Ngaahi Fakataha Ngāue ki Sune

Uike Kamata Sune 2

Hiva 130

8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala ʻi he līpooti ngāue fakamalanga ʻo Maʻasí ki he fonuá pea mo e fakatahaʻanga ʻi he feituʻú.

15 min: “Ke ʻAsili Hoʻomou Feinga.” Fehuʻi mo e tali.​—Toe sio ki he Watchtower ʻo ʻEpeleli 15, 1993, peesi 28-30.

22 min: “Ko e ʻIlo mei he ʻOtuá ʻOkú Ne Tali ʻa e Ngaahi Fehuʻi Lahi.” Fetalanoaʻaki ʻi he kupú ʻa e tokotaha-seá mo e kau malanga ʻe toko ua pe toko tolu, kau ai ha talavou. Fakamatala ʻi he palakalafi 1 ʻo fakamamafaʻi ʻa e ʻuhinga ʻoku fuʻu ola lelei ai ʻa e tohi ʻIlo ʻi hono tokoniʻi kitautolu ke tali ha ngaahi fehuʻi. Fakahāhaaʻi ha konga ʻaonga, pea fokotuʻu atu ha ngaahi fakalelei ʻi he hili ʻa e tuʻuaki taki taha.

Hiva 163 mo e lotu tuku.

Uike Kamata Sune 9

Hiva 56

10 min: Ngaahi fanongonongo fakalotofonua. Fakamatala paʻangá.

15 min: Ko e Hā ʻa e Kahaʻu ʻo e Māmaní? Makatuʻunga ʻi he tohi Reasoning, peesi 112-117. (5 min.) Malanga ke fai ʻi he ngaahi poini he ngaahi kaveinga tokoni ʻa ia ʻoku kamata ʻi he peesi 112 mo e 113, ʻo aʻu ki he fakamatala ʻi he lotomālie ʻo e peesi 114. (7 min.) Ko ha tokotaha malanga kei foʻou mo ha tokotaha malanga taukei matuʻotuʻa, ʻokú na fetalanoaʻaki ʻi he fakamatala ʻi he peesi 114-116. Ko e ngaahi kāinga fakamāmani ʻo e tokotaha malanga foʻoú ʻoku nau fakakikihiʻi ʻo pehē ʻoku fakahā mai ʻi he Tohitapú ʻe fakaʻauha ʻa e foʻi māmaní. ʻOku kole tokoni ʻa e tokotaha malanga kei foʻoú mei he tokotaha malanga taukeí ke mahino ʻa e ngaahi konga tohi faka-Tohitapu fekauʻaki mo e māmaní. (3 min.) ʻI he fakaʻosí, fetalanoaʻaki ʻi he fehuʻi he peesi 117, “Ko e hā ʻa e faʻahinga kakai ʻe hōifua ʻa e ʻOtuá ke nau moʻui taʻengata ʻi he māmaní?” Fakalototoʻaʻi kotoa ke nau feinga mālohi ke nau taau ke maʻu ʻa e faʻahinga monū peheé.

20 min: Akoʻi ʻa e Niʻihi Kehé​—Ko ha Fiemaʻu Fakavavevave. Malanga ke fai ʻe ha tokotaha mātuʻa. Fakamanatu ʻa e līpooti ngāue ʻi māmani lahí ʻi he 1996 ʻi he peesi 33 ʻo e 1997 Yearbook. Ko e feinga mālohi ke faifakamoʻoni ki he kakaí ʻi he feituʻu pē ʻe lava ke maʻu kinautolu ki aí ʻoku maʻu ai ʻa e fua. ʻOku fiemaʻu fakavavevave he taimí ni ke toe foki ki he ngaahi tohi naʻe tukú pea akoʻi ki he kakaí ʻa e moʻoní. ʻI he taimi ʻoku tau feʻiloaki ai mo kinautolu ʻi he ngaahi feituʻu kakaí, ʻeke ange ʻi he founga fakapotopoto honau hingoá mo e tuʻasilá koeʻuhi ke lava ʻo fai ha toe ʻaʻahi ki ai. ʻOku fiemaʻu kiate kitautolu ke tau fai ha meʻa lahi ange ia ʻi hono tō pē ʻa e tenga ʻo e Puleʻangá; kuo pau ke tau toe fuʻifuʻi ia. (1 Kol. 3:​6-8) ʻI he taimi ʻoku tō ai ʻa e tengá ʻi he kelekele leleí, ko e faiako ola leleí ʻe lava ke tokoni ia ki he tokotahá ke ne maʻu ʻa e mahinó. (Mt. 13:23) ʻOku tau moʻuaʻaki ke tau kau kakato mo pōtoʻi ki he lahi taha te tau malavá ʻi he ngāue fakafaiakó. (Hep. 5:12a) Fakakau atu ʻa e ngaahi poini mei he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996, palakalafi 25-26. Fakamamafaʻi ʻa e feinga ke kamata ha ngaahi ako ʻi he polosiua Fiemaʻu pe ko e tohi ʻIlo.

Hiva 204 mo e lotu tuku.

Uike Kamata Sune 16

Hiva 162

10 min: Ngaahi fanongonongo fakalotofonua. Fokotuʻu atu ʻa e ngaahi poini fakatupunga-talanoa mei he ngaahi makasini lolotongá.

15 min: Ngaahi fiemaʻu fakalotofonuá.

20 min: Ko Hono ʻIlo Fakapapauʻi ʻa e Lotu ʻOkú Ke Kau ki Aí ʻOku Moʻoni pe Loi. Ko ha tokotaha mātuʻa ʻokú ne tataki ha fetalanoaʻaki mo e kau malanga taukei ʻe toko ua pe toko tolu, ʻo makatuʻunga ʻi he Awake! ʻo Tīsema 22, 1989, peesi 18. Ngalingali ʻoku ʻi ai ha kakai loto-moʻoni kuo faʻa toutou ʻaʻahi kiate kinautolu. Kae kehe, kuo ʻikai pē te nau tali ha ako Tohitapu. Fetalanoaʻaki ki he founga ʻe lava ke ngāueʻaki ai ʻa e ngaahi poini ʻi he kupu ʻo e Awake! ko ʻení ke ʻai kinautolu ke nau tokanga ki he fiemaʻu ke ngāue ʻo fakatatau ki he ʻilo totonú. Lave ki he ngaahi poini mahuʻinga ʻi he tohi ʻIlo, vahe 5: “Ko e Lotu ʻa Hai ʻOku Tali ʻe he ʻOtuá?” Lau ʻa e palakalafi 20. ʻE lava ke fai ha ngaahi toe ʻaʻahi ki he faʻahinga tāutaha peheé ke fakalototoʻaʻi fakapotopoto mo anga-ʻofa kinautolu ke nau tali ha ako pea ke maʻu ʻa e ngaahi fakatahá.

Hiva 107 mo e lotu tuku.

Uike Kamata Sune 23

Hiva 151

5 min: Ngaahi fanongonongo fakalotofonua.

20 min: Ko e Hā ʻa e Meʻa ʻOku Nau Leaʻaki Fekauʻaki mo Kitautolú? Ko ha malanga makatuʻunga ʻi he fakamatala ʻoku maʻu ʻi he Watch Tower Publications Index 1986-​1995, peesi 341-343. Filifili ha “Ngaahi Fakamatala Fai ʻe he Niʻihi Kehé” ʻoku tuʻu-ki-muʻa fekauʻaki mo e Kau Fakamoʻoni ʻa Sihová​—ko hotau ʻulungaangá pea mo ʻetau ngāué. Fakahā ʻa e founga kuo ʻohovale lahi ai ʻa e niʻihi kehé ʻi he meʻa ʻoku nau sio ki ai fekauʻaki mo kitautolú. Fakamatalaʻi ʻa e ʻuhinga ʻoku ueʻi maʻu pē ai kitautolu ke tau ʻulungaanga lelei pea ke tau kītaki ʻi heʻetau ngāué. Lave ki he founga ke ngāueʻaki ai ʻa e ngaahi fakamatala fakamānako peheé ʻi he taimi ʻoku tau talanoa ai mo e ngaahi mahení pea mo e faʻahinga mahuʻingaʻia ʻoku nau saiʻia ke ʻilo lahi ange fekauʻaki mo kitautolú.

20 min: “Ngaahi Mātuʻa​—Akoʻi Hoʻomou Fānaú ke Malanga.” Fehuʻi mo e tali. Fakakau atu ki ai ʻa e fakahinohino ʻi he tohi Our Ministry, peesi 99-100, ʻi he kaveinga tokoni “Ko Hono Tokoniʻi ʻa e Toʻutupú.”

Hiva 130 mo e lotu tuku.

Uike Kamata Sune 30

Hiva 48

10 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau ngaahi līpooti ngāue fakamalanga ki Suné.

20 min: “Kau Talavou​—Ko e Hā ʻa Hoʻomou Ngaahi Taumuʻa Fakalaumālié?” Ko ha ongo tamai ʻe toko ua ʻokú na fetalanoaʻaki fakataha ʻi he kupú. ʻOkú na fakakaukau ki he founga ke tokoniʻi ai ʻena fānaú ke nau houngaʻia ʻi he ʻuhinga ʻoku fiemaʻu ai ke nau fokotuʻu ha ngaahi taumuʻa fakateokalati, ʻa ia te ne ʻomai ha ngaahi tāpuaki fakalaumālie, kae ʻikai ko e tulimui ki he ngaahi meʻa mahuʻinga fakamatelié.​—Toe sio ki he tohi Our Ministry, peesi 116-118.

15 min: Teuteu ki Hono Tuʻuaki ʻa e Ngaahi Tohi ʻi Siulaí. Fili ha polosiua ʻe taha pe ua ʻokú ne langaʻi ʻa e mahuʻingaʻiá ʻi he feituʻu fakalotofonuá, pea fakamanatu ha ngaahi poini tuʻu-ki-muʻa fekauʻaki mo kinaua taki taha. Fokotuʻu atu ha ngaahi founga ʻe lava ke fakakau ki ha tuʻuaki. Fakamanatu ki he tokotaha taki taha ke ne lave ki he fokotuʻutuʻu ʻo hono fai ʻo e tokoní, ke tauhi ha lēkooti ʻo e ngaahi tohi naʻe tukú, pea ke toe foki ke fakatupulekina ʻa e mahuʻingaʻiá.

Hiva 222 mo e lotu tuku.