Ngaahi Fakataha Ngāue ki Maʻasi

Uike Kamata Maʻasi 3

Hiva 32

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi kotoa ke kamata leva hono fakaafeʻi ʻa e faʻahinga mahuʻingaʻiá ki he Fakamanatú ʻi Maʻasi 23. Fakaʻaliʻali ha tatau ʻo e tohi fakaafe ki he Fakamanatú, pea uki kotoa ke maʻu ha tatau pea ke kamata hono tufa kinautolú ʻi he uiké ni.

15 min: “Langa Hao Fale.” Fehuʻi mo e tali. Fakakau atu ki ai mo e ngaahi meʻa naʻe hokosia mei he 1995 Yearbook, peesi 228.

20 min: “Ngāue Lelei ʻAki ʻa e Tohi ko e ʻIlo.” (Palakalafi 1-5) Fakamatalaʻi ʻa e palakalafi 1. (Fakakau atu ki ai mo e ngaahi fakamatala mei he Taua Leʻo ʻo Fepueli 1, 1996, peesi 11-12, palakalafi 11-12.) ʻOku faʻa fakapotopoto maʻu pē ke fai ʻa e toe ʻaʻahí ʻi loto ʻi ha ʻaho ʻe taha pe ua, kaeʻoua ʻe tatali lōloá. ʻAi ha kau malanga taukei ke nau fakahāhaaʻi ʻa e ngaahi tuʻuaki ʻi he palakalafi 2-5. Fakalototoʻaʻi kotoa ke fai ha feinga makehe ke tufa ʻa e tohí ki ha ngaahi fāmili naʻa nau fakahā ha mahuʻingaʻia ki muʻa. Manatuʻi ke lave ki he fokotuʻutuʻu ki hono fai ʻa e tokoní.

Hiva 162 mo e lotu tuku.

Uike Kamata Maʻasi 10

Hiva 56

10 min: Ngaahi fanongonongo fakalotofonua. Fakamatala paʻangá. Fakamanatu ki he tokotaha kotoa pē ke muimui ʻi he lau Tohitapu ki he Fakamanatú ʻa ia kuo fakataimi-tēpileʻi ki Maʻasi 18-​23, hangē ko ia ʻoku ʻomai ʻi he Ko Hono Vakaiʻi Fakaʻaho ʻa e Tohitapú.

20 min: “Mou Hoko ko e Kau Fai Fakafetaʻi.” Fehuʻi mo e tali. ʻOku totonu ki he tokotaha kotoa pē ke ne fai ha feinga mālohi ke fakaafeʻi ʻa e kau ako Tohitapú, kau mahuʻingaʻiá, ngaahi mēmipa ʻo e fāmilí, pea mo ha faʻahinga pē ʻo e ngaahi tokouá mo e ngaahi tuofāfiné ʻa ia ʻoku ʻikai te nau feohi longomoʻui mo e fakatahaʻangá ke nau maʻu ʻa e Fakamanatú. Fakahāhaaʻi nounou ʻe ha tokotaha malanga ʻa hono fakaafeʻi ha tokotaha mahuʻingaʻia ki he Fakamanatú, ʻo ngāueʻaki ʻa e tohi fakaafe Fakamanatú. Tānaki atu ki ai mo e ngaahi fakamatala mei he Watchtower ʻo Siulai 1, 1988, peesi 11, palakalafi 16-​17. Fakalototoʻaʻi ʻa kinautolu kotoa te nau malava ke tāimuʻa tokoni ʻi ʻEpeleli mo Meé.

15 min: “Ngāue Lelei ʻAki ʻa e Tohi ko e ʻIlo.” (Palakalafi 6-7) ʻOatu ha ngaahi fokotuʻu ʻe niʻihi ʻo fakahā ai ʻa e founga ʻo hono tuʻuaki ʻa e tohi ko e ʻIlo ʻi he taimi ʻoku fai ai ʻa e faifakamoʻoni ʻikai ʻi he founga angamahení ʻi he ngāueʻangá, ʻi he akoʻangá, ʻi he paʻaké, pe ʻi he meʻalele uta pāsesé, pea pehē foki ʻi he taimi ʻoku fai ai ʻa e ʻaʻahi ki he ngaahi kāingá. ʻAi ha tokotaha malanga taukei ke ne fakahāhaaʻi ʻa e ngaahi tuʻuaki ʻi he palakalafi 6 mo e 7. Ko e fetalanoaʻaki ʻi he toe ʻaʻahí ʻoku totonu ke ne tokoniʻi ha tokotaha ke ne mahuʻingaʻia ʻi he founga ʻe lava ke ʻaonga ai kiate ia ha ako Tohitapu, pea feinga ke kamata ha ako ʻi he tohi ko e ʻIlo. Lau ʻa e palakalafi 17 ʻi he peesi 13 ʻi he Taua Leʻo ʻo Fepueli 1, 1996.

Hiva 130 mo e lotu tuku.

Uike Kamata Maʻasi 17

Hiva 162

15 min: Ngaahi fanongonongo fakalotofonua. Vakai ki he “Ngaahi Meʻa ke Manatuʻi ki he Fakamanatú,” pea fakamatalaʻi ʻa e ngaahi fokotuʻutuʻu ki he Fakamanatú. ʻOku totonu ki he tokotaha kotoa pē ke nau fai ʻa e ngaahi palani aofangatuku ke tokoniʻi ʻa e kau ako Tohitapú pea mo e faʻahinga mahuʻingaʻiá ke nau kau ki ai.

15 min: Ngaahi fiemaʻu fakalotofonua. Pe ko ha malanga ke fai ʻe ha tokotaha mātuʻa ʻi he kupu ko e “ʻOku Fiemaʻu Kiate Koe ke Ke Kole Fakamolemole?” mei he Watchtower ʻo Sepitema 15, 1996, pees 22-24.

15 min: Ngāue Lelei ʻAki ʻa e 1997 Yearbook of Jehovah’s Witnesses. Ko ha tamai ʻokú ne fakamanatu fakataha mo hono fāmilí ʻa e ngaahi meʻa ʻoku fakaeʻa ʻi he peesi 3-9. Fakahaaʻi ʻa e ʻuhinga ʻoku tau fiefia ai ke sio ki he fakalakalaka fakateokalati ʻoku hoko takatakai ʻi he māmaní. ʻE fakamatalaʻi ai ʻe ha tamai ʻa e founga te nau lava ai he lolotonga ʻa e taʻu ka hoko maí ke fakamoleki ha ngaahi miniti siʻi ʻi he taimi kai taki taha ke lau ʻa e ngaahi fakalakalaka ʻoku ʻomai ʻi he Yearbook pea pehē foki ki hono vakaiʻi ʻa e konga tohi ki he ʻaho kotoa pē.

Hiva 48 mo e lotu tuku.

Uike Kamata Maʻasi 24

Hiva 172

9 min: Ngaahi fanongonongo fakalotofonua. Fakamatalaʻi ʻoku ʻikai ke fuʻu tōmui ke ʻomai ha tohi kole ki he tāimuʻa tokoni ʻi ʻEpelelí. Fakamatalaʻi ʻa e toe ngaahi fokotuʻutuʻu kuo fai ki he ngaahi fakataha ki he ngāue fakamalangá he lolotonga ʻo e māhiná.

24 min: “Fai Mālohi ʻi Hono Fai ʻa e Ngaahi Toe ʻAʻahí.” (Palakalafi 1-​20) Fehuʻi mo e tali. Fakahāhaaʻi nounou ʻa e palakalafi 16.

12 min: Ko Hono Tokoniʻi ha Tokotaha Malanga Foʻou ke Kamata. Fakamanatu ʻa e palakalafi 19 ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996. Fakahāhaaʻi ʻa e founga ʻo hono teuteuʻi ʻe ha tokotaha malanga taukei ha tokotaha ako Tohitapu kuo toki tali ʻe he kau mātuʻá ke hoko ko ha tokotaha malanga teʻeki papitaiso. Te na fakamanatu fakataha ʻa e tohi Our Ministry, peesi 111, palakalafi 2. ʻE ʻohake ʻe he tokotaha malanga taukeí ha meʻa ʻe ngalingali te ne fetaulaki mo ia ʻi he taimi te ne kau ai ʻi he faifakamoʻoni ʻi he fale-ki-he-falé pea ʻoku ʻikai ke fiemaʻu ke lotosiʻi kapau ʻoku ʻikai talitali lelei ʻe ha tokolahi. ʻOku lave ʻa e tokotaha malangá ki ha meʻa naʻe hokosia fakalototoʻa ʻoku hā ai ʻa e fiefia ʻoku maʻu ʻi he taimi ʻoku tau maʻu ai ha tokotaha loto-moʻoni te ne fie fanongo. ʻOkú na teuteu fakataha ha tuʻuaki makasini faingofua mo nounou pea ʻahiʻahiʻi foki ia. Ko ha fakaongoongoleleiʻi fakalototoʻa ʻoku fai pea mo e ngaahi fokotuʻutuʻu pau ke kau fakataha ki he ngāue fakamalangá ʻi he uike ko ʻení.

Hiva 163 mo e lotu tuku.

Uike Kamata Maʻasi 31

Hiva 204

15 min: Ngaahi fanongonongo fakalotofonua. Fakaafeʻi kotoa ʻa e faʻahinga mahuʻingaʻiá ke haʻu ki he malanga makehe maʻá e kakaí ʻi ʻEpeleli 6. Fakamanatu ki he tokotaha kotoa pē ke ʻomai ʻenau līpooti ngāue fakamalanga ki Maʻasí. Fanongonongo ʻa e ngaahi hingoa ʻo e faʻahinga kotoa ʻoku nau tāimuʻa tokoni ʻi ʻEpelelí. Fakamanatu ʻa e Puha Fehuʻí.

20 min: “Fai Mālohi ʻi Hono Fai ʻa e Ngaahi Toe ʻAʻahí.” (Palakalafi 21-​35) Fehuʻi mo e tali. Fakamanatu ʻa e puha ʻi he peesi 3. Fakalototoʻaʻi ʻa e tokotaha kotoa ke nau lau ʻa e toe ʻaʻahi kotoa pē naʻa nau fai he lolotonga ʻo e māhiná ʻi he taimi ʻoku nau līpooti ai ʻenau ngāue fakamalangá.

10 min: Fakamanatu ʻa e Tohi ke Tuʻuaki ʻi ʻEpelelí. Tuʻuaki ʻa e ngaahi tatau tāutaha ʻo e Taua Leʻo mo e Awake! Lave nounou ki he ngaahi fokotuʻu ki he founga ke teuteu ai ha ngaahi tuʻuaki ki he makasiní ʻa ia ʻoku hā ʻi he palakalafi 3, 4, mo e 8 ʻi he peesi 8 ʻo ʻEtau Ngāue Fakafaifekau ʻo e Puleʻanga ʻo ʻOkatopa 1996. ʻAi ha ongo malanga ʻe toko ua ke na fakahāhaaʻi ha taha pe ua ʻo e ngaahi tuʻuakí pea lave ki he fokotuʻutuʻu ki he tokoní. ʻOku totonu ki he kau malangá ke nau tauhi ha lēkooti ʻo e faʻahinga ʻoku nau tali ʻa e ngaahi makasiní pea tānaki atu kinautolu ki heʻenau tufaʻanga makasini paú.

Hiva 113 mo e lotu tuku.