Ngaahi Fanongonongo

◼ Tohi ke ngāueʻaki ʻi ʻAokosi: ʻE malava ke ngāueʻaki ha taha pē ʻo e ngaahi polosiua peesi ʻe 32 ko ʻeni: Moʻui Fiefia ʻI He Māmani ʻO Taʻengata!, “Vakai! ʻOku Ou Fakafoʻou ʻa e Meʻa Kotoa Pē”, ʻOku Totonu Ke Ke Tui ki he Tolu-Tahaʻi-ʻOtua?, Ko e Puleʻanga Te ne ʻOmai ʻA e Palataisi. Sēpitema: Te Ke Malava ʻo Moʻui Taʻengata he Palataisi ʻi he Māmaní. ʻOkatopa: Ko e ongo makasini Ko e Taua Leʻo mo e Awake! ʻE lava ke tuʻuaki ʻa e ngaahi tukuhau ʻi he ngaahi toe ʻaʻahi. FAKATOKANGA: Ko e ngaahi fakatahaʻanga kuo teʻeki ai ke nau kole ki he ngaahi tohi ʻoku hā ʻi ʻolunga ki he feinga tau ʻoku totonu ke nau kole ia ʻi heʻenau Literature Request Form (S(d)-14) ʻi he māhina hono hoko mai. Kātaki ʻo kole ʻa e ngaahi makasini ke fakalahi ange ʻi hono tufa ʻi ʻOkatopa.

◼ ʻOku totonu ke kamata ʻa e kole ʻe he ngaahi fakatahaʻanga ki he 1995 Calendar of Jehovah’s Witnesses fakataha mo ʻenau kole ki he ngaahi tohi ʻi Sēpitema. Ko e tohi-māhina ʻe ala maʻu ia ʻi he lea faka-Siaina, Kolotiane, Seki, Tenimaʻake, Hōlani, Pilitānia, Finilani, Falanisē, Siamane, Kalisi, Hungali, ʻĪtali, Siapani, Kōlea, Noauē, Pōlani, Potukali, Lumēnia, Lūsia, Sēpia, Sipeini, Suēteni, mo Ukrainian.

◼ Ko ha ngaahi foomu feʻunga ke ngāueʻaki ʻi he taʻu fakangāue ʻo e 1995 kuo ʻoatu ia ki he fakatahaʻanga taki taha. Ko e ngaahi foomu ko ʻeni ʻoku totonu ke ʻoua ʻe maumauʻi. ʻOku totonu ke ngāueʻaki pē ia ki he meʻa naʻe taumuʻa ki ai.

◼ Ko e tokotaha hono kotoa pē ʻoku feohi mo e fakatahaʻanga ʻoku totonu ke nau fakafou ʻi he fakatahaʻanga ʻa e ngaahi tukuhau foʻou mo e fakafoʻou ki he Ko e Taua Leʻo mo e Awake!, kau ai mo ʻenau ngaahi tukuhau fakafoʻituitui.

◼ ʻOku ʻikai ke ʻoatu ʻe he Sōsaieti ʻa e ngaahi kole taautaha ki he ngaahi tohi ʻa e kau malanga. Ko kinautolu ʻoku nau saiʻia ke maʻu ha tohi ʻoku totonu ke ne fakahā ki he sevāniti ki he ngaahi tohi, ʻa ia te ne fakakau leva ia ki he ngaahi tohi ʻoku kole fakamāhina ʻe he fakatahaʻanga. ʻOku totonu ki he ʻovasia pule ke ne fokotuʻutuʻu ha fanongonongo ʻi he māhina taki taha ki muʻa ke ʻave ki he Sōsaieti ʻa e foomu kole fakamāhina ki he ngaahi tohi koeʻuhi ko kinautolu hono kotoa pē ʻokú nau saiʻia ke maʻu ha ngaahi tohi te nau lava ʻo fakahā ki he tokoua ʻokú ne ngāue ki he ngaahi tohi.

◼ ʻE maʻu ʻe he fakatahaʻanga taki taha ha ngaahi foomu ʻe tolu ʻo e Literature Inventory (S(d)-18). ʻOku totonu ke fakataha ʻa e sēkelitali ʻa e fakatahaʻanga mo e sevāniti ki he ngaahi tohi ʻi he kamataʻanga pē ʻo ʻAokosi pea fokotuʻu ha ʻaho ke fai ai ʻa hono lau ʻo e ngaahi tohi ʻa e fakatahaʻanga ʻi he fakaʻosinga ʻo e māhina. ʻOku pau ke fai hono lau totonu ʻo e ngaahi tohi, pea ko honau ngaahi fakakātoa ʻe fakahū ia ki he foomu Literature Inventory. Ko e lahi fakakātoa ʻo e ngaahi makasini ʻoku kei toe ʻe lava ke maʻu ia mei he sevāniti ki he makasini. Kātaki ʻo meili ʻa e ʻuluaki tatau ki he Sōsaieti ʻo ʻoua ʻe tōmui ʻi Sēpitema 6. Tauhi ʻa e tatau ia ki hoʻo faile. Ko e tatau hono tolu te ke ngāueʻaki ia ʻe koe. ʻOku totonu ke tokangaʻi ʻe he sēkelitali, ʻa hono lau ko ʻeni ʻo ngaahi tohi, pea ʻi he kakato ʻa e foomu ʻoku totonu ke vakaiʻi ia ʻe he ʻovasia pule. Ko e sēkelitali mo e ʻovasia pule te na fakamoʻoni ʻi he foomu.

◼ ʻE faʻu ʻe he sēkelitali ʻa e fakatahaʻanga ʻa e ngaahi lipooti ngāue ke fakahū ia ki he foomu Congregation Analysis Report (S-10). Te ne tokanga ke fakahinohino ha tokotaha ʻo e kau mātuʻa pe ha sevāniti ʻe tokoni nai ke hono faʻu ʻo e fakamatala. ʻE fakapapauʻi ai heni ʻa hono fakamāʻopoʻopo totonu ʻa e ngaahi fakamatala ʻoku fiemaʻu mei he ngaahi kaati Congregation’s Publisher Record (S-21). Ko e ngaahi foomu Congregation Analysis Report (S-10) ʻoku totonu ke fakafonu totonu ia mo maʻa pea vakaiʻi fakalelei ia ʻe he kōmiti ngāue.