoʻituituí, ʻo fakatuʻunga ʻi he Ko e Taua Leʻo ʻo Tīsema 1, 1989, peesi 16-21. ʻOku totonu ke fai ʻa e malangá ʻi he founga anga-ʻofa mo fakapotopoto.
Hiva 114 mo e lotu tuku.
Uike Kamata Siulai 26
Hiva 207
10 min: Ngaahi fanongonongo fakalotofonua. Fakamatala ʻe ha taha ʻo e kau mātuʻá ʻa e lipooti ʻa e fakatahaʻangá ki he ngāue fakamalanga ki Suné, ʻo ne fakaongoongoleleiʻi mo fakalototoʻaʻi. Toe fai ha fetalanoaʻaki ki ha ngaahi poini fakatupunga talanoa ʻe ua pe tolu mei he ngaahi makasini ke ngāueʻaki ʻi he ngāue fakamalangá ʻi he ngataʻanga ʻo e uike ní.
15 min: “Kolosi,” ko e tohi Reasoning, peesi 89-93. Ke fai ʻeni hangē ha toe ʻaʻahi ki ha tokotaha-ʻapi naʻá ne tali ʻa e polosiua ko e “Vakai!” ʻOku tuhu ʻa e tokotaha-ʻapí ki he peesi 17 ʻo e polosiuá peá ne ʻeke pe ko e hā ʻoku fakahā ai ʻa Sīsū ʻi he ʻakaú kae ʻikai ʻi ha kolosí. ʻOku ngāueʻaki ʻe he tokouá ʻa e tohi Reasoning ke tokoni ki he tokotaha-ʻapí ke ne maʻu ʻa e anga ʻo e lau ʻa e Tohitapú ki ai.
20 min: “Ke Ngāueleleiʻaki ʻa e Ko e Taua Leʻo mo e Awake!” Fehuʻi mo e tali. Tokoniʻi kotoa ke nau tokangaʻi ʻa e ngaahi faingamālie lahi ʻoku tau maʻu ʻi he ʻaho taki taha ke tuku ʻa e ngaahi makasini ʻoku lolotonga maʻú pea pehē ki he ngaahi ʻīsiu motuʻa angé.
Hiva 123 mo e lotu tuku.