Ngaahi Fakataha Ngāue ki Fepueli
Uike Kamata Fepueli 3
Hiva 27
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Kau ʻi he Ngāue Ko Ia ʻE ʻIkai ʻAupito ke Toe Faí.” Fehuʻi mo e tali. Fakatatau ki he taimí, fakakau atu ki ai ʻa e ngaahi poini mei he “Hanganaki Leʻo—Anga-Fēfē?” ʻi he peesi 714-715 ʻi he tohi ko e Proclaimers.
20 min: “Tuʻuaki ʻa e Ongoongo Leleí ʻo Ngāueʻaki ʻa e Tohi Moʻui Fakafāmilí.” (Palakalafi 1-5) ʻI he hili ha fakamatala nounou ʻi he palakalafi 1, ʻe fetalanoaʻaki ʻa e tokotaha seá mo e kau malanga ʻe toko ua pe toko tolu ʻi he palakalafi 2-5. ʻOku nau fakamanatu nounou ʻa e ngaahi tuʻuaki ʻoku fokotuʻu maí pea fakamatala ki he ʻuhinga ʻe hoko ʻo ola lelei nai ai ʻi he feituʻu fakalotofonuá ʻa e ngaahi tuʻuaki ko ʻení pe meimei tatau mo ia. ʻE taufetongi ʻa e kau malangá ʻi hono fai ʻa e ngaahi tuʻuakí. ʻE fai leva ʻe he tokotaha seá ha fakaongoongoleleiʻi, fokotuʻu atu ha ngaahi founga ke ʻai ai ʻa e ngaahi tuʻuakí ke ola lelei ange, pea ʻoatu ha ngaahi fakamanatu ki he fiemaʻu ke lave ki he fokotuʻutuʻu ki hono fai ha tokoní. Pea ʻeke leva ki he kau fanongó fekauʻaki mo ha ngaahi founga hono fai ha ngaahi ako naʻe fakataumuʻa ki ai. ʻOatu ha ngaahi fakakaukau pau ki he founga ʻe faai atu ai ʻo kamata ha ako ʻi he tohi ko e ʻIlo.
Hiva 172 mo e lotu tuku.
Uike Kamata Fepueli 10
Hiva 56
5 min: Ngaahi fanongonongo fakalotofonua. Fakamatala paʻangá.
10 min: “Tuʻuaki ʻa e Ongoongo Leleí ʻo Ngāueʻaki ʻa e Tohi Moʻui Fakafāmilí.” (Palakalafi 6-8) Fakamatalaʻi nounou ʻa e ngaahi ʻuhinga ki he movete ʻa e fāmilí ʻi he sōsaieti ʻo onopooní. (Sio ki he Taua Leʻo ʻo Sune 1, 1993, peesi 4-7.) Fakahāhaaʻi ʻa e ongo tuʻuaki ʻi he palakalafi 6-7. Fakamamafaʻi ʻa e fiemaʻu ke fai ha toe ʻaʻahi ki he mahuʻingaʻia ʻoku hā mai.
30 min: “Fiemaʻu—Kau Tāimuʻa Tokoni ʻe Toko 100.” Fehuʻi mo e tali ke fai ʻe he ʻovasia ngāué. Fakamatalaʻi ʻa e puha ʻi he peesi 3. Fakamanatu ʻa e fakatātā ʻo e ngaahi taimi-tēpile ʻi he peesi 6. ʻOku taau ki he tokotaha malanga ʻosi papitaiso taki taha ke fakakaukau fakafoʻituitui pea mo faʻa lotu ke sio pe ʻe malava ke kau ʻi he māhina ʻe taha pe lahi ange. ʻE lava ʻe he kau malanga teʻeki papitaisó ʻo fakalahi ʻenau kau ki he ngāue fakafaifekaú ʻaki hono fokotuʻutuʻu haʻanau kolo fakatāutaha ʻo e ngaahi houa ʻi he māhina taki taha.
Hiva 151 mo e lotu tuku.
Uike Kamata Fepueli 17
Hiva 163
10 min: Ngaahi fanongonongo fakalotofonua. Lave ki ha ngaahi poini fakatupunga talanoa ʻi he ngaahi makasini lolotongá ʻe lava ke ngāueʻaki ʻi he ngāue ki he uike ní.
13 min: “Ko e Fakamanatú—Ko ha Meʻa ʻOku Mātuʻaki Mahuʻinga!” Fehuʻi mo e tali. Fai ha fakalototoʻa ke ʻai ʻa e māhina fakakātoa ko Maʻasí ke makehe ʻaki ʻa e kau ki he ngāue tāimuʻa tokoní. Fakamatalaʻi ʻa hono ngāueʻaki ʻa e ngaahi tohi fakaafe ʻo e fakamanatú.
22 min: Ko Hono Kamata ha Ngaahi Ako Tohitapu. ʻI he ngaahi māhina ki mui ní, naʻe laui afe ʻa e ngaahi tohi lalahi naʻe tufá. ʻOku fakatoka ai heni ha makatuʻunga ki hono kamata ha ngaahi ako Tohitapu lahi ange. Vakaiʻi ʻa e meʻa naʻe lavaʻi ʻi ho feituʻú ʻi hono tufa ha ngaahi tohi lalahi mo e ngaahi tohi kehe. Fakalototoʻaʻi ʻa e kau malangá ke toe foki ki he mahuʻingaʻia kotoa pē. ʻAi ha kau malanga ʻe niʻihi ke nau lave tautefito ki ha feinga pau naʻe fiemaʻu ʻi heʻenau tafaʻakí kae lava ke kamata ha ngaahi ako Tohitapu foʻou. Fakamamafaʻi ko e tafaʻaki mahuʻinga ʻo ʻetau ngāué ko e ngaohi ākonga. (Mt. 28:19, 20) ʻE lava ke fakahoko ola lelei ʻení kapau te tau feinga mālohi ke ngāueʻaki ʻa e ngaahi fokotuʻu ʻoku ʻomai ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996.
Hiva 212 mo e lotu tuku.
Uike Kamata Fepueli 24
Hiva 32
18 min: Ngaahi fanongonongo fakalotofonua. Fanongonongo ʻa e ngaahi hingoa ʻo e faʻahinga kotoa ʻoku nau tāimuʻa tokoni ʻi Maʻasí. Fakamatalaʻi ʻoku ʻikai ke fuʻu tōmui ʻa hono ʻoatu ha tohi kole. Fakalototoʻaʻi kotoa ke kau kakato ʻi he ngāue fakamalanga ʻi he Tokonaki, Maʻasi 1. Fakamatalaʻi ʻa e ngaahi fokotuʻutuʻu ʻoku lolotonga fai fakafeituʻu ki he ngaahi fakataha ki he ngāué he lolotonga ʻo e māhiná. Vakai fakalelei ki he Puha Fehuʻí.
12 min: “Fēfē Ho Ngaahi Kāingá?” Ko e husepāniti mo e uaifi ʻokú na fetalanoaʻaki fakataha ʻi he kupú pea fakakaukau ki he founga ke lea ai ki ha ngaahi kāinga taʻetui ʻo fekauʻaki mo e ongoongo leleí.—Sio ki he Watchtower ʻo Fepueli 15, 1990, peesi 25-27.
15 min: Fakamanatu ʻa e Tohi ke Tuʻuaki ʻi Maʻasí—ʻIlo ʻA Ia ʻOku Taki Atu ki he Moʻui Taʻengatá. Vakai ki he ngaahi meʻa ʻi loto he tohí, ʻi he peesi 3. Fakaafeʻi ʻa e kau fanongó ke nau fili ha ngaahi vahe ʻe lava ke ngāueʻaki ki ha tuʻuaki. Lave ki he puha tokoni fakaeako ʻoku hā ʻi he ngataʻanga ʻo e vahe taki taha. ʻAi ha tokotaha malanga taau ke ne fakahāhaaʻi ʻa e founga ke tuʻuaki ai ʻa e tohí. Fakamanatu ki he tokotaha kotoa ke ʻave haʻanau ngaahi tatau ke ngāueʻaki ʻi he fakaʻosinga ʻo e uike ko ʻení pea ke lave ki ha fokotuʻutuʻu ʻo hono fai ha tokoni ʻi he taimi ʻoku tufa ai kinautolú.
Hiva 48 mo e lotu tuku.