Ngaahi Fakataha Ngāue ki Sune
Uike Kamata Sune 3
Hiva 14
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala ki he lipooti ngāue fakamalanga fakamāhina fakatouʻosi ʻa e fonuá mo e fakatahaʻanga fakalotofonuá.
15 min: “Faʻifaʻitaki ki Heʻenau Tuí.” Fehuʻi mo e tali. Fakamanatu ʻa e ngaahi fakamoʻoni ʻo e tuí, ʻoku fakamatalaʻi ʻi he puha ʻi he peesi 13 ʻo e Watchtower ʻo Sepitema 15, 1991. Fakaʻekeʻeke ha tokotaha malanga ʻe taha pe ua ke ʻilo pe ko e hā naʻá ne tokoniʻi kinaua ke tauhi maʻu ʻena ngāue tuʻumaʻu ki he Puleʻangá ʻi he ngaahi taʻu lahi.
20 min: “Fakamafola ʻa e ʻIlo ʻA Ia ʻOku Taki Atu ki he Moʻui Taʻengatá.” (Palakalafi 1-3) Fakamatalaʻi ʻa e palakalafi 1. (Fakakau ai ʻa e ngaahi fakamatala mei he Taua Leʻo ʻo Fepueli 1, 1996, peesi 11-12, palakalafi 11-12.) Fakamatalaʻi ko e founga foʻou ʻo e peesi fakamuimui ʻo ʻEtau Ngāue Fakafaifekau ʻo e Puleʻanga naʻe fokotuʻutuʻú ke tokoniʻi kitautolu ke tau mateuteu lelei ange ke fai ha ngaahi toe ʻaʻahi. Koeʻuhi ʻoku faʻa fakapotopoto ke fai ʻa e toe ʻaʻahí ʻi loto ʻi ha ʻaho ʻe taha pe ua, ʻo ʻikai tatali fuoloa angé, te tau fakakaukau ki he ngaahi tuʻuaki ʻoku fokotuʻu mai fakatouʻosi ki he ʻaʻahi fale-ki-he-falé pea mo e toe ʻaʻahí ʻi he Fakataha Ngāue tatau. Fakamanatu nounou ʻa e palakalafi 2 mo e 3, hoko atu ai mo hono fakahāhaaʻi taki taha. Ko e ʻuluaki tuʻuakí ʻoku totonu ke fakakau atu ki ai ha fakamatala nounou ʻo e founga ʻe lava ke fai ai ha tokoni loto-fiefoaki ki he ngāue ʻi māmani lahí. Ko e toenga ʻo e ngaahi tuʻuaki ʻi he kupú ʻe fakamatalaʻi ia ʻi he ongo Fakataha Ngāue hoko maí.
Hiva 143 mo e lotu tuku.
Uike Kamata Sune 10
Hiva 162
7 min: Ngaahi fanongonongo fakalotofonua. Fakamatala paʻanga.
8 min: Akoʻi ʻa e Fānaú ʻi he Ngāue Fakamalangá. Ko ha malanga ke fai ʻe ha mātuʻa. Mei he taʻu iikí pē, ʻoku totonu ke longomoʻui ʻa ʻetau fānaú fakataha mo kitautolu ʻi he ngāue fakamalangá. Ko e ako mo e taukei ʻoku nau maʻú ʻe tokonaki ai ha makatuʻunga fefeka ki heʻenau tui mo e faivelenga ʻi he ngaahi taʻu ʻamuí. ʻOku mahuʻinga ʻenau houngaʻia ʻi he fiemaʻu ke fakamātoatoʻi ʻa e ngāue fakafaifekaú mo nau ʻulungaanga lelei. Ko e fānaú kuo pau ke nau fakaʻehiʻehi mei he ʻulungaanga makaká; he ko e ngāue fakamalangá ʻoku ʻikai ko ha taimi ia ki ha vaʻinga. ʻOku lelei ange kiate kinautolu ke nau ngāue mo e kakai lalahí. ʻOku totonu ke tokoniʻi kinautolu ke nau kau ʻi hono fai ʻo e ngaahi tuʻuakí ʻo fakatatau ki heʻenau ngaahi malavá. (Sio ki he Taua Leʻo ʻo Maʻasi 1, 1989, peesi 15, palakalafi 20.) ʻOku fakafatongiaʻaki ʻa e ngaahi mātuʻá ke tokonaki ʻa hono tokangaʻí; ʻoku totonu ke ʻoua te nau ʻoatu ʻa e fānaú ki he ngaahi fakataha ki he ngāue fakamalangá ʻo ʻikai ke ō mo ha taha lahi ke tokangaʻi kinautolu. Fakaongoongoleleiʻi ʻa e fānaú ʻi he taimi ʻoku nau fai lelei aí.
10 min: “Fakamafola ʻa e ʻIlo ʻA Ia ʻOku Taki Atu ki he Moʻui Taʻengatá.” (Palakalafi 4-5) ʻI he hili ha talateu nounou, fakahāhaaʻi ʻa e ngaahi tuʻuaki ki he ʻuluaki ʻaʻahí mo e toe ʻaʻahi ʻi he palakalafi 4 mo e 5. Fakalototoʻaʻi ʻa e kau malangá ke nau toe foki vave ki he ngaahi tohi kotoa ko ia ko e ʻIlo naʻe tufá.
20 min: “Founga ke Ngaohi Ākonga ʻAki Ai ʻa e Tohi ko e ʻIlo.” ʻAi ke nounou ʻa e fakamatala kamatá ʻo makatuʻunga ʻi he palakalafi 1-2. Fai ʻa e fehuʻi mo e tali ʻi he palakalafi 3-11. Fakamatalaʻi ko e toenga ʻo e fakalahí ʻe fai ha vakai ki ai ʻi he Ngaahi Fakataha Ngāue ʻi Siulai mo ʻAokosí. Fakalototoʻaʻi kotoa ke tauhi ʻa e fakalahí.
Hiva 151 mo e lotu tuku.
Uike Kamata Sune 17
Hiva 157
10 min: Ngaahi fanongonongo fakalotofonua. Puha Fehuʻi.
15 min: “Ko e Ngaahi Fetalanoaʻaki Anga-Fakakaumeʻá ʻe Lava ke Aʻu ki he Lotó.” Fehuʻi mo e tali. Fakaafeʻi ha tokotaha malanga ʻe taha pe ua ke na lave ki he ngaahi meʻa naʻe hokosia fakalototoʻa ʻo hā ai ʻa e founga naʻá na maʻu ai ha tali lelei ʻaki hono fai ha fakaofiofi anga-fakakaumeʻa.
20 min: “Fakamafola ʻa e ʻIlo ʻA Ia ʻOku Taki Atu ki he Moʻui Taʻengatá.” (Palakalafi 6-7) Fakamamafaʻi ʻa e ngaahi taumuʻa ʻi hono fai ha toe ʻaʻahi: Fakatupulekina ha mahuʻingaʻia, kamata ha ako, fai ha ngaahi fokotuʻutuʻu pau ke toe foki. ʻI he hili hono fakamanatu nounou ʻa e ongo tuʻuaki ʻi he palakalafi 6 mo e 7, ʻai ke fakahāhaaʻi taha taha, ʻo fakahaaʻi ai ʻa e founga ke kamata ha ako. Lau ʻa e palakalafi 17 ʻi he peesi 13 ʻi he Taua Leʻo ʻo Fepueli 1, 1996.
Hiva 130 mo e lotu tuku.
Uike Kamata Sune 24
Hiva 133
10 min: Ngaahi fanongonongo fakalotofonua. Palani ha ngaahi fokotuʻutuʻu makehe ki he ngāue fakamalangá ki Siulai 4.
15 min: Ngaahi fiemaʻu fakalotofonua. (Pe fai ha malanga ʻi he “Ko Hono Tofa Totonu ʻa e Folofola ʻo e Moʻoní,” fakatuʻunga ʻi he Watchtower ʻo Sanuali 1, 1996, peesi 29-31.)
20 min: “Tokoniʻi Kinautolu ke Toe Ngāue.” Malanga mo e fetalanoaʻaki ke fai ʻe ha mātuʻa. Fokotuʻu ke ngāueʻaki ʻa e Watchtower ʻo ʻAokosi 1, 1992, ʻi he kaveinga ko e “Foki Mai Kiate Au, pea Te u Foki Atu Kiate Kimoutolu” ke fakalototoʻaʻi ʻa e faʻahinga ʻoku ʻikai longomoʻuí. Lave ki ha ngaahi poini tefito ʻe niʻihi.
Hiva 151 mo e lotu tuku.