Ngaahi Fakataha Ngāue ki ʻOkatopa

Uike Kamata ʻOkatopa 3

Hiva 129

10 min: Ngaahi fanongonongo fakalotofonua mo e ngaahi Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamanatu ki he tokotaha kotoa ke nau haʻu mo ʻenau tatau ʻo e polosiua ko e ʻI he Mate ha Taha ʻOkú Ke ʻOfa Ai ki he Fakataha Ngāue hono hokó.

17 min: “Ko e Taimí ʻEni.” Fehuʻi mo e tali. Fakakau ki ai mo e fakamatala ʻi he kaveinga tokoni ko e “Fetuli ki he Ngaahi Taumuʻa Fakalaumālie” ʻi he peesi 5 ʻo e Ko ʻEtau Ngāue Fakafaifekau ʻo e Puleʻanga ʻo Nōvema 1993.

18 min: “Ke Tokanga ki he Makasiní ʻi ʻOkatopa.” Fetalanoaʻaki mo e kau fanongó. ʻAi mo ha ongo fakahāhā ʻosi teuteuʻi lelei ʻe ua ke fakahā ʻa e founga ke ngāueʻaki ai ʻa e ngaahi makasiní ki hono kamata ha fetalanoaʻaki. Fakamamafaʻi ʻa e mahuʻinga ʻo hono tuʻuaki atu ʻo e ngaahi makasiní ʻi he matapā kotoa ʻaki ʻa e taumuʻa ke kamata mo tauhi maʻu ha tufaʻanga makasini pau.

Hiva 212 mo e lotu tuku.

Uike Kamata ʻOkatopa 10

Hiva 120

10 min: Ngaahi fanongonongo fakalotofonua. Fakamatala paʻanga mo e ngaahi fakamālō ki ha tokoni kuo fai.

20 min: “Ngaahi Mātuʻa​—Hoko ko e Poupou!” Ko ha malanga ke fai ʻe ha taha ʻo e kau mātuʻá ʻo makatuʻunga ʻi he ʻuluaki kupu ʻe tolu ʻi he Awake! ʻo ʻAokosi 8, 1994. ʻAi ke kaunga fakalotofonua ʻa e fakamatalá. Fakaʻekeʻeke taimi nounou ha taha ʻo e ongo mātuʻa ʻa ia naʻá ne talanoa mo ha taha ʻo e kau faiakó pe ko ha kau ngāue ʻi he ʻapiakó. Fakamamafaʻi ʻa e founga ʻoku lava ke hoko ai ʻa e ngaahi mātuʻá ʻo poupou ki heʻenau fānaú.

15 min: “Ko Hono Ngāue-ola-lelei ʻaki ʻa e Polosiua Foʻoú.” Fetalanoaʻaki ʻi he kupú ni mo e kau fanongó. Fakaeʻa ʻa e ngaahi konga ʻo e polosiuá, pea fai ha ngaahi fokotuʻu ʻo fakahāhā ai ʻa e founga ʻoku lava ke ngāueʻaki ai ia ki hono fakafiemālieʻi ha tokotaha loto-mamahi.

Hiva 107 mo e lotu tuku.

Uike Kamata ʻOkatopa 17

Hiva 123

10 min: Ngaahi fanongonongo fakalotofonua. Ongoongo Fakateokalati.

15 min: ʻOua Te Tau Foʻi ʻi Hono Fai ʻa e Meʻa ʻOku Leleí. Ko ha malanga ke fai ʻe ha taha ʻo e kau mātuʻá. ʻOku malava ʻe he ongosia fakalaumālié ke ne ʻai ke hōloa ʻetau fiefia mo e faivelenga ʻi he ngāue ʻa Sihová. Lave ki ha ngaahi founga ʻe niʻihi ke toe fakafoʻou ai ʻetau mālohi fakalaumālié ʻo ngāueʻaki ʻa e ngaahi fokotuʻu naʻe fai mai ʻi he Watchtower ʻo Sanuali 15, 1986 peesi 19 (puha). Fakamamafaʻi ʻa e poupou ʻaufuatō ki he ngaahi ngāue ʻa e fakatahaʻangá.

20 min: “Tokoni Anga-ʻOfa Kiate Kinautolu ʻOku Fie Fanongó.” Fetalanoaʻaki mo e kau fanongó. Fokotuʻutuʻu ha fakahāhā ʻe ua ʻo ngāueʻaki ʻa e ngaahi founga malanga ʻoku fokotuʻu maí. Fakamatalaʻi ʻa e meʻa ʻoku fakahinohinoʻi mai ʻi he fekauʻaki mo hono tuʻuaki atu ʻo e ngaahi tukuhaú. ʻOku faʻa lelei taha ke tatali kaeʻoua kuó ke fai ha toe ʻaʻahi ʻe taha pe lahi ange. ʻOku totonu ke ʻi ai ha fakamoʻoni ʻo e fie fanongo moʻoní. Kamata ʻaki ʻa e tukuhau māhina ʻe onó. Kapau ʻoku kei ʻi ai ha veiveiua fekauʻaki mo e fie fanongó, ʻoange pē ʻa e ngaahi makasiní ki ai kaeʻoua kuo hā mai haʻane mahuʻingaʻia papau ange.

Hiva 151 mo e lotu tuku.

Uike Kamata ʻOkatopa 24

Hiva 143

12 min: Ngaahi fanongonongo fakalotofonua.

15 min: ʻOku ʻI Ai Haʻo ʻOta Pau? Ko e makasini Taua Leʻo mo e Awake! ko e ongo tokoni tuʻu-ki-muʻa ia ki hono fakamafola atu ʻa e pōpoaki fekauʻaki mo e Puleʻangá. ʻOku totonu ke tau tuʻuaki atu kinaua ʻi he faingamālie kotoa pē. ʻI he ʻEtau Ngāue Fakafaifekau ʻo e Puleʻanga ʻo Maʻasi 1984 naʻe fokotuʻu atu ai ko e tokotaha malanga taki taha ke ʻi ai “haʻane ʻota makasini pau . . . ko ha fika pau ʻo e ngaahi tatau ʻi he makasini taki taha.” He ka ʻikai ia te tau ʻilo nai ʻoku ʻikai te tau maʻu ʻa e ngaahi tatau fakamuimui taha ke tuʻuaki atú pea kuo tau fakafalala pē ki hono ngāueʻaki ʻa e ngaahi tulekí pe ngaahi polosiuá. ʻE lelei ki he mēmipa ʻo e fāmili taki taha ke ʻi ai haʻane ʻota pau. Fokotuʻu ʻa e ngaahi ʻota makasiní ʻi he kānitá. Fakapapauʻi ke ʻave ʻa e ngaahi makasiní ʻi he uike taki taha. ʻI he founga fakapotopoto, fakahā ki he tokotaha ʻapí ʻoku tau tali lelei ha kiʻi tokoni fakasēniti ki heʻetau ngāue ʻi māmani lahí; fakapapauʻi ʻoku ʻave ia ki he puha totonu ʻi he Kingdom Hall. Lave ki he ngaahi ʻaonga ʻoku maʻu ʻi hono maʻu ha ʻota pau.

18 min: “Fuofua Kumi ki he Puleʻanga ʻo e ʻOtuá​—ʻAki Hono ʻOatu Maʻu Pē ʻa e Ngaahi Feilaulau ʻo e Fakafetaʻi.” Fehuʻi mo e tali. Lave ki he ngaahi kolo ʻaonga ʻe niʻihi ʻe lava ke tau feinga fakafoʻituitui ki ai. Fakamatala ki he ngaahi founga ʻe lava nai ai ke tau tokoni ki ha niʻihi kehe ke nau fai ha meʻa lahi ange.

Hiva 172 mo e lotu tuku.

Uike Kamata ʻOkatopa 31

Hiva 163

12 min: Ngaahi fanongonongo fakalotofonua. ʻI he fekauʻaki mo e ngaahi ʻaho mālōlō ʻi Nōvema mo Tīsemá, fakalototoʻaʻi kotoa ke fakakaukau ʻo fekauʻaki mo e hoko ko e kau tāimuʻa tokoni. Fai ha ngaahi fokotuʻu ʻe niʻihi ʻo kau ki he founga ʻe lava ke tau maʻu nai ai ha taimi feʻunga ke fai ai ia.

15 min: Ngaahi fiemaʻu fakalotofonua. Pe ko ha malanga ke fai ʻe ha taha ʻo e kau mātuʻá ʻi he kupu “ʻE Lava Ke Ke Ngāueʻaki ʻa e Anga-Kātakí?” ʻi he Watchtower ʻo Mē 15, 1994, peesi 21-23.

18 min: Tuʻuaki atu ʻi Nōvema ʻa e polosiua ko e ʻI he Mate ha Taha ʻOkú Ke ʻOfa Ai. ʻI he hili ʻa hono fakaeʻa ʻa e ngaahi konga ʻo e polosiuá ʻa ia ʻe lava ke fakahāhā ʻi he ngāue fakamalangá, fokotuʻutuʻu ki ha tokotaha malanga taukei ke ne fakahāhā ʻa e founga ʻe lava ke tuʻuaki atu ai ʻi he feituʻu fakalotofonuá ʻa e polosiua ko e ʻI he Mate ha Taha ʻOkú Ke ʻOfa Ai.

Hiva 135 mo e lotu tuku.