Fakahokohoko Ako Fakafaifekau Fakateokalati ki he 1994
NGAAHI FAKAHINOHINO
Lolotonga ʻo e 1994 ko e ngaahi meʻá ni ko e ngaahi fokotuʻutuʻu ia ki hono fai ʻo e Ako Fakafaifekau Fakateokalatí.
NGAAHI TOHI AKO: Ko e New World Translation of the Holy Scriptures [bi12], Fāʻūtaha ʻi he Lotu ki he ʻOtua Moʻoni Pē Taha [uw], “All Scripture Is Inspired of God and Beneficial” (1990 Edition) [si], The Greatest Man Who Ever Lived [gt], mo e Ngaahi Tuʻunga Lea Faka-Tohitapu ke Fetalanoaʻaki Ai ʻe makatuʻunga mei ai ʻa e ngaahi kongá.
ʻE kamata ʻa e akó ʻaki ʻa e hiva, lotu mo e lea talitali fiefia, pea hoko atu ʻo hangē ko ʻení:
KONGA FIKA 1: Miniti ʻe 15. ʻOku totonu ke fai ʻeni ʻe ha mātuʻa pe ko ha sevāniti ʻoku alafua, pea ʻe makatuʻunga ia mei he Fāʻūtaha ʻi he Lotu ki he ʻOtua Moʻoni Pē Taha pe ko e “All Scripture Is Inspired of God and Beneficial.” Ko e konga ko ʻení ʻe fai ia ko ha malanga fakahinohino miniti ʻe 10 ki he 12 pea hoko ai mo ha fehuʻi ʻa e meʻa ne fakamatalá he miniti ʻe 3 ki he 5, ʻo ngāueʻaki ʻa e ngaahi fehuʻi kuo pulusi ʻi he tohí. ʻOku ʻikai ko hono taumuʻá ke fakamatalaʻi pē ka ko e fakahanga ʻa e tokangá ki he ʻaonga ʻi hono ngāueʻaki ʻo e fakamatala ʻoku faí, ʻo fakamamafaʻi ʻa ia ʻoku ʻaonga lahi taha ki he fakatahaʻangá. ʻOku totonu ke ngāueʻaki ʻa e kaveinga ʻoku hā ai. ʻOku fakalototoʻaʻi kotoa ke fai ha teuteu lelei ki muʻa koeʻuhi ke maʻu ʻa e ʻaonga kakato mei he fakamatala ko ʻení.
Ko e ngaahi tokoua ʻe vaheʻi ki he konga ko ʻení ʻoku totonu ke nau tokanga ke ngata pē he taimi kuo vaheʻi atú. ʻE lava ke fai ha akonakiʻi fakafoʻituitui kapau ʻe fie maʻu pe kapau ʻe kole ki muʻa ʻe he toko taha malangá ke fai ia.
NGAAHI MEʻA MAHUʻINGA MEI HE LAU TOHI TAPÚ: Miniti ʻe 6. ʻOku totonu ke fai ʻeni ʻe he ʻovasia ʻo e akó pe ko ha mātuʻa pe ko ha sevāniti ʻa ia te ne fakahā ʻi he founga ola lelei ʻa e kaunga ʻo e fakamatalá ki he ngaahi fie maʻu fakalotofonuá. ʻOku totonu ke ʻoua ʻe hoko ko e fakamatala fakanounou pē ʻeni ʻo e meʻa ne vaheʻi ke laú. Fakangatangata ʻa e fakamatala nounou ʻo e ngaahi vahe ne vaheʻí ki sekoni 30 ki he 60. Ko e taumuʻa tefitó ke tokoniʻi ʻa e kau fanongó ke nau mahuʻingaʻia ki he ʻuhinga pea mo e founga ʻa ʻene ʻaonga kiate kitautolu ʻa e fakamatalá. ʻE toki tuku ange atu leva ʻa e kau akó ki honau ngaahi loki akó ʻe he ʻovasia ʻo e akó.
MALANGA FIKA 2: Miniti ʻe 5. Ko e lau Tohi Tapu ʻeni mei he meʻa kuo vaheʻi ke laú pea ʻe fai ʻe ha tokoua. ʻE hoko ʻeni ʻi he ako tefitó pea pehē ki he ngaahi kulupu kehé. Ko e meʻa kuo vaheʻi ke laú ʻoku faʻa nounou feʻunga pē ke fakafaingamālieʻi ʻa e toko taha akó ke ʻoatu ha fakamatala mahino ʻi he kamataʻangá mo e ngaahi lea fakaʻosí. ʻE lava ke kau nai ʻa e tuʻunga fakahisitōlia ʻo e ʻātakaí, ʻuhinga fakaekikite pe fakatokāteline, pea mo e kaunga ʻo e ngaahi tefitoʻi moʻoní. ʻOku totonu ke lau ʻa e ngaahi veesi kātoa naʻe vaheʻí taʻe toe mālōlō. Ko hono moʻoní, ʻi he ʻikai ke hokohoko ʻa e ngaahi veesi ʻe laú, ʻe lava ke lave ʻa e toko taha malangá ki he veesi ʻe hoko atu ʻa hono lau mei aí.
MALANGA FIKA 3: Miniti ʻe 5. ʻE vaheʻi ʻa e malanga ko ʻení ki he ngaahi tuofāfiné. ʻE makatuʻunga ia ʻi he tohi The Greatest Man Who Ever Lived. ʻOku totonu ke lava ʻo lau tohi ʻa e toko taha ako ʻoku vaheʻí. ʻI he fai ʻo e malangá, ʻe lava pē ke tangutu pe tuʻu ʻa e toko taha akó. ʻE vaheʻi ʻe he ʻovasia ʻo e akó ha toko taha tokoni ʻe taha, ka ʻe lava pē ke toe tānaki atu mo ha kau tokoni. ʻOku lelei ange ke ngāueʻaki ha fokotuʻutuʻu ʻoku fekauʻaki mo e ngāue fakamalangá pe fakamoʻoni ʻikai he founga anga-mahení. Ko e taha ʻokú ne fai ʻa e malangá te ne langaʻi nai ʻa e fetalanoaʻakí ke fokotuʻu ʻa e fokotuʻutuʻú pe ʻe fai ia ʻe hono (kau) tokoní. ʻOku ʻikai ko e fokotuʻutuʻú ka ko e meʻa ʻoku fakamatalaʻí ʻoku mahuʻinga lahi taha ke fai ki ai ʻa e tokangá. ʻOku totonu ke ngāueʻaki ʻe he toko taha akó ʻa e kaveinga ʻoku fakahaaʻí.
MALANGA FIKA 4: Miniti ʻe 5. ʻOku vaheʻi ki ha tokoua pe tuofefine. ʻE makatuʻunga ia ʻi he Ngaahi Tuʻunga Lea Faka-Tohitapu ke Fetalanoaʻaki Ai. Ka vaheʻi ki ha tokoua, ko e malanga leva ia ki he kau fanongó kotoa. ʻOku faʻa lelei taha ki he tokouá ke ne teuteu ʻene malangá mo ne fakakaukauʻi ʻa e kau fanongo he Kingdom Hall koeʻuhi ke ʻaonga moʻoni ki he faʻahinga te nau fanongo ki aí. Kae kehe, kapau ko e fakamatalá ia ʻe lelei ange ia ʻi ha faʻahinga fokotuʻutuʻu ʻaonga mo feʻunga mālie kehe, ʻe fai nai ʻe he tokouá ia ʻene malangá ʻo fakatatau ki he fokotuʻutuʻu ko iá. ʻOku totonu ke ngāueʻaki ʻe he toko taha akó ʻa e kaveinga ʻoku fakahaaʻí.
Ka vaheʻi ki ha tuofefine, ʻoku totonu ke fai ia ʻo fakatatau mo e fakamatala ki he Malanga Fika 3.
AKONAKI MO E NGAAHI FAKAMATALA: Hili ʻa e malanga ʻa e toko taha ako taki taha, ʻe fai ʻe he ʻovasia ʻo e akó ha akonaki pau, ʻe ʻikai ke fuʻu fie maʻu ia ke ne muimui he polokalama fakahokohoko ʻo e akonaki kuo fakahokohoko he lauʻi pepa Akonakiʻi He Leá. Ka ʻoku totonu ke fakahanga ʻa e tokangá ki he tafaʻaki ʻe fie maʻu ʻa e toko taha akó ke ne fakalakalaka aí. Kapau ko e toko taha ne malangá kuó ne maʻu ʻe ia ʻa e “L” pea ʻoku ʻikai toe ʻi ai ha anga ia ʻo e leá ʻoku fakaʻilongaʻi “F” pe “T,” pea ke hanga ʻe he toko taha faleʻí ʻo fakaʻilongaʻi fuopotopoto ʻa e puhá, ʻa ia ʻe hā ai ʻa e “L,” “F,” pe “T” ʻo e anga ʻo e lea ʻe ngāue ki ai ʻa e toko taha akó ʻi he kahaʻú. Te ne fakahā ia ki he toko taha akó ʻi he efiafi pē ko iá pea pehē ke toe fakahā ia ʻi he lauʻi pepa hono hoko ʻa e toko taha akó ʻa ia ko e Konga Kuo Vaheʻi ʻI He Ako Fakateokalati (S-89). Ko kinautolu ʻoku nau kau ʻi he akó ke nau nofo ʻi muʻa he holó. ʻE tokoni ia ki he tauhi ʻo e taimí pea tokoni ai foki ki he ʻovasia ʻo e akó ke ne fai ʻene akonaki fakahangatonu ki he kau akó taki taha. Fakatatau ki he taimí ʻi he ʻosi hano ʻoatu ha akonaki ʻoku fie maʻú, ʻoku malava ke fai ʻe he toko taha faleʻí ha fakamatala ʻi he ngaahi poini mahuʻinga mo ʻaonga ne ʻikai lave ki ai ʻa e kau akó. ʻOku totonu ke tokangaʻi ʻe he ʻovasia ʻo e akó ke ʻoua naʻa toe laka he miniti ʻe ua ʻa e akonakí mo e ngaahi fakamatala nounou kehe he ʻosi ʻa e malanga ʻa e toko taha ako taki taha. Kapau naʻe ʻikai mateuteu lelei hono fai ʻo e Ngaahi Meʻa Mahuʻinga Mei He Lau Tohi Tapú, ʻe fai leva ha akonaki fakafoʻituitui ki ai.
KO E TEUTEU ʻO E NGAAHI MALANGÁ: Ki muʻa ke fai ʻa e malangá, ʻoku totonu ki he kau akó ke nau lau fakamākukanga ʻa e fakamatala ʻi he School Guidebook ʻo fekauʻaki mo e anga ʻo e lea ʻoku ngāue ki aí. Ko e kau ako ʻoku vaheʻi ki he malanga fika uá ʻoku totonu ke nau fili ha kaveinga ʻoku feʻunga mālie ki he konga Tohi Tapu ʻe lau. ʻE teuteu ʻa e ngaahi malanga kehé ʻo fetāiaki mo e kaveinga ʻoku hā ʻi he fakahokohoko kuo pulusi.
TAIMI: ʻE ʻikai ha malanga ʻe laka atu he taimi kuo vaheʻí, pehē foki mo e akonaki mo e ngaahi fakamatala ʻa e faiakó. Ko e Malanga Fika 2 ki he 4 ʻoku totonu ke taʻofi ʻi ha founga fakapotopoto ʻi he ʻosi ʻene taimí. Ko e toko taha kuo vaheʻi ke ne ʻoatu ʻa e fakaʻilonga ke tukuā ke ne fai leva ia. He taimi ʻoku fai ai ʻe he ngaahi tokouá ʻa e Konga Fika 1 mo e Ngaahi Meʻa Mahuʻinga Mei He Lau Tohi Tapu ʻo laka atu he taimi kuo vaheʻí, ʻoku totonu ke akonakiʻi fakafoʻituitui kinautolu. ʻOku totonu ke mātuʻaki tokanga kotoa ki heʻene taimi. Ko e polokalamá fakakātoa: miniti ʻe 45, ʻikai lau ʻa e hiva mo e lotu.
FAKAMANATU TOHINIMA: ʻI he taimi ki he taimi ʻe fai ha fakamanatu tohinima. ʻI he teuteu ki aí, fakamanatu ʻa e fakamatala ne vaheʻí pea fakaʻosi mo e lau Tohi Tapu naʻe vaheʻí. Ko e Tohi Tapú pē ʻe ngāueʻaki he lolotonga ʻa e fakamanatu miniti ʻe 25 ni. Ko e toenga ʻo e taimí ʻe fai ai ʻa e fakamatala ki he ngaahi fehuʻí mo e ngaahi tali. ʻE fakatonutonu pē ʻe he kau ako taki taha ʻenau pepá. Ko e ʻovasia ʻo e akó te ne lāulea mo e kau fanongó ki he ngaahi tali ʻo e ngaahi fehuʻi fakamanatú pea fakamatala lahi ange ki he ngaahi fehuʻi faingataʻa, ʻo tokoniʻi kotoa ke mahino lelei ʻa e ngaahi talí. Kapau ʻoku ʻi ai ha ʻuhinga koeʻuhi ko ha ngaahi meʻa fakalotofonua, ko e fakamanatu tohinimá ʻe lava ke toki fai ia he ʻosi ha uike mei he fakahokohoko ʻoku haá.
NGAAHI FAKATAHAʻANGA LALAHI: Ko ha ngaahi fakatahaʻanga mo haʻane kau ako ʻe toko 50 pe toe lahi ange ai te nau fie fokotuʻutuʻu nai ha toe kulupu ʻo ha kau ako ke fai ʻa e ngaahi malanga kuo fakahokohokó ki ha kau faiako kehe ia. Ko e moʻoni, ko e faʻahinga teʻeki ai papitaisó ka ʻoku nau moʻui ʻo fakatatau ki he ngaahi tefitoʻi moʻoni faka-Kalisitiané ʻe lava ke nau kau ki he akó pea maʻu ha konga kuo vaheʻi.
KAU LIʻAKI: ʻE lava ke fakahā ʻe he toko taha kotoa he fakatahaʻangá ʻa ʻene houngaʻia ki he akó ni ʻaki ʻene feinga ke ʻi ai he uike kotoa pē, ʻaki ʻenau teuteu lelei ʻenau ngaahi kongá, pea ʻaki ʻenau kau he taimi ʻo e ngaahi fehuʻi kae talí. ʻOku ʻamanekina ko e kau akó kotoa te nau sio ki heʻenau ngaahi kongá mo e loto-tōnunga. Kapau ʻe ʻikai ke ʻi ai ʻa e toko taha ako ne vaheʻí, ko ha toko taha pole te ne fai nai ʻa e kongá, ʻo fakamatala ʻa e ʻaonga ʻo e konga ko iá ʻo fakatatau ki heʻene malavá koeʻuhi ko e kiʻi taimi nounou ke teuteu aí. Pea ʻe fai pē ʻe he ʻovasia ʻo e akó ʻa e konga ko iá mo fakakau mai ki ai mo e kau fanongó.
FAKAHOKOHOKO
Sān 3 Lau Tohi Tapu: Nehemaia 9 ki he 11
Hiva Fika 14
Fika 1: Ko e Founga ʻOku Aʻusia ai ʻa e Fāʻūtaha Moʻoni Faka-Kalisitiane (uw p. 5-7 pal. 1-7)
Fika 2: Nehemaia 9:4, 26-33, 36-38
Fika 3: Ko Hono Fai ʻa e Ngaahi Meʻa ʻOku ʻAonga Moʻoni ʻi he Vakai ʻa e ʻOtuá (gt vahe 83)
Fika 4: td 27A Ko e Taumuʻa ʻa e ʻOtuá ki he Māmaní
Sān 10 Lau Tohi Tapu: Nehemaia 12 mo e 13
Hiva Fika 129
Fika 1: Nehemaia—ʻUhinga ʻOku ʻAonga Ai (si p. 90-1 pal. 16-19)
Fika 2: Nehemaia 13:15-18, 23-31
Fika 3: Ko e Fatongia ʻo e Tuʻunga Ākonga (gt vahe 84)
Fika 4: td 27F ʻE Nofoʻi Maʻu ai pē ʻa e Foʻi Māmaní
Sān 17 Lau Tohi Tapu: ʻĒseta 1 ki he 5
Hiva Fika 56
Fika 1: Talateu ki he Tohi ʻĒseta (si p. 91-2 pal. 1-6)
Fika 2: ʻĒseta 4:6-17
Fika 3: Tokanga Telia ʻa e Fie Māʻoniʻoni, pea Fakahoungaʻi ʻa e Anga-Fakatōkilalo (gt vahe 85)
Fika 4: td 18A Ko e Founga ke ʻIlo Fakapapau ai ʻa e Kau Palōfita Loi
Sān 24 Lau Tohi Tapu: ʻĒseta 6 ki he 10
Hiva Fika 133
Fika 1: ʻĒseta—ʻUhinga ʻOku ʻAonga Ai (si p. 94 pal. 16-18)
Fika 2: ʻĒseta 6:1-13
Fika 3: Ko e Foha Naʻe Molé pea mo ʻEne Tamai Anga-ʻOfá (gt vahe 86 pal. 1-9)
Fika 4: td 9A ʻUhinga ʻOku Mātuʻaki Mahuʻinga ʻa e Fakamoʻui Fakalaumālié
Sān 31 Lau Tohi Tapu: Siope 1 ki he 3
Hiva Fika 123
Fika 1: Talateu ki he Tohi Siope (si p. 95-6 pal. 1-6)
Fika 2: Siope 2:1-13
Fika 3: ʻOku ʻI Ai ʻa e Kaunga ʻo e Foki ʻa e Foha Naʻe Molé ki he Niʻihi Kehe (gt vahe 86 pal. 10-20)
Fika 4: td 9E ʻE ʻOmai ʻe he Puleʻanga ʻo e ʻOtuá ʻa e Faitoʻo Fakaesino Tuʻuloa
Fēp 7 Lau Tohi Tapu: Siope 4 ki he 6
Hiva Fika 204
Fika 1: Ngaahi Meʻa Mātuʻaki Fie Maʻu ki he Fāʻūtaha Faka-Kalisitiane (uw p. 8 pal. 8 ki he 8 [3])
Fika 2: Siope 6:1-11, 29, 30
Fika 3: Tokonaki ki he Kahaʻú ʻAki ʻa e Poto ʻOku ʻAonga (gt vahe 87)
Fika 4: td 9F ʻIkai ha Fakamoʻoni ʻOku Hōifua ʻa e ʻOtuá ʻi he Fai Fakamoʻui Mahaki ʻi he Tuí ʻi Onopooni
Fēp 14 Lau Tohi Tapu: Siope 7 ki he 9
Hiva Fika 84
Fika 1: Ngaahi Meʻa ʻOku Tokoni ki he Fāʻūtaha Faka-Kalisitiane (uw p. 8 pal. 8 [4] ki he 9)
Fika 2: Siope 9:1-15
Fika 3: Ko e Tangata Koloaʻiá mo Lāsalosi (gt vahe 88 pal. 1-10)
Fika 4: td 9H Lea ʻi he Ngaahi Lea Kehekehé ko e Tokonaki Fakataimi Pē
Fēp 21 Lau Tohi Tapu: Siope 10 ki he 12
Hiva Fika 48
Fika 1: ʻOku Fakaʻehiʻehi ʻa e Kau Kalisitiane Moʻoní mei he Ngaahi Tākiekina Fakatupu-Mavahevahé (uw p. 9-11 pal. 10-12)
Fika 2: Siope 12:1-16
Fika 3: Ko e ʻUhinga ʻo e Talanoa Fakatātā ʻo Kau ki he Tangata Koloaʻiá mo Lāsalosi (gt vahe 88 pal. 11-21)
Fika 4: td 15E Toko 144,000 pē ʻE Ō ki Hēvaní
Fēp 28 Lau Tohi Tapu: Siope 13 ki he 15
Hiva Fika 27
Fika 1: ʻIlo mo Fakahoungaʻi ʻa Sihova (uw p. 12-13 pal. 1-4)
Fika 2: Siope 13:1-13
Fika 3: Ko ha Fononga ʻo e Manavaʻofa ki Siutea (gt vahe 89)
Fika 4: td 14E ʻOku ʻIkai ha Afi Moʻoni ʻi Heli
Mas 7 Lau Tohi Tapu: Siope 16 ki he 18
Hiva Fika 163
Fika 1: Faʻifaʻitaki ki he Faʻifaʻitakiʻanga ʻa Sihova ʻi he ʻOfá (uw p. 14-15 pal. 5-7)
Fika 2: Siope 16:1-11, 22
Fika 3: ʻOku Lea ʻa Sīsū ʻo Kau ki he ʻAmanaki ʻo e Toe Tuʻu (gt vahe 90)
Fika 4: td 14F Ko e Afí ko e Fakatātā ʻo e ʻAuhamālie
Mas 14 Lau Tohi Tapu: Siope 19 mo e 20
Hiva Fika 87
Fika 1: Tokoniʻi ʻa e Kakai ke Ako ʻa e Moʻoni ʻo Fekauʻaki mo e ʻOtuá (uw p. 15-16 pal. 8 ki he 11 [2])
Fika 2: Siope 19:14-29
Fika 3: Ko e Fokotuʻu ʻe Sīsū ʻa Lāsalosi mei he Maté (gt vahe 91)
Fika 4: td 14I ʻIkai ke Fakamoʻoniʻi ʻe he Fakamatala Kau ki he Tangata Koloaʻia mo Lāsalosí ʻOku ʻi ai ha Fakamamahi Taʻengata
Mas 21 Lau Tohi Tapu: Siope 21 mo e 22
Hiva Fika 87
Fika 1: ʻOku ʻI ai ha Sihova Pē ʻe Taha (uw p. 17-18 pal. 11 [3] ki he 12)
Fika 2: Siope 21:19-34
Fika 3: Fakahā ʻa e Hounga ʻi he Lelei ʻa e ʻOtuá (gt vahe 92)
Fika 4: td 38E Naʻe ʻIkai ke Kātoangaʻi ʻe he ʻUluaki Kau Kalisitiané ʻa e Ngaahi Fai ʻAho pe Kilisimasi
Mas 28 Lau Tohi Tapu: Siope 23 ki he 26
Hiva Fika 212
Fika 1: Ko e ʻUhinga ʻo e Pehē ke ʻAluʻaki ʻa e Huafa ʻo e ʻOtuá (uw p. 18-19 pal. 13-15)
Fika 2: Siope 24:1, 2, 14-25
Fika 3: ʻI he Fakahā Mai ʻa e Fanautama ʻa Tangatá (gt vahe 93)
Fika 4: td 39A Ko e Ngāueʻaki ʻo e ʻImisí ʻi he Lotú ʻOku Fakaongoongokoviʻi ai ʻa e ʻOtua
ʻEp 4 Lau Tohi Tapu: Siope 27 ki he 29
Hiva Fika 98
Fika 1: Tokoniʻi ʻa e Niʻihi Kehe ke Tali ʻa e Tohi Tapú ko e Folofola Ia ʻa e ʻOtuá (uw p. 20-2 pal. 1-6)
Fika 2: Siope 29:2-18
Fika 3: Ko e Fie Maʻu ke Lotu mo Anga-Fakatōkilalo (gt vahe 94)
Fika 4: td 39E Ko e Lotu ki he ʻImisí Naʻe Tānaki ki he ʻAuha ʻo ʻIsilelí
ʻEp 11 Lau Tohi Tapu: Siope 30 mo e 31
Hiva Fika 135
Fika 1: Lau Fakaʻaho ʻa e Tohi Tapú (uw p. 23-5 pal. 7-11)
Fika 2: Siope 31:23-37
Fika 3: Ngaahi Lesoni ʻi he Vete Malí mo e ʻOfa ki he Fānaú (gt vahe 95)
Fika 4: td 39F ʻIkai ke Fakamafaiʻi ʻe he ʻOtuá ʻa e Lotu “Fou ʻi ha Taha pe Meʻa Kehe”
ʻEp 18 Lau Tohi Tapu: Siope 32 mo e 33
Hiva Fika 143
Fika 1: Ako ke ʻIlo ʻo Kau kia Sihova (uw p. 25 pal. 12 ki he 12 [1])
Fika 2: Siope 33:1-6, 23-33
Fika 3: Ko Sīsū mo ha Pule Koloaʻia Kei Talavou (gt vahe 96)
Fika 4: td 13A ʻOku ʻIkai ke Hoko ʻa e Fāʻūtaha Moʻoní ʻi he Kau Fakataha mo e Ngaahi Lotu Kehé
ʻEp 25 Fakamanatu Tohinima. Fakaʻosi Nehemaia 9-13; ʻĒseta 1-10 ki he Siope 1-33
Hiva Fika 42
Mē 2 Lau Tohi Tapu: Siope 34 ki he 36
Hiva Fika 32
Fika 1: Fakakaukau Ange ki he Kaveinga ʻo e Tohi Tapú pea mo e Potutohi ʻo e Ngaahi Konga Tohi Tapu (uw p. 26 pal. 12 [2] and 12 [3])
Fika 2: Siope 34:1-15
Fika 3: Ko e Talanoa Fakatātā ʻa Sīsū ʻo Kau ki he Ngoue Vaine (gt vahe 97)
Fika 4: td 13E “Lelei ʻi he Lotu Kotoa Pē” ʻOku ʻIkai ke Moʻoni Ia
Mē 9 Lau Tohi Tapu: Siope 37 mo e 38
Hiva Fika 162
Fika 1: Ngāueʻaki Kiate Koe ʻa e Meʻá pea Fakahā ki he Niʻihi Kehe ʻa e Meʻa ʻOkú Ke Ako Ai (uw p. 26-8 pal. 12 [4] ki he 13)
Fika 2: Siope 37:5-14, 23, 24
Fika 3: ʻOku Teuteuʻi ʻe Sīsū ʻa ʻEne Kau Ākonga ki he Meʻa ʻOku Toka ʻi Muʻa (gt vahe 98)
Fika 4: td 46A ʻOku Totonu ke Ngāueʻaki ʻe he Kau Kalisitiané ʻa e Huafa ʻo e ʻOtua
Mē 16 Lau Tohi Tapu: Siope 39 mo e 40
Hiva Fika 114
Fika 1: Ko e Meʻa ʻOku Fakahā ʻe he Kau Palōfitá ʻo Kau kia Sīsū (uw p. 29-31 pal. 1-6)
Fika 2: Siope 40:1-14
Fika 3: ʻOku Toe Fokotuʻu ʻe Sīsū ʻa e Tuʻunga Lelei ʻo ha Foha ʻo ʻĒpalahame Kuo Mole (gt vahe 99)
Fika 4. td 46F Ngaahi Moʻoni ʻo Kau ki he ʻI Ai ʻa e ʻOtuá
Mē 23 Lau Tohi Tapu: Siope 41 mo e 42
Hiva Fika 222
Fika 1: Siope—ʻUhinga ʻOku ʻAonga Ai (si p. 100 pal. 39-43)
Fika 2: Siope 42:1-10, 12-17
Fika 3: Ko e Talanoa Fakatātā ʻo e Ngaahi Miná (gt vahe 100)
Fika 4: td 46H Ko e Ngaahi ʻUlungāanga ʻo e ʻOtuá
Mē 30 Lau Tohi Tapu: Sāme 1 ki he 6
Hiva Fika 168
Fika 1: Talateu ki he Tohi Sāme—Konga 1 (si p. 101 pal. 1-5)
Fika 2: Sāme 2:1-12
Fika 3: ʻOku Taukapoʻi ʻe Sīsū ʻa Mele ʻi Heʻene Fai ha Ngāue Lelei (gt vahe 101)
Fika 4: td 46K ʻIkai ke Tauhi Kotoa Pē ki he ʻOtua Tatau
Sune 6 Lau Tohi Tapu: Sāme 7 ki he 10
Hiva Fika 151
Fika 1: Talateu ki he Tohi Sāme—Konga 2 (si p. 102 pal. 6-11)
Fika 2: Sāme 8:1–9:5
Fika 3: Ko e Hū Fakafiefia ʻa Kalaisi ki Selūsalema (gt vahe 102)
Fika 4: td 17A Tupuʻanga ʻo e Kau Fakamoʻoni ʻa Sihová
Sune 13 Lau Tohi Tapu: Sāme 11 ki he 17
Hiva Fika 107
Fika 1: Fai ha Tokanga ki he Ngaahi Sīpinga Fakaekikite (uw p. 32 pal. 7 ki he 8 [2])
Fika 2: Sāme 14:1–15:5
Fika 3: ʻOku Fakahalaiaʻi ʻe Sīsū ʻa e Faʻahinga ʻOku Nau Fakaʻuliʻi ʻa e Temipale ʻo e ʻOtuá (gt vahe 103)
Fika 4: td 47E Ko Sīsū ko e ʻAlo ʻo e ʻOtuá mo e Tuʻi Kuo Fakanofo
Sune 20 Lau Tohi Tapu: Sāme 18 ki he 20
Hiva Fika 149
Fika 1: Naʻe Fakatātaaʻi ʻa Hotau Taulaʻeiki Lahi (uw p. 33 pal. 8 [3] and 8 [4])
Fika 2: Sāme 19:1-14
Fika 3: Ko Hono Tuʻo Tolu ʻo e Fanongo ki he Leʻo ʻo e ʻOtuá (gt vahe 104)
Fika 4: td 47H Ko e Tui Kia Sīsū Kalaisí ʻOku Mātuʻaki Pau ki he Fakamoʻui
Sune 27 Lau Tohi Tapu: Sāme 21 ki he 24
Hiva Fika 51
Fika 1: ʻUhinga ʻOku ʻIkai Ala Tuku ʻa e Fakatomala mo Tui (uw p. 33-7 pal. 9-14)
Fika 2: Sāme 23:1–24:10
Fika 3: Ko e Meʻa ʻOku Fakatātaaʻi ʻe he Fuʻu Fiki Naʻe Fakamalaʻiaʻi (gt vahe 105)
Fika 4: td 47I ʻOku Fiemaʻu ʻo Toe Lahi Ange ʻi he Tui Kia Sīsū Pē
Siu 4 Lau Tohi Tapu: Sāme 25 ki he 29
Hiva Fika 120
Fika 1: ʻOku Fakahoko ʻe he Talangofua ki he ʻOtuá ʻa e Tauʻatāina Moʻoni (uw p. 38-39 pal. 1-5)
Fika 2: Sāme 26:1-12
Fika 3: Ko e Founga Naʻe Fakaeʻa ai ʻa e Kau Taki Lotu (gt vahe 106)
Fika 4: td 42E Meʻa ʻE Fai ʻe he Puleʻanga ʻo e ʻOtuá Maʻá e Faʻahinga ʻo e Tangatá
Siu 11 Lau Tohi Tapu: Sāme 30 ki he 33
Hiva Fika 130
Fika 1: Ko e Tuʻunga ʻOku Maʻu mei ai ʻa e Tauʻatāina Moʻoní ʻi he ʻAhó Ni (uw p. 40-1 pal. 6-9)
Fika 2: Sāme 32:1-11
Fika 3: Ko e ʻUhinga ʻo e Talanoa Fakatātā ʻo Fekauʻaki mo e Kātoanga Mali (gt vahe 107)
Fika 4: td 42F ʻOku Kamata ʻa e Pule ʻa e Puleʻangá ʻi he Lolotonga ʻOku Kei Ngāue ʻa e Ngaahi Fili ʻo Kalaisí
Siu 18 Lau Tohi Tapu: Sāme 34 ki he 36
Hiva Fika 123
Fika 1: Ko e Tauʻatāina Fakaemāmaní ko e Tuʻunga Pōpula Ia (uw p. 42-3 pal. 10-12)
Fika 2: Sāme 36:1-12
Fika 3: Naʻe ʻIkai Lava ke Nau Tauheleʻi ʻa Sīsū (gt vahe 108)
Fika 4: td 42I ʻIkai ke Hoko ʻa e Puleʻanga ʻo e ʻOtuá ʻi he Ngaahi Feinga ʻa e Tangatá
Siu 25 Lau Tohi Tapu: Sāme 37 ki he 39
Hiva Fika 157
Fika 1: Ko e Founga ke ʻIlo Fakapapau ai ʻa e Kaungāmeʻa Kovi (uw p. 44-5 pal. 13, 14)
Fika 2: Sāme 37:23-38
Fika 3: Naʻe Talatalaakiʻi ʻe Sīsū ʻa e Kau Fakafepaki Kiate Iá (gt vahe 109)
Fika 4: td 37A ʻUhinga ʻo e “Ngataʻanga ʻo e Mamani”
ʻAo 1 Lau Tohi Tapu: Sāme 40 ki he 44
Hiva Fika 207
Fika 1: Ko e Pole Lahi ʻOku Fehangahangai mo e Toko Taha Kotoa (uw p. 46-7 pal. 1-3)
Fika 2: Sāme 41:1-13
Fika 3: Naʻe Kakato ʻa e Ngāue Fakamalanga ʻa Sīsuú ʻi he Temipalé (gt vahe 110)
Fika 4: td 37E ʻAi ke Ke ʻĀʻā ʻo Kau ki he Fakamoʻoni ʻo e Ngaahi ʻAho Fakaʻosí
ʻAo 8 Lau Tohi Tapu: Sāme 45 ki he 49
Hiva Fika 14
Fika 1: Faʻifaʻitaki ki he Tui ʻa e Kau Mateaki (uw p. 47-52 pal. 4-11
Fika 2: Sāme 45:1-7, 10-17
Fika 3: Naʻe Fakahā ʻe Sīsū ʻa e Fakaʻilonga ʻo e Ngaahi ʻAho Fakaʻosi (gt vahe 111 pal. 1-11)
Fika 4: td 31E ʻOku Talaʻofa ʻe he ʻOtuá ʻa e Moʻui Taʻengatá ki he Faʻahinga ʻo e Tangata ʻE Talangofuá
ʻAo 15 Lau Tohi Tapu: Sāme 50 ki he 52
Hiva Fika 48
Fika 1: ʻOku Fakalāngilangiʻi ʻa Sihova ʻe he Moʻoní (uw p. 52-4 pal. 12-15)
Fika 2: Sāme 51:1-17
Fika 3: Naʻe Fakahā ʻe Sīsū ha Meʻa Lahi Ange ʻo Kau ki he Ngaahi ʻAho Fakaʻosi (gt vahe 111 pal. 12-19)
Fika 4: td 31H Ko Kinautolu Pē ʻOku ʻi he Sino ʻo Kalaisi Te Nau ʻŌ ki Hēvani
ʻAo 22 Lau Tohi Tapu: Sāme 53 ki he 57
Hiva Fika 129
Fika 1: Ko e Meʻa ʻOku Tau Ako mei he Fakangofua ʻe he ʻOtuá ʻa e Koví (uw p. 55-7 pal. 1-7)
Fika 2: Sāme 55:1, 2, 12-23
Fika 3: Ko e Kau Tāupoʻou Potó mo e Kau Tāupoʻou Valé (gt vahe 111 pal. 20-8)
Fika 4: td 31I Moʻui Taʻengata ʻi he Māmaní Kuo Talaʻofa ki he Tokolahi Taʻefakangatangata ko e “Fanga Sipi Kehe”
ʻAo 29 Fakamanatu Tohinima. Fakaʻosi Siope 34-42 ki he Sāme 1-57
Hiva Fika 114
Sēp 5 Lau Tohi Tapu: Sāme 58 ki he 62
Hiva Fika 212
Fika 1: ʻOku ʻIkai ʻAupito ha Taʻe Anga-Tonu ʻi he ʻOtua (uw p. 57-61 pal. 8-16)
Fika 2: Sāme 62:1-12
Fika 3: Ko e Talanoa Fakatātā ʻo e Ngaahi Talēnití (gt vahe 111 pal. 29-37)
Fika 4: td 32E Kuo Pau ke Lauʻi Lelei ʻa e Nofo Malí
Sēp 12 Lau Tohi Tapu: Sāme 63 ki he 67
Hiva Fika 163
Fika 1: Falala kia Sihova—Talitekeʻi ʻa e Kau Laumālie Anga-Fulikivanu (uw p. 62-4 pal. 1-5)
Fika 2: Sāme 65:1-13
Fika 3: ʻI he Hoko Mai ʻa Kalaisi ʻi he Mafai ʻo e Puleʻangá (gt vahe 111 pal. 38-46)
Fika 4: td 32F Kuo Pau ke ʻApasia ʻa e Kalisitiané ki he Tefitoʻi Moʻoni ʻo e Tuʻunga-ʻUlú
Sēp 19 Lau Tohi Tapu: Sāme 68 mo e 69
Hiva Fika 222
Fika 1: Ke ke Tokanga Telia ʻa e Ngaahi Filioʻi Anga-Pekopeko ʻa e Tēvoló (uw p. 64-7 pal. 6-12)
Fika 2: Sāme 68:1-11, 32-35
Fika 3: Naʻe Ofi ʻa e Laka Atu Fakaʻosi ʻa Sīsuú (gt vahe 112)
Fika 4: td 32H Fatongia ʻo e Ngaahi Mātuʻa Kalisitiané ki he Fānaú
Sēp 26 Lau Tohi Tapu: Sāme 70 ki he 73
Hiva Fika 130
Fika 1: ʻAi ʻa e Teungatau Kotoa mei he ʻOtua (uw p. 67-9 pal. 13-15)
Fika 2: Sāme 72:1-20
Fika 3: Naʻe Fai ʻe Sīsū ha Lesoni ʻo Kau ki he Anga-Fakatōkilalo (gt vahe 113)
Fika 4: td 32I Kau Kalisitiané ke Mali Pē mo e Kalisitiane
ʻOka 3 Lau Tohi Tapu: Sāme 74 ki he 77
Hiva Fika 113
Fika 1: ʻIlo, Tui, mo e Toe Tuʻu (uw p. 70-3 pal. 1-7)
Fika 2: Sāme 76:1-12
Fika 3: Naʻe Fokotuʻu ʻe Sīsū ʻa e Fakamanatu (gt vahe 114)
Fika 4: td 32K ʻOku ʻIkai ke Mali Tokolahi ʻa e Kau Kalisitiane Moʻoní
ʻOka 10 Lau Tohi Tapu: Sāme 78 mo e 79
Hiva Fika 27
Fika 1: ʻOku Maʻu ʻe Sīsū ʻa e Ngaahi Kī ʻo Mate mo Hētesi (uw p. 73-6 pal. 8-15)
Fika 2: Sāme 79:1-13
Fika 3: ʻOku Kātaki ʻa Sīsū ʻo Ne Akoʻi ki Heʻene Kau Ākongá ʻa e ʻOfa mo e Anga-Fakatōkilaló (gt vahe 115)
Fika 4: td 25A Ko Mele ko e Faʻē ʻa Sīsū, ʻIkai ko e “Faʻē ʻa e ʻOtua”
ʻOka 17 Lau Tohi Tapu: Sāme 80 ki he 85
Hiva Fika 51
Fika 1: Fakahoungaʻi ʻa e Puleʻanga Tuʻuloa ʻa e ʻOtua (uw p. 78-81 pal. 1-9)
Fika 2: Sāme 83:1-18
Fika 3: Naʻe Teuteuʻi ʻe Sīsū ʻa ʻEne Kau Ākongá ki Heʻene Mavahe (gt vahe 116 pal. 1-14)
Fika 4: td 25F ʻOku Fakahāʻi ʻe he Tohi Tapú Naʻe ʻIkai ke “Taupoʻou Ai Pē” ʻa Mele
ʻOka 24 Lau Tohi Tapu: Sāme 86 ki he 89
Hiva Fika 32
Fika 1: ʻE Fakahoko ʻe he Puleʻangá ʻa e Fuofua Taumuʻa ʻa e ʻOtuá (uw p. 81-2 pal. 10-12)
Fika 2: Sāme 86:1-17
Fika 3: Ko e Faʻahinga Ko e Kaumeʻa Moʻoni ʻo Sīsū (gt vahe 116 pal. 15-25)
Fika 4: td 8A Ko e Meʻa ʻOku Fakahā ʻe he Tohi Tapu ʻo Kau ki he Fakamanatu
ʻOka 31 Lau Tohi Tapu: Sāme 90 ki he 94
Hiva Fika 42
Fika 1: Ko e Ngaahi Meʻa Kuo ʻOsi Lava ʻe he Puleʻangá (uw p. 83-6 pal. 13-15)
Fika 2: Sāme 90:1-17
Fika 3: ʻOku Teuteuʻi mo Fakalototoʻaʻi ʻe Sīsū ʻa e ʻEne Kau Ākongá (gt vahe 116 pal. 26-37)
Fika 4: td 8E ʻOku Taʻe Fakatohitapu ʻa Hono Fai ʻo e Misa
Nōv 7 Lau Tohi Tapu: Sāme 95 ki he 101
Hiva Fika 172
Fika 1: Ko e Founga ʻOku Tau Fuofua Kumi ai ki he Puleʻangá (uw p. 87-9 pal. 1-6)
Fika 2: Sāme 100:1–101:8
Fika 3: Ko e Lotu Tuku ʻa Sīsū ʻi he Loki ʻi ʻOlungá (gt vahe 116 pal. 38-51)
Fika 4: td 36F Tohi Kuo Pulusi ʻe he Ngaahi Siasí Heʻikai Malava Ke Ne Fakahoko ʻa e Fiemaʻu ke Ako Fakafāmilí
Nōv 14 Lau Tohi Tapu: Sāme 102 ki he 104
Hiva Fika 84
Fika 1: Muimui ʻi he Sīpinga Naʻe Fokotuʻu ʻe he Muʻaki Kau Ākongá (uw p. 90-1 pal. 7-9)
Fika 2: Sāme 103:1-14, 21, 22
Fika 3: Ko e Mamahi Lahi ʻi he Ngoué (gt vahe 117)
Fika 4: td 36M Kinautolu ʻOku Maʻu ʻa e Ngaahi Tokoni Faka-Tohitapú ʻOku Fiemaʻu ke Ako ke Laka ki Muʻa
Nōv 21 Lau Tohi Tapu: Sāme 105 mo e 106
Hiva Fika 56
Fika 1: Fakamuʻomuʻa ʻi Hoʻo Moʻuí ʻa e Puleʻangá (uw p. 91-4 pal. 10-15)
Fika 2: Sāme 106:1-12, 47, 48
Fika 3: Ko e Lavaki mo Hono Puke ʻo Sīsū (gt vahe 118)
Fika 4: td 4A ʻUhinga ʻOku Fehiʻanekinaʻi Ai ʻa e Kau Kalisitiane Moʻoní
Nōv 28 Lau Tohi Tapu: Sāme 107 ki he 109
Hiva Fika 98
Fika 1: Ko e Meʻa ʻOku Fakahā ʻe he Tohi Tapú ʻo kau ki he Papitaiso Naʻe Fai ʻe Sione (uw 95-6 pal. 1-5)
Fika 2: Sāme 108:1-13
Fika 3: ʻOku Ngaohikoviʻi ʻa Sīsū mo Fai Taʻe Fakalao ʻa Hono Hopoʻi Ia (gt vahe 119)
Fika 4: td 4F ʻIkai Totonu ke Fakangofua ʻe he Uaifí ke Fakamāvaeʻi Ia ʻe Hono Husepānití mei he ʻOtuá
Tis 5 Lau Tohi Tapu: Sāme 110 ki he 115
Hiva Fika 107
Fika 1: Ko e Papitaiso ki he Mate (uw p. 97-8 pal. 6-8)
Fika 2: Sāme 110:1-7; 114:1-8
Fika 3: ʻOku Ueʻi ʻe he Manavahē ki he Tangatá ke Fakafisingaʻi ʻe Pita ʻa Kalaisi (gt vahe 120)
Fika 4: td 4H ʻOku Totonu ke ʻOua ʻE Fakangofua ʻe he Husepānití ʻa e Uaifí ke Ne Taʻofi Ia mei Heʻene Tauhi ki he ʻOtuá
Tis 12 Lau Tohi Tapu: Sāme 116 ki he 119:32
Hiva Fika 195
Fika 1: Papitaiso “ki he Huafa ʻo e Tamai mo e ʻAlo mo e Laumalie Maʻoniʻoni” (uw p. 98 pal. 9)
Fika 2: Sāme 116:1-19
Fika 3: ʻOku Loto-Toʻa ʻa Sīsū ʻo Ne Leaʻaki ʻa e Moʻoní ʻi he ʻAo ʻo e Sanetalimi pea mo Pailato (gt vahe 121)
Fika 4: td 23A Ngaahi Lotu ʻOku Fanongo ki ai ʻa e ʻOtuá
Tis 19 Lau Tohi Tapu: Sāme 119:33-112
Hiva Fika 113
Fika 1: Papitaisó mo e Ngaahi Fatongia Faka-Kalisitiane (uw p. 99-102 pal. 10-14)
Fika 2: Sāme 119:97-112
Fika 3: Naʻe ʻIkai ke ʻIlo ʻe Pailato pe ko Hēlota ha Kovi ʻIa Sīsū (gt vahe 122)
Fika 4: td 23F ʻUhinga ʻOku Taʻe ʻAonga Ai ʻa e Ngaahi Lotu ʻe Niʻihi
Tis 26 Fakamanatu Tohinima. Fakaʻosi Sāme 58 ki he 119:112
Hiva Fika 120