Fakamanatu Ako Fakafaifekau Fakateokalati
Fakamanatu ʻo e ngaahi fakamatala mei he ngaahi konga ʻi he Ako Fakafaifekau Fakateokalati ʻi he ngaahi uike ʻo Mē 2 ki ʻAokosi 22, 1994. Ngāueʻaki ha lauʻi pepa kehe ke tohi ki ai ʻa e ngaahi tali ki he lahi taha ʻo e ngaahi fehuʻi te ke lava ʻo tali ʻi he taimi ʻoku vaheʻi mai.
[Tokangaʻi: Lolotonga ʻa e fakamanatu tohinimá, ko e Tohi Tapú pē ʻe lava ke ngāueʻaki ke tali ha fehuʻi. Ko e ngaahi maʻuʻanga fakamatala ʻoku hoko mai he ngaahi fehuʻí, ko e ʻai pē ia ki hoʻo fekumi fakafoʻituitui pē. Ko e ngaahi fika ʻo e peesi mo e palakalafi ʻoku ʻikai ke ʻasi kotoa nai ia ʻi he ngaahi maʻuʻanga fakamatala ki he Ko e Taua Leʻo.]
Tali Moʻoni pe Loi ki he ngaahi fakamatala taki taha ʻoku hoko haké:
1. ʻI he lau tohí, ʻoku ʻikai fie maʻu ke puʻaki ʻa e foʻi lea ko e “sila,” ʻa ia ʻoku ʻasi tuʻo 71 ʻi he tohi Sāmé. [5, si p. 101 pal. 5]
2. Fakatatau ki he Sāme 15:4, kapau ʻe hoko ʻo ʻilo ʻe ha Kalisitiane ʻoku fepaki mo e Tohi Tapú ha meʻa kuó ne talaʻofa ke fai, ʻoku totonu ke ne kei fai pē ia. [7, Lau Tohi Tapu fakauike; sio ki he wE89 9/15 p. 28-9.]
3. ʻOku fakamoʻoniʻi ʻe he tohi Siopé ko e ʻOtuá ʻoku ʻikai ko e tupuʻanga ia ʻo e faingataʻaʻia, mahaki mo e mate ʻa e tangatá. [4, si p. 100 pal. 42]
4. Naʻe fakamoʻoniʻi ʻe he ʻalunga moʻui ʻa Sīsuú naʻe mei malava ʻe ʻĀtama ke ne tauhi maʻu ʻa e anga-tonu haohaoá ʻo kapau naʻá ne fie fai pehē pea naʻe ʻikai ke ʻi ai ha mele ʻi he ngāue fakaefakatupu ʻa e ʻOtuá. [15, uw p. 52 pal. 11]
5. Ko e tamaioʻeiki ʻoku fakamatalaʻi ʻi he Luke 19:20-24, ʻa ia naʻá ne maʻu ha mina ʻe taha ʻo kofu ʻaki ia ha holoholo, ko e angahala naʻá ne faí ko e ʻikai te ne fai ha faʻahinga meʻa. [4, gt vahe 100]
6. ʻI he ngāue mālohi mo līʻoa ki he ʻOtuá, ʻe lava ke maʻu ai ʻe ha Kalisitiane moʻoni ʻa e totonu ke maʻu ʻa e moʻui taʻe ngatá. [9, uw p. 36 pal. 13]
7. ʻOku lave ʻi he 1 Kolinitō 2:9 ki he Palataisi he māmaní ʻi he kahaʻú. [1, uw p. 26 pal. 12 (3); sio ki he wE85 9/15 p. 30.]
8. He ʻikai totonu ke tau vakai pē ki he ʻulungāanga taʻe ʻofa-mateakí ko ha meʻa noa pē koeʻuhi ko hono fai lahia ia ʻi he māmaní. [16, uw p. 53 pal. 13]
9. Ko e Sāme 49:15 ko e fakahāhā ia ʻo e tui ki he ʻamanaki ʻo e toe tuʻú. [15, Lau Tohi Tapu fakauike; sio ki he wE89 3/1 p. 22 pal. 13.]
10. ʻI he taimi ʻe niʻihi ʻoku hoko mai ʻa e fakatauele ke fai ʻa e ʻulungāanga fakamāmaní mei ha toko taha ʻoku taukaveʻi ʻokú ne tauhi ʻa Sihova. [12, uw p. 43 pal. 11]
Tali ʻa e ngaahi fehuʻi ko ʻení:
11. Ko e hā ko ha sāme? [5, si p. 101 pal. 2]
12. Ko e hā ʻa e fakapapau maʻongoʻonga ʻoku tau maʻu mei he Sāme 27:10? [10, Lau Tohi Tapu fakauike; sio ki he wTO92 11/1 p. 24 pal. 17.]
13. Ko e hā ʻa e anga ʻo e fakakaukau hala ʻoku maʻu ʻe he kau faihala taʻe fakatomalá ʻa ia ʻoku hā ʻi he Sāme 10:13? [6, Lau Tohi Tapu fakauike; sio ki he wTO91 11/1 p. 6.]
14. Fakatatau ki he ʻEkisoto 9:15, 16, ko e hā ʻa e meʻa naʻe fakahoko ʻi he founga ʻo e feangainga ʻa Sihova mo e Feló? [17, uw p. 57 pal. 6, 7]
15. Lave ki he tafaʻaki ʻe ua ʻa ia te tau sivisiviʻi nai ai ʻa e meʻa ʻoku tau lau ʻi he Tohi Tapú. [2, uw p. 27]
16. ʻOku ʻuhinga ki he hā ʻa e fekau ke “ʻuma ki he ʻAlo,” ʻo hangē ko ia ʻoku fakahā ʻi he Sāme 2:12? [5, Lau Tohi Tapu fakauike; sio ki he wE86 8/15 p. 20.]
17. Ko e hā ʻa e faʻahinga tauʻatāina naʻe lave ki ai ʻa Sīsū ʻi he Sione 8:32? [11, uw p. 40 pal. 6]
18. Ko hai ʻoku fakatātaaʻi ʻe he “fefine” ʻi he Sēnesi 3:15? [3, uw p. 30 pal. 3]
19. Ko e hā naʻe lava ai ʻe Tēvita ke ne pehē kia Sihova ʻi he Sāme 51:4, “Ko koe—ko koe pe kuo u angahala ki ai,” neongo naʻá ne ʻilo kuó ne fai angahala ki he kaungātangata? [16, Lau Tohi Tapu fakauike; sio ki he br1-TO p. 17 pal. 13.]
20. Ko e hā ʻa e “meʻa fakalielia ʻo e fakaʻauha” ʻi he ʻuluaki senitulí, pea ko e hā ia ʻi he ʻaho ní? (Mt. 24:15) [15, gt vahe 111]
Fakakakato ʻa e ngaahi fakamatala ko ʻení ʻaki ha foʻi lea pe kupuʻi lea ʻoku totonú:
21. ʻOku hā ngali ko e “Piʻimoti ʻi he Siope 40:15, ʻoku lave ki he ․․․․․․․, pea ʻi he Siope 41:1, ko e “levaiatani” ʻoku feʻunga mālie ia ki he ․․․․․․․ [3, 4, Lau Tohi Tapu fakauike; sio ki he it-1 p. 280 mo e it-2 p. 240.]
22. Naʻe fanongo ki he leʻo ʻo Sihová tonu ʻi hono ․․․․․․․ ʻo Sīsuú, ʻi he taimi ʻo e ․․․․․․․ pea ʻi Nīsani 10, 33 T.S., ʻi heʻene lotu ki heʻene Tamaí ʻi he ․․․․․․․ ʻi Selūsalemá. [8, gt vahe 104]
23. Naʻe sivi ʻe he kau Fālesí ʻa e ․․․․․․․ mei heʻenau uainé, koeʻuhi he naʻe taʻe maʻa fakaeouau ia, ka naʻa nau taʻe tokaʻi ʻa e fakamaau totonú, meesí, mo e anga-tonú, ʻa ia ʻoku malava ke fakahoa ki hono folo ʻo ha ․․․․․․․, ʻa ia ko ha monumanu taʻe maʻa fakaeouau foki mo ia. [13, gt vahe 109]
24. Koeʻuhi naʻe ngāueʻaki ʻe Sētane ha loi ke ne taki ai ʻetau ʻuluaki ongo mātuʻá ki he angahalá, naʻe ui ia ʻe Sīsū ‘․․․․․․․’ [16, uw p. 53 pal. 13 (1]
25. Ko Sīsū ko e ʻAlo ․․․․․․․ ia ʻo e ʻOtuá koeʻuhi ko ia toko taha pē naʻe fakatupu ʻe Sihova toko taha. [3, uw p. 29 pal. 1]
Fili ʻa e tali totonu ʻi he ngaahi fakamatala taki taha ko ʻení:
26. Naʻe mamata ʻa Siope ki he ʻOtuá, ʻo hangē ko ia ʻoku fakamatalaʻi ʻi he Siope 42:5, ʻi he ʻuhinga naʻá ne (maʻu ha vīsone ʻo sio ki he ʻOtuá ʻi he ʻahiohio; sio ki ha ʻangelo naʻe tuʻu ʻi muʻa ʻiate ia; ․․․․․․․ [4, Lau Tohi Tapu fakauike; sio ki he wE88 8/15 p. 12 pal. 11.]
27. Ko e fefine naʻe lave ki ai ʻa Sīsū ʻi he Mātiu 26:13 ko (Mele, ko e tuofefine ʻo Lāsalosi; Mele, ko e uaifi ʻo Kaliopasi; Mele Makitaline). [5, gt vahe 101]
28. Ko e ngaahi tuʻunga ʻoku fakaʻauha, ʻa ia ʻoku fakamatalaʻi he Sāme 11:3, PM, ʻoku lave ia (ki he makatuʻunga ʻo e temipale ʻi Selūsalemá; kia Sīsū Kalaisi ʻi hono tuʻunga ko e Maka Tulikí; ki he ngaahi makatuʻunga ʻa ia ʻoku fokotuʻu ai ʻa e nofo ʻa e kakaí, ʻo hangē ko e fakamaau totonú, laó, mo e tuʻunga maaú). [7, Lau Tohi Tapu fakauike; sio ki he wE86 8/15 p. 20.]
29. Naʻe ui ʻe Sīsū ʻa e ongo ʻaposetolo ko (Pita mo ʻAnitelū; Filipe mo Pātolomiu; Sēmisi mo Sione) ko e “ongo foha ʻo Fatulisi” koeʻuhi ko hona anga-kakahá. [2, gt vahe 98]
30. ʻI hono poleʻi ʻe Sētane ʻa e totonu ʻa e ʻOtuá ke pulé pea mo ʻEne founga ki heʻene pulé, ko e pole lahi naʻe mālanga haké naʻe fekauʻaki mo e (ngaahi totonu ʻa e tangatá; pe ko hai ʻoku mālohi tahá; tuʻunga-hau fakaleveleva ʻa e ʻOtuá). [14, uw p. 46 pal. 1]
Fakahoa totonu ʻa e ngaahi konga Tohi Tapú ki he ngaahi fakamatala ʻoku hā ʻi laló:
Sēn. 3:1-5; Sāme 24:1; Ngāue 8:32-38; Hep. 10:26, 27; 1 Pita 4:3, 4
31. Ko hono ʻiloʻi ko e tangatá pea mo e māmaní ko e ngaahi fakatupu ia ʻa e ʻOtuá pea ko e meʻa kotoa ʻoku ʻa Sihová ʻoku totonu ke ne tokoniʻi kitautolu ke tau anga-fakatōkilalo mo talangofua. [10, uw p. 39 pal. 4]
32. ʻOku totonu ke tau mātuʻaki tokanga ke tau fakaʻehiʻehi mei haʻatau angaʻaki ʻa hono fai ha faʻahinga meʻa ʻoku tau ʻilo ʻoku taʻe fakahōifua kia Sihová. [8, uw p. 33 pal. 8 (3) mo e 8 (4]
33. Ko e ʻilo kānokano ʻo kau ki he Tohi Tapú pea mo e houngaʻia ʻi he pōpoaki ʻoku ʻi aí ʻokú ne ueʻi ʻa e kakai hangē ha sipí ke nau papitaiso. [7, uw p. 32 pal. 7]
34. Neongo ʻokú ke ngāue fakataha nai mo e kau taʻe tuí pe ako fakataha mo kinautolu ʻi he ʻapi akó, ʻokú ke fakahāhā ʻoku ʻikai te ke fili ke feohi mo kinautolú ʻaki hoʻo fakaʻehiʻehi mei he feohi kotoa pē mo kinautolu ʻoku ʻikai mātuʻaki pau ke fai. [13, uw p. 44 pal. 13]
35. ʻOku mātuʻaki mahuʻinga ke tau fakaʻehiʻehi mei he anga ʻo e fakakaukau fakaemāmaní ʻa ia ʻokú ne tākiekina ʻa e kakaí ke nau tui ʻoku fakamasivaʻi kinautolu ʻo kapau ʻoku ʻikai malava ke nau fokotuʻutuʻu ʻenau ngaahi tuʻunga pē ʻanautolu ʻi he moʻuí. [14, uw p. 46 pal. 1]