Fanongonongo

◼ Tohi ke tuʻuaki ʻi Sanuali: Ko e ngaahi tohi iiki ko ʻení: Nofo ʻAmanaki ki he Maama Foʻou Maʻoniʻoni, ʻOku ʻI Ai Ha ʻOtua ʻOku Tokanga Mai?, “Vakai! ʻOku Ou Fakafoʻou ʻa e Meʻa Kotoa Pe.” Fepueli: Ko ha taha pē ʻo e ngaahi polosiua peesi ʻe 32. Maʻasi: Te Ke Malava ʻo Moʻui Taʻengata he Palataisi ʻi he Māmaní. ʻEpeleli: Ko e ngaahi tatau tāutaha ʻo e Taua Leʻo mo e Awake! fakatouʻosi. ʻI hono maʻu ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. FAKATOKANGA: Ko e ngaahi fakatahaʻanga kuo teʻeki ai ke nau kole ha ngaahi tohi ki he feingangāue ʻoku hā ʻi ʻolungá ʻoku totonu ke nau kole ʻi heʻenau Literature Request Form (S-14) fakamāhina hono hoko maí.

◼ ʻOku totonu ke fai ʻe he ngaahi fakatahaʻangá ha ngaahi fokotuʻutuʻu ʻe faingamālie ki hono kātoangaʻi ʻa e Fakamanatu ʻi he taʻu ní ʻi he Tūsite, ʻEpeleli 2, hili ʻa e tō ʻa e laʻaá. Neongo ʻoku lelei ange ke fai pē ʻe he fakatahaʻanga taki taha ʻa hono kātoangaʻi ʻo e Fakamanatú, ʻoku ʻikai nai ke faʻa malava maʻu pē ia. ʻI he faʻa ngāueʻaki ʻe he ngaahi fakatahaʻanga ʻe niʻihi ʻa e Fale Fakatahaʻanga tatau, mahalo pē ko ha fakatahaʻanga ʻe taha pe lahi ange ʻe lava ke nau ngāueʻaki ha fale kehe ʻi he efiafi ko iá. ʻOku totonu ke ʻoua ʻe kamata fuʻu tōmui ʻa e Fakamanatú he ʻe faingataʻa ia ki he faʻahinga mahuʻingaʻia foʻoú ke nau ʻi ai. Tānaki atu ki ai, ʻoku totonu ke ʻoua ʻe fuʻu ʻefiʻefi ʻa e taimi-tēpilé ʻo ʻikai ke ʻi ai ha taimi ki muʻa pe hili ʻa e kātoangá ke feʻiloaki ai mo e kau ʻaʻahí, fai ha fokotuʻutuʻu ke hokohoko atu hono fai ha tokoni fakalaumālie ki ha niʻihi, pe fiefia ʻi ha fefakalototoʻaʻaki. ʻI he hili hono fakakaukauʻi lelei ʻa e ngaahi meʻa kātoa, ko e kau mātuʻá ʻoku totonu ke nau fakapapauʻi ko e hā ʻa e ngaahi fokotuʻutuʻu ʻe tokoni lelei taha ki he faʻahinga te nau haʻu ki he Fakamanatú ke nau maʻu ʻa e ʻaonga kakato mei he kātoangá.

◼ Ko e malanga fakahāhā makehe ki he faʻahitaʻu Fakamanatu ʻo e 1996 ʻe fai ia ʻi he Sāpate, ʻEpeleli 21. Ko e kaveinga ʻo e malangá ko e “Tuʻumaʻu Taʻehalaia ʻi he Lotolotonga ʻo ha Toʻutangata Anga-Pikopiko.” ʻE toki tokonaki mai ʻa e ʻautilainé. Ko e ngaahi fakatahaʻanga ʻoku ʻaʻahi ki ai ʻa e ʻovasia fakafeituʻú, pea ko e maʻu ha ʻasemipilī fakafeituʻu, pe ko ha ʻaho ʻasemipilī makehe ʻi he fakaʻosinga ʻo e uike ko iá ʻe fai ʻa e malanga makehé ʻi he uike hono hoko maí. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi ʻEpeleli 21.

◼ Kamata ʻi Fepueli, pea ʻikai toe tōmui ange ʻi Maʻasi 3, ko e malanga fakahāhā foʻou ki he kau ʻovasia fakafeituʻú, “Ko ha Fakatahaʻanga Mateaki ʻi he Malumalu ʻo e Taki ʻa Kalaisí.”

◼ ʻI he kamataʻanga pē ʻo e taʻu 1996, ʻe ala maʻu fakakuata ai ʻi he lea faka-Haʻamoá ʻa e Awake!