Ngaahi Fakataha Ngāue ki ʻOkatopa
Uike Kamata ʻOkatopa 7
Hiva 48
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala ki he līpooti ngāue fakamalanga ʻo Siulaí ki he fonuá mo e fakatahaʻanga ʻi he koló.
15 min: Puha Fehuʻi. Fetalanoaʻaki ʻi he fakamatalá mo e kau fanongó ke fai ʻe he ʻovasia ngāué pe ha tokotaha mātuʻa taau kehe.
20 min: “Teuteu Hoʻo Tuʻuaki Pē ʻAʻau ki he Makasiní.” (Palakalafi 1-7) ʻEke ha ngaahi fehuʻi ʻi he palakalafi 1-4, pea ʻai foki ha fakahāhā nounou ʻe ua pe tolu ke fakahā ai ʻa e tuʻuaki ʻo e ngaahi makasini lolotongá, ʻo ngāueʻaki ʻa e ngaahi fokotuʻu ʻi he palakalafi 5-7. Fakakau atu ki ai ʻa e ngaahi fakamatala mei he Watchtower ʻo Maʻasi 1, 1987, peesi 17, palakalafi 8-9.
Hiva 222 mo e lotu tuku.
Uike Kamata ʻOkatopa 14
Hiva 56
10 min: Ngaahi fanongonongo fakalotofonua. Fakamatala paʻangá.
15 min: “Fanongonongo ʻa e Ongoongo Lelei ʻo e Meʻa Lelei Ange.” Fehuʻi mo e tali. Lave ki ha ngaahi kupu ʻuhinga lelei ʻa ia ʻoku maʻu ʻi he Taua Leʻo.—Sio ki he Watchtower ʻo Maʻasi 1, 1987, peesi 13.
20 min: “Teuteu Hoʻo Tuʻuaki Pē ʻAʻau ki he Makasiní.” (Palakalafi 8-11) Fehuʻi mo e tali. Fakakau atu ki ai ʻa e ngaahi fakamatala ʻo e ngaahi fokotuʻu ʻe fā ʻi he Taua Leʻo ʻo Mē 1, 1994, peesi 20-21, palakalafi 18-21. Ko hono ngāueʻaki ʻa e ngaahi tatau ʻo e ngaahi makasini ʻo ʻOkatopá, ʻoku hā ai ʻa e founga ke teuteu ai ha tuʻuaki: (1) Filifili ha kupu ʻa ia ʻe hā ngalingali ʻe tohoakiʻi ai ʻa e mahuʻingaʻia ʻi ho feituʻú, (2) vakaiʻi ha poini mahuʻinga ke fakaeʻa, (3) fakakaukau ki ha fehuʻi ʻe lava ke ngāueʻaki nai ke tohoakiʻi ʻa e tokangá ki he poini ko iá, (4) fili ha konga Tohitapu ke lau kapau ʻoku ʻi ai ha faingamālie, pea (5) teuteu hoʻo ngaahi lea kamatá, pea mo e meʻa te ke leaʻaki ʻo fekauʻaki mo e makasiní ke ke fakalototoʻaʻi ʻa e tokotaha-ʻapí ke ne tali ia. ʻAi ha tokotaha malanga taukei ʻe toko ua pe tolu ke taki taha fakahāhā ʻa e tuʻuakí. Fakakau atu ki ai ha tokotaha kei talavou ʻokú ne fakahāhā ha tuʻuaki faingofua ʻo e makasiní. ʻOku totonu ke nau lave ki he ngaahi tokoni ʻe tali lelei ki heʻetau ngāue ʻi māmani lahí.
Hiva 113 mo e lotu tuku.
Uike Kamata ʻOkatopa 21
Hiva 107
15 min: Ngaahi fanongonongo fakalotofonua. Fakamatala ki he founga ke kamata ai ha tufaʻanga makasini pau: (1) Hikiʻi ʻa e tohi kotoa pē naʻe tufá pea mo e kupu naʻe fakaeʻá, (2) fokotuʻutuʻu ke toe foki mo e ngaahi tatau hono hokó, pea (3) fokotuʻu ha taimi pau ʻi hoʻo taimi-tēpile ngāue fakauiké ke fai ai ʻa e ngaahi toe ʻaʻahí ni. Tuʻuaki ʻa e ngaahi tukuhau ki he māhina ʻe onó ʻo ka maʻu ha mahuʻingaʻia, pea manatuʻi ke līpooti ʻa e toe ʻaʻahi ki ha tufaʻanga makasini pau taki taha ko ha toe ʻaʻahi.
15 min: “Ngāueʻi Fakaʻāuliliki Ho Feituʻú.” Fetalanoaʻaki ʻi he kupú pea mo e ngaahi fokotuʻutuʻu fakalotofonua ki hono ngāueʻi ʻa e feituʻu fakapisinisí. Fakaafeʻi ʻa e kau fanongó ke lave ki he ngaahi meʻa fakalototoʻa naʻe hokosia ʻi he taimi naʻa nau ngāue ai ʻi he ngaahi falekoloa ʻoku ʻi honau feituʻú.
15 min: Ngaahi fiemaʻu fakalotofonua. Pe malanga ke fai ʻe ha tokotaha mātuʻa ʻi he kupu “Tauhi Maʻu ke Mālohi Hoʻo Tuipaú ʻo Aʻu ki he Ngataʻangá,” mei he Watchtower ʻo Mē 1, 1996, peesi 21-24.
Hiva 51 mo e lotu tuku.
Uike Kamata ʻOkatopa 28
Hiva 27
10 min: Ngaahi fanongonongo fakalotofonua. Fakalototoʻaʻi kotoa ke fakakaukau fekauʻaki mo e taumuʻa ke kau ai ki he tāimuʻa tokoní. Kole kiate kinautolu kotoa ke ʻomai ʻa e ngaahi līpooti ngāue fakamalanga ʻo ʻOkatopá ʻi he fakaʻosinga ʻo e uike ní.
20 min: “Founga ʻo e Lamalama ke Ngāueʻaki ʻa e Faingamālié.” Fehuʻi mo e tali. Fakakau ki ai mo e ngaahi fakamatala mei he Watchtower ʻo Tīsema 1, 1989, peesi 16-17, palakalafi 7-11.
15 min: Fakamanatu ʻa e Tohi ke Tuʻuaki ʻi Nōvemá. ʻE tuʻuaki ʻa e tohi ko e ʻIlo, pea ʻe fai ha feinga makehe ke toe foki ki he ngaahi tohi kotoa naʻe tukú, mo ha taumuʻa ke kamata ha ngaahi ako Tohitapu ʻi ʻapi. Fetalanoaʻaki ʻa e kau malanga taau ʻe toko ua pe toko tolu ki he mahuʻinga ʻo e tohí pea mo e founga ke ngāueʻaki aí. Ko e fakamatala ʻoku ʻi aí ʻoku ueʻi ai ʻa e moʻui ʻa e kakaí ʻi he ngaahi tafaʻaki kotoa ʻo e moʻuí. ʻOkú ne mākupusi ʻa e ngaahi kaveinga faka-Tohitapu tefito mo e ngaahi tefitoʻi moʻoni ʻoku fiemaʻu ke mahino ki he faʻahinga foʻoú ki muʻa ke nau papitaisó. Kapau te tau tauhi maʻu ʻa e akó ke hokohoko atu ʻi ha tuʻunga vave lelei, ʻe lava ke fakalakalaka vave ʻa e tokotaha akó. Fetalanoaʻaki pea fakahāhaaʻi ʻa e founga ke kamata ai ha ako ʻaki hono ngāueʻaki ʻa e fetuʻutaki fakahangatonú: Fakamanatu ʻa e fakatātā mo e fakamatala ʻo e fakatātaá ʻi he peesi 4-5; fakamatalaʻi ʻetau founga fai ʻo e akó; fakamatalaʻi nounou ʻa e ʻuluaki palakalafi ʻe nima ʻi he vahe 1; fai ha fokotuʻutuʻu ke toe foki atu ʻamui ange pea hokohoko atu ʻa e fetalanoaʻakí, ʻo tali ʻa e fehuʻi, Ko e moʻui taʻengatá ko ha misi pē? Fakamamafaʻi ʻa e fiefia ʻoku maʻu fakataha mo e monū ʻo hono fai ha ako Tohitapu ʻi ʻapi.
Hiva 162 mo e lotu tuku.