Ngaahi Fakamanatu ki he Fakamanatú

Ko e ngaahi meʻa ʻoku hoko haké ʻoku fiemaʻu ke fai ha tokanga ki ai ki muʻa pea fai ʻa e kātoangaʻi ʻo e Fakamanatú ʻi he ʻaho Tūsite, ʻEpeleli 2:

◼ Ko e tokotaha kotoa pē, kau ai ʻa e tokotaha malangá, ʻoku totonu ke fakahā ki ai ʻa e feituʻu mo e taimi totonu ʻoku fai ai ʻa e kātoangá.

◼ Ko e mā mo e uaine feʻunga ʻoku totonu ke maʻu pea ʻai ke maau.​—Sio ki he Watchtower ʻo Fepueli 15, 1985, peesi 19.

◼ Ko ha tēpile feʻunga, ko ha meʻa ʻufiʻufi tēpile, ngaahi peleti, pea mo e ngaahi ipu sioʻata ʻoku totonu ke ʻomai ki muʻa ki he holó pea fokotuʻutuʻu maau ʻi hono tūkunga totonú.

◼ Ko e Fale Fakatahaʻangá pe ko ha feituʻu kehe pē ki he fakatahá ʻoku totonu ke fakamaʻa ke maʻa lelei ki muʻa he taimi ko iá.

◼ Ko e kau fakanofonofó pea mo e kau tufá ʻoku totonu ke filifili pea fakahinohino ki muʻa ʻo kau ki he ngaahi meʻa totonú pea mo honau ngaahi fatongiá.

◼ ʻOku totonu ke fai ha ngaahi fokotuʻutuʻu ke ʻoatu ʻa e maá mo e uainé ki ha faʻahinga ʻi he kau paní ʻoku faingataʻaʻia pea ʻikai lava mai ki aí.