Ngaahi Fakataha Ngāue ki Sanuali

Uike Kamata Sanuali 1

Hiva 133

7 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

13 min: “Malanga mo ʻIloʻilo.” Fetalanoaʻaki ki he ngaahi poini tefito, pea ʻai ke fakahāhā ha fetalanoaʻaki ʻe taha pe ua. ʻAi ke ʻilo ʻe he fakatahaʻangá pe ko e hā ʻa e ngaahi tohi motuʻa ʻoku ʻi he sitoká he taimi ní.

25 min: “Fakataha-Lahi Fakavahe 1995-1996 ‘Kau Fakahīkihiki Fiefia.’” Fehuʻi mo e tali ʻi he palakalafi 1-23. Fakamanatu “Ngaahi Fakamanatu Fekauʻaki mo e Fakataha-Lahi Fakavahé.” ʻI he faingamālie ʻa e taimí, fakamanatu ʻa e ngaahi fakaikiiki mei hono “Fakafaingofuaʻi Fakataha Fakavahe 1995,” ʻa ia naʻe hā ʻi he Ngāue Fakafaifekau ʻo e Puleʻanga ʻo Fepueli 1995.

Hiva 135 mo e lotu tuku.

Uike Kamata Sanuali 8

Hiva 51

10 min: Ngaahi fanongonongo fakalotofonua. Fakamatala paʻanga. Fai hano fakaongoongoleleiʻi feʻungamālie ki hono poupouʻi fakapaʻanga ʻo e ngāue ʻi māmani lahí mo e fakalotofonuá ʻi hono ʻai ke malangaʻi ʻa e ongoongo leleí.

15 min: Ko e ʻAonga ʻo e Maluʻi ʻo e Kaati Advance Medical Directive/Release. Fetalanoaʻaki ha mātuʻa mo e fakatahaʻangá ʻa e mahuʻinga ki he tokotaha taki taha ke fakafonu fakalelei ʻa e kaati Advance Medical Directive/Release pea toʻo ia ʻi he taimi kotoa pē pea mo e fiemaʻu ki he fānaú ke nau toʻo holo maʻu pē ʻa e Identity Card. Hangē ko ia ʻoku fokotuʻu mai ʻi he ʻuluʻitohi ʻo e kaatí, ʻoku tokonaki mai ai ʻa e fakatokanga ki muʻa ʻo e meʻa ʻoku fiemaʻu (pe ʻikai ke fiemaʻu) ki he tauhi fakafaitoʻó. Ko e hā hono ʻuhinga ʻoku fai ai ʻeni ʻi he taʻu taki taha? Ko e kaati lolotongá ʻoku fuʻu fakalotoʻi ange ia ʻi he taha kuo ngalingali motuʻa pe ʻikai ke kei hā mei ai ha tui pau ʻo ha taha. Ko e tohi fakamoʻoní ʻe lea maʻau ʻo kapau heʻikai te ke lava ʻo lea maʻa kita. ʻE tufa atu ʻa e ngaahi kaatí ʻi he poó ni. ʻOku totonu ke fakafonu fakalelei ia ʻi ʻapi, kae ʻoua ʻe fakamoʻoni ai. Hangē ko ia naʻe fai ʻi he taʻu ʻe ua fakamuimuí, ko e fakamoʻoni hingoa ki aí pehē mo ha taha ke fakamoʻoni ki aí ʻe fai ia ʻi he ngaahi feituʻu faiʻanga ʻo e Ako Tohi ʻa e Fakatahaʻangá, ʻi he malumalu ʻo e tokanga ʻa e kau faiako tohí. Ko e faʻahinga ʻoku nau fakamoʻoni hingoa ko e kau fakamoʻoní ʻoku totonu ke nau sio tonu ki he fakamoʻoni ʻa e tokotaha ʻoku ʻaʻana ʻa e tohi fakamoʻoní. ʻE fai ʻeni ʻi he ʻosi ʻa e ako tohi ʻi he lolotonga ʻo e uike ʻo Sanuali 15. (Sio ki he peesi 2 ʻo ʻEtau Ngāue Fakafaifekau ʻo e Puleʻanga ʻo Sanuali 1994 ki ha ngaahi fakaikiiki ʻo e founga ʻe fai aí. Sio foki ki he tohi ʻo ʻOkatopa 15, 1991.) Ko e kau malanga papitaiso kotoa pē ʻe lava ke nau fakafonu ʻa e kaati Advance Medical Directive/Release. Ko e kau malanga teʻeki ai ke papitaisó, ʻi heʻenau liliu ʻa e ngaahi meʻa ʻoku hā he kaatí ki honau tuʻungá mo ʻenau tuí, te nau saiʻia nai ke hiki pē ʻe kinautolu haʻanau fakahinohino. Ko e ngaahi mātuʻá ʻe lava ke nau tokoniʻi ʻenau fānau teʻeki ai ke papitaisó ke fakafonu ʻenau Identity Card.

20 min: “Hoko ko e Kau Fai ki Ai​—ʻIkai ko e Kau Fanongo Pē.” Fehuʻi mo e tali. Fakatatau ki he taimí, fetalanoaʻaki ki he mahuʻinga ʻo e talangofuá, ʻo makatuʻunga ʻi he tohi Insight, Voliume 2, peesi 521, palakalafi 1 mo e 2.

Hiva 123 mo e lotu tuku.

Uike Kamata Sanuali 15

Hiva 135

12 min: Ngaahi fanongonongo fakalotofonua. Fetalanoaʻaki nounou ki he tupulekina ʻa e palopalema ʻo e ʻikai-ʻi-ʻapí. Fakalototoʻaʻi ʻa e kau malangá ke nau ngāueʻaki ʻa e taimí ʻaki ʻenau tomuʻa fai ʻe kinautolu ha meʻa ʻi he feʻiloaki mo e kakai ʻoku nau fetaulaki ʻi he halá, tuʻu ʻi he hala ʻaluʻanga kakaí, pe nofo pē ʻi heʻenau ngaahi kaá.

15 min: “Lea ʻAki ʻa e Loto-Toʻa.” Malanga mo e fetalanoaʻaki ke fai ʻe ha mātuʻa. Fakamanatu ʻa e ngaahi fokotuʻutuʻu ʻo e ngāue fakamalanga ʻi he Sāpaté. Fai ha fakaongoongoleleiʻi ʻo e poupou leleí, pea tuʻuaki ʻa e ngaahi fokotuʻu ʻoku fiemaʻu ki he fakaleleiʻí.

18 min: Ngaahi fanongonongo fakalotofonua. Fetalanoaʻaki ʻi he “Ko Hono Maʻu ʻa e ʻAonga mei he Akoʻanga Fakafaifekau Fakateokalati ki he 1996​—Konga 1.” Fakamanatu ʻa e ngaahi fakahinohino naʻe tokonaki mai ki he ngaahi konga ʻo e kau akó ʻi he ngaahi fakahinohino ʻo e Akoʻanga Fakafaifekau Fakateokalatí, ʻa ia naʻe hā ʻi he ʻEtau Ngāue Fakafaifekau ʻo e Puleʻanga ʻo ʻOkatopa 1995.

Hiva 204 mo e lotu tuku.

Uike Kamata Sanuali 22

TOKANGA: ʻI he uiké ni ko e ngaahi fakatahaʻanga ʻi Tongá te nau maʻu ʻa e Fakataha-Lahi Fakavahe ko e “Kau Fakahīkihiki Fiefia” pea ʻe ʻikai ke ʻi ai ha Fakataha Ngāue. Ko ha fakamanatu miniti ʻe 30 ʻo hono fakaeʻa ʻa e ngaahi polokalamá ʻe fai ia ʻi he Fakataha Ngāue ʻo e uike hono hoko maí.

Uike Kamata Sanuali 29

Hiva 123

15 min: “Toe Foki ke Fakahaofi ha Niʻihi.” Fakamanatu ʻa e ngaahi tuʻuaki kuo fokotuʻu maí. Tuʻuaki ha kolo ke kamata ha ngaahi ako.

30 min: Fakamanatu ʻa e Polokalama Fakataha-Lahi Fakavahe “Kau Fakahīkihiki Fiefia.” Ko e fakamanatu ʻo e polokalama fakataha-lahi fakavahe ʻo e ʻaho taki taha ʻoku totonu ke vaheʻi ki muʻa ki he toko ua pe toko tolu ʻo e ngaahi tokoua taau ʻa ia te nau malava ke fakahanga ʻa e tokangá ki he ngaahi poini tuʻu-ki-muʻá. Ko e fakamanatu teuteuʻi lelei ko ʻení ʻe tokoni ki he fakatahaʻangá ke nau manatuʻi ʻa e ngaahi poini tefito ki heʻenau ngāueʻaki fakafoʻituituí pea ki hono ngāueʻaki ʻi he malaʻe malangá. Ko e ngaahi tali mei he kau fanongó pea tala atu ʻa e ngaahi meʻa naʻe hokó ʻoku totonu ke nounou pea fakahangatonu ki he poini tefitó.

Hiva 143 mo e lotu tuku.