Ngaahi Fakataha Ngāue ki Sune
FAKAMATALA: ʻI he lolotonga ʻo e ngaahi māhina siʻi ka hoko maí ʻe fakahokohoko ʻi he Ko ʻEtau Ngāue Fakafaifekau ʻo e Puleʻangá ʻa e Fakataha Ngāue ki he uike taki taha. ʻE fai nai ʻe he ngaahi fakatahaʻangá ha ngaahi liliu ʻo fakatatau mo e fie maʻú kae ʻatā ai ke kau ki he Fakataha Fakavahe ko e “Manavahē Ki He ʻOtuá,” pea mo ha toe fakamanatu miniti ʻe 30 ki he ngaahi meʻa mahuʻinga ʻi he polokalamá ʻi he uike hono hokó. Ko hono fakamanatu ʻa e polokalama ʻo e fakatahá ʻi he ʻaho taki tahá ʻoku totonu ke vaheʻi ia ki muʻa ki ha toko ua pe toko tolu ʻo e ngaahi tokoua alafua te nau malava ke tokanga taha ki he ngaahi poini ʻoku tuʻu-ki-muʻá. Ko e fakamanatu ʻosi teuteu lelei ko ʻení ʻe tokoni ia ki he fakatahaʻangá ke nau manatuʻi ʻa e ngaahi meʻa tefito ke nau ngāueʻaki fakafoʻituitui pea mo ngāueʻaki ʻi he ngāue fakamalangá. ʻOku totonu ke fuonounou mo kaunga tonu ʻa e ngaahi fakamatala mei he kau fanongó pea mo e ngaahi meʻa naʻe hokosiá.
Uike Kamata Sune 6
Hiva 113
10 min: Ngaahi fanongonongo fakalotofonua mo e Ngaahi Fanongonongo mei he Ko ʻEtau Ngāue Fakafaifekau ʻo e Puleʻangá ʻoku ʻi ai hono kaunga fakalotofonuá. Fakahāhā fuonounou ʻa e anga ʻo hono tuʻuaki ʻa e ngaahi makasini fakamuimui tahá mei he fale ki he falé ʻi he fakaʻosinga ʻo e uike ní. Fakamanatu ki he kau fanongó ke nau ʻave ha ngaahi tatau ʻo e polosiua ko e “Vakai!” ke ngāueʻaki ʻi he fakaʻosinga ʻo e uike ní.
20 min: “ʻOku Ke Tūtuuʻi ʻo Fuʻu Hulu?” Fehuʻi mo e tali. Fakatatau ki he taimí, fakaafeʻi ʻa e kau fanongó ke nau fakahā ʻa e ngaahi meʻa naʻa nau hokosia fakafoʻituitui ʻo fakahā ai ʻa e anga ʻo ʻenau fai ha feinga makehe ʻi ha tafaʻaki ʻo ʻenau ngāue fakamalangá pea nau maʻu ai ha tāpuaki koeʻuhi ko ʻenau fai pehē.
15 min: “Ko Hono Tokoniʻi ʻa e Niʻihi Kehé Ke Nau Fakalāngilangiʻi Hotau Toko Taha Ngaohí.” Fetalanoaʻaki mo e kau fanongó. Fai ha ongo fakahāhā ʻo fakahā ai ʻa e anga ʻo hono ngāueʻaki ʻo e ongo fakamatala kuo fokotuʻu maí.
Hiva 207 mo e lotu tuku.
Uike Kamata Sune 13
Hiva 222
10 min: Ngaahi fanongonongo fakalotofonua. Lau ʻa e fakamatala paʻangá mo ha tohi fakamālō mei he Sosaieté. Fakakau ki ai mo ha fakamatala fuonounou ʻo fakahā ai ʻe tāpuakiʻi kita ʻo kapau te te loto-fiefoaki.—Pal. 11:24a.
15 min: “Ko Hono Langaʻi Hake ʻa e Tui ki he Toko Taha Fakatupu ʻo e Kakaí.” Fetalanoaʻaki mo e kau fanongó. Fakatatau ki he taimí, fai ha fakahāhā ʻe taha ʻo kau ki ha toe ʻaʻahi kuo fokotuʻu mai.
20 min: “ʻOku Poupouʻi ʻe he Ako Tohi ʻa e Fakatahaʻangá ʻa e Ngaahi Ngāue Fakaakó.” Ko ha fetalanoaʻaki mo e kau fanongó ke fai ia ʻe ha toko taha faiako. Fakamamafaʻi ʻa hono fakalotolahiʻi ʻe he kupú ni ke (1) tokolahi ange ʻa e faʻahinga ʻoku kau ki he ako ʻi he tohí, (2) toe lahi ange ʻa e ngaahi tali ʻoku fai he lolotonga ʻo e akó, mo e (3) poupouʻi lelei ange ʻa e ngaahi fakataha ki he ngāue fakamalangá.
Hiva 32 mo e lotu tuku.
Uike Kamata Sune 20
Hiva 48
10 min: Ngaahi fanongonongo fakalotofonua.
10 min: Ngaahi fie maʻu fakalotofonua. Pe fai ha malanga ʻi he kupu ko e “What Career Should I Choose?” mei he Awake!, ʻo Mē 8, 1989, peesi 12-14.
10 min: “Ko e Tohi Tapú—Ko e Tohi Fakaonopooni Motuʻa Taha Ia ʻa e Faʻahinga ʻo e Tangatá.” Fehuʻi mo e tali.
15 min: “Are You Doing God’s Will?” Ko ha malanga ke fai ʻe ha toko taha ʻo e kau mātuʻá ʻo makatuʻunga mei he Taua Leʻo (faka-Pilitania) ʻo Maʻasi 1, 1994, peesi 28-30.
Hiva 84 mo e lotu tuku.
Uike Kamata Sune 27
Hiva 56
10 min: Ngaahi fanongonongo fakalotofonua. Fakamanatuʻi ʻa e fokotuʻu ki he ngāue fakamalanga ki he fakaʻosinga ʻo e uiké.
15 min: “Ngaahi Fakataha Mohu ʻUhinga ki he Ngāue Fakamalangá.” Ko e fehuʻi mo e tali ke fai ʻe he ʻovasia ngāué. ʻI hono fai ʻa e fetalanoaʻaki ʻi he palakalafi 3, fakahanga ʻa e tokangá ki he lea kamata ʻe taha pe ua mei he tohi ko e Reasoning ʻe ngāueʻaki nai ʻi he fakaʻosinga ʻo e uike ní. ʻI he palakalafi 5 lave ki ha ngaahi palōpalema ʻoku kau ki he ʻulungāanga ʻi he lolotonga ʻa e ngāue fakamalangá kuo fakatokangaʻi fakalotofonua; fai ha ngaahi fokotuʻu anga-ʻofa ki hono fakaleleiʻi iá.
20 min: Toe vakai ki he Tuʻuaki ki Siulaí. Fakaʻaliʻali ʻa e ngaahi tatau ʻo e ngaahi tohi iiki ʻoku maʻu ʻi he fakatahaʻangá, ʻo hangē ko e A Secure Future—How You Can Find It, ʻOku ʻI Ai Ha ʻOtua ʻOku Tokanga Mai?, There Is Much More To Life!, pe “Koe ongoongo lelei ni ʻoe Puleʻanga.” ʻOku ʻaonga ʻa e ngaahi tohi iiki ko ʻení ʻi hono kamata ha ngaahi ako Tohi Tapu. Toe vakai ki he ngaahi meʻa fakatupu tokanga mo e ngaahi fakatātā ʻe niʻihi ʻe malava ke ngāueʻaki ia ke kamata ha ngaahi fetalanoaʻaki. ʻAi ha ongo fakahāhā ʻo fakahā ai ʻa e anga ʻo hono kamata ha fetalanoaʻaki ʻi ha kaveinga mei he Tohi Tapú. (Ngāueʻaki ʻa e ngaahi fokotuʻu ʻi he tohi ko e Reasoning ʻi he “Future/Security,” peesi 11-12, mo e “Kingdom,” peesi 12-13.) ʻOku totonu ke fakaʻosi ʻaki ʻa e ongo fakahāhaá ʻa e fokotuʻutuʻu ke kamata ha ako Tohi Tapu.
Hiva 129 mo e lotu tuku.