Ngaahi Fakataha Ngāue ki Mē
Uike Kamata Mē 2
Hiva 14
5 min: Ngaahi fanongonongo fakalotofonua mo e Ngaahi Fanongonongo feʻunga mālie mei he Ko ʻEtau Ngāue Fakafaifekau ʻo e Puleʻangá. Lave ki he ngaahi fokotuʻutuʻu ke fakalahi ʻa e ngāue fakamalangá, ʻo hangē ko e ngāue ʻi he halá pe ngāue fakamalanga he houa efiafí.
20 min: “Tulitāupau ki he Ngaahi Ngāue Fakateokalatí he Lolotonga ʻa e Taimi Mālōloó.” Fehuʻi mo e tali. Lave ki he ngaahi meʻa naʻe hokosia ʻe ha niʻihi he lolotonga ʻenau ngāue tāimuʻa fakataimí pe fai fakamoʻoni ʻikai ʻi he founga mahení.
20 min: “Ngāueʻaki ʻa e Ngaahi Makasiní ke Fakahā ʻa e Moʻoní.” Fetalanoaʻaki mo e kau fanongó. Fakamatalaʻi pe ko e hā ʻoku kehe ai ʻa ʻetau ngaahi makasiní pea mo e ʻuhinga ʻoku totonu ke ueʻi ai kitautolu ʻe he meʻá ni ke tau tuʻuaki atu ia ʻi he faingamālie kotoa pē. Fokotuʻutuʻu ke fai ʻa e ongo fakahāhā nounou ʻe ua.
Hiva 27 mo e lotu tuku.
Uike Kamata Mē 9
Hiva 48
10 min: Ngaahi fanongonongo fakalotofonua. ʻOku totonu ke tau tokanga ki he ngaahi faingamālie ke tuʻuaki atu ai ʻa e ngaahi tukuhaú. ʻE lava ke tau tuʻuaki ia ki he faʻahinga naʻa nau tali mo lau maʻu pē ʻetau ngaahi makasiní. Fakamatalaʻi ʻa e founga ʻo hono fakafonu ʻa e lauʻi pepa ki he tukuhaú.
20 min: “Teuteuʻi ʻa e Kau Ako Tohi Tapú ki he Ngāue Fakamalangá.” Fehuʻi mo e tali. ʻI he aʻu ki he palakalafi 4 mo e 5, ʻai ha fakahāhā nounou ʻo fakahā ʻa e founga ke tokoniʻi ai ʻa e toko taha akó ke mateuteu ki he fai fakamoʻoni ʻi he matapaá. ʻOku kamata ʻa e toko taha ako Tohi Tapú ʻaki ʻa e founga malanga faingofua ʻo ngāueʻaki ʻa e Sāme 37:11. ʻOku taʻofi atu ʻe he toko taha faiako Tohi Tapú ʻaki ʻene pehē: “ʻOku ʻi ai ha lotu ʻoku ou kau ki ai.” ʻOku ʻikai ke ʻilo pau ʻe he toko taha akó pe ko e hā te ne leaʻakí. ʻOkú na fakatou vakai ki he tohi Reasoning, peesi 18-19, ʻo na toe sio ki he ngaahi tali ʻoku fokotuʻu mai aí, pea fili ʻa e tali ʻe saiʻia ʻa e toko taha akó ke ngāueʻakí. ʻOku toe hoko atu ʻa e toko taha akó, ʻo ne fai ha tali lelei, pea ongoʻi loto-toʻa ʻi he ola lelei ʻa e meʻá ni.
15 min: Ko e Langa ʻo e Kingdom Hall. Fetalanoaʻaki ʻa ha toko ua ʻo e kau mātuʻá. Toe fakamatala ki he ngaahi meʻa lalahi fekauʻaki mo e ngāue ʻa e Regional Building Committees ʻo hangē ko ia ʻoku hā ʻi he peesi 322-328 ʻo e Jehovah’s Witnesses—Proclaimers of God’s Kingdom.
Hiva 107 mo e lotu tuku.
Uike Kamata Mē 16
Hiva 120
10 min: Ngaahi fanongonongo fakalotofonua. Lau ʻa e fakamatala paʻangá mo ha ngaahi fakamālō ki he tokoni fakapaʻanga kuo faí. Fai ha fakamatala ʻo kau ki he ngaahi polosiua ʻe tuʻuaki naí, pea fakahanga ʻa e tokangá ki ha ngaahi meʻa fakatupunga talanoa.
17 min: “Foki ki he Faʻahinga Kuo Fie Fanongó.” Fehuʻi mo e tali. ʻAi ke fakahāhaaʻi ha taha pe ua ʻo e ngaahi founga malanga ʻoku fokotuʻu maí.
18 min: “Ko Hono Maʻu ʻa e ʻAonga Kakato mei he Ako Fakafaifekau Fakateokalatí.” Malanga pea mo fetalanoaʻaki mo e kau fanongó ke fai ʻe he ʻovasia ʻo e akó. Fakalototoʻaʻi kotoa ke nau tali mo fakahoko ʻa e konga kuo vaheʻi kiate kinautolú. Fakamamafaʻi ʻa e mahuʻinga ke lau ʻa e konga Tohi Tapu ʻoku vaheʻi ki he uike kotoa pē. Fakamatalaʻi ʻa e ʻaonga ʻoku malava ke maʻu ʻe he fakatahaʻangá fakakātoa mei he akonaki ʻoku fai ki he kau akó.
Hiva 123 mo e lotu tuku.
Uike Kamata Mē 23
Hiva 129
10 min: Ngaahi fanongonongo fakalotofonua. Fai ha fakamatala ʻo kau ki he ngaahi kupu tuʻu-ki-muʻa ʻi he makasini ʻoku lolotonga maʻú, pea fokotuʻutuʻu ke fai ha fakahāhā nounou ʻe taha pe ua.
20 min: “ʻOkú Ke ʻAi ke Ngeia ʻa e Niʻihi Kehé ʻi Hono Fai ha Akonaki Kiate Kinautolú?” Malanga ke fai ʻe ha taha ʻo e kau mātuʻá, ʻo makatuʻunga ʻi he Taua Leʻo (faka-Pilitania) ʻo Fēpueli 1, 1994, peesi 25-29.
15 min: “ʻOku Fie Maʻu Ke u Liliu Maʻu Pē?” Fetalanoaʻaki ke fai ʻe ha toko ua ʻo e kau mātuʻá. Fakamamafaʻi ʻa e ngaahi ʻaonga ʻo e kau maʻu pē ki he ngāue fakamalangá.
Hiva 133 mo e lotu tuku.
Uike Kamata Mē 30
Hiva 204
10 min: Ngaahi fanongonongo fakalotofonua. ʻŪ Ongoongo Fakateokalati.
15 min: Fai ha fakamatala ʻo kau ki he tohi ʻe tuʻuaki ʻi Suné: “Vakai! ʻOku Ou Fakafoʻou ʻa e Meʻa Kotoa Pe.” Fakahanga ʻa e tokangá ki he ngaahi fakatātā ʻi he peesi 24. ʻAi ke fakahā ʻe ha toko taha malanga alafua ha founga malanga nounou ʻoku makatuʻunga ʻi ha taha ʻo e ngaahi fakatātaá ni, ʻo ngāueʻaki ʻa e Mātiu 24:3, 7, 8 pe 2 Tīmote 3:1-5. Fakahā ʻa e ngaahi fokotuʻutuʻu ki he ngāue fakamalanga he uike hono hokó.
20 min: “Ko e Moʻoni ko e Kaihaʻasi Ia?” Malanga ʻoku makatuʻunga ʻi he kupu ʻi he Taua Leʻo (faka-Pilitania) ʻo ʻEpeleli 15, 1994, peesi 19-21.
Hiva 130 mo e lotu tuku.