Ngaahi Fanongonongo

◼ Tohi ke ngāueʻaki he lolotonga ʻo Nōvema: ʻOku Totonu Ke Ke Tui ki he Tolu-tahaʻi-ʻotua? Tisema: Te Ke Malava ʻo Moʻui Taʻengata he Palataisi ʻi he Māmaní. Sānuali: Ko ha tohi pē naʻe pulusi ki muʻa ʻi he 1980, peesi ʻe 192 ʻi he pepa ʻa ia ʻe lava ke melo pe mole ʻa hono lanú. Ko e ngaahi fakatahaʻanga ʻoku ʻikai te nau maʻu ʻa e ngaahi tohi peheé te nau ngāueʻaki nai ʻa e kiʻi tohi ʻOku ʻI Ai Ha ʻOtua ʻOku Tokanga Mai? Fēpueli: Te Ke Malava ʻo Moʻui Taʻengata he Palataisi ʻi he Māmaní. FAKATOKANGA: Ko e ngaahi fakatahaʻanga te nau fie maʻu ʻa e ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S(d)-14) fakamāhina hono hoko maí. Ko e ngaahi tohi motuʻa ʻoku lave ki ai ʻi ʻolungá ʻoku ʻikai ke ala maʻu ia ʻi he vaʻa ʻi Haʻamoa Hihifó, ka ʻoku totonu ke ngāueʻaki pē ʻe he ngaahi fakatahaʻangá ʻa e ngaahi tohi pehē ʻoku nau lolotonga maʻú.

◼ ʻOku totonu ki he ngaahi fakatahaʻangá ke nau kamata kole ki he 1994 Yearbook of Jehovah’s Witnesses ʻi heʻenau kole ki he ngaahi tohi ʻo Nōvemá. (Sio ki he Watchtower Publications List, palakalafi 10.) ʻE maʻu ʻa e Yearbook ʻi he lea faka-Seki, Tenimaʻake, Holani, Pilitania, Finilani, Falanisē, Siamane, Kalisi, Hungali, ʻĪtali, Siapani, Kōlea, Noaue, Pōlani, Potukali, Solovākia, Sepeni, mo Suēteni. Te mau tauhi ʻa hoʻomou kole ki ai kae ʻoua kuo ala maʻu ʻa e Yearbook mo fai hono fakaheka atú. Ko e Yearbooks ko e ngaahi tohi ʻoku kole makehe ki ai.​—Sio ki he Watchtower Publications List, palakalafi 24 mo e 25.