Ngaahi Fakataha Ngāue ki ʻOkatopa

Uike Kamata ʻOkatopa 4

Hiva 163

10 min: Ngaahi fanongonongo fakalotofonua mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻangá. Fokotuʻu ha ngaahi founga ʻe malava ke ngāueʻaki fakalotofonua ʻa e ngaahi makasini ʻoku lolotonga maʻú. Fakamamafaʻi ʻa e mahuʻinga ʻo e toe ʻaʻahi kiate kinautolu kotoa naʻe tuku ai ha makasini mo e taumuʻa ke kamata ha tufaʻanga makasini pau. ʻI he hā mei he toko taha ʻapí ʻokú ne mahuʻingaʻia moʻoni, ʻe malava ke tuʻuaki ha tukuhau.

15 min: “ʻOkú Ke ʻApasia ki he Feituʻu ʻOku Fai ai Hoʻo Lotú?” Malanga fai ʻe ha mātuʻa ʻo fakatuʻunga ʻi he kupu ʻo e Taua Leʻo (faka-Pilitānia) ʻo Sune 15, 1993. Ngāueʻaki ʻa e fakamatalá ke feʻunga mo e tuʻunga fakalotofonuá. Kapau ʻoku ʻi ai ha palōpalema pau ke fakahā, fai ha akonaki fakapotopoto ʻoku feʻungá.

20 min: Fakalahi Ange Hoʻo Ngāue Fakamalanga Fale-ki-he-Falé Lolotonga ʻo ʻOkatopá. Ke fai ʻe he ʻovasia ngāué pe ko ha tokoua taau ʻe taha ha fetalanoaʻaki mo e kau fanongó ki he mahuʻinga ʻo e ngāue fakamalanga fale-ki-he-falé. ʻOku ʻi ai ʻa e ngaahi tohi ʻe tuʻuaki ʻi ʻOkatopa ʻo malava ai ke lahi ange ʻa e kehekehe ʻo e meʻa ke leaʻakí. Fakahāhā: (1) ʻOku kamata ʻe he toko taha malangá ʻa e fetalanoaʻaki ʻa ia ʻoku tataki atu ki ha kupu ʻi he Awake! pe ko e Taua Leʻo ʻoku lolotonga maʻú. Fakatuʻunga ʻi he mahuʻingaʻia ʻoku hā mai mei he toko taha ʻapí, ʻe malava ʻe he toko taha malangá ke ne tuʻuaki ʻa e makasini fakamuimui tahá pe ʻoange ki he toko taha ʻapí ha tuleki. (2) ʻOku kamata ʻe he toko taha malangá ʻa e fetalanoaʻakí mo e fakakaukau ke taki atu ki he tohi ko e Mankind’s Search for God. Fakatatau ki he meʻa ʻoku hokó, ʻe lava ke tuʻuaki ʻe he toko taha malangá ʻa e tohí pe tuʻuaki ha makasini. (3) Ngāueʻaki ʻe he toko taha malangá ha tuleki ke fakalanga ha fetalanoaʻaki ʻikai ʻi he founga anga-mahení pea toki tuʻuaki ʻa e makasini ʻoku lolotonga maʻú ki he toko taha ʻoku mahuʻingaʻiá. (4) Ko e toko taha malanga ʻoku toe ʻaʻahi ki he tufaʻanga makasini pau mo ʻene fakakaukau ke tuʻuaki ha tukuhau. Ko e faingofua pehē ʻo e liliú ʻoku totonu ke fakalototoʻaʻi kotoa ʻa e kau malanga ke fakalahi ange ʻenau ngāue fakamalanga fale-ki-he-fale lolotonga ʻo ʻOkatopá. ʻOku ʻikai ha veiveiua ʻe ʻi ai ha faʻahinga ʻi he fakatahaʻangá te nau ngāue tāimuʻa fakataimi ʻi he māhiná ni. ʻOku teʻeki ai ke fuʻu tōmui nai ki he niʻihi ʻoku nau ʻi ha tuʻunga ʻoku nau ʻatā ke kau mai ki aí.

Hiva 42 mo e lotu tuku.

Uike Kamata ʻOkatopa 11

Hiva 157

10 min: Ngaahi fanongonongo fakalotofonua. Fakamatala paʻanga. Lau ʻa e tohi fakamālō ki he tokoni naʻe fai mo fakaongoongoleleiʻi ʻa e fakatahaʻangá ki he poupou nima-homo ki he ngāue ʻi māmani lahí pea pehē foki ki he tokangaʻi ʻa e ngaahi fie maʻu fakamatelie ʻa e fakatahaʻanga fakalotofonuá. Toe fakamanatu nounou ʻa e fokotuʻutuʻu ki he ngāue fakamalanga ʻi he uiké pea fakahā ʻa e houngaʻia ki he poupou faivelenga ʻa e kau malangá ki aí.

15 min: “Ngāueʻaki ʻEtau Ngaahi Makasiní Mei He Fale-ki-he-Fale.” Fetalanoaʻaki mo e kau fanongó. ʻOku tau maʻu ʻa e ʻuhinga lelei ke tau loto-māfana ʻi hono tuʻuaki ʻa e ngaahi makasiní ki he kakai ʻoku tau fetaulaki ʻi he ngāue fakamalangá pea mo kinautolu ʻoku tau malanga ki ai ʻo ʻikai ʻi he founga anga-maheni. Neongo ʻoku hā ʻi he ngaahi makasiní ʻa e māhina naʻe pulusi ki aí pea ʻoku totonu ke tuʻuaki ʻi he ʻaho makasiní, ka ʻoku fie maʻu ke ʻoua te tau toumoua ki hono tuʻuaki ʻa e ngaahi makasini motuʻa angé ʻo ka faingamālie. ʻAi ke fakapapauʻi ko e ngaahi makasini ʻokú ke tuʻuakí ʻoku maʻa pea ʻikai ke maumau. ʻAi ha fakahāhā ke fai ʻe ha toko taha malanga taau ʻa e fokotuʻu ko ia ʻoku fakahā ʻi he palakalafi 4.

20 min: “ʻOku Mālohi ʻa e Tākiekina ʻa e Ngaahi Meʻa ʻOku Akoʻi Mei he ʻOtuá.” Fehuʻi mo e tali. Lau ʻa e ngaahi palakalafí mo e ngaahi konga Tohi Tapu ʻoku hā aí kae ʻikai ke hiki fakaʻāuliliki maí, ʻo fakatatau ki he taimí.

Hiva 151 mo e lotu tuku.

Uike Kamata ʻOkatopa 18

Hiva 27

5 min: Ngaahi fanongonongo fakalotofonua. ʻŪ Ongoongo Fakateokalati.

15 min: “Fakahāhā ʻa e Taʻefilifilimānako ʻi Heʻetau Ngāue Fakamalangá.” Fehuʻi mo e tali. Fakaeʻa ʻa e tafaʻaki ʻo e kupu ko ʻení ʻoku fie maʻu ha tokanga ki ai fakalotofonua.

15 min: “Fai Ha Tokanga ki he Mahuʻingaʻia ʻOku Maʻú.” Ko ha malanga mo ʻeke ha ngaahi fehuʻi ki he kau fanongó. Fakahāhā pe ʻe fēfē ʻa hono ʻai ʻe he kau malangá ke fakatupu ʻa e mahuʻingaʻia ʻi he kauhala fakalotofonuá, pe ʻai ha toko taha malanga ke ne fakahā ha meʻa naʻe hokosia ʻoku fakahā ai ʻa e mahuʻinga ʻo e toe ʻaʻahi kiate kinautolu naʻa nau tali ha ngaahi tatau ʻo e Awake! mo e Ko e Taua Leʻo.

10 min: Ngaahi fie maʻu fakalotofonua pe ko ha malanga fakatupu tokanga ʻi he “The Early Christians and the World,” fakatuʻunga ʻi he kupu ʻuluaki ʻo e Ko e Taua Leʻo (faka-Pilitānia) ʻo Siulai 1, 1993. Fakaeʻa ʻa e fie maʻu kiate kitautolu he ʻahó ni ke faʻifaʻitaki ki he faʻifaʻitakiʻanga ʻa e muʻaki kau Kalisitiané.

Hiva 84 mo e lotu tuku.

Uike Kamata ʻOkatopa 25

Hiva 107

10 min: Ngaahi fanongonongo fakalotofonua. Kau ki ai mo e fokotuʻutuʻu ki he ngāue fakamalanga ki he uike ko iá, pea fakahanga ʻa e tokangá ki he ngaahi poini ʻi he makasini ʻoku lolotonga maʻú ʻe malava ke ngāueʻaki ʻe he kau malangá ʻi he ngāue fakamalanga ʻi he ngaahi ʻaho hoko maí. Fakatatau ki he taimí fakahāhā fuonounou ha tuʻuaki ʻe taha pe ua ʻe feʻunga ki he tuʻunga fakalotofonuá. Fai ha fakamanatu ki he fie maʻu ke toe ʻaʻahi kiate kinautolu kotoa naʻe hā mei ai ha mahuʻingaʻia.

15 min: ʻAi ke Mateuteu ke Fakafiemālieʻi ʻa Kinautolu ʻOku Mamahi Koeʻuhi Kuo Mate ha Taha (fakatuʻunga ʻi he peesi 102-104 ʻo e tohi Reasoning). (3 min.) ʻOku fakahā ʻe he tokoua te ne fai ʻa e konga ko ʻení ʻoku ʻikai ke talitekeʻi ʻe he Kau Fakamoʻoni ʻa Sihová ʻa e ngaahi anga-fakafonua kātoa ʻoku fai ʻo fekauʻaki mo e maté. (5 min.) Fakahāhā ʻa e founga ke fakahā ʻe he toko taha Fakamoʻoní ki ha kaungāngāue ʻa e ʻuhinga ʻoku fakaʻehiʻehi ai ʻa e Kau Fakamoʻoni ʻa Sihová mei he ngaahi anga-fakafonua ʻe niʻihi ʻo kau ki he mamahi koeʻuhi kuo mate ha taha, ʻo fakatuʻunga ʻa e fepōtalanoaʻakí ʻi he tohi Reasoning peesi 102-103. (7 min.) Fetalanoaʻaki mo e kau fanongó ʻi he konga ʻi he peesi 103-104 ʻi he kaveinga “If Someone Says​—”.

20 min: “Ko Hono Fai ha Ako Tohi Tapu ʻi he Ngaahi ʻApí.” Fehuʻi mo e tali. Fai ha fakahāhā ʻosi teuteu lelei ko ha toko taha malanga ʻokú ne tokoni ki he toko taha ako Tohi Tapú ke mahino ʻa e founga ʻoku poupouʻi ai ʻe he konga Tohi Tapú ʻa e fakamatala ʻi he palakalafi ʻoku fai ai ʻa e akó. ʻI he fakahāhā tatau pē ʻe ngāueʻaki ʻe he toko taha malangá ha ngaahi fehuʻi kehe ke tokoniʻi ʻa e toko taha akó ke ne tui ʻa ia tonu ki he moʻoní. Ngāueʻaki ha ngaahi konga kuo filifili mei he tohi ko e United in Worship pe ko e tohi Moʻui Taʻengata.

Hiva 172 mo e lotu tuku.